ฝัง
- เผยแพร่เมื่อ 11 พ.ย. 2023
- #MM #700萬種生活 // 第四期癌友組成地獄旅行團下集！末期癌症病人的愛情與掙扎 25歲患骨癌女生切骨換關節 80後淋巴癌健身教練由憤怒到釋懷 肺癌樂隊結他手與癌共存（下集）
「四仔旅行團」集合了幾位80、90後癌症第四期的病友，剛過去的9月，他們展開了第一次旅程，目的地是清邁。大家秉承百無禁忌的豁達態度，展開了6日5夜的泰國之旅。「我們相識不久，但關係親密，有一種莫名的共鳴，就像跟識了20年的朋友去旅行。」3年前確診子宮頸癌的Tiffany形容，大家同在患癌、治病、康復的路上，彼此已成了熟悉的陌生人，也是最不言而喻、互相明白的同路人。
四仔覺得坊間對癌病人有不少誤解，例如覺得是做了某事才患癌，生活習慣不夠好致病，然而當中沒有絕對直接關係，「肺癌一定是吸煙；子宮頸癌一定是濫交，雖然子宮頸癌大部份帶有HPV病毒，但也有少於1%不是HPV引起，我就是那少於1%。」Tiffany說醫生直接回答：「你不好運」。「很多人確診時第一反應都是埋怨自己或尋找答案，我覺得每件事都可能會有原因，但我不需要深究，只需要向前看，直視和面對。」
這趟旅程也造就了很多促膝詳談的夜晚，同路人比一般人更了解大家的經歷，包括對身邊親人摯愛也難以言明的痛苦和羈絆。「Tiffany面對鏡頭總是很堅強，所以她說要坐下時，是真的很辛苦才要坐下，她常不想靠別人，自己處理到的事都自己去做。」LamK短短幾天已對各人觀察入微，就像認識了很久再一起旅行的伙伴。Niko在傍附和，晚上本來輕鬆的girls' talk，很易一下子就聊到深入，戳中痛處時能放膽傾訴和流淚，包括患病時跟朋友和家人相處的壓力和言不由衷、對未來的想像、生命的包袱和各種牽畔.......這是盡興當下的旅程，也是治癒彼此的旅程。
「我男朋友一直陪我走這條路，但我的辛苦，他可能只看到5%，因為我從來不會在他面前讓他看到我感覺很痛，或我很不舒服時，我未必在那一段時間見他，我不想讓他看到這一面，因為對他來說很大壓力。」Tiffany跟男友Jeff一起五年多，她形容對男友第一印象是很滑稽，沒想過會喜歡上這樣的男孩，緣份卻為二人牽了線。「我們很少吵架，大家價值觀很相似，如果從來沒遇到這樣的人就要馬上死了，我可能會有點遺憾，因為未經歷過甚麼是真正的愛情。」
認識Jeff的時候剛好轉了新工作，有新男友，有新開始，那時感覺人生很完美，但相戀一後發Tiffany就發現自己身患重病。剛巧出報告當天二人約了看《復仇者聯盟：終局之戰》，男友未細問情況，她早淚流滿面，難以接受有機會面臨人生的Endgame。「我後來有提出分手，因為決定了做電療化療時，有些副作用必然會出現，包括不能生育，馬上進入更年期，或者一些肌肉纖維化，可能影響到日常生活。」
二人只相識一年，Tiffany無法想像男友要背負起照顧長期病患者的重擔，「跟一個癌症病人一起，不離不棄，不是你想像中那麼浪漫，這是很現實的問題，要想清楚情緒上和能力上是否能接受這件事。」男友最後拒絕為此分開，Tiffany原本瞞著他醫生宣告她只剩下幾個月壽命的實情，因怕男友會求婚，「因為怕他有這些不理性、由情緒主導的行動，到這一刻我都覺得一天沒好起來，我也不會結婚，因為結了婚，他就要扛起這個責任。」
少有爭執的二人，隨著Tiffany日漸惡化的病情而偶有矛盾，「這年他有了自己住的地方，雖然我不是搬進去住，但有時候去他家會發現他沒有自理能力，我要負責做照顧的角色。我享受照顧他，但怕終有天不能再照顧下去。」想快點訓練好男友學習自理，有濕疹要看醫生，病要吃藥，要定時洗衣服，時間有限，她肉緊他是否學會善待自己。「我記得有一次我生氣到很mean地跟他說，『如果你沒有我，我想你很快會死』，然後他就看著我說『是的，所以你不能這麼快死』」
