སྙན་ངག་གྱེར་འདོན། ལེའུ་བདུན་པ། དཔལ་དོན་གྲུབ་རྒྱལ་རྒྱང་མཇལ།
ฝัง
- เผยแพร่เมื่อ 19 เม.ย. 2021
- འདི་ན་ཡང་དྲག་ཏུ་མཆོང་ལྡིང་བྱེད་བཞིན་པའི་སྙིང་གསོན་པོ་ཞིག་འདུག་
མཛེས་སྡུག
མཚར་སྡུག
སྙིང་སྡུག
སྲིད་པ་ཆགས་པའི་ཚུན་ཆེད་དུ།
ཡིད་དུ་འོང་བའི་ལོ་རྒྱུས་ཀྱི་བྱུང་བ་དང་།
སྙིང་དུ་སྡུག་པའི་བཀའ་བསྟན་གྱི་མཛེས་མ།
བརྗེད་པར་དཀའ་བའི་ཤེས་བྱ་ཡི་བང་མཛོད་ཅི་འདྲའི་མང་པོ་ཞིག་བྱུང་ཡོད་པ་རེད་ཨང་།
རང་རེའི་མི་རིགས་འདི་ཡང་ཤ་ཁྲག་གདོས་བཅས་ཀྱི་ཕུང་བོ་ལས་གྲུབ་པ་ཞིག་ཡིན་ངེས་ལ།
རིག་དར་གྱི་རྣམ་ཤེས་དང་།
ལ་རྒྱ་ཡི་བླ་སྲོག
སེམས་བྱུང་གི་འདུ་ཤེས།
རྙེད་པར་དཀའ་བའི---?
དལ་བ་བརྒྱད་དང་འབྱོར་བ་བཅུ་ཡི---
བེམ་པོའི་ལུས་དང་།
རྣམ་ཤེས་གཉིས་ཀྱི་འཕྲད་སྦྱོར་གྱི་སྒྱུ་མའི་གར།
གཟུང་འཛིན་ཡུལ།
ཐབས་ཤེས་ཟུང་ལ་བརྟེན་ནས།
བསིལ་ལྡན་གྱི་ཡུལ་འདིར་ཁྱིམ་གཞིས་ཆགས་པ་མ་ཡིན་ནམ།
ངོ་མ། སྨྲ་ཤེས་ཤིང་དོན་གོ་བའི་མཚན་ཉིད་མ་ཚང་གོང་ལ།
རང་རེའི་མེས་པོ་སྟེ---
སྤྲེའུ་བྱང་ཆུབ་སེམས་དཔའ་དང་།
ཇོ་མོ་ཁྲོ་གཉེར་མའི་སྤྲུལ་བ་བྲག་སྲིན་མོ་གཉིས་ཀྱི་ངོ་མཚར་ཞིང་གཞན་གྱི་བློ་ཡུལ་ལས་འདས་པའི་ངག་རྒྱུན་ཡོད་པ་དང་།
ཁོང་ཚོའི་བུ་རྒྱུད་རྣམས་དབེན་པའི་ནགས་ཁྲོད་དང་།
ཡངས་པའི་སྤང་ཐང་།
ས་སྟོང་ལུང་སྟོང་དུ།
གོས་སུ་ཤིང་ལོ་གྱོན་པའི་སྐབས་ཀྱང་ངེས་པར་དུ་ཡོད་སྲིད་མོད།
འོན་ཀྱང་། དེ་ནི་ལོ་རྒྱུས་ཀྱི་དཔང་བོ་ཡིན་པ་དང་།
སྔོན་བྱུང་གི་དྲན་རྟགས་ཀྱང་རེད།
ཀྱེ་ཀྱེ། གྲོགས་པོ་ལགས།
ཤ་ཟ་བ་ཙམ་གྱིས་གཅན་གཟན་དུ་འགྱུར་མི་རུང་བ་དང་།
གདོང་དམར་བ་ཐམས་ཅད་སྤྲེའུའི་རིགས་ག་ལ་ཡིན།
སྔོན་གྱི་ཚེ་ཡང་།
ཤ་གཟན་གདོང་དམར་བོད་ཀྱི་དམག་དཔུང་ཞེས---
སྙན་སྒྲགས་ཀྱི་བ་དན་དགུང་དུ་བསྐྱོད་མྱོང་ལ།
དཔའ་རྟུལ་གྱི་མཛད་རྗེས་ནི---
རྒྱ་གར་ཕགས་པའི་ཡུལ།
མ་ཧ་ཙི་ནའི་ཁམས།
གཞན་ཡང་།
བལ་བོ་དང་།
ཁ་ཆེ།
འབྲས་ལྗོངས་དང་།
འབྲུག་ཡུལ་སོགས་ན་ཡང་།
སྤྲིན་གྱི་སྒྲ་དབྱངས་དང་།
པི་ཝང་སྒྲ་དབྱངས།
དྲི་ཟའི་གླུ་དབྱངས།
དབྱངས་ཅན་གླུ་དབྱངས་ཇི་བཞིན་སྒྲོག་པ་ཁྱེད་ཀྱིས་ཨེ་ཚོར།
ཡིན་ན་ཡང་།
བསམ་བློ་གསར་པ་ཞིག་དང་།
ལྟ་བ་གསར་པ་ཞིག
འདོད་ཚུལ་གསར་པ་ཞིག
ལུགས་སྲོལ་གསར་པ་ཞིག
སྤྱི་ཚོགས་རིང་ལུགས་ཀྱི་གངས་ལྗོངས་སུ་གདན་འདྲེན་རྒྱུ་ནི།
