Իմ բարի տատիկ
ฝัง
- เผยแพร่เมื่อ 29 ก.ย. 2024
- Խոսքերի հեղինակ ` Աննա Վարդանյան
Lyrics of the song: Anna Vardanyan
Իմ բարի տատիկ
Տատ ջան, խնդրում եմ՝ լոկ երկար ապրես,
Ապրածդ կյանքով կյանքներս օրհնես ,
Ինձ համար՝ որպես բարի քննադատ ,
Իմ կյանքի համար լույսն ես անաղարտ ։
Ինձ ոգևորող, ինձանով հրճվող ,
Երգերիս ամեն մի տողով ապրող ,
Իմ հրաշք տատիկ , ո՜նց եմ քեզ սիրում,
Մայր հայրենիքն ես դու իմ աչքերում ։
Թե քամիները ինձ ցավ են տալիս ,
Կրկնակի է քո հոգին լալիս ,
Ու թե ժպիտ ես տեսնում իմ դեմքին,
Բարձր խնդում է քո բարի հոգին ։
Դու պարտավոր ես դեռ երկար ապրել
Ու ժպիտներով կյանքս զարդարել ,
Որքան եմ սիրում ես քո նուրբ հոգին
Ու քո խոսքերը՝ քաղցր , մեղմագին ։
Դու ողջ կյանքումդ փակված ապրեցիր,
Ու աշխարհին քեզ չճանաչեցրիր,
Եվ նա չիմացավ , որ դուստրը յուր
Տաղանդներ ունի՝ բազում , անչափ , բյուր։
Բայց տաղանդիցդ ես ժառանգեցի
Ու քո մեծ սրտին սփոփանք բերեցի ,
Որ գոնե այսկերպ նրանք տարածվեն
Ու Աստծո կամոք բարին արծարծեն։
Իմ բարի տատիկ՝ միշտ կողքիս կանգնած,
Իմ պարգևներով ինձնից շատ հրճված,
Ում համար՝ որպես լավագույն գրող
Ես եմ, լրջությամբ ասում է հոգով։
Ճիշտ է՝ ծիծաղս մի կերպ եմ պահում,
Բայց նա ավելի շատ է լրջանում
Ու ավելի շատ սկսում է պնդել,
Որ ուրիշ գրող չկա առավել...
Տատ ջան, խնդրում եմ՝ լոկ երկար ապրես,
Ապրածդ կյանքով կյանքներս օրհնես ։
Ինձ համար՝ որպես բարի քննադատ ,
Իմ կյանքի համար լույսն ես անաղարտ ։
31. 03. 2022
©️Աննա Վարդանյան
/ Երգում է արհեստական բանականությունը /
❤❤❤