ฝัง
- เผยแพร่เมื่อ 20 ม.ค. 2024
- #MM #700萬種生活 // 留遺書輕生後捐80萬 28歲末期胃癌患者的自白 確診後跟女友訂婚 大學同學憶病床邊過「最後一夜」寫Rap送好友記告別派對 Ivy so、英超球星拍片打氣
「我正在學習如何在「明天不一定更好」的情況下珍惜明天。相比起一個永遠正面的人，也許這社會更需要一個接受軟弱但繼續前行的人。」28歲的Gabriel兩年前確診患上末期胃癌，去年十月他留下遺書輕生獲救後，在公開的IG上留下一篇自白，首次開腔講述患癌及抑鬱症的心路歷程。
去年10月，網上一夜廣傳著他的新聞：年輕有為I-banker、年輕末期癌症病人、捐出80萬善款；他失蹤自殺的那一天，網民轉發著尋人啟事，為這素未謀面的年輕人集氣。「我知道分享此事一定令很多人失望，因為我不是大家想像般堅強，不是一個勇敢的『抗癌勇士』。」他在網誌上這樣寫。「輕生後獲救後，我才慢慢真正接受病人的身份。」他說話氣若浮絲，但面色尚算精神。第一次跟Gabriel見面是在他的家，他打開櫥櫃吃了顆精神科藥物，每次要社交或費氣力跟別人交談，他也會先吃藥，好讓自己不易累。
Gabriel在2022年發現自己患病，當初病徵只是有點胃氣，吃東西很易滯，嘴饞的他不以為意。，「之前試過在長洲一口氣吃了六顆芒果糯米糍，以為因為這樣吃滯了。」反而是讀醫科的未婚妻叫他做胃鏡，懷著「不會有問題」的輕鬆心情做檢查，竟發現胃部有腫瘤。「我一向是很理性的人，知道消息的那一刻，其實都馬上接受了這個事實，但我想情緒上至今在未能完全梳理，比較擔心的是身邊的人多於自己，整個過程好像拍電視劇一樣。」
當時只有26歲的Gabriel，果斷決定接受一連串療程，化療成功令腫瘤縮小，再去做切除胃部手術，肝的小點腫瘤都消失了，然而化療帶來了前所未有的疲勞和痛苦，身體總是倦怠無力，吃甚麼吐甚麼，飲水都作嘔，食物都變成腥臭的味道，連坐著看劇聽歌的力氣都沒有。「好像精神脫離了肉體，終於明白什麼是渡日如年，覺得自己像廢人甚麼都做不了是最痛苦的。」
正當他以為辛苦捱過一仗，幾個月後又發現肝有另一顆腫瘤，由人間重返地獄，「那時很灰，化療非常痛苦，但無奈地不做就一定死，所以都盡力治療。可惜是23年4月發現已擴散，肝臟有超過十顆腫瘤，這時候確定是治不了，醫生說我壽命只有三至六個月。」
醫生的死亡宣判令他突然進入了危機模式，來不及難過絕望，只想著有甚麼可以為身邊的人做。朋友未婚妻口中善解人意、處處為人著想的他，頻繁地到處去買小禮物給朋友家人和伴侶，辦了個派對邀請所有最好的朋友作「告別式」，然後飛去英國跟已移民的家人團聚。Gabriel亦決定不再做任何治療，選擇回家休養，倒數餘下日子。
「以前都知道他樂觀搞笑，但我想不到樂觀的程度可以這麼大。他打給我們講患病消息時，已經幫我們想好我們會擔心甚麼，主動搞Party，讓我們記得一起玩樂的開心日子。朋友笑著回憶這大半年Gabriel為他們做的事，說他無論是告知這消息，還是出來gathering，都沒有任何情緒或者負能量，還要馬上manage朋友的情緒，「為甚麼有人可以這麼貼心，真係癲癲哋！。」