Clark是團中的氣氛擔當，身型健碩，自帶搞笑磁場，單憑外表很難相信他曾患上淋巴癌第四期，確診時癌細胞更跑進了骨髓。「醫生說健身教練或常做運動的人，會更容易忽略一些信號或症狀，當時沒甚麼病徵，頸部腫起時我以為健身練到頸部也變粗，直到某次按摩師推淋巴時發現有兩顆東西，我才去做身體檢查。」當時心存僥倖的Clark覺得自己身為教練，飲食和生活習慣一直很健康，不可能患癌。當時他在耳鼻喉科拿了報告後，第一時間是逃跑了。「那時覺得為甚麼是我，我這麼努力健身教練，就是想告訴別人，運動可以避免看醫生的次數，那一刻我有點自責自己患癌。」
自出娘胎以來都未住過醫院，每月的化療令他害怕又恐懼。「我打六次化療，去到第五次，頭痛到坐也坐不起來。因為我要打腰椎穿刺，打時我要捲到像蝦一樣，醫生插一支針在我脊椎下背位置，接著打麻醉針，感覺好像有人在猛搖你的脊椎，然後有一些毒藥打進身體。」沒有呼天搶地地哭，但默默流淚，他由逃避到憤怒，不明白走錯了哪一步，身體才會出這樣的差錯。
Clark摸摸光頭，笑言當初一想到化療，不是想到死亡，而是接受不了努力維持的身型和外表一夜之間被摧毀，包括苦心操練的18塊腹肌，和一頭黑髮。「剃完頭髮後我已經接受了自己由周杰倫變成東尼大木，我真的去過做假髮，跟周杰倫同款。哈哈。但後來接受有些毛囊真的長不回來，看著自己身體的變化，慢慢接受自己的不完美。」
2020年確診肺癌的Teriver，是本地樂隊R.O.O.T的Jazz結他手。發現有身體有異樣前剛完成巡迴表演患上感冒，咳了一段時間但不以為意，直到因為咳嗽醫不好去照X光，才發現有個8.8厘米的陰影。「等報告時醫生走到我那裡舉手說你要有心理準備，就像是電視劇劇情。我覺得應該是癌症，但沒想過一確診就去到第四期。那刻腦海空白了不懂反應，那幾天都哭不出來。」
Teriver化療時不見顯著效果，那時他剛加入了一種藥物的臨床計劃，那藥物成為他唯一機會和希望，然而吃藥後因為高燒、出疹、關節痛和嘴唇全爛等反應，因此進過好幾次醫院，醫生告訴他再發燒進醫院就不能吃，「我不肯進醫院，某次試那藥當晚燒至39.2度，過了那一晚再吃那隻藥，不知為甚麼就再沒發燒，真的很神奇。」患病期間雖然一彈結他就會咳個半死，但他繼續創作，「當時剛出了第一首派台歌，成員來探望我的時候，大家見證了首歌上了《叱咤903》排行榜第一，大家答應了年末一起去頒獎禮，誰知道真的取了個新人獎。」
當時Teriver就想做個音樂會，更預先找了後補的結他手代替他，「如果我真的走了，音樂會也可照繼續。」最後他順利上台，平日冷靜的他患病以來第一次哭到「豬頭」一樣，「完成後我覺得自己好像可以死了，因為再沒有遺憾。」
患病後Ter覺得自己變成另一個人，他決定每三個月改變一個習慣，搬進入離島，改變了飲食習慣，閒時做瑜伽、冥想打坐，慢慢找回自己喜歡的生活方式及節奏。年輕時他曾想在紐約闖一番事業，實現許多音樂人心中的「紐約夢」，「我以前是一個很多欲望和渴求的人，想在紐約闖出甚麼，想有怎樣的成就，都在追求外在的滿足感。後來我發覺，我的滿足應該是來自內在。」他憶起用藥後第一次看報告，肺部竟清晰了許多，少了七成腫瘤，生命無常令他更珍惜當下、專注當下，「其實四期來說最好的狀態叫NED (No Evidence of Disease)，我現在剩下兩顆腫瘤，但情況已很穩定。有些人很糾結於一定要完全清掉，其實你完全清掉也可以復發，你不清掉也可停止生長，只要我此刻活得開心就沒有分別，我想與癌共存就是這回事。」
策劃：Phoebe 王秋婷 Sam 梁中勝
拍攝：林亦
剪接：林亦
監製：梁中勝
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 TH-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
