Nuestra Señora Porta del Cielo ( Quinta Salida)

Birheng Maria, Pinto ng Langit
Si Jacob ay nanaginip at nakita’y “isang Hagdan, na sa Langit nakasandal at sa lupa nakhapay;”ang anghel ay bumababa’t umaakyat sa hagdanan, samantalang sa itaas ay nagusap ang Maykapal: “sa lahi mo’y liligaya’t mapalad na itatanghal ang lahat ng mga lipi sa laot ng daigdig”; nang nagising ay sinabi ni Jakob na “nuong banal”: “ITO’Y BAHAY nga ng DIYOS at PINTO NG KALANGITAN.”
Sa Birhen ko natutupad ang pangarap na nakita, pagkat lahat sa daigdig ay mapalad kay Maria; ang lahat ng mga bansa’y naligtas at lumigaya, pagsilang ng Manunubos sa mapalad nating Ina; kaya’t pinto Ka ng Langit, O mabunyi naming Reyna, dahilan sa Iyong Anak ay may Langit ng pagasa; sa Iyo po kumakaoit yaring aming kaluluwa sa hangad na makapasok sa Langit ng pagsasaya.
Ang pintuang daraanan pagsampa sa mga Langit ay ang Birheng Ina nating dalanginangsakdal dikit; ang sinumang sa Birhen ta’y mamintuho at umibig, maaakyat sa ligayang walang hangga’t kahulilip; siya yaong ingat-yaman ng biyaya at tangkilik, taga-abot ni Bathala sa nilikhang humihikbik; kaya siya ang pintuan, kung sa langit ay papanhik, yaman siya ang nagdala sa kay Jesus sa daigdig.
Ang pinto ng kalangitan ay ang pintong pinasukan ng Hari ng mga Langit at Hari ng santinakpan; si Maria na kay Jesus nagdala sa Kanyang tiyan ay Pinto ng Mananakop na sa Hari’y inilaan; bago siya ay manganak at nang Siya ay magsilangat nuon mang nanganganak, Birhen Siyang madalisay; iya’y Inang mahiwaga, pagka’t Anak niyang tunay ng Anak ng Diyos Amang Panginoon at Maykapal.
Kay ligaya at kay palad ng pintuang naging hirang, si Mariang punong-puno ng biyayang kumikinang; bukod siyang pinagpala sa lahat ng sang-nilalang, pagkat siya yaong Ina na walang maka-kapantay; papaano’y siya lamang ang nagkamit-kapalaran na kay Jesus ay magluwal sa nasawing daigdigan; siya yaong sa Dios Anak na Anak ng Amang Banal ay INANG maka-tatawag na “Anak nga niyang tunay.”
Mapalad nga itong Birhen na sa VERBO ay nagiwi, na ang tuwa’y sunding lagi ang nais ng Poong kasi; langit niya ang tumulong maligtas ang mundong imbi, upang lahat ay mapasok sa l’walhating makawili; siya’y Pinto ng liwanag na ang sinag niyang iwi ay biyayang umaakay sa Langit ng pagpupuri; ang glorya at l’walhating nais nitong pusong api ay sa Birheng Ina natin malalasap na parati.
Siya’y pintong nakabukas sa ligaya nitong Langit na “hindi pa nadarama’t nakikita sa daigdig,”kaya tayo ay dumulog sa birhen kong makalangit na pinto ng kalangitang may ligaya at pagibig; kay Maria ang luwalhati’y mapapasok nating pilit at doon ay sasambahin ang Maykapal na marikit; maglingkod at manilbihan sa PINTO ng mga Langit at doon ka mahahantong sa Ligayang ninanais
Birheng Maria, Pinto ng Kalangitan
Ipanalangin mo kami🙏

[@edwinarango5400]

Nakita ko Yan sa malanday sa Purok 6🤣

[@portadelcielomeekahstar2621]

Yes po taga malanday dn po kase ako❤

[@edwinarango5400]

@@portadelcielomeekahstar2621 talagang Hindi ko nakilala sa
1st Carosa akala ko iba
Porta Del Cielo pala