«ឧត្តមភាពជាតិខ្ញុំ » បទពាក្យ៧ ស្មូតបែបពិលាប ចំណែកទី២ ចំនួន៧វគ្គ វគ្គ៨- ១៤
ฝัง
- เผยแพร่เมื่อ 28 ส.ค. 2024
- ៨.សៀមត្រួតកម្ពុជាបាន៤ឆ្នាំ
កូនខ្មែរចងចាំអស់ញាតិផៅ
ទ័ពសៀមសាមាន្យចិត្តឃោរឃៅ
ខ្មែរចងចាំនៅពុំភ្លេចអី។
៩.សៀមថៃហុតទឹកសម្លឹងកាក
ខ្មែរស្តោះខ្មែរខាកសៀមធ្វើហី
តែកុំច្រឡំសៀមឬថៃ
សម្លឹងទឹកដីខ្មែរគ្មានក្រែង។
១០.សតវត្សរ៍ទីដប់ប្រាំបួន
ខ្មែរយើងភ្លេចខ្លួនឈ្លោះគ្នាឯង
សៀមចូលលូកដៃឥតរអែង
បាត់ខេត្តជាក់ស្តែងអស់ដប់មួយ។
១១.មកដល់សង្គ្រាមលោកទីពីរ
សៀមលេបវាតទីឥតមានព្រួយ
បារាំងខ្មែរខ្វល់សៀមរំអួយ
បានបីខេត្តជួយអាងជប៉ុន។
១២.បាត់ដំបង សៀមរាប កំពង់ធំ
ខ្មែរទ្រហោយំព្រួយពេកពន់
ដប់ប្រាំបួនសែប្រាំមួយគន់
ទើបសៀមទោរទន់ឱ្យខ្មែរវិញ។
១៣.ពេលខ្មែរកំពុងខ្វល់ខ្វាយខ្លាំង
ទាមទារបារាំងឱ្យថយចេញ
ប្រគល់ឯករាជ្យខ្មែរឱ្យពេញ
សៀមឆ្លៀតប្រវញ្ចព្រះវិហារ។
១៤.ដូច្នេះសូមខ្មែរប្រុងប្រយ័ត្ន
ប្រហែសត្រូវបាត់គួរម្នីម្នា
នាំគ្នាសាមគ្គីកុំខ្ជីខ្ជា
ការពារប្រសើរជាងព្យាបាល។