الرادود باسم الكربلائي | اولادك تاهوا يامسلم

الرادود: باسم الكربلائي
الشاعر:الأديب جابرالكاظمي
السنة: 1421هـ 2000م
..................................
أولادك تـاهـوا يا مسلم و امهم تجري ادموع العين
مـذعورة و تصرخ يا الوادم محد شاف أطفال اثنين
* * * * *
مـسـلـم عن حال اولادك أروي لك أفجع أخبار
كـانـوا بأرض الطف و شافوا مصرع فتيان المختار
شـافـوا غـارات الخياله كلما حل بالطف و صار
شـافـوا فزع العسكر لمن عل الخدر هجموا صوبين
* * * * *
دوية خيل و من كل جانب تهذي بصولات الفرسان
مـا ظـل صـيوان و لا مضرب إلا و شبت بي نيران
و هـنـاك أطفالك يا مسلم فرت بفجوج الوديان
تـتـعـثّـر بـطعوس الغبرى ما تعرف تتوجه وين
* * * * *
لـيـل انهار اتحث بالممشى و تصحبها اهموم و الآم
مـا تـدري اليا صوب اتطوح بيهم ركبان الأجدام
لـن دخلوا حارات الكوفه و صاروا بين ايد الظلام
و بـسـجن ابن زياد الظالم سجنوا بالكوفه الطفلين
* * * * *
بـالـسجن المظلم و اتجهوا للرب و اخدوا يتعبدون
أشـبـاح الموت اتراودهم شنهو اليحصل ما يدرون
بـهـا الـموت و لن دارت من ذاك السجان اعيون
لـن الـسـجان يشاهدهم ويَّ الخالق مشغولين
* * * * *
مـا بـيـن الساجد و الراكع مسجونين بلا أسباب
حـن قلب السجان اعليهم ناشدهم و يريد اجواب
انـتـو مـن انين و من يا ديره تنسبون اليا أنساب
قـالـوا احـنا انعود المسلم لو رايد تعرفنا من انين
* * * * *
عـاصـف لـوعه بقلبه اتهيج و اتغير حال السجان
صـاح آنا اتعذر عن كلما صادر من عندي و ندمان
بـيـش اتـعذّر يوم المحشر باجر من سيد الأكوان
لـو عـاتبني و قال أطفالي بسجنك كانوا مسجونين
* * * * *
أخـرجـهـم بالخفيّة و لكن طلعوا مدهوشين البال
يـتـخـطـون ابلفح البيده شايلهم موج الأهوال
لـمـن أتـعـبـهم ممشاهم ناموا مهضومين الحال
نـومـة مـن يترجى الما مش مهمومين مكسورين
* * * * *
شـافـتـهم حرمه و أخذتهم للمنزل وياها اضيوف
لـن صـاحب هالدار الظالم ساورهم بغيوم الخوف
و زوجـة هذا الغادر تصرخ اترك هالطفلين اضعوف
لـيـش اتـلـطخ ايدك من دم هالأطفال المحرومين
* * * * *
بـاتـوا لـيـلـتـهم بالمحنة من بيّن وجه المصباح
يـم شـاطـي الجدول وداهم هذا الشرير السفاح
سَـل الـسيف و آمر عبده هالطفلين اذبحهم صاح
هاك السيف و روح اذبحهم يا عبدي و جيب الراسين
* * * * *
هـم عـبده اتهّيب هم ابنه رفضوا أمره و ما طاعوه
و الـنـوب بـنـفـسه اتعناهم هذا الغَدار المعتوه
سـل سـيـفه و رايد يذبحهم لن هالطفلين ينادوه
ارخـصنه انصلي الوجه الله و ندعوا المعبود بها الحين
* * * * *
صـلـوا لـلمعبود بمدمع يقطر عل الوجنات ادموم
دعـواهـم يسمعها الباري يسمع دعوة كل مظلوم
صـاحـوا بـين الظالم و احنه احكم يا رب يا قيوم
سـيـف الـظالم يتنطرنه و إحنه أطفال و مظلومين
* * * * *
اتوجه صوب الطفل الأكبر حز راسه بسيف الأحقاد
مـن حـز راس الطفل الثاني بالجدول ذب الأجساد
شـال الـروس وياه و مسرع راح المجلس ابن زياد
كـل ظـنه اعلى المال ايحصّل لنه ايضيع دنيه و دين
* * * * *

[@عمارالبديري-ف3س]

لا الاه الا الله محمد رسول الله صلى الله عليه وآله وعلي ولي الله

[@mustafaaljabori7561]

اسلام على سفير الحسين

[@mediastar8257]

اويلاااه 💔

[@سجادالعراقي-و1س]

هذا مو صوت الملا بل2000 منعمين صوته