شيلة شيول ابن دغش 2024 🔥 | كلمات محمد الرويبخ | اداء جفران بن هضبان | الاد جغثوم بدوً فالنهار الزحوم

* ملاحظة : نسخك للمحتوى او إعادة رفعه يعرض قناتك للإغلاق
إشترك في قناة نواف البقمي | القناة الرسمية .
/ @oa.7u
‏Snapchat : oa.7u
‏cutt.us/asoPX
‏Twittwr : oa_7u
‏cutt.us/3rSCA
قناتي في التيليجرام /
t.me/joinchat/AAAAAEiHYPN21F9...
نواف البقمي - القناة الرسمية ( حصرياً ) 2024
_______________________________________________________________
كلمات الشاعر :
محمد الرويبخ
اداء المنشد :
جفران بن هضبان
تصميم ومتابعة :
نواف بن منير
الابيات :
اشلا مع اول براد الليل وانسى الهموم
وتفوح كبدي مع الساعه لا جات 12
كن الكواكب تحول فوق روس الحزوم
واوحي لي اصهيل وارزام وحيايا توش
افرز بكفي ظلوع الصدر في كل يوم
ويطير من جوفي المجروح طيرً وحش
مانيب من طيب ابيات القصيد امحروم
حتى ولو كان صوتي يوم اغنيه اجش
الرجل من يضرب الدنيا بقو العزوم
ترمي عليه الجبال وينتهض ما بلش
واللي يدنق براسه في دقاق العلوم
ما يرتفع لو بشيول عايض ابن دغش
الطيب في عظمة القله ماهو فالهدوم
والمدح للي يقول اقلط وسم وتعش
وانا لا قمت اسمك بيوتي لسمو البقوم
كن الاراضي تطابخ والسحابه ترش
يوم الاكاوين وشعاف الجهل والسموم
من سابر بكارنا كنه يسابر نعش
من دونها داخن البارود مثل الغيوم
السيف ينقا الجماجم والمحدش تقش
رمحً نعرض بعوده في كبود الخصود
ما ينرفا مضرب سنانه ولا ينقش
العود منا مضرىً بالنهار الدحوم
وللخيل عجً تقولنها مقاهي شيش
و اصغيرنا ينطح الطاله ويقضا اللزوم
قدام لا يفتل الشارب ودقنه يكش
ي مرحبا في محلات الكرم والسلوم
ترحيبةً تسمن الخاطر وتروي عطش
ف حلال مشرع ياجعله في حنان الرحوم
اسمً تعلى القباب الطايله وانّقش
قسم ابن مسلط من الامداح خير القسوم
يوم النمور اتعادا والذياب اتعرش
عودً لاعصب براسه يوم نفذ الكموم
يصهل بعظمً ما لان وحاجرً ما رمش
وليا هرج واللواحي في ضجيجً يعوم
تخارست عقب كانت ف هدران ودوش
ي مشاري انتم من ابراج الثنا فالبقوم
ومذاريً للقلوب ليا غدت ترتعش
مراكز العود الازرق عند باب القدوم
كنك بتصدم ربابينه لا جيت بتخش
واللي مايدهش من فعول الكرم والقروم
لو تقتلع عينه بسكين ما يندهش
انتم مذاخير مسلط والبيارق تحوم
والشلف تاكل وعرقان الجماهي تبش
الاد جغثوم بدوً فالنهار الزحوم
لاذوادهم كن حزمان الوطى تنفرش
مرباعهم عند قوم وصيفهم عند قوم
ترعا تحت ظل رمحً في علوه ريش
البل عمود المراجل واعترام الخشوم
لابكر اللي تقول ارعود نوه تهش
اعلاجها مزعة الشده وطرد الوسوم
ماهيب فالشبك والا في بياطر جرش

[@oa.7u]

حسابّي في snapchat 🤍 .
cutt.us/asoPX

[@user-is2bw7my3i]

سلام عليكم

[@user-is2bw7my3i]

‏كيف نتواصل معك

[@oa.7u]

@@user-is2bw7my3i واتس : 0535941516

[@user-sk1on7zn4v]

الرويبخ شاعر ومطنوخ 👌👌

[@user-pi9nx2ro9u]

هذا لا قالو لك قصيده حربيه عزالله انه كارثي ذا الشاعر 👍🏻👍🏻👍🏻

[@xixx-tx5js]

