De Outeiro a Paradiña

De Outeiro a Paradiña: Deixando o camiño da forca, val abaixo, cara Maceda, chegamos entre campos e carballeiras ata Paradiña. Seguen prevalecendo os carballos aínda que se misturan con outras árbores. É difícil atopar unha vacaloura aínda que nos atopemos no seu hábitat e na época na que se poden ver. É o insecto mais grande de Galicia e de Europa, protexido, xa que a súa presenza é cada vez mais escasa. Apareceu morto posiblemente por causas naturais xa que o tempo corresponde co remate da reprodución. Chegamos a Paradiña. Só un gato de Amedo e outro de Paradiña acompañan a nosa camiñada neste verán do 2023. É un camiño doado de facer. No inverno parece ter zonas encharcadas.