ఏలో ఏలో ఏలో || Christmas Song || Choreography || LGF Church

[@MariemarkMandadi]

ఏలో ఏలో ఏలో అంటూ - వచ్చారండి గొల్లలు
సంతోషాలే పొంగేనండి - హైలెస్సా
దారే చూపే దేవుడొచ్చే - ఉల్లాసంగా ఊరు ఆడే
సంగీతాలే పాడాలండి - హైలెస్సా
అంధకారాన్ని తొలగించే మహనీయుడు
పుట్టినాడండి యేసయ్య మన దేవుడు
నిన్నే కోరి - నిన్నే చేరి
ఇట్టా రక్షించ వచ్చాడు పరమాత్ముడు ||ఏలో||
లోకాలనేలేటి రారాజురా - ఉదయించే సూరీడై వచ్చాడురా
ఆకాశ వీధి - మెరిసేటి దారి - ఒక తార మురిసిందిగా ||2||
దూతాళి పాడి - కొలిచారు చూడు - ఘనమైన ఒక వేడుక
ఆ గొల్లలేగా - దరువేసే చూడు - మెస్సయ్య పుట్టాడని
మన మెస్సయ్య పుట్టాడని ||ఏలో||
వెన్నెల్లో పూసింది ఓ సందడి - పలికింది ఊరంతా ఈ సంగతి
ఈ దీనుడంట - పసిబాలుడంట - వెలిసాడు మహరాజుగా ||2||
మనసున్నవాడు - దయ చూపువాడు - అలనాటి అనుబంధమే
కనులారా చూడు - మనసారా వేడు - దిగి వచ్చె మనకోసమే
ఇల దిగి వచ్చె మనకోసమే ||ఏలో||
ఆ నింగి తారల్లా వెలగాలిరా - జగమంత చూసేలా బ్రతకాలిరా
వెలిగించు వాడు - మనలోని వాడు - నిలిచాడు మన తోడుగా ||2||
సలి గాలి రాత్రి - పిలిసింది సూడు - మనలోన ఒక పండగ
భయమేల నీకు - దిగులేల నీకు - యేసయ్య మనకుండగా
మన యేసయ్య మనకుండగా ||ఏలో||