![แฟนแนวใด๋ - ยูริ โตเกียวมิวสิค [OFFICIAL MUSIC VIDEO ]](http://i.ytimg.com/vi/4_XVMuhhbsU/mqdefault.jpg)
這個trip見證了好多神奇時刻，玩滑翔機那早上本來下大雨，連導遊都打定輸數不能起飛，但四仔一到埗就停雨，離開時天湊巧又下起雨來；片尾彩虹出現的畫面是個像Window wallpaper般靚的茶園，本來skip了這地方，但意外調動行程後在日落前趕過來，當中的無厘頭小劇場、後來的對話都是意料之外的，還有那道突然出現的彩虹。覺得個天，好像真的在聽他們說話。
Tiffany說過覺得身邊人和病人永遠都不能100%互相理解，即使他們理解也未必能接受，「可能我可以拍拍屁股就離開，離開了就不會覺得傷心了，但是留下身邊的人要承受失去你的難過，那種痛是沒止痛藥可治療的。」她說會努力接受治療和吃supplyment，給身邊人一個希望，很重要。
長期病患不同stage承受的壓力都不同，接受自己患病，晚期的怕惡劣下去、狀態好的怕會翻發，承受治療帶來死去活來的痛，有機會隨時離開，同時要為身邊人情緒和感受著想，就算自己已了無遺憾，但最放不下仍是在世的人。
6日5夜的內容好多，所以破例剪成上下集一個多小時的影片，都是四仔們有血有淚的故事。大家有興趣可以follow佢哋呢：travel.with.4jai
希望四仔個個肥肥白白，繼續健康去旅行🫂
亦希望呢隻故仔可以畀更多癌症患者、患者身邊親友同照顧者少少鼓勵同安慰，支撐大家打好呢場仗。共勉！
❤❤❤
未睇上集嘅可以喺度睇返：
th-cam.com/video/eEIltJnmPfI/w-d-xo.htmlsi=is1gSQoMteU1ggdW
多謝Phoebe又製作咗一條life inspiring嘅片俾我哋🥲
的確是好感動！最重要是幾位當事人睇得開可以豁達出去，最估唔到Phoebe會代入左，希望你可以抽離返。另外攝影師好似影你走光😅
Thank you again!🙏🏻🙏🏻🙏🏻
多謝MM同各位戰友, 我舊年都係淋巴癌加移植,Clark分享好有共鳴,呢個旅行好正❤
條片時間長 我相信係因為呢6日5夜入面
經歷左好多事 實在唔能夠用十幾分鐘就表達到佢地對呢個旅行 係幾咁珍而重之
加油Phoebe
條片再長都唔緊要
最重要係講到你想講嘅嘢
剛剛看到Tiffany 離世的消息，不禁再次想起這段片，願Tiffany 的男友可以早日放下，重新振作！
睇到好慚愧，覺得自己平時嘅唔開心其實係好小事～大家都要一齊好好生活🫂🤍🤍
加油Apple💪🏻
有得唔開心也不壞。
大家一齊加油
不用去比較什麼＇平時人們說：有人比你更苦，係好錯誤思想°所有感覺係個人感顴°
每個人嘅情緒同感受都好唔同 唔好因為咁而覺得自己唔應該唔開心 無對錯之分的 唔好因為咁反而忽略咗自己情緒❤但你會因為咁有反省同得著都係好好嘅
今日聽到Tiffany三月已離開，我立即去再睇四仔旅行團希望Tiffany一路好走，再冇病痛亦希望下世健康快樂
好難過 睇報道 Tiffany 離世
但知道一直好堅強
而且仲要 同 一班朋友面對
Tiffany家人 保重
作為一個TH-cam channel，我欣賞妳們的勇氣去呈現這類題材。
至於Phoebe ，妳是一位令人印象最深的記者，真心佩服妳。
R.I.P Tiffany 🙏🏻
你已經好叻好堅強 ！🫶🏻
同路人，我不煙不酒，當發現已經是鼻咽癌三期尾，無奈，但經歷中學習接受，努力治療，希望有所改善，生存你冇得揀，一切存好心，做好事，過得一日得一日！我愛的你雖然不在身，但卻在心，希望你繼續會愛我，順心努力去生存！
大家加油，好嘛
好欣賞你們的思維,我今年78歲了,現在拼命的去可以到的地方以填補在中年時的辛勞!
