Parma

O rondanén'na bjanca njgra e znéla
ch'a t'gir al mónd par costruìr al ni
par ti che téra éla la pu béla?
parchè la vriss andär a vèddor mi.
Mo l'è Pärma ch'l'è speciäla
pjén'na äd vióli profumädi
e l'è tanta muzicäla
da fär tutt un po' cantär.
In-t-il gróndi cuand a pióva
l'acua 't fa la serenäda
e in-t-il tòrri traforädi
dvénta muzica anca 'l vént.
O lezgnolén ch'a t'gh'è la góla dòra
indo ät imparè a cantär csì bén
al to gorghègg' da déntor tutti al fóra
e il copietti alóra i s'fan l'océn.
J'o imparè a stär su 'na pianta
ch'la se spécia in-t-un laghètt
indò gh'è un'izolètta
con di ciggn bjanch e morètt.
Tutt'il siri là s'sentiva
i bej cant ädla coräla
al me cór picén 'l capiva
che csi sól a s'pól cantär.

[@leonardopontremoli8320]

💛💙