大學時Gabriel已很活躍，做社長、上莊、去美國交流，讀社會科學的他尤其關心環保及社會議題，所以一畢業他就跟大學同學創業搞Started-up，試過做做紙飲管的批發，及眾籌做可以摺的環保飯盒，莊友寫的「打氣歌」中這樣形容他：「慳過嘅膠樽可以起埋樓，講環保講回收講埋呢個地球，個地球有你個未來就好意頭。」
後來Gabriel轉入節奏快又有挑戰性的I-Bank工作，當以為一切順風順水時，突然收到患癌惡耗，由充實生活變得天天出入醫院，「自己奴性很重，很喜歡工作，一直只想快點打敗病就可以回去上班，但要經常出入醫院化療，在家裡休息，人生頓時沒有意義。」患病以來 Gabriel一直沒意識到自己有情緒問題，理性上積極抗癌，情感上他一直接受不了病人這身份，當時他不自知，自己患上嚴重抑鬱。「既然你說我三至六個月，當時覺得捱到六個月就不捱下去了，精神和身體折磨令到壓力爆煲，所以決定輕生。」
未婚妻Christine回憶他失蹤的那天，回家後發現他的遺書，電腦也不見了，情緒崩潰了五秒，就立即收拾心情報警及通知朋友，Christine循著線索估計他應該去了酒店，大家就幫忙打給全香港酒店，最後成功找到他，但那時是命懸一線，醫生需打強心針拯救。「我記得那時好矛盾，到底要不要找他，特別他是一個很有準備和計劃的人，找他是否不尊重他的意願。」朋友Kathy憶起當天的心理掙扎，「我記得有朋友跟我說，只要一直電話Text跟他說話，如果他突然見到電話，想有人傾訴時起碼知你存在，你不需要鼓勵或阻止他做任何事，總之就是陪伴。」
Gabriel最後獲救，但情況並不樂觀，醫生喚了家人朋友齊集床邊，叫大家有心理準備那是最後一夜。重返人間清醒的一刻，Gabriel第一件事做的是錄了音給朋友，就他們做得很好，沒有怪責和埋怨大家。「這段錄音一聽到立即哭出來，實在太瘋狂，這人剛剛輕生獲救醒了，訊息所說的都是在安慰大家，他真的是瘋子。」
而令人印象深刻和多了人認識Gabriel的契機，就是他在生死攸關的狀態下捐了80萬予兒童癌病基金，朋友為他開了個公開的IG帳戶，寫了個帖文，當晚就在網上鋪天蓋地地傳開去。「醫生說他可能挺不過那一晚，我們很想在他離世前，讓他知道很多人看到你做這件好事。」那天下午一班大學同學坐在醫院飯堂，你一言我一句，分工合作 一起打了IG帖文那段文字，就像以前上莊要出的文書檔案。
那夜他們齊集床邊，又笑又喊，邊自拍邊看著仍「生勾勾」的Gabriel在病床上喝天仁茗茶，歡笑交集著眼淚，就像一場最悲傷但最快樂的告別。「那一晚覺得即使真的要跟你告別，但之前每個相處的時刻，他做過的每件事或者我們相處的所有東西，都沒甚麼遺憾或者很後悔，很感恩大家一起長大時，有這些陪伴的回憶。」
Gabriel出院後開始看心理醫生，在他鼓勵下，以往很少用社交媒體的他，開始在朋友幫忙開的IG上分享自己經歷和日常生活，愛畫公仔的他不時分享小作品，和發起一些籌款計劃，「希望盡我一點能力，去幫助面對不同困難的人。」朋友驚訝往日總是不願提起自己辛苦經歷的他，願意公開分享自己的軟弱。「我想轉捩點是輕生。以前感覺上人生好像是不停的馬拉松，現在反而最想完成的事，是可以很平靜地過每一天，未必要完成很多事或得到很多關注，對我來說最難的東西，反而是回歸最微小和平凡的生活。」
