កាព្យដកស្រង់«​អក្សរខ្មែរ » បទពាក្យ៧ ស្មូតបែបមេទ្រីបា ចំណែកទី៣ ចំនួន៧វគ្គ វគ្គទី១៣- ១៩

១៣.បារាំងពរ៍កតេសួរឡាតែត
ខ្មែរឆ្អែតចិត្តជាប់បែរប្រែប្រាប់
(បារាំងព័កតេសួរឡាតែត)
អ្នកដែលមិនចេះឱ្យគ្នាស្តាប់
បង្គាប់ថាឱ្យកាន់លើក្បាល។
១៤.មិនប្រាប់ឱ្យគ្នាដឹងថាទូល
នេះហៅប្រមូលពុំត្រកាល
ពាក្យខ្មែរថាទូលក៏លើក្បាល
ត្រអាលប្រែខុសពីពាក្យខ្លួន។
១៥.តែងកាព្យឱ្យត្រូវនឹងសម្ផស្ស
តាមពាក្យចាស់ៗដែលមានចួន
ក៏ចេះតែតែងតាមចិត្តខ្លួន
ឱ្យកាព្យមានចួនខុសមាត្រា។
១៦.ពាក្យអើយនិងអ៊ើយសូរផ្សេងគ្នា
ដូចជាប្អូនអើយ(អានប្អូនណើយ)
ម្តេចឡើយថា
ស្តាប់បងមិនឮឬស្ងួនភ្ងា
ធ្វើជាមិនឮព្រោះរឹងខ្លួន។
១៧.ព្រះបាទសម្តេចព្រះហរិរ័ក្ស
ទ្រង់បានបញ្ជាក់ដោយផ្ទួនៗ
ក្នុងកាព្យព្រះអង្គដែលមានចួន
សំនួនសម្ផស្សឥតមានឆ្គង។
១៨.កវីគួរតែយកតម្រាប់
ពុំគួរប្រញាប់កាត់រំលង
រំលុបបែបនោះមិនត្រាប់ត្រង
ខុសពីបំណងអ្នកប្រាជ្ញចាស់។
១៩.មានអ្នកតែងកាព្យខ្លះហ៊ានថា
ម្តេចមិនវាចាឱ្យជាក់ច្បាស់
ប្រើជាកិរិយាស័ព្ទខុសណាស់
គួរផ្លាស់សម្តីនេះចោលចេញ។ល។