واللي يدنق ب راسه في دقاق العلوم
ما يرتفع لو بشيول عايض بن دغش
سبحان من دله ع هالبيت صح لسانه ونعم فيه وفي ربعه ونعم ب عايض اللي تغنا الرويبخ بفعله ❤👍🏻

[@user-pu7ek8sz1m]

انشهد والله اني متعجب

[@user-le6mu3iw9e]

فكرة البيت الشطر الأول والشطر الثاني جميله ماحد سبقه عليها / اللي يدنق ب راسه في دقاق العلوم / مايرتفع لو بشيول عايض بن دغش / وهذا الصحيح الردي ماهما حولت انك تخليه يطيب ماراح يطيب وراح يفعل الطيب مع احد حتى اقرب خويايه ماينفع هم

[@poetsfeeling5577]

ذي الابيات ذكرتي في بيت ( الدله اللي تقدم عند باب الضيوف .. جت تشكر الضيف من لهفه على جيته ) ابداع ابا عايض 👏👏

[@user-rn5zs5tv8w]

الرويبخ شاعر 2024 الاول وسيستمر هالاسم طويلاً ، انا اعتذر اني ماعرفته الا بعد المعلقه❤❤❤
. عتيبي يعز البقوم

[@-fm.464]

ماتعز الا الي يعزونكم ويغلونكم عتيبه والبقوم صحبه ورفاقه وعواني❤

[@user-ic7lk4bv9g]

البقوم وعتيبه قبيلتين عزيزة

[@user-ij3qc4mc2u]

صح الله لسان الشاعر عزالله مبدع مبدع والبقوم كفوووووو وكل احمر عين من القبايل يشوش منها وكل قسمه فيه من الطيب والشاعر هذا مبدع مبدع وجزل

[@روايةالمج07السجايا]

الشاعر محمد. شاعر جزل صاحب القصيده الشهيره
بعض الرياجيل مثل الدلو في ألجمه
مطيحه وقعته ماهيب في ايدينه
الله عليك

[@ameralbogami2173]

الكلمات والمنشد شي ثاني والروبيخ مجرم كلمات لله دره🔥🔥

[@Sabwal]

لله درك يالرويبخ وصح لسانك قصيده كايفه 👍

[@user-zy5vy4ie2e]

القصيده كفووًًًًًًووووًًًًوووووً وابدعت الرويبخ محبك القحطاني

[@user-fg4ze2up2y]

اشهد بالله انه مصيبه الرويبخ👏🏻👏🏻👏🏻

[@user-tt2sm2zm8b]

كلمات وصوت ماشاء الله تبارك الرحمن

[@user-qj1of1ek1w]

سبحان الله وبحمدة سبحان الله العظيم❤

[@alshaddadi1]

الرويبخ بلغة اللي يلعبون طايرة يرفع في الشطر الاول ويكبس في الثاني 😅😅 صح لسااانه والمنشد عملاق

[@user-dh3vn3yo6z]

عمالقه الساحه

[@user-bv1jg5ly2u]

هههههههههههههههههههههههههههههههههههههههز ياسلام على التشبيه

[@user-jm5ir4nz8u]

حلوا
هاذا والله الشاعر والا فلا
وابن هضبان مبدع

[@user-tg6zp7xp6u]

انا دققة فالبيوت فيها شي ماودك انه قاله ولكن تعتبر من الصنف الجيد هذي البيوت تعتبر عابره

[@user-jk8rj3gb1r]

وشهي

[@albogami_az]

الرويبخ كارثه بس لو يفتك من شيلات المناسبات

[@user-hc3pz5zt5h]

اتفق وانشهد انك صادق .

[@user-oc6ln4sk8q]

شيلات المناسبات اجباريه اذا زهمه ولد عمه والا واحدن يعرفه مهوب مجنب ❤

[@user-bv1jg5ly2u]

@@user-oc6ln4sk8qمافيه شاعر يجامل حيا الشاعر يكون من بدري ماعنده إشكاليه ولاجاه احد يكتب

[@majed8518]

ما عرفتك يا دكتور غسان

[@albogami_az]

@@majed8518 لي الشرف انك ماتعرفني

[@user-gu1xp6lx5j]

يسلااام يسلاااام😇🤙🏽🤙🏽

[@mohgan2549]

مجنون البقمي و دندون وصح لسانه عز الله مدح

[@user-pm4bm3gn3x]

لله درك ياشاعرها ومنشدها ومن قيله القصيده فيه وفي جميع البقوم

[@user-id4jy1sw2n]

ابدعت ي الرويبخ و استمر ي الحصان الى الامام

[@user-fz6xq9lv3q]

الشاعر قوي ونشيد قوي والمنشد وافي وفكرة مجنونه ..