總是靜靜陪伴Gabriel靜心養病的Christine，二人拍拖五年，本身從事藥劑師的她轉讀醫科後，更能利用專業知識幫助男友，身體力行地作出身體及心理支援，亦讓Christine排解不少無力感。「我又不會覺得自己特別辛苦，每人的生命都有很多挫折和困難，這個是我的困難，我不覺得我有特別做些甚麼去熬過。我想兩年中最難過的一刻是發現他留在家中的遺書。他本身很熱愛生命，我知道他一定是經歷過很大的痛苦才這樣做。」
Gabriel確診後跟Christine說，如果對方要離開也是明白的，但她決定陪他走到最後，更主動提出訂婚作為一個紀念，「正正是因為是這個人，無論看到他預期有多差都好，我都真的很想跟他在一起，他是我見過最善良和真誠的人。」
「這陣子我也經常胃痛，但他不斷去想方法怎麼令我舒服一點，反教我吃哪種藥；我說吞維他命覺得很大顆，他不斷上網找小顆的維他命買給我，他自己都不是很舒服的階段，其實他都是很在意別人。」
二人如常地到海邊散步，去超市買餸，回家煮飯，在Gabriel狀態好一點的日子，就能出遠門遊玩一下，日子簡單平凡，每個當下都細水長流。「我記得以前經常跟他說：你一定要讓我先死，因為我接受不了孤獨一個人生活，沒想過原來最後可能是他先走。我有大概想像一下，如果有天我牽不了這隻手，抱不住他那會怎麼樣，我想是真的會很想念他。」
而Gabriel對未婚妻最大的改變，是令她立志成為一名腫瘤科的醫生。「因為我覺得我看見他的絕望，我也想陪伴這些病人，即使他遲一點不在了，我都希望他教會我的這件事，讓我能幫到其他人。」
策劃：Phoebe王秋婷
拍攝：黎安敏、張志孟
剪接：黎安敏
監製：甄俊宇
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 TH-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
舊年一直有留意住Gabriel消息
11月見到佢之後keep住出post都好鼓舞🌻
如佢朋友同未婚妻所言
Gabriel係個好善良、好簡單，處處為人着想又好搞鬼嘅人
（見佢畫嘅趣緻公仔就覺佢好有童真🤣片中所提到確診後送畀朋友嘅禮物，係一人一隻動物公仔😆）
好多人對佢嘅形容係「成功有為金融才俊」
好高興今次記錄到佢另一面
每次拍攝前都要食定令佢精神啲嘅藥物
雖然身體好攰
但都好肯分享所有經歷
好榮幸有機會聽到佢嘅Rap🤣（聽曬完整版覺得係可以出道嘅！）
亦多謝佢一班老友同Christine參與今次拍攝
睇嚟大家都好鍾意寫歌🥂
多謝你可愛嘅魔鬼魚同寫畀MM嘅文字🤍
希望你哋呢個gang去到2047都繼續食住Pizza Rap住歌🫶🏻 好好擁抱每個當下
末期患者，也可以有好多天然療法，小梳打、MMS 、中醫、飲食改變，Chris beat cancer 這本書也可以看看啊，最緊要控制痛楚做得好，也可以生活得很高質素，只要不怕癌細胞，🙏🏻神愛你和保佑你。
同事的哥哥都是经过2 年多时间才离去但他已是70 but 你年轻- 加油.
