💥 بدون ابداع 💥 كلمات : فالح ابو عضيده || اداء : خالد المري ( العذب ) || 2024
ฝัง
- เผยแพร่เมื่อ 19 มิ.ย. 2024
- " بدون ابداع "
كلمات :
* فالح ابو عضيده *
اداء :
* خالد المري ( العذب ) *
مونتاج :
* عمر السبيعي *
0502938093
شعور الغريب ونظرة المغرم الملتاع
وصمت الحزين وسالفة قمري الواحه
خذت من ثمار اللي جنيته ثلاث ارباع
وراحت مراح اللي طوى البعد مرواحه
يضيق الصدر لكن مادام الدروب اوساع
على ويش اخلي ضيقة الصدر تجتاحه
ظروف الحياه احيان تجرح طويل الباع
لكنها تسوي له عملية اجراحه
مثل ما الظروف انواع اشوف العباد انواع
عسى الله يعين اللي غدا صبره سلاحه
وجيه اكثر العالم تشوفه بدون اقناع
وباق الوجيه ايبين من نظرة اشباحه
تغر المظاهر لكن المظهر الخداع
لو ايزين في عيونك مايشعرك بالراحه
ليا شفت قدر المال في نظرت الطماع
تجودت ف اللي مابعد حسب ارباحه
نفوس الفقارى من بياض القلوب شباع
لو الزاد بعض احيان ما يملي الراحه
ياصعب المنى مير الله المعطي المناع
ليا اعطاك قام الوقت يخفض لك جناحه
لو ان دون رزقك سيل وادي وحب اكواع
يجوز ابسط الاشياء توصلك بالراحه
شف نيوتن اللي سمعته ضجت الاسماع
اِلفظته على السنت التواريخ تفاحه
انا احيان اسوي لي قصيدة بدون ابداع
على شان ما احس اني اكبر من الساحه
احب التواضع بس لاشانت الاوضاع
احب الثقل والغطرسة والتبجاحه
طويل الذراع اليا وقف مع طويل ذراع
نفض صدري الاحزان واستقبل افراحه
اثمن رعود المزن والبارق اللماع
لو اني شمال وسيلها من ورى الباحه
سلامي على اللي شاع ذكره وطيبه شاع
ابن ذيب ناصر بيرق العز ووشاحه
ابو ماجد اللي في المراقيب له مطلاع
تسابق سلاطين الفصاحه على امداحه
هذا حامي الضيف وهذا الشامخ الفزاع
ليا صِك باك الطيب يمناه مفتاحه
بعد مابنى قصره على العز والاسناع
طلع معلمٍ في الخرج يسمو بسوّاحه
عليه الضيوف اكثر من البدو في المرباع
صناياه تندى والتراحيب صداحه
ليا صارت ظروف الليالي حلوق سباع
عطاها ذراعه دون من سمع بصياحه
سعة صدره اكبر من مدى خارطة الاضلاع
من ايضيق ياخذ في طرفه رحلة سياحه
لو ان للمعاريف اجنحه ما اعترف بالقاع
لقيته يحجب اشعة الشمس بجناحه
جميله علي احلى من الكيف والمقداع
على كبد عودٍ متعبه طول مسراحه
خوانه كفو ويقدمونه وهو بتاع
واذا غاب جوك بعزم وزنود قداحه
حصون القبيلة والقبيلة مقر اسناع
بني مالح اللي للمواجيب نطاحه
ملوح الفخر لا جاهم الخايف المرتاع
تشوفه من التبجيل يومي بمسباحه
يسولفنا بنا اللي فيه ضيقه وفيه اصداع
ويبطي ماوده للمجاهيم في امراحه
سبيع الكرامه تدبل الصاع بمية صاع
ولانا ما تمحاه الليالي بمساحه
ترى المجد امانتنا ما يشرى ولا ينباع
تبرى الجبل منه وحملناه بالراحه
عن الكايدة مانعرف اندور المهزاع
نجيك اسرع امن الحر لا اموو بملواحه
وقف بسمنا التاريخ متوازي الاضلاع
لا لا فعلنا قد بينت فيه الادباحه
انا احيان اسوي لي قصيده بدون ابداع
علشان ما حس اني اكبر من الساحه
يا سسسسسلام يا النرجسية الفخمه يافالح😂❤️❤️👌🏻 وابسط حقوقك دام ذا هجسك وذي قريحتك ماشاء الله
يستاهل عمي ابو ماجد 🔥🔥🔥🔥🔥🔥🔥
انا اشهد يا فالح ان جديدك مثل الحيا نتباشر به ونتعب على شانه
👏🏻👏🏻👏🏻👏🏻👏🏻👏🏻👏🏻👏🏻
قصيده ولحن مممتاز 🎉🎉🎉🎉🎉🎉🎉
يوم اسمع قصيد فالح أبو عضيدة وحزمي بن سعد
أتمنى كثرة المال لإكرام هذا الإبداع المتفرد العجيب صنعوا خط جديد في شعر المدح
شهادة حق من شاعر وناقد يدري وش يقول
وماني سبيعي وليست عنصرية
أما العذب فهذا منشد في كفة لحاله ماشاء الله
صح لسانك يبو عضيده الفكره عالميه
شف نيوتن اشهرته التفاحه 😂😂😂👌
مع حنجرة مري قريحة سبيعي هنا اكتمال الأبداع الله درك يافالح وصح الله لسانك
مدغم ابو شيبه ، حزمي بن سعد ، فالح ابو عضيده
عز الله انهم تربعوا على عرش الابداع
ياسلام يبو عضيده قصيد فاخر ونادر صح لسانك ✋
قصيدة جباره و لحن جبار ب ختصار
والله وسبعين نعم يا عضود سبيع وصح لسانك ❤
عسى عمرك طويل يافالح للشعر
فالح شاعر فريد من نوعه ونادر
صح لسانك يبو عضيده 👍🏻👍🏻
صح لسان الشاعر الكبير فالح ابو عضيده
صح لسانك يا ابو عضيده … لكن ظلمتها بالعذب .. ما عطاها حقها
الى الامام الله يوفقك
يستاهل ابن ذيب
صح لسانك ي فالح وجعلك ما تعجم لاكن العذب دون قصورن فيه مالبسها ثوبها باللحن
صح لسانك 👍🏻 .