好好享受生活👍🏻
不枉此生
@@janetheisenlui3657 78岁仍健在，此生无憾！
78岁身体健康
我都想有一日可以做您做的.祝你健康😚😚
見到癌症越來越年輕化，好心痛，如果不是看了此片，真的不知道，這群年輕人是癌症病人，應該說是勇士，請努力！
Tiffany離開人世後，我才看到這影片,依然見到Tiffany勇敢堅強，祝你在另一個世界再沒病痛苦難
他們讓我明白甚麼是活在當下 生命不在乎長短 有意義便可以 珍惜眼前人和事 永遠不會知道那次是否最後一次❤加油
活好每分秒
好感動..最後都忍唔住喊住睇 多謝地獄旅行團多謝mm 帶給我寶貴的一課 能夠好好的明白什麼是活在當下
團友們加油呀！一起活到80歲❤love you all ❤ phoebe 做得好好！
影片不論質素、內容都可以拎去參展。
大家都只是青年人，都可以咁有生命的智慧，感動又勵志。多謝每一位。
我自己唔喺癌症，但係都係長期病患；每日都要食藥，近10年出出入入醫院好多次，大大小小手術起碼7~8次，所以我好明白佢地果種感受，問自己點解要喺我，其實到而家我都仲好痛恨自己有病，睇完呢兩集MM，我唔知道可唔可以康復，但係我喺佢地身上見到只要活著就有機會
God love you❤
Pray for you🙏
🫂
一路上 你做得好好 祝身體健康❤
加油！
祝你早日康復❤️🩹
好感動。自己都係淋巴癌四期的存活者，好明白4仔的經歷同心情。希望多D人可以睇到咁好嘅製作
作為一個四仔同路人，十分明白面對生命衝擊的無奈，感同身受！
由恐懼、無奈、接受，再欣然面對，活在當下，珍惜眼前，一路走來，過中滋味，點滴在心頭。
祝福大家萬事順遂，永遠健康、幸福、快樂、平安❗️
好感謝MM係呢個時候出呢段片,我媽咪確診咗乳癌,聽日就會開始化療,學Tiffany話齋佢都係畀我好堅強嘅一面,但係知道佢心底裏同埋身體都承受咗好多,希望大家畀多啲祝福佢,令我媽咪可以大步檻過😢🙏🙏💪
集氣，加油！祝你媽媽早日康復！
祝auntie 早日康復，你都要好好照顧自己！
媽咪會好返㗎！接受治療、放鬆心情、多曬太陽、感受自己的呼吸、清淡食療、做自己想做或患病前不會做的事情、將急促的生活節奏調慢下來⋯⋯我十年前乳癌三期，現在已康復了。化療並非如想像中可怕，固然會有副作用，會令身體虛弱，但很快會熬過去。祝媽媽早日康復❤
感謝大家🥺🙏🏻🙏🏻
加油❤❤❤
我先生癌症康復2年，有時候仲係好忐忑。家人亦無咩支持。睇完片，邊睇邊喊，好有共鳴，自己釋懷左好多。❤一齊加油。多謝你地🙏
加油...❤
生完癌就算醫返好會唔會驚復發？我識幾個親戚朋友都係復發、一復發就話已經擴散哂、好快走埋😢
RIP Tiffany 你的樂觀和堅強感動了大家，願你去到一個冇痛苦嘅地方繼續做一個正能量的天使🙏🏻🙏🏻🙏🏻
以前很喜歡這首歌，但看完這兩集MM，才對歌詞有新的領悟，聽到Tiffany唱的時候，立即忍不住淚流滿面.........
