【18區搵食-去荃灣唔食米線食車仔麵?!】去香車街市唔食老闆娘雲南米線|肥媽屋撈麵|唔使排隊嘅嘉樂冰廳|蛋牛治真係成本字典咁厚?|謙虛的小奄列|台灣過江龍蛋餅王|黯然銷魂叉燒蛋餅|是日最佳鮮芋泥豆乳
ฝัง
- เผยแพร่เมื่อ 29 มิ.ย. 2022
- 【18區搵食-去荃灣唔食米線食車仔麵?!】去香車街市唔食老闆娘雲南米線|肥媽屋撈麵|唔使排隊嘅嘉樂冰廳|蛋牛治真係成本字典咁厚?|謙虛的小奄列|台灣過江龍蛋餅王|黯然銷魂叉燒蛋餅|是日最佳鮮芋泥豆乳|開心收工後發生意外?
今集終於嚟到荃灣搵食!係呢個咁多美食嘅地方,要精選4間出嚟真係有啲難度,所以今次食嘅都係比較出名嘅舖頭~留返2.0先再試啲小店啦^^
第一間嚟到肥媽屋,平時大家過嚟香車街市,可能都係排隊食老闆娘雲南米線,其實除咗嚟食米線,呢間肥媽屋都好值得一試!主打車仔麵,睇啱咩餸直接叫,有啲似放題咁,之後再揀麵底。今次試咗好多人都推薦嘅撈麵!撈麵醬汁真係好濃郁!揀咗最招牌嘅3款餸,豬腸、鳳爪同釀豆卜,豬腸帶點肥膏,味道更香;鳳爪入口脫骨,好食!仲有老闆娘推薦嘅釀豆卜,將全部嘢撈埋一齊確實幾有風味~
第二間嘉樂冰廳,真係久仰大名,以食物份量多而出名!好好彩居然唔使排隊,當然要食蛋牛治同小奄列。平時喺IG見到啲相影得好誇張,但當見到實物嘅時候,同想像中有少少出入@@不過味道質素係ok嘅~淋咗美極豉油嘅奄列,完美還原小時候嘅味道,不得不說,蛋嘅分量好足,飽肚嘅!如果大家鍾意飲好立克,一定要試埋好立克奶昔,會令你眼前一亮,讚!
第三間蛋餅王,同海灣冰室聯乘,將正宗嘅台灣蛋餅帶嚟香港!叫咗香港限定嘅黯然銷魂叉燒蛋餅,除咗叉燒,入邊仲有芝士,加埋面頭嘅醬油膏,完全係台灣食到嘅蛋餅味呀!估唔到叉燒加芝士,再連埋蛋餅一齊食係零違和感,雖然價錢絕對唔平,但如果真係好掛住台灣嘅蛋餅,嚟開荃灣可以試吓~
最後一間豆乳狂人,自己私心想試好耐!見到每位客人枱上面都有鮮支芋泥豆乳,我都唔執輸,即刻買嚟試吓!第一啖飲到好香濃嘅豆味,之後芋泥味道慢慢湧出,超!好!飲!除咗飲品仲有甜品選擇,今次叫咗煙韌之選,入邊有芋圓、小丸子、珍珠同豆乳布甸等等,咁多款唔同嘅材料真係超滿足!可惜cut完機之後就發生意外,唔講咁多快啲睇片啦!
肥媽屋
地址:荃灣香車街街市1樓熟食檔
車仔撈麵 $40
嘉樂冰廳 (新村街)
地址:荃灣新村街40B號地鋪
鹹牛肉蛋三文治 $30 (烘底+$2)
火腿小奄列 $33
好立克奶昔 $30
蛋餅王聯乘店·香港
地址:荃灣大河道100號海之戀商場地下G01號鋪
黯然銷魂叉燒蛋餅 $58
SOYmart by 豆乳狂人
地址:荃灣大河道100號海之戀商場2樓2036號鋪
鮮芋泥豆乳 $32
煙靭之選 $45
主持、撰文:Yvonne Lam
攝影、剪接:Doris Wong
美術:Anita Lam
延伸閱讀:
【18區搵食-初遊佐敦之仙跡岩「真係咁伏」?】
• 【18區搵食-初遊佐敦之仙跡岩「真係咁伏」?...
【18區搵食-紅磡2.0之上得山多終遇難食食店】
/ ce29kjur0cs
【大埔家姐帶路之大埔名物尖叫系列】
• 【大埔家姐帶路之大埔名物尖叫系列】今集繼續對...
【18區搵食-大圍2.0之堅隱世村屋蛋包飯】
• 【18區搵食-大圍2.0之堅隱世村屋蛋包飯】...
星期四收工節目,準時睇Y小編食經
Yvonne 加油💪🏻💪🏻💪🏻
Y小編冰廳既comment算厚道
見到你食超好味 土瓜灣分店已經開了 立即走去試一試 多謝你嘅分享 因為見到你太好味
多謝您介绍,我住荃灣架,辛苦晒
肥媽好介紹,來睇
依家仲介紹嘉樂 水人去😢
肥媽, 原來返了去香車街, 我由香車街食到去城門, 老圍小巴車站, 之后沒有了, 還想肥媽不做了, 原來回去香車街.
靚女,見到已經好想食啦,尤其最後嘅甜品😋😋😋👍💖💖💖👏👏👏💯⚘⚘
講起以前既舊式冰室,老豆同我睇完戲去食tea,小孩子唔識叫嘢食,老豆例牌幫我叫蛋治一份,果啲蛋真係好厚,食到你好開心
香“居”美人;既
海灣冰室蛋餅無食過,但佢啲早餐真係麻麻,碗麵係唔熱,味道一般,絕對無下次
有新造型喎
嘉樂超土立土及
嘉樂轉左手之後細份左同埋都難食左,所以都無以前影相咁大舊蛋
小編要做下運動
軟糯阿,咩軟趴
嘉樂轉手跌晒watt都仲開到分店?
主持你太年青了
香居街