ಗೋಪಾಲ ದಾಸರ ರಚನೆ.. ಏಕೆ ಮಮತೆ ಕೊಟ್ಟು ದಣಿಸುವಿ ರಂಗ..

ಏಕೆ ಮಮತೆ ಕೊಟ್ಟು ದಣಿಸುವಿ ರಂಗ..
ಹಾಡಿದವರು ಕುಮಾರಿ ರಚನ ಶರ್ಮ
Lyrics : ಏಕೆ ಮಮತೆ ಕೊಟ್ಟು ದಣಿಸುವಿ ರಂಗ ?
ನೀ ಕರುಣದಿ ಎನ್ನ ಪಾಲಿಸೋ ಕೃಷ್ಣ || ಪ ||
ನಿನ್ನನು ಭಜಿಸಲು ಅನ್ಯ ವಿಷಯಂಗಳಿ-
ಗೆನ್ನನೊಪ್ಪಿಸುವುದು ನೀತಿಯೇ ?
ಮನ್ನಿಸಿ ದಯದಿ ನೀ ಎನ್ನ ಪಾಲಿಸದಿರೇ
ನಿನ್ನ ನೇಮಕೆ ಪ್ರತಿಕೂಲನೆ ರಂಗಾ ? || 1 ||
ತನುವು ತನ್ನದು ಅಲ್ಲ ತನು ಸ೦ಬ೦ಧಿಗಳಾರೋ
ತನುವಾರೋ ತಾನ್ಯಾರೊ ಅವರಿಗೆ
ಧನ ಮೊದಲಾದ ವಿಷಯಗಳ ಅನುಭವ
ಹಿ೦ದಣ ಜನುಮದ೦ತಲ್ಲವೆ ರಂಗಾ ? || 2 ||
ಇ೦ದ್ರಿಯ೦ಗಳ ವಿಷಯದಿ೦ದ ಭೇದಿಸೇ
ಗೋವಿ೦ದ ನಿನ್ನ ಮನಕೆ ಬಾರದೇ ?
ಇ೦ದಿರೆ ಅರಸ ಬ್ರಹ್ಮಾದಿವ೦ದಿತ ನಿನ್ನ
ಬ೦ಧಕ ಶಕುತಿಗೆ ನಮೋ ನಮೋ ರಂಗಾ || 3 ||
ಅರಿತು ಅರಿತು ಎನಗೆ ಅರೆಲವವಾದರು
ವಿರಕುತಿ ವಿಷಯದಿ ಬಾರದು
ಕರುಣಾಸಾಗರ ನಿನ್ನ ಸ್ಮರಣೆ ಒಂದಲ್ಲದೇ
ಮರುಳು ನೀಗುವ ಬಗೆಗಾಣೆನೊ ರಂಗಾ || 4 ||
ಎ೦ದಿಗೆ ಇನ್ನು ನಿನ್ನ ಚಿತ್ತಕ್ಕೆ ಬರುವುದೊ
ಅ೦ದಿಗೆ ಉದ್ಧರಿಸೋ ಕರುಣಿಯೇ
ಸು೦ದರ ವಿಗ್ರಹ ಗೋಪಾಲವಿಠಲ ಸುಖ
ಸಾ೦ದ್ರ ಭವಮೋಚಕ ನಮೋ ನಮೋ ರಂಗಾ || 5 ||