MM這條片相當勵志 ! 幾位癌友的患病經歷...... 令人深思.....令人概嘆"入生無常" ! 感謝幾位癌友無私的分享 ! 原來"患癌"是沒有理由的 ! 幾位癌友請記住 "復原"也可以是完全沒有理由啊 ! 就像片尾那道突然出現的彩虹一樣 ! 所以不要放棄自己, 勇敢地生活下去 ! 🌱 （だから自分を諦めないで、 勇敢に生きて、頑張ってください。）
四仔朋友，你哋嘅豁然態度幽默無所禁忌令我動容不已，睇完上下集心情久久不能平伏。you are legendary, you are phenomenol, 請受我呢個老人家一拜，舉手祝福❤❤BRAVO🙌🏻🫶🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻
邉睇邉流淚😢
特别锺意Tiffany 呢位女仔。她的笑容是那麼美廲，她的樂觀勇敢，令人十分不捨。。。
呢條片令我好感觸😭i cried a lot，我家人係‘’90後‘’同時都係‘’4仔‘’，已經三年啦，我仍然無辦法完全振作起黎，有時病人真係比身邊人更堅強，我好佩服呢幾位團友，希望呢個‘’地獄旅行團‘’未來可以行更遠
🫂🫂
正能量好緊要！唔好放棄
希望你屋企人早日康復！
特登睇埋今集先comment
想同4仔們講，雖然你哋比正常人經歷更多苦痛而我係代入唔到，但多謝你哋用自己經歷成為觀眾嘅人生課程教曉我哋咩叫「珍惜」同「放下」
只要理解咗呢啲概念，就明白人生好多嘢重如泰山或輕於鴻毛，差別都係在於個人嘅一念之間，亦都明白面對平常嘅困難苦況都可以輕鬆面對同解決
所以除咗祝你哋身體健康早日康復之外，希望你哋身邊出現更好嘅人同事物協助重塑人生之餘，亦都能夠無私地將呢段時間領略嘅道理傳承俾大家
至於Sam+Phoebe兩師徒，今次嘅片你哋付出嘅同理心非常強，確實令大家體會到癌症病人所經歷嘅一切，Phoebe甚至連旅行都跟住去，紀錄4仔旅行途中嘅心路歷程又同時處理埋逐個人嘅背景同真情剖白，真實感比圖瓦魯同27歲漸凍人嗰兩次仲進步咗
另外真係想讚下剪片林亦，你唔只同Phoebe一樣咁work hard，參與其中之餘仲要企喺佢哋嘅角度嚟表達，亦都準確地掌握觀眾預期情緒而拿捏剪接/氣氛/配樂嘅尺度，令我非常之容易去代入佢哋，即使Sam+Phoebe原意幾好，冇你具代入感嘅執行力，效果必定大打折扣，所以林小姐呢兩條片嘅MVP
多謝你！林亦真係好出色！phoebe都係好有同理心嘅人！
可惜已有人離開
@@chabmingwong8155ph 認真咩？邊個？
Btw rip
@@EvolutionLeung-YouAreSurvive 你去佢哋channal就知
他們真是好勇敢，去面對身體上的療程痛苦和嘔吐不適，仍然去活着每一天。
睇完兩集4仔旅行團， 都好有感觸
本人亦係 癌症 未期病人 ，係 ALK 肺癌，已經穩定咗
好多片中講嘅情節，真係親身經歴
得咗呢個病，令我學識咗「接受」
而在有限時間，完成未做完嘅事，最後唔好帶住遺憾而走
各位4仔旅行團友，加油 ！
