སྙན་ངག་གྱེར་འདོན། བརྩེ་དུངས་ཀྱི་སླད་དུ། གྱེར་འདོན་པ། གཡག་ཚེ་རིང་། ༢༠༢༢
ฝัง
- เผยแพร่เมื่อ 8 ม.ค. 2022
- སྙན་ངག་པ གཅན་མེ་སྟག་གིས་བརྩམས་གནང་བའི་སྙན་ངག། བརྩེ་དུངས་ཀྱི་སླད་དུ།
བརྩེ་དུངས་ཀྱི་སླད་དུ།
གཅན་མེ་སྟག། །
གྱེར་འདོན་པ། གཡག ཚེ་རིང་།
བདེན་དེ། བརྩེ་དུངས་ཀྱི་སླད་དུ།
ངས་ཁྱེད་ཀྱི་མདུན་དུ་པུས་མོ་ས་ལ་བཙུགས། བླ་མེད་ཀྱི་དངོས་གྲུབ་རེ་བའི་དད་ལྡན་པ་བཞིན། ཐལ་མོ་སྙིང་གར་སྦྱོར་བའི་ཉམ་ཆུང་གི་ཞུ་བ་དངོས་སུ་ཕུལ་མྱོང་།
བདེན་ཏེ། ཁྱེད་ལའང་སེམས་སྨྲེང་བའི་འདས་དོན་ཡོད་ཅིང་།
བརྩེ་དུངས་ཀྱི་སླད་དུ།
མི་ལོ་ཉི་ཤུའི་ལང་ཚོ་དང་ཡིད་སེམས་ཡོད་ཚད་བློས་བཏང་བའི་མཛད་རྗེས་ཡོད་མྱོང་།
ད་ལྟ་ལེ་བར་སྟོང་ཕྲག་གི་བར་ཐག་གོམ་པས་བསུབས་ནས་འོངས་དུས།
སྐབས་འདིའི་འདུ་འཛོམས་ལ་ཤུགས་རིང་གི་ཡུས་འཇོག་དོན་མེད།
གོ་སྐབས་འདི་གཅེས་པར་འཛིན་རོགས།
རླུང་ཆར་གྱིས་གཤོས་པའི་སེམས་ཁོང་གི་གྲོག་རོང་སྙོམ་དཀའ་བས།
ནུས་མེད་ཀྱི་ལག་པ་འདིར་བརྩེ་བྱམས་ཀྱི་དྲོད་འཇམ་ཇི་འདྲའི་མཁོ་ཨང་།
ངས་རེ་སྒུག་གི་མེ་ཏོག་མཐོ་རུ་བཏེགས་ཏེ་བརྩེ་དུངས་ཀྱི་འོད་སྣང་རེ་སྐབས།
ཁྱོད་ནི་གློག་ཤུགས་ཐེབས་པ་བཞིན་མྱུར་མྱུར་དུ་གྱེས་དོན་ཅི།
ཁྱེད་ཀྱིས་བརྩེ་དུངས་ཀྱི་འཚོ་དབུགས་མི་སྦྱིན་རུང་།
འཕྱ་ཁྲེལ་མཛུམ་མོས་མི་སྡིགས་རོགས།
ཀུན་གྱིས་འདོར་བའི་མེ་ཏོག་ལའང་བླ་མེད་ཀྱི་རང་གཤིས་ཡོད་ཕྱིར།
བརྙས་སྨོད་ཀྱི་སེར་ཞགས་ལ་སྐྱབས་ཞུ་བའི་བསྔགས་བརྗོད་འཐོབ་མི་སྲིད།
ཨ་
ཡང་ན་དཔྱིད་ཀ་འདི་འོངས་པ་ཧ་ཅང་འཕྱིས་པའི་དབང་གིས།
ཟླ་དྲུག་པའི་ཁ་བས་སྤང་ཐང་ལ་ལྷན་པ་ཡང་བསྐྱར་བརྒྱབ།
ཆར་ཟིམ་ཟིམ་ཞིག་ཉི་མའི་ཀློང་ནས་འབབ་དུས།
ངས་ད་གཟོད་མདང་དགོང་གི་རྨི་ལམ་དེ།
མེ་ཏོག་གི་འདབ་མས་ཁེངས་བའི་དཔྱིད་དུས་ཀྱི་རེ་སྨོན་ཞིག་ཡིན་པ་ཚོར།
སྐབས་འདིར་པུས་མོ་ལ་ན་ཟུག་ཅུང་ཙམ་བྱུང་སྟེ།
དྲན་པར་རུའང་།
ཡིན་ན་ཡང་། བརྩེ་དུངས་ཀྱི་སླད་དུ།
ངས་ངོ་མ་ལང་ཚོ་དང་ཡིད་སེམས་ཡོད་ཚད་གཏོང་དགོས། །
་་་་་གཏོང་དགོས། ་་་་་་་གཏོང་དགོས།