پەتاتە خۆرەکانی فەرهاد پیرباڵ

ناساندنی کۆمەڵە چیرۆکی پەتاتە خۆرەکانی فەرهاد پیرباڵ
چیرۆکی پەتاتە خۆرەکان لە دیارترین چیرۆکی هاوچەرخی کوردییە. پەتاتە خۆرەکان"ی [فەرهاد پیرباڵ] باس لە تاعوونێک دەکات لە شارێک بڵاو بۆتەوە و بەهۆی ئەم تاعوونە دانیشتوانی شار هەموو خواردنێکیان لەبەرچاو کەوتووە و تەنها حەزیان دەچێتە سەر پەتاتە،ئاوی پەتاتەیان دەخواردەوە و ئەوەشی کەمێک دەوڵەمەند بوایە شەربەتی پەتاتەی دەخوارد،پاڵەوانی چیرۆکەکە ناوی فەرەیدوونە، دوای ١٥ ساڵ دوورەوڵاتی دەگەڕێتەوە گوندەکەی خۆیان و بە شانازی و کامەرانییەوە جانتای پڕ لە زێڕی دەخاتە بەردەم خێزانەکەی باوکی بە گازندەوە لێێ دەپرسێت:" باشە ئەم زێڕە چییە کوڕم؟ بە کەڵکی چی دێ؟" فەرەیدوون، نازانێ داخۆ خۆی شێت بووە یان بنەماڵەکەی تێکچون لەو دنیایەی هەموو چاو لە دوای پەتاتەوە، دەستودیارییەکەی فەرەیدوون مایەی زەبوونی و سەرشۆڕییە.
ئەمێستا دنیای پیرباڵیش هیجی لەوە کەمتر نییە. وەک کەسایەتی چیرۆکەکەی
بە دنیادا گەڕاوە، زێڕی پاشەکەوت کردووە و لەگەڵ خۆیدا هێناویەتەوە.
فەرەیدوون کەسێکی هەیە چیرۆکەکەی دەگێڕێتەوە، بەڵام مخابن،
پیرباڵ خۆی هیچ وەرگێڕێکی نییە.
#چیرۆک
#ئەدەبیات
#کوردی
#ڤەژین
#ڤەژین_مێدیا