點解香港咁多人生胃癌，腸癌？作為飲食業廚師，我想講比大家知，香港餐廳真係好污糟唔衛生。萬年油長期用，地下去水渠蓋解凍凍肉，後巷地下醃燒味等等，都係小事。依家，餐廳老細為左節省成本淘寶調味品，增香劑，全部都係科技和狠活❤。自己做廚房，都唔夠膽吃自己餐廳東西。大家要小心，講完。
不好放棄，飲香港靈芝王生命液，
@@Ediw221本人倒不完全這麼樣認為 在“生命最後階段”提升生活固然無可厚非 不容置疑 畀你有錢唔活用 擺喺度拖啊！？又有條鐵用咩！
不過回歸正轉，以佢哋ibanker經濟能力捐得到80萬，與其“心靈雞湯”倒不如真喺去澳洲或歐洲進行接近“根治”治療
當中概含類別與方案有:
Polio-Virus
High Dosage Vitamin C
Gene Therapy
Stem Cell Therapy
Immunotherapy
等等
都好過Chemotherapy、 Ionizing、Gamma Rays 嗰啲鏢靶/化療藥物|療程
18年前醫生說我有第四期肺癌只有六個月命，我今年已經是76歲、雖然經過chemo 、radiotherapy, clinical trials,現canser free, 努力年輕人、神與你同在。
請問係什麼基因突變？🙏🏻
好值得鼓舞，多謝你留言比年輕病人，祝福你一直走下去
祝福你一直健康心安自在的生活🍀🫡😇✨
我都是肺癌4期，由確診到現在已經21個月了，雖己擴散到脊椎，至不能站立走路，仍堅持着，大家加油！
主與你同在
楊嘉驃，由我哋8年前一齊上莊嘅時候，我就知道你係一個好硬頸但同時好溫柔嘅人。當時18、19歲嘅我哋想一齊改變社會、改變香港，也許依家望返轉頭我哋始終做到嘅唔多，但多謝你教會我善良就係改變世界嘅最大力量。
患病係一件不幸嘅事，但你透過依件事教識咗我哋大部份20幾歲嘅人唔識但卻係人生中最重要嘅事；你教識我哋咩叫愛同關懷、教識我哋如何承認自己嘅脆弱然後昂首面對挑戰。多謝你係過程中用最多嘅愛等我哋可以陪伴你、等你嘅朋友都可以陪伴大家，並係無力感中搵到一齊努力嘅理由同一齊歡笑嘅原因。
當年我唔確定係咪真係做到「一年莊期，一世莊友」，但能夠同你同其他莊友做到依件事而且一同成長會一直係我依一生其中一件最美好嘅事。
唔好覺得自己做到嘅嘢唔多，生命影響生命是真實存在的，好、壞亦然，能夠保持善良已經超勁
Hi Gabriel, 我係一個腸癌4期嘅人。見到你由之前輕生，到走出陰霾，真係好鼓勵到我。雖然我哋嘅人生唔知仲可以行到幾耐，但我哋一齊行呀，好好享受剩餘嘅人生😊
早日康復，加油❤
Best wishes! May God bless you ! Fight on and press on!!! Never give up!!!
衷心祝福您，喺您生存嘅每一日，您都可以充滿力量正念，亦希望奇蹟會發生讓您身體康復🙏🙏🙏
加油❤
請加油
加油gabriel
我係腫瘤科病房護士
每次見到咁後生既病人真係好心痛 🥲
唔好放棄 你好幸運身邊有好多好愛你既人 希望你可以為左佢地為左自己堅持落去 加油💪🏻
希望呢個世界有奇蹟 😢🙏🏻保佑呢一個心地善良又靚仔既男仔
你要加油 ！！
你心地好好❤
不是所有腫瘤科姑娘都有同理心的，我遇上的那位資深姑娘，可以在未得我同意下，私自刪走我已預約好的化療期。更有資深姑娘喝罵我是因心理作用，最終我真的因化療而喘不到氣。及後她更咨詢我下，私自取消不給飯我食。有一護士長更差點醫療事故，未有預備好氧氣給我，弄到的因化療敏感喘不到氣而差點死亡!
懷恩風水師父 講過進入9運後會愈來愈癌症。
人生得一知己, 死而無憾, 你有一班咁好嘅朋友, 令人羨慕不已. 而你更加有一個好愛你的女友, 因為你嘅病, 立志成為醫生幫助其他人, 生命影響生命, 你要活好每一天, 答謝她們.
