شيلة العيد & خالد آل بريك - عايدت شيبان الجماعة ضحى العيد 2024

الحسابات الرسمية لـ قناة سعود البقمي
Whatsapp :
iwtsp.com/966502927899
Alfanlink :
alfan.link/saudalbaqmi
_______
كلمات سعد بن منيع
اداء خالد ال بريك
شيلة مهداه الى رجل الاعمال :
لواحق بن سليم العتيبي
..
عايدت شيبان الجماعه ضحى العيد
الله علـينا بالســعاده يعـــيده
ودقيت سلف الجيب ابوبصمة وليد
اللي ليا شتطيت لـعنت سيــده
كم ليلة مـنها لــهدني لواهيد
وخليت ابنصه ناشبٍ فـ الحديده
عنده من الراحه ومن يقطع البيد
شيخ الفخامه فالجيوب الجديده
في مقدمه من ميزته رمز توريد
ومن داخله تقول قطعة جليده
مصممن كله على كل ماريد
ومناي يوم اونس بكبدي وقيده
مبطي عن لواحق عشير البواليد
واعرف مكانه زين مبغى وعيده
شـيخ محله مدهـلاً للاجـاويد
من ربعــنا ولا من ايا بــديده
ماضايقوه الناس صدر ومواريد
وكرامته دايم ماهيب الزهيده
كم ليلة يملا الصيانا مفاريد
ويقـدم المــعذار ماله نقيده
راع النبا الطيب حفيد الصناديد
مــردداً يزهــاه بيت القصـــيده
رفيقي اللي خصـــني بالتناشيد
وعطاني اغلا ما ملك في رصيده
ارهـي على هــداج نبع القـراهيد
واقطع ضما الضامي على جال حيده
المـحزم المليان خـل الهرابيد
عضيد جنب وسعد منهو عضيده
والله لـ اعد اللي حصل منه واشيد
وبينه في راس عيــطاً مشــيده
ورويه للـتاريخ لا أنقــص ولازيد
لونها عـاده ماهــيب الوحـيده
عوايد لواحق مع الناس من حيد
من ماضي الايام ماهي جديده
فعـوله تشــوك بروس الاوالـــيد
وتحتار منها اهل العقول الرشيده
ركنن من الهيلا مثل نايف الحيد
واســمً تسميه الرجال وتريـده
مســبلً عليان لـ مــدور الفـيد
واغلب هل الناقه منه مستفيده
من اطيب سلالة زمول العجاريد
اللي بناته للمــنصات ســـيده
البـاتل اللي قيـمته مالها قــيد
الله يبـارك فـيه والله يزيـده
ماقال رده امنعه وقصر القيد
مسخيه والبدوان كلً حديده

[@tz.9i]

تقبل الله منا ومنكم صالح
وكل عام وانتم بخير 🤍

[@user-mk8pz7qs4r]

وانت بصحة وعافية ✋🏻

[@user-yl7jd1vl7t]

صح لسانك

[@user-yr2cm8oy1m]

مبدع مبدع 👌🏻

[@user-uq7fg5fz5i]

ياسلااااام🔥🔥

[@user-ms7zv4gn8v]

عاد عيدكم ❤
أبدعت يالاميرر

[@fahadsultan1442]

الله يسلم ❤✨👏

[@user-pu4rg5iy7t]

اول ❤