今日先識tiffany,同睇呢段上下集，見倒她當時去旅行好開朗，希望tiffany你在天國感快樂，回望返在世的日子時覺得不枉此生
我同大家一樣都係4仔，見到你地好勇敢，比到好多正面我，加油大家
感謝MM的Phoebe 帶出幾位生命鬥士的精彩人生，希望他們繼續活得精彩，身體健康，用生命影響生命，加油👏
多謝你！
其實好感動，人生有太多事係充滿著無奈同無力感，但如何讓事情變得好過一點，都係靠自己嘅一念之差。 各位四仔真的很堅強，especially Tiff，衷心祝願你早日康復呢。
一睇到車上Niko 唱"假使世果原來不像你預期"時。真係爆喊😭😭😭...所有4仔要加油。開開心心到80歲。愛你們❤❤
感謝Phoebe製作呢條片🙏🏻，相信呢6日5夜對妳會係另一番體驗，多謝妳嘅勇氣去呈現呢個故事。亦衷心希望4仔旅行團嘅每一位團友，每日都帶住無窮無盡嘅正能量去接受上天比你哋嘅挑戰💪🏻，戰勝病魔
睇完兩集《四仔旅行團》真心覺得好好睇，好大感觸，同時亦都令人有好多嘅反思😊四仔們呢份雖陌生又熟悉嘅友誼真係非常難得！多謝你哋嘅用心製作😃👏你哋講得好啱，患癌症嘅人已經睇淡生死，最重要係活在當下！珍惜而家所擁有嘅一齊😘努力去完成自己一直所追求，未完成嘅夢😎🫶
有感而發，當你生活唔如意，諗一啲唔應該諗嘅嘢，停一停，睇吓佢哋面對死亡係幾咁堅強。然後就會覺得發生晌自己身上面嘅真係好小事。祝四仔旅行團團友活得精彩活在當下💪🏼
作為過來人及康復者，你我心同感受，治療及康復過程漫長及辛苦。當時我選擇自己一個人去面對，不想影響別人。我同自己講，一定要戰勝，Tiffany， Niko and Teriver 你們一定要加油，要正能量💪。一定會好返。
祝福你
祝所有癌症病人身體健康
你所埋怨嘅今日，他日可能成為你好想回到嘅平凡日子😢😢😢
呢兩集真係好值得稱讚, 拍攝同剪接真係做得好好, 睇到得林小姐想帶出ge訊息, 真係好值得現代人去反思自己ge生活。
都好多謝4仔旅行團願意分享佢地過來人ge經歷, 珍惜當下, 共勉之!
冥冥中youtube推介認識左tiffany，因為不捨心痛，所以再重溫這個珍貴堅強快樂的回憶。謝謝mm！
第一次睇700萬，睇得咁沉重...雖然自己都算係可以接受生死離別，但嚟到要接受現實覺得都無算係咁容易嘅事，多謝MM用心製作，記錄一班勇於面對自己生命嘅勇士，加油
有睇过Tiffany 自己嘅channel, 佢係一個善良及積極嘅女仔，睇完上下兩集真係好感動，祝福全部四仔，一定要好起來呀！加油❤❤
我4年前患上子宮頸癌二B，完成治療，深明療程中的艱辛，我非常佩服各位對生命嘅動力和積極。多謝分享，祝福你們 開心如意！
每天醒來仲行得走得食得，已經應該感恩⋯⋯願主保守呢幾位年輕人，佢哋真係好叻！
TIFFANY 其實一見到你我就會流淚 我都是有問題2年6個月前 大病 2個月15左右起身 什麼都記不起 今日講說話明天記不得 希望妳過這一關 祝福
片中出現嘅每一位都係呢場人生遊戲嘅MVP ! 感謝phoebe紀錄呢一段故事，另外剪接師林亦都係今段片嘅MVP🫡 兩段片都睇得好enjoy，thank you.