我是腸癌三期病人，仍在化療中，明白你內心感受，希望你可以一直堅持走下去。
點解要揀化療？
你都加油💪🏼🙂
加油 💪
❤送上祝福
加油我有個鄰舍70歲同你一樣3期.現在好返每日做完運動返地盤.加油！😊💪💪💪💪💪
Gabriel，多謝你在疲弱中都願意接受訪問，分享自己的經歷，從訪問中可以看得出你是個善良、風趣、有理想、有上進心又熱愛生命的人，真盼望有奇蹟出現，讓你多活數十年，使你繼續為世界作出貢獻，我會為你誠心祝禱！
好催淚
隔住個mon 都感受到朋友們 未婚妻對Gabriel 嘅愛
我在2019年確診第三期肺癌，我都以為自己命不久已，但到今天還活箸，所以只要信不要怕，靠主同行，就不會怕，加油💪
感謝MM及Gabiel，滿滿的陽光。
我們是一班長期病患者及家人，十分明白您的感受。
人生最容易的選擇是「放棄」，選擇「堅持」是極不容易。願您在走人生最後一段路時，仍然繼續搞笑。
當決心去活好每一天，很多片段及心情都不一樣。那怕只是簡簡單單煲一煲湯，我們要比普通人花上不少力氣；不過，當再看到家人一起飲這煲湯的畫面，就甚麼都值得。
Gabriel, 朋友搵到Ivy So為你打氣，是一個奇蹟，之後搵埋英超愛華頓球星為你打氣，是另一個奇蹟，你捐出的80萬，幫助了很多人，亦感動了無數人，所發揮的作用，已遠超於它的面值，你能將這筆錢，如此發揮，也是一個奇蹟，但Christine 對你的愛❤，朋友對你的愛，你幫助過的人對你的愛，不認識你但被你感動的人對你的愛，都不是奇蹟，都是你應得的，因為你的好，你的康復，無論是奇蹟也好，還是你應得的也好， 都必然會發生的，因為你要照顧Christine，我們也期待你的新作品，無論是你的環保設計，你的Rap，你的畫作等，全部都是我們的精神食糧，你肯出道，應該會好紅😂，你要加油呀。
Gabriel, 你嘅resilience好強，成班大學朋友嘅友情及你同Christine 嘅愛情可能有啲人從來未擁有過，多謝你無私嘅分享！希望你每日過得平淡而滿足❤
求主繼續醫治保守，使這位有理想嘅年青人多些年月日生命🙏🏻🙏🏻Amen
阿們
Amen
阿們
加油啊！ Gabriel, 不要放棄
🙏🏼🙏🏼🙏🏼🥺😭
自己都係26 歲diagnosed with cancer, 當時自己真係精神崩潰，但係好感恩當時有一班又細識到大的朋友係我身邊🙏🏼🙏🏼
Miracles will happen 🙏🏼🙏🏼🙏🏼
日日為你打氣啊 Gabriel 💪🏼💪🏼💪🏼
❤❤❤
加油，你一定好返的🎉🎉🎉
好朋友媽媽肝癌已經超過十年，開刀次數多到連朋友都唔記得左，媽媽好樂天，一直覺得開左刀就會冇事，而家依然朝朝去晨運飲茶，朋友放假就同佢周圍去玩去旅行，你畫嘅魔鬼魚好可愛，仲有你硏發果個飯盒仲有冇得賣呢，希望你和太太和朋友們都快樂過每一天💪🏻
我媽媽乳癌晚期，擴散到不同器官，捱左唔同既化療電療，仍然勇敢面對，希望各同路人樂觀面對，打破歷史數字。到今日我仲係相信必定會有奇蹟。 加油！
祝你媽媽能一直走下去，她很愛你，希望陪你更多明天
多謝MM紀錄依個故事
Gabriel，感謝你願意分享你嘅經歷
記得當日睇到關於你失蹤嘅事覺得好心痛，到你而家會不定時喺ig update你嘅生活俾大家知，每次見到你嘅update都會覺得好開心
依一切對你黎講一定好唔容易，感謝你用你嘅樂觀同善良感染大家，你教識我要好好擁抱當下
想話你知，Gabriel你真係好叻！May good fortune always be with you☺🙏
講野好幽默 但成件事又好揪心 睇到我又喊又笑 五味雜陳 請上天給Gabriel一個happy ending🙏🏻
我自己都係癌症4期病人。都好明白你嘅經歷同心情。只想同你講聲加油。你嘅人生已經有好大意義❤
加油，早日康復
你都要加油
加油呀！雖然我地唔相識，但你既生命好重要，因為係祝福別人架
加油💪
Hello Gabriel
