देवदर्शन पार्ट 1200 कामयाबी रा शिखर छूवतो हुओ पर्यावरण संरक्षण महा-अभियान कालका तपोवन, सिरोही

देवदर्शन पार्ट -1200 कामयाबी रा शिखर छूवतो हुओ पर्यावरण संरक्षण महा-अभियान कालका तपोवन, सिरोही
"धरती मां करे पुकार, वृक्ष लगाकर करो श्रृंगार"
" हमें चाहिए हरा भरा ओरण, हरा भरा गौचर"
कालका तपोवन सिरोही पर्यावरण रौ एक संकल्प अर सामूहिक प्रयासां रौ एक सफल प्रयोग है सिरोही री धरती मां ने हरियाली चादर ओढ़ावण रौ. इण क्षेत्र में हजारों पौधा पनपण बाद १२ साल पैला लीयोड़ो संकल्प आज पूरे होवतो लागे है.
राज, समाज अर भामाशाह रे त्रिवेणी संगम सूं ही कोई प्रोजेक्ट री सफलता सूं निश्चित हूवै है. सिरोही जिला प्रशासन, पर्यावरण सुरक्षा संस्थान अर प्रोजेक्ट प्रमुख भामाशाह पंकज ज्ञानचंद गांधी तथा अन्य सहयोग सूं आज आ योजना साकार रुप लेई सकी.
वृक्ष जमीन में खुदरी जड़ां लेई जा सके, पाणी खींचर ऊपर ला सके, ऊपर उठ सके, आंधी में झूम सके, ताप में मुस्कुरा सके अर भाटा मारण वाळा ने पण फल सौगात में देई सके. पेड़ बोत कुछ कर सके पण खुदरी रक्षा खुद नहीं कर सके. रुंख रौ महत्व इण बात सूं समझी शकाय कै २०१० सूं पैला अठै अर्बुदा गौशाला के कार्य क्षेत्र में अंग्रेजी बबुल लाग्योड़ा हा. २०११ में पर्यावरण सुरक्षा संस्थान, सिरोही तरफ सूं विश्व पर्यावरण दिवस रे दिन बड़ी संख्या में वृक्ष लगाया गया. कालका तपोवन री परिकल्पना की गई. इण परियोजना में कार्यकर्ताओं री ऊर्जा लगोड़ी है, सजृन है, संकल्प है. सिरण आदिवासी वनवासियों री कठोर मेनत सूं ऐ वन ओरण बण शक्यो है. आज इण वन सूं जिनावरां ने चारों मिळे है, सब जीवां ने ऑक्सीजन मिळे है, हरा भरा दृश्य निहळण मिळे है.
औरण संरक्षण सूं पर्यावरण शुद्ध बेणेला.
एक आदर्श गांव बनेला.
गांव स्वस्थ अर समृद्ध बनेला.
गांव री संस्कृति बचेला ओ है इण तपोवन रो ध्येय.