E aera tina aki riai n Onimakina TKP

Aio te titiraki ae moan te kakawaki iroumi kain Kiribati, moarara riki n te tai aio ngkai ti nang karaoa ara babaire ibukin rinean ara Beretitenti ao ara Tautaeka ae e na manga kairira inanon te 4 n ririki ae imwaira...
E aera bwa tina aki onimakina Tobwaan Kiribati Party are e kairaki iroun Beretitenti Taneti Maamau ma ana Kauoman ae Dr. Teuea Toatu?
E na kona n reke buokan kaekaan te titiraki aio ngkana ko ongora n ana maroro ara Karineaki temanna ae Sir Ieremia Tabai are e karaoia n te ririki ae nako ngke e kanakoaki Taiwan ao e karokoaki Tiaina te Komuniti.
Inanon te maroro aio, are e karaoaki nte mwakete are i Bairiki are ea tia ni buee, ao a mwaiti kanga taeka ni kaikonaki are e mwanewei Sir Ieremia Tabai are tina kakoaua bwa a bane ni koro nanoia inanon te tai aio.
Taeka ni kaikonaki aikai a bon irekereke riki ma aron karokoan Tiaina te Komuniti iaon Kiribati iroun ara Tautaeka ae kairaki iroun Beretitenti Taneti Maamau ma ana Kauoman ae Dr. Teuea Toatu.
Tekeraoi te ongora ao iangoa raoi am bwatei ke am Beretitenti ae kona rineia.
Kamanoa #KIRIBATI Rinea #BANUERABERINA Rinea #BKM Rinea #KIRIBATI #RINEABANUERA #RINEABKM #RINEAKIRIBATI #KAMANOAKIRIBATI

[@AueeTeborau]

Antai keweia aomata b'a aomata a bane ni wanawana, ao ko a kabua inam n aomata.

[@MatikaraiToatu]

Ko rabwa Ieremia n am marooro are koati n tabekia nakon te tautaeka ma ngaira Ake tiaki boo ma ke akea kabwaiara n Ami tai n tautaeka? tiaki Kona ae ti bon aki Kona ni karea Ami bwaoki ni karokoa tokin te tai ao tiaki n ae tao timwamwanaaki nte mwane ma bon iai Ara koaua ntatabemaniira are tiaki Kona ni manga kareiko iai.

[@fafetaibangao8435]

bon nanomi ni kaiangatoa ma bon akea te kanganga n rokon China ao akea naba te kanganga ngakana e nako Taiwan. Iain inaomatan te tautaeka teuana ma teuana ni karokoa te tautaeka teuana ma teuana mai abatera ao tia riai ngaira te botanaomata ni karinea ana babaire ata tautaeka ae tia tia n rineia bae na kabuta moa te waki n te tai moa aei ao ti onimakina ara tautaeka.

[@bennamakin7819]

Tera te kanganga ae e rangi n buburakaei ae e a tia n rangi n roota maeun te I-Kiribati man te tai are ti manga kabooua ara reitaki ma Tiaina? I kakoaua naba ae aio ana post Boutokaan Kiribati Moa Party ae e taetae mai iai Sir Ieremia Tabai, au titiraki n kan oota e bon teimatoa naba ngkai te Tia Tei aei n tiku ma Boutokaan Kiribati Moa party? E kakawaki ae e reke otara.

[@MarikitaSteffesen]

Te naan corrupt