你的故事令我很感動 亦令我好有感觸 早幾年前我仲讀緊hku nursing的時候媽媽確診了癌症 醫生同佢講佢只有幾個月命 但最後佢活多左幾年 記得佢同我講佢每一日都係賺返嚟 性格樂觀 每一次都安慰佢返我轉頭 係我最強大的支持者 雖然佢已離開 但到而家佢都係我最強嘅後盾 而我而家已經成為一位護士 希望你都可以繼續勇敢積極行落去 相信你現在所做的事都會成為你身邊的人同受到你幫助的人的最強後盾 好多香港人為你打氣
好欣賞Gabriel既幽默總會為身邊既人帶黎歡樂，但更開心係見到你坦誠面對自己既感受，令愛你既人了解更全面既你，一齊去行落去💪🏼多謝你同MM拍呢條片提醒我地要珍惜每個平凡日子同每段關係。繼續支持你同祝福你!🫰🏻🫰🏻
祈祷希望上帝賜他神蹟, 病情會有好轉, 早日康復🙏🙏🙏
即使我已過咗46歲, 肯定唔夠Gabriel活得咁豐盛! 教會弟兄曾經分享佢太太患癌, 結果多活廿幾年, 雖然都係離開咗, 但係不同年代科技水平唔同, 總可能會有奇蹟. 祝你平安, 活好每一天❤
咁好嘅男仔，咁好嘅人😢
加油丫，全港全世界都支持你！集氣❤
多謝你做呢個訪問，用生命感染生命，我相信每位觀眾睇完之後，都一定對自己嘅生命有反思，多謝你！
Gabriel辛苦你了 你真係好叻 性格智慧並重 相信每個view都為你而驕傲 亦多謝mm記錄低呢個故事 好值得更多人知 我睇完呢條片咁啱就播edan演唱會彩蛋 真係停唔到喊 世界真係令好多人好洩氣 多謝大家有堅持落去嘅勇氣
衷心祝福尼位年輕男仔你千祈唔好放棄自己呀，你會有奇蹟出現呀，你有個咁好嘅女朋友又體貼你係好有福啊祝你身體健康过好每一天開開心心❤
好開心聽到Gabriel嘅故仔亦都好開心Mill Milk可以分享Gabriel嘅故仔俾我哋聽. 見到Gabriel有咁錫佢嘅女朋友,有一班咁錫佢嘅朋友真係好替佢開心. 人嘅一生真係好短暫,但係好短暫嘅生命裏面,可以有依個緣份遇到一班摯友同咁愛錫自己嘅人真係好唔容易！所以Gabriel 你真係贏咗啦！仲贏得好徹底添😆😆 希望你哋大家可以繼續一齊創造更加多美好嘅回憶 💕好感恩Gabriel 你今日仲仍然喺度努力為呢個世界添加更加多快樂同正能量💪🏼睇到你呢個訪問好開心！
好感動，睇到我眼淚流，加油！希望有奇蹟！
Gabriel，我們剛經歷了至親離開，你要記住，千萬不要放棄，不要放棄生命，如你相信命理，這樣將來還可以見到每一位，感謝你的故事，你的生命影響生命🙏🏻🙌🏻
Gabriel 多謝你願意分享你既故事
你要加油！
感謝為大家帶黎既正能量
真心祝福你可以好快完全康復，以後身體健康
班朋友同女朋友真係好好
一直都有追蹤Gabriel消息，祝佢平安，可以有奇蹟出現
治療辛苦，希望你保持正能量，大家都祝福你為你打氣加油 🙏🙏🙏
好感動🥹
嘉驃 你好有愛 亦都被好多愛包圍❤❤
祝福你
Gabriel 衷心希望奇蹟會發生喺你身上！🩷要繼續享受生活呀！
首先要感謝MM訪問Gabriel
Gabriel,你有班咁愛錫你既戰友,你唔好再放棄自己,你有事大家都會好難過
希望你記住無論點佢哋永遠都會係你最大既後盾💪💪
真係好心痛，加油Gabriel ，祝福你🙏🏿🙏🏿🙏🏿
多謝Gabriel ! 希望你病情會有所好轉
好感人🥲咁多真摯既愛 千金不換呢〜祝福你! btw gabriel好靚仔
你做得好好，我很欣賞你，多謝你分享，鼓勵很多人，你要加油呀💪
真係一路睇一路喊，祈求上天賜給Gabriel一次機會，好人一生平安
多謝你呀Gabriel，多謝你o既善良，睇到你對家人朋友o既愛同對生命o既熱誠真係好感動，希望你每一日都過得平安幸福。
Gabriel 睇左咁耐TH-cam我都未試過去留言.但睇完段片真係忍唔住要同你講聲加油！！
Gabriel 加油 好多人愛你同支持你🤗
睇Phoebe嘅故仔又喊咗🥲
Gabriel響最危苦嘅時候都會想到照顧他人，你無私嘅善行感動到好多人，好希望你快快康復，繼續感染別人💐💐
好多謝你分享自己既故事俾大家聽，好感動同時又好佩服你堅強又溫柔既個性，知道呢一切都唔容易…祝福你！
真係好欣賞嘉驃既態度
身邊既人都好好
雖然係一件不幸既事
作為旁人都感覺到好溫暖
趁有時間做多d鍾意做既野
完成埋自己想做既事情
記得對自己好d呀 !
