Ysgol Gyfun Gymraeg Glantaf yn ymweld â Seland Newydd (Llwybr 2)

Derbyniodd Ysgol Gyfun Gymraeg Glantaf gyllid Llwybr 2 i gydweithio â sefydliadau addysgol yn Aotearoa, Seland Newydd i ddysgu am ddad-drefedigaethu’r cwricwlwm, gan gynnwys edrych ar gyfoethogi profiadau dysgu ar gyfer ieithoedd lleiafrifol fel te reo Māori a Chymraeg. Roedd hyn gyda’r bwriad o ddysgu am egwyddorion ac arferion llwyddiannus a chyd-destunol o fewn te reo Māori a te Ao Māori (golwg byd Māori) yn Aotearoa Seland Newydd, a rhannu egwyddorion ac arferion cyfatebol mewn lleoliadau addysgol cyfrwng Cymraeg a Saesneg yng Nghymru.