एकमुखी दत्त मंदिर नारायणपूर | Narayanpur Datta Mandir |
ฝัง
- เผยแพร่เมื่อ 27 ก.พ. 2024
- श्री दत्त मंदिर नारायणपूर | Narayanpur Datta Mandir | #marathivlog
एकमुखी दत्तमंदीर श्री क्षेत्र नारायणपूर
स्थान: ता. पुरंदर, जिल्हा पुणे, महाराष्ट्र
स्थळ विशेष: एकमुखी सुंदर दत्तमूर्ती, श्रीगुरुपादुका, पुरातन शिवमंदीर
दत्त जयंती : पुरंदरमध्ये अतिशय उत्साहाने आणि भक्तिभावाने साजरा केला जाणारा उत्सव. याच आठवड्यात येणाऱ्या दत्त जयंतीचे औचित्य साधून आज आपण निघालो आहोत सर्वांग सुंदर, एकमुखी, षडभूज दत्तमूर्तीमुळे प्रसिद्धीस आलेल्या नारायणपूरला दर्शनाला. सासवडपासून ९ -१ ० तर पुण्यापासून ३०-३५ किमी अंतरावर असलेले पुरंदर किल्ल्याच्या पायथ्याशी असलेले नारायणपूर. हे चांगदेव महाराजांचे गाव आहे. निसर्गरम्य किल्याच्या पायथ्याशी असणारे हे स्थान श्रीगुरुंच्या वास्तव्यांनी अतिशय पवित्र झालेले आहे. "जय जय गुरुदेवदत्ता, अत्री अनुसये सुता" असा मंत्र येथे जपला जातो.
मंदिराच्या मागील बाजूला भक्तांच्या राहण्यासाठी व गाड्या पार्किंगची भव्य पटांगणात सोय केलेली आढळून येते. आहाराविहारासाठी अनेक हॉटेल्ससुद्धा दिसून येतात. मंदिराच्या समोरच्या मुख्य रस्त्यावर दोन्ही बाजूनी हार, फुले, प्रसादाची अनेक दुकाने पाहायला मिळतात.
मंदिराच्या मुख्य द्वारातून आत समोरच औंदूंबर वृक्ष पाहायला मिळतो. या औदुंबरात ब्रह्मदेवाचे वास्तव्य मानले जाते. खाली गणेशमूर्ती पाहायला मिळते. पुढे विष्णूभगवानच्या संगमरवरी पादुका आणि त्या पुढे शंकरची पिंड : असे त्रिमूर्तीचा वास असणारे हे ठिकाण. ब्रह्म विष्णू महेश या त्रिगुणांचे स्वरूप, अत्री-अनुसया यांच्या पोटी जन्म घेतलेले श्री दत्ताची एकमुखी मूर्ती या ठिकाणी १९८६ साली स्थापन झाली.
श्री दत्तजयंती व गुरुपौर्णिमा हे येथे साजरे होणारे महत्वाचे उत्सव आहेत. येथे गुरुवार व प्रत्येक पौर्णिमेस विशेष महत्व आहे. गुरुवार, पौर्णिमा आणि शनिवार रविवार येथे भक्तांची गर्दी पाहायला मिळते.
#dattamandirnarayanpur #shridatta