صح لسانك يامبدع
محمد السباعي من جهه اتصالك تحياتي لك ترليون ياغالي وصح الله لسان شاعركم لكم تحيه من لسن اخوكم ابوعاكف اليماني
👍🏻
ظلمها العذب💔💔
أشهد أن لا إله إلا الله وأشهد أن محمد رسول الله .
أشهد أن لا إله إلا الله وأشهد أن محمدرسول الله .
😂اللحن كنه السالفه اللي سامعها الف مره!!
انتهئ العذب
اكثر ٣ انتظر جديدهم
١ سفر
٢حزمي
٣فالح
القصيده جزله وصح لسان ابو عضيده .. والعذب كفووو لكن ما توفق في اللحن …!
ي سلام عليك قلت اللي بنفسي 👍
الكلمات ابداع يابوعضيدة بس الإلحان غير متراكبه ابد ياليتك تشوف استديو تون لايف او استديو افضل يضبطك بالإلحان ولا المنشد صح صوته بس المشكلة فالإلحان فقط
ابو عضيده صح لسانك والله مبدع مبدع ودايم اتوق لجديدك انت وحزمي سعد وتنافسون بعض يشهد الله واللي يقول غير ذا الكلام مايفقهه بالشعر لكن قصيدتك هذي بصراحه
بالقافيه هذي ابدع فيها حزمي سعد قبلك 😅😊
ماحصلت ..في الخوه مثل خوة الالهام
هو اللي لاكوع طوع الصعب .. باالراحه
أنا أحلامي اكبر من .. مدى واقع الأحلام
ادور لها .. مشي … وطياران .. واسباحه
مافكرت اجي شاعر …مدى حلمه الاعلام
افكر متى اقلب كرسي الحكم في الساحه
عشان .. اعدالها مثل .. مااعدل ..المرزام
واقوم امسح اسماء اللي للاجوخ مساحه
مقامي ..مايسمح لي.. بغير المقام الهام
وكبدي من .. اللي يدبل .. الكبد منلاحه
تقبل وجهه نظري يالامير
الشيله كارثه بس الترويج ماخذت حقها منه
( فالح أبو عضيدة = حزمي بن سعد = سفر الدغيلبي ) يتشابهون جدًا بالنسبة عندي
سفر طلعه برا ماهو قصور فيه بس شعر يعتمد على الثقاقه اما الثنين ذولا ابداع فكر وطرق جديد وتركيبات اقولها ويعلم الله ماني سبيعي ولا لي عرق فيهم
@@user-bv1jg5ly2uبالنسبة عندك هذي وجهة نظرك، أنا بمنظوري متشابهين في بعض المفردات والمعاني، واختيار الألفاظ كذلك، والثقافة
ذولا اكبر من سفر
@@user-vy7xe6cv9w مدري تكرهه ولا متعنصر🤣
@@NoufMo وجهة النضر تميز شاعر عن شعار لكن مو تجيب شاعر وتشبهه بشاعر ثاني هذي ماهي وجهة نضر
المنشد اعماها والا قصيده
العنوان عكس المحتوى
عاد الشاعر هو منزلها
الشاعر ذا مصيبه لاكن لم يوفق فالمنشدين
انشدوا له ال بريك والعذب من تبغى غيرهم
م عاد ورا صوت العذب عذب م شاء الله
ليس المنشدين ياجماعه انا وقفت الشيله وقريت الابيات عشان اعرف اميز وش البيت اللي في القصيده جزل وشهادة حق ان القصيده من مطلعها لا مصرعها جزاله لكن السبب في اختيار اللحن سوا من المنشد او من فالح لكن اللحن ماهو موفق مع اغلب قصايد فالح
ثانياً - فالح شاعر جزل وشاعر يمثل قبيله وعلم من اعلامنا وركن ولسان كلنا نتفق على الموضوع هذا لكن الشاعر اللي اغلب قصيده مدح تكون جماهريته ماهيب اللي وانا اتمنى فالح يقرى كلامي هذا ويسمعنا الابداع الشعر بشتى مجالته غزل ,ٍ عتب . حزن . الله يبعد عنه الحزن ماهو ضروري ان الشاعر يصدق في مايقول لكن ضروري ان الشاعر يكذب لجل يصدق ويثبت ابداع قريحه الشعريه
عندك حزمي اغلب قصيده مدح لكن اربع شهور ونسمع غزل التنوع ضروري ياابو عضيده والله اني من محبينك وداعمينك وانت فخر ويوم نسمع قصيده لاي شاعر سبيعي اي كان نتنومس واعذروني على الاطاله
اللحن سيء وغير متوافق مع كلمات القصيدة والايقاع بدائي وقديم
كل وحد وذوقه ترا بالعكس تجنن القصيده و اللحن 👌
انا اعجبتني الصدق
ازعاج وليس شيلة
سكب