好好多謝你願意去分享自己嘅故事 都希望你嘅故事令更加多癌症病人更加堅強
你做得好好 以你為栄。你哋朋友都好好 祝福你們
睇完collar演唱會，聽Ivy so講起才來mill milk找呢條片來看
無限祝福楊先生 祝你哋每日都過得得開開心心😊
希望你能順利過到呢關.始終未到最後一刻都要加油.
好感動嘅一集，好欣賞主角😢
我都係曾經癌症病人。學懂愛惜自己，把你鍾意幫人的心分一半給自己。
身體是你最親密的’物‘。跳出來，用對你身邊好的人對你自己身體。
獨立來看自己身體，慢慢會感受到問題在哪裏。抑鬱可能早已潛伏，繼而產生身體的病，由心影響身。
希望你心靜平安，愛護你的身體會帶領你渡過一切不如意的事。
現在的路永遠是最好的路！
看到真的很心酸，希望一直看到你堅持下去的樣子🎉
好有意義既紀錄 加油師兄
Gabriel多謝你嘅分享同對社會嘅貢獻！睇到呢一段片覺得好感動，你值得擁有一段咁好嘅友誼同伴侶。多謝你生命影響生命，希望你早日康復❤加油
加油Gabriel 睇到好多朋友家人好愛你，你係一個好善良嘅人，希望你身體愈嚟愈好🫶🏻
好感動，太好的年青人，祝福您每日都平安自在❤
心態可以改變一切～ 多謝你點燃希望之光～ 將你既善同信念～ 救助幫助更多既人同事
加油，你的故事令我好感動，祝福你在患病中不辛苦，努力
每個人都只會面對一次生同死，所以我地其實都係用一生嘅時間黎學習面對死亡，Gabriel 嘅故事真係令重生我思考人生意義，去到人生最後一刻有邊個真係可以好似佢咁勇敢咁面對？點解一個咁優秀嘅人要有咁嘅遭遇😭
恭喜晒啊❤訂婚快樂👏🏻👏🏻每一個生命嘅長短都無得控制，但我哋可以日日都做啲開心事，謝謝你帶俾好多人嘅鼓舞；生命影響生命❤有一班咁好嘅朋友同未婚妻，實在令人太羨慕，管它精不精彩，快樂萬歲才是皇道
希望你們都能渡過難關！早日康復！堅強加油❤️
多謝你 Gabriel ,我一路睇一路流眼淚，真心欣賞你，好好去享受每一天，加油❤
好感動！ 世上曾經有你這樣勇敢面對生死！ 還積極做好多意義的時情！
加油Gabriel!! 你嘅經歷同做人處事態度inspire 到好多人包括我。你一定要加油，相信有奇蹟😊
thanks share
要繼續努力 你生命已經照亮左好多人
加油，Gabriel! 相信你所經歷既不容易，你既勇氣，同埋友誼支持，係一種好緊要既力量✨✨✨
Gabriel, 你要加油呀，我三年前都經歷過化療，知道心理同生理都唔容易過，但只要堅強有信心就什麼都能跨過，祝福你呀❤唔好放棄
好欣賞Gabriel 你，希望你病情會好轉，人生有呢一班朋友真係死而無憾，相信會有奇蹟出現，千其唔好放棄，醫學發達 話唔定明天可以開發出治療既藥物，好好享受每一天，謝謝你，請好好加油
多謝你既分享 鼓勵左好多人❤️
支持你，你好勇敢，你要繼續努力活下去💪🏼💪🏼
祝福你在幸福平静中度過每一天