བསེ་རུའི་ར་དང་།
རུས་སྦལ་གྱི་སྤུ།
མཁའ་ཡི་པད་མོ།
ས་ཡི་འཇའ་ཚོན་བཞིན་དུ་དཀའ་བ་འདི་ཁྱེད་ཀྱིས་ཨེ་ཤེས།
རེད་ཡ།
རྙིང་ཞེན་གྱི་མཁའ་དབྱིངས་འདིར།
བག་ཆགས་ཀྱི་ཆུ་འཇིན་ལང་ལོང་གཡོ་བ་དང་།
བག་འཁུམས་ཀྱི་གློག་ཞགས་ཤིག་ཤིག་ཏུ་འཁྲུག་པ་ལྟར་སྣང་ཡང་།
སྔོན་ཐོན་གྱི་སྦྲང་ཆར་ཟིམ་ཟིམ་དུ་འཇོ་བའི་སྐལ་བ་ནི་ཕྲ་ཙམ་གདའ།
ཡིན་ན་ཡང་།
མི་རིགས་ཀྱི་རེ་བའི་རླངས་པ་ནི་མཁའ་ལ་འཕྱུར་ངེས་ཡིན་པ་དང་།
གངས་ལྗོངས་ཀྱི་ལ་རྒྱའི་སྤྲིན་སྔོན་ཡང་ལྷོ་ནས་ལྡིང་ངེས་ཡིན་ལ།
ཡུལ་འཁྱར་བ་དང་གནས་སྡོད་པའི་གཞིས་བྱས་ཀྱང་ལྷང་ལ་འབུད་ངེས་རེད།
བློ་མ་ཕམ།
གསར་སྐྱེས་ཀྱི་གཞོན་ནུ།
རྒྱལ་ཁམས་ཀྱི་ཁ་ན་ཡེ་ཤེས་ཀྱི་སྤྱན་ཡོད་པ་བདེན་དུ་ཆུག་ཀྱང་།
ཞལ་ལྕེ་དགའ་གསུམ་དང་འདར་གསུམ་ཡོད་པས།
ཁྱེད་ཀྱི་བློ་ཅི་ལ་ཕམ།
སེམས་མ་སྡུག
ཀྱེ་ཀྱེ། གྲོགས་པོ་ལགས།
གངས་ཅན་གྱི་གཞོན་ནུ།
གསར་གཏོད་ཀྱི་སྟོབས་མེད་ན།
དྲང་བདེན་ཟེར་བ་ཡང་མེད་ལ།
རྒྱུ་འབྲས་ཟེར་བ་ཡང་སྐྱག་རྫུན་རེད།
འོན་ཀྱང་།
ངའི་མིག་ལམ་དུ་སྣང་བ་ནི---
བདེ་སྐྱིད་ཀྱི་བདུད་རྩི་ཡིན་པ་དང་།
ངའི་རྣ་ལམ་དུ་ད་ལྟའང་ད་དུང་འགེངས་པ་ནི---
མ་འོངས་པའི་འཚོ་བ་ཡིན།
འདི་ནི། ངའི་སེམས་ན་དྲག་ཏུ་མཆོང་ལྡིང་བྱེད་བཞིན་པའི་སྙིང་གསོན་པོ་ཞིག་ཡིན་ལ།
འདི་ནི། ཕལ་ཆེར་ཁྱེད་རང་ཚོའི་སེམས་ན---
དྲག་ཏུ་མཆོང་ལྡིང་བྱེད་བཞིན་པའི་སྙིང་གསོན་པོ་ཞིག---
ཡིན་ཀྱང་སྲིད།།
👍🏻👍🏻👍🏻👍🏻👍🏻👌👌👌👌
དབུས་སྐད་སྟེང་གྱེར་ན་ཡག་ཆེ་སྙམ།
ལགས་སོ། གུས་པ་རང་ཉིད་གྱེར་འདོན་ལ་དེ་ཙམ་བྱང་པ་མེད་པས་ཕ་ཡུལ་སྐད་ཐོག་གྱེར་པ་ཡིན། དབུས་སྐད་དག་ལ་མ་དག་ངང་འདོན་ན་ཡག་པོ་བསམ་པ་མ་བྱུང་བས་ཡིན། རྗེས་ཤོག་ནུས་པ་གང་ཡོད་ཀྱིས་འབད་རྩོལ་གནང་མཆོག བཀའ་དྲིན་ཆེ།
དབུས་སྐད་ཐོག་གསུང་དང་རྗེས་ལ་
ཡག་བྱུང་། ལས་ཚན་རྗེས་མའི་ནང་ལ་དབུས་སྐད་ཐོག་ཡིན་ད་་་་་😃
སྙན་པོ་ཧ་ཅང་འདུག་ཡ་
བཀའ་དྲིན་ཆེ། མདོ་དབུས་ཁམས་གསུམ་གྱི་ཡུལ་སྐད་ཐོག་ནས་གྱེར་འདོན་ཞུ་རྒྱུའི་འབད་རྩོལ་གནང་མཆོག། ཁྱེད་ཀྱི་རྒྱབ་སྐྱོར་གནང་བ་འདི་ལ་སྙིང་དག་པ་ནས་བཀའ་དྲིན་ཆེ་སོང་།
❤️🙏
ངོ་མ་སྙན་སོང་།
བཀའ་དྲིན་ཆེ། སྙན་པོ་བྱུང་སོང་ན། རང་རོལ་གྱི་བཀའ་དྲིན་རེད་་་་ཧཧཧཧཧ
ཡི་རངས་ཞུ། 🎉🎉🎉❤❤❤🎉🎉
བཀའ་དྲིན་ཆེ་ལགས།
ངོ་མ་སྙན་ཀི་ཡ།
བཀའ་དྲིན་ཆེ།