Nepa Deyya Tinakhyalay - नेपाः देया तिनाख्यलय्

नेपाः देया तिनाख्यलय्
भ्वाथःचागु छगु बलय्
माया धाइम्ह मचा छम्ह दु
वया भरय् म्वाना च्वंम्ह
मिखा निपां मरुम्ह
बुराम्ह अबु छम्ह दु
वया भरय् म्वाना च्वंम्ह
मिखा निपां मरुम्ह
बुराम्ह अबु छम्ह दु
तुतां छपु पासा बियाः
अबुयात ल्यू ल्यू तयाः
सुथ न्हापां माया पिहां वै
मनमति खुसि थ्यनाः
न्ह्योने च्वंगु दीप खना:
बफराया मिखा जाया वै
छन्हु थ्वहे खुसि वयाः
दीप पाखे च्वलां सुयाः
अबु धागु झस्स लुमनि
छिमि मांम छन्त त्वता:
थ्वः हे दीपय् वंगु पुता
थनि दच्छि दत मवनि
लंया लंचां ख्वबि हुयाः
मफु मफु नुगः तयाः
इपिं हानं येँ दे स्वया वै
त्यानु लनि मनंतुनाः
मायाचित कांम्ह बुरां
लँ धुच्छि बाखं कना: है
चुक ननि बहा जुनाः
लुखा पति दिनाः दिनाः
म्ये छपु हालि मायाचां
गरिबया मरु सुं हे
जाकि निगः फ्वने बज्ये
छितः अति धर्म लाइ न्हां
गरिबया मरु सुं हे
जाकि निगः फ्वने बज्ये
छित: अति धर्म लाइ न्हां
फ्वना दुगु जाकि ज्वनाः
पित्याः ख्वालं पला छिनाः
बान्हि बिका लिहांवनि न्हां
ज्वलिं ज्वलं मिसापिनि
सफू ज्वना: वःगु खना:
दिना: स्वया: च्वनि मायाचां
बलं बलं बलय् थ्यंकाः
घँजा दुयाः भूतु च्याकाः
अबुयात धाल मायाचां
यःबा यःबा जि नं अथे
आखः ब्वने दुसा थथे
दुःख सिये मालि मखुला
यः बा यः बा जि नं अथे
आखः ब्वने दुसा थथे
दुःख सिये मालि मखुला
मायाचिगु थ्व खहृ न्यनाः
धाय्मफु छुं हे बुरां
मिखां ख्वबि जक हाल न्हां
अबुयाके ख्वबि हुया:
ख्वय्मते धां धां माया
सुकुं सुकुं थः नं ख्वल न्हां
सुकुं सुकुं थः नं ख्वल न्हां