قصيدة حسينية نادرة ( دگيت باب الحلم ) الشاعر صباح الهلالي

دگيت باب الحلم بس ردت اشوف الطف
شفت الگمر من عطش بس چفه لاح النهر رد للسمه بلا چف
والگطع چف الگمر من كثر خوفه عمه يلطم بديه عالدف
هناك يصرخ نهر ويصيح ما قصرت نهر الضماير جف
رگبه شفت من ذهب اتهلهل بلا وعي عالسيف من تنزف
وهلال توّه انذبح بگماطه ينزف ضوه وگلب السمه اعليه رف
ذب روحه خيط الضوه زغرت بعينه الشمس فوگ الحسين التف
حاولت ردت افتهم ما ادري بيَّ الخلل مدري الخلل بالحلم
معركه ، الموت انتصر ، والظل عدل ينهزم
السيف طگ رگبته صارت مناره وعلت بالسيف صار الثلم
حاولت ردت افتهم
دم صعد لاح السمه من شافها اتخردلت حمّر خدود النجم
شگد حاولت افتهم
الراس اعله سن الرمح تبچيله لو من صخر والراس الك يبتسم
حاولت ردت افتهم
ردت الم روحي وافز ، فز بين اديَّ الحلم
اعذرني يا سيدي ماگول يا ليتنا اعرف بروحي انهزم
الشاعر الراحل صباح الهلالي
ادم الحسن
#ادم_ابو_الشعر

[@user-qr1uf1yz4e]

و كاإنها قصيدة من 100 بيت 😢
رحمك الله صباح الهلالي

[@user-xb3zc7yt8g]

الله يرحم الشاعر صباح الهلالي

[@user-fp9kp5fq5v]

الف رحمه ع روحك ستاذ صباح النور ع قبرك ان شاءالله…

[@user-kf8ky1cc3b]

الله يرحمه برحمته الواسعة يشفعلك الحسين

[@-tarab264]

رحمك الله صباح الهلالي

[@user-il5tg2ex1k]

❤❤❤❤

[@mohamadalkalidy8571]

الله الله الله