[@faisalalharthy25]

عزالله انك مبدع ي الرويبخ

[@user-dh3vn3yo6z]

الله عليك ياشيول عايض بن دغش

[@user-nf2oy1dk6g]

لله درك يابو عايض اما كذا ولا فلا👏👏👏👏

[@uu-9511]

كفو ثم كفو ثم كفو في مناسبات والا غيرها

[@ttll9408]

اشهد بالله ان شاعر وصح لسانك ي محمد ي طيب راسك ماطلع الكلام ذا الا من اصوك راس

[@user-cf6gu2nf3h]

بيض الله وجه بدااااااع

[@Kshs06k]

وسبعين نعم ويستاهلون عيال مشرع وجعل شايبهم الجنه وصح لسانك يبو عايض

[@9ii90]

كفووو الرويبخ ابن العم

[@Khsb96]

ونعععم ببو مشرع الله يطول بعمره ويرحم شايبه وصح الله لسانك يبو عايض

[@user-dk6uz7rd9k]

كلمت شيش لفتت القاف. وفي القصيده لفتت البيوت بيت لو ترفعه بشيول عايض بن دغش.

[@user-pp3cy6ux9v]

مبدع ي الرويبخ صح لسانك

[@user-kp8xk7mj8n]

صح لسانك اشهد لله انك ابدعت

[@user-wz6jc6mr8c]

الله انه يطول عمره اشهد انه حموي وشاعر.

[@Al-talb]

ابداع … صح لسان الرويبخ

[@user-dk2hx3yx9q]

والله اني انتظرها من البارحه

[@العلاوالكرعانً]

إي والله انكً شاعر عظيم

[@saad-it9ul]

صح لسان الرويبخ

[@عبداللهالقحطاني-ظ5ب]

ياسلام وونعم يبو مشرعع 😇😇♥️

[@user-vo2mx9bm7p]

الله يسريك يالرويبخ ائيوالله

[@سعودالمعبدي]

كفو يابو عايض

[@حمدالبقمي]

شاعر علم محمد احمد الله وشكرها ❤

[@user-il3mx8ve8z]

لله درك يالروبيخ مجملنا

[@user-bs4xd2kv5r]

ابداع يبو عايض

[@حسنالدوسري-ب4ظ]

يسلام يابو عايض 👏🏻

[@saeedalaklbi]

لله درك يالرويبخ

[@سعودالمعبدي]

كفو مبدع

[@user-jq2nj6mf5y]

نفس لحن شيلة ( عز الطلب )👍

[@user-lx1yb3gr7w]

الرويبح مجرم

[@fbcv-by5jv]

اتعبتنا معك ي الرويبخ

[@ATH_511]

هنا الشعر الحقيقي والصوت الاصيل. ونعم بالجميع

[@user-dg5gz3qn1z]

ماعليك زود

[@user-ks9ej7th9c]

ونعم بالبقوم

[@user-dg5gz3qn1z]

ماعليك زود

[@adeb911]

قصيدة وشيلة جزلة

[@user-di3yc6zq4l]

فيد علف الشاعر هذا ابد مع العلف اقرب شخص يعلفه يصرف له قصيده

[@user-sc1lg8vp4n]

صمخ قصيد

[@user-ek5gs7rp2p]

وش معنى المحدش؟

[@user-oo5sj1jf1i]

اسم بندق قديمه

[@albogami_az]

@@user-ek5gs7rp2p بندق تشبه البلجيك القصيرة

[@uu-9511]

البلجيك

[@user-fu8uq7xd1w]

القصيدة بيدايتها قويه قويه من ناحية التركيب والأفكار
وآخر القصيدة مقارنه بالبداية تعتبر اقل من المستوى
الروبيخ شاعر بس لا يستعجل