加油💪💪好正面❤我亦是癌症病人, 好有共鳴, 我要學習你哋既樂觀性格, 呢條片好大鼓勵❤希望4仔旅行團一路延續落去,其待下一次再拍🫶🏻
好令人感動，活在當中，祝大家身體健康❤
一群好有智慧的年青人❤願你們能繼續實踐自己想做的事情。謝謝製作團隊！
真係拍得好好睇 有少少抑鬱既我希望都可以享受依個世界 用心感受
你得既💪🏻
好感動。真係同病先明。我都是一個有2個癌症腫的病人，當醫生話一世都唔會好，只能盡量幫你拖長生命，治療過程當中甜酸苦辣盡在不言中，你地真係好叻，加油
我相信有奇蹟，加油！
心灰中，又差了，又轉做化療加標靶藥物，但看到大家都勇敢面對和前行，我都要提起精神面對，哈哈，怕咩，手術室都入了6次，有咩怕
我相信上帝，世界短暫，每個人都有一死。我相信永恆的生命。我大姐乳癌走後，第八個星期的天剛亮時分她來找我，告訴我她去了一個很好的地方，叫我們不要傷心。她是基督徒。不要怕。Jesus says “If you believe in me, even if you die, you will live forever.” in heaven with Him. God has a plan for everyone. Pray to Him and trust all your sorrows and pain to Him. You are his precious creation.🙏💪
去年發現自己老公是肺癌四期，和我本也是在癌症院工作五年多，癌症是圍繞我生活嘅一樣。看完影片好多共鳴😢
很感動。大家都要加油，珍惜每一刻！❤
你們每位都是勇敢戰士😊
超級感人和勵志的兩集，多謝各嘉賓分享自己的內心世界！
衷心希望所有癌症患者早日康復
上下兩集超過一小時，但轉眼間就睇完. 真係好發人深省的故事. Phoebe 的作品總係好有深度!
好感動嘅4仔旅行團，令人反思生命嘅意義，祝福你們活在當下，身體健康💪💪💪
好感動 ， 多謝MM 和地獄團友 ❤
好有意思的製作，多謝你地真摯動容既分享，俾我地睇到活著的難能可貴。你地堅強的教人心痛流淚，但流出的每一滴眼淚卻沒有一絲悲傷，而且充滿正能量，以生死啟發觀眾勇敢面對生活大大小小既難關。祝福你地身體健康，未來可以活出更精彩既一頁，你們值得擁有更好的。多謝製作團隊用心製作，紀錄生命可貴的一面！
好感動，拍得好好，祝各位四仔平平安安！
好感觸，真心欣賞你們每一位。祝福你們❤
支持你地嘅勇氣面對困難！可以講比任何人知道咩叫活在當下！祝你地身體健康！🎉
太感動🥹希望你哋每一位都健康快樂
其實願意同病人去旅行既人不多，真心Respect MM 你地 同四仔願意take 呢個RISK, 但亦見證上天對你地既眷顧，真..只有病人先可以互相理解...最後個SHOT突然出現的彩虹..我都喊得好勁....見到佢地咁努力..即使只係其他長期病患者..都係有一個鼓勵..THANKS ALL.
多謝拍攝記錄佢哋呢一條片！鼓勵咗好多人！我自己都好多得着
我真係好鐘意Phoebe 每次拍嘅提材，好用心好到位❤感謝各人的努力，支持MM，亦祝福四仔各人好好生活！！
真實，動容，思考，人生。
再次感謝 Mill MILK
祝願所有4仔團友開心，充實。
第一次睇MM睇到飆眼水，要pause幾次先睇得完。
其他野唔講，任何時候，無論咩環境，有人陪自己去旅行真係好開心。
Thanks Phoebe and every single one of you❤
“盡力過好每一日”，呢句說話真係今年聽到最感動的說話，加油！🎉
祝願各位4仔朋友都要身體健康，睇到你地咁積極，我自己好慚愧，要好好學習你地既生活態度！
其實我都係四仔！
我都好想同大家講，我地係有病，但一樣過得好好！唔可以俾病痛阻礙快樂！
對！加油！支持你！
請問要怎麼做才不會被病痛阻礙快樂？
@@estherlau173 其實我覺得係心態，既然已經滿身病痛，但又唔知幾時會死，一心覺得點解病點解痛點解會係自己病，倒不如為自己同所有家人朋友過好之後嘅生活。
其實病最後都係死，但每個人出生都注定會死，咁我就唔介懷幾時死，只怕死前過得唔開心啫
@@jojoangie921
請舉例有什麼事情、活動你平時會做，能使你和家人、朋友感到快樂？
好有啟發....無論幾時令自己開心最重要，感謝及祝福你們…加油。
Phoebe 多謝你 ！
你每段片都很感動我！
繼續努力做好制作
生命真的可以改變生命
呢兩集，係 MM 最重要，最光輝嘅兩集！
Thank you MM！
好感動，希望你哋身體健康！！多謝你哋。
看完很感動，反思自己的生活！謝謝你們的分享，謝謝你們讓人看到堅強和無比的意志力！謝謝MM！希望你們各人精彩每一瞬！
好欣賞你哋片，每次題材都一定包含其中最少兩個觸動位：溫馨、窩心、感動、啟發、反思、鼓勵、認識人的價值珍貴！感謝你們團隊。
也祝願這群患者，生活和生命，每日都有平安和歡笑。
祝願你哋咁多位都身體健康，有心有力去更多地方旅行💪🏻
睇咗好多TH-cam, 最有感觸的節目，thanks Mill Milk
「無需定立時限 如風一般往返
人未老 還未晚 還未到盡頭記住來放心荒旦
若生命是無限 何必自定界限
大好青春就要多貪」- 青春頌
Thanks MM and Phoebe!