感謝您 只願你順心過你每一天🙏
MM的片很感人，尤其係女主持介紹好精彩，投入，加油👏
Gabriel, 你好勇敢面對一切 你係我嘅偶像 希望你沒有痛苦 只有歡樂❤ 支持你！💪🏻💪🏻💪🏻 你對生命嘅熱誠令我非常感動🥹🥹 多謝你分享你面對嘅困難 俾我好多啟發🫶🏻
多謝 Gabriel & MM!! ❤❤❤
人生最沒有遺憾就是有一羣真正的朋友支持❤盡量接觸大自然吸到多點正能量
加油！多謝你既無私奉獻。
你好幸福有一個咁珍重你既另一半同一大班咁錫你既朋友，祝你長命百歲！
多口講句，雖然我唔係好熟中醫療法，但會唔會都考慮下中西療法都一齊試下呢？
Gabriel 你真係好犀利，好人一生平安
加油！希望你回復健康，上天會保佑善良的人！
你真係好正面。希望你過你最舒服的每一天。
❤❤❤祝福你，好人有好報，早日康復
你嘅堅強樂觀正面嘅態度係對好多同你－樣遇到困境嘅人一個好大嘅鼓勵！ 衷心祝福你！
生命真係可以影響生命💪 只要唔好放棄自己，每個人都有自己時間表
多謝呢一集。好感動佢嘅正面同身邊一班真正嘅朋友,仲有佢未婚妻。唔知點講,要平服心情。祝身體繼續健康,有機會想同你交個朋友
你真係好堅強！希望你可以延長日子好好地活落去🥹
gabriel 加油，祝願你開心渡過每一天 ，早日康復🙏🏻
保持心境開朗對病情會有幫助, 希望2047年仲見到你出post
求主幫助醫治這位年輕人
你有無諗過, 好多人, 成世人都未試過有你咁靚仔架😂又有咁多咁真摯既朋友, 羡慕❤ 有d人活著但如同死去, 有d 人死去卻仍然活著, 我地唔知生命長短, 但你既人生, 的確比好多人更豐盛. 願疾病遠離你.
好似何超儀個先生咁, 有d 病好多醫生已講左攪唔掂, 但佢地去美國又得到治療, 如果你既病可以係外國治療到, 聚籌都一定可以成事. 希望你仍有盼望. 祝福你❤~
祝福你！欣賞你！希望你身體不會太難受！早日康復！
加油Gabriel
真愛永存
好希望神蹟會出現在這個多才多藝，年輕幽默，充滿活力而且善良的Gabriel 身上，正如片段所示，是一個人緣極好的人❤ 係好多人眼中都佔了很重要的地位❤
會哭也好，把情緒發洩出來，每個人都可以軟弱，盼望你的痛苦可以減退，雖然不認識你，但好想給你一個大大擁抱！加油啊！祝福你！
Gabriel 多謝你無私既分享 :)
你既生命故事真係激勵左好多好多既人！
想同你講聲加油！希望你可以有喜樂平安既心去面對之後既每一天
亦都祝願你身體所受既苦楚可以減輕 :) 多謝你！
P.S. 亦都多謝MM拍左段咁有意義既片!
加油，唔好放棄，奇蹟隨時會發生，癌症康復者祝福你
加油！每一分、每一秒，都為你打氣！
睇到好感動🥹 加油呀Garbriel 希望有奇蹟會出現係你身上面 💪🏻 我有follow 你既ig 希望可以一直睇到你分享你既生活 繼續帶正能量俾呢個世界