佢地唱原來世界不似你預期呢首歌，鼓勵到好多人，多謝你地勇敢咁樣行落去🙇🏻♂️
睇完好感觸，生命好保贵❤你們加油，身體健康❤
睇完後, 個心好沉重, 癌病揾上門, 真係無咩方法, 只有樂觀面對.
感謝用心的製作. 真係唔易, 要患者出樣又要講心境.
勇敢的年輕人, 活得精彩,願奇蹟落在你們 ! 幸福地生活。
活在當下, 想做就去做, 唔好等....所有人都應該係咁, 加油!
令人感動，多謝大家分享生命故事
多謝Phoebie ❤ 好感動，感動在於他們都勇於接受生命的痛和無奈，希望他們都長命百歲，因為世界好需要這種正能量💪🏼 love you all 🫰🏼
睇完兩集，感受好多。無論題材，還是受訪者，我給個'強'字。多謝你們的分享，帶出很多正能量，是很好的人生教育。Thanks billion.
睇一次喊一次 Tiffany RIP
好感動, 佢地真係好叻好堅強, 好值得身體健康但成日放負既我去學習🫶 希望佢哋身體健康, 可以早日復元, 繼續enjoy佢地嘅人生❤
好勇敢 活在當下 開心活一天
多謝MM拍攝 分享 留念
我雖然唔係癌症病人，但我都係由長期病患者到1次小意外令我做手術﹑病情惡化﹑入院﹑痛，最近搵到1個病因，唔確定但前期病徵好似，而家等傷口痊癒才可以打石膏，治療既路看不見盡頭，40幾歲1個人生活，好在有1班疼愛我既朋友﹑同事﹑業主，這件事發生後，我在公立醫院遇到1位對我好好，好關心我既醫生，我好感恩，沒有他們我都只能死撐，係這接近1年裡我才發現香港有好多好人，不論我拿拐杖或是著保護鞋，他們都會在我身邊伸出援手，我是一個很麻煩的病人，照顧我既醫生﹑護士和醫護姐姐都變成朋友一樣，令我覺得所有原本冰冷既事都變得溫暖！
呢個世界仲有好多好人，支持你💪🏻
願你日漸康復！保持正能量，向耶穌祈禱，把一切交給主，並信靠祂，祂必定保守你，多祈禱祝你身心平安！
唔知點解，一路睇一路流眼淚！ 祝所有人身體健康！
多謝你哋嘅分享！你哋真係好勇敢！加油！支持你哋！❤❤❤❤❤❤
無令我擔心的人，就係對我最好的人，我身邊都有人努力更
加油，心態同樂觀性格態度 好好珍惜生活 每天把握
🫶加油🫶為您們感到驕傲，祝福您們😊
多謝mm拍攝呢個題材，相當有意義💪🏻每位團友都好犀利，respect, 你地以生命影響生命，令我地明白活在當下的意義。生活中的不如意事，𣊬間變得微細。
祝你地身體健康，祝福你地🫶🏻🫶🏻