هذا المجال يثير اهتمامي .. ، صراحة كمية الشغف التي املكها تجاه هذا المجال كبيرة جداا .. ، أسأل الله ان يوصلني اليها .. ، اللي قرا تعليقي يعاونني بدعاء .. ،شكرا 🤍
@@Rosa.bg80 يا اختي على هاد السبة غلقت الانستا هنا تفهمي بلي الجانب المشرق راهو يوريوه معندوش علاقة بالواقع وللاسف عقل المراهق راهو يامن بهذا ومع الوقت يندم .ولا الطب حلم الجميع ولاو لي تسقسيه حلمي منذ الضغر لوكان غير يعرفو حقيقة الطب في الجزائر بلاك يتهدنو
@@Rosa.bg80المدرسة عليا للذكاء الاصطناعي و لا تع الإعلام الآلي برنامج مطابق لبرنامج الجامعة سواء مهندس دولة أو Lmd الفرق الوحيد تلڤاه فالمواد الثانوية مثل الكهرباء أو تلڨا واحد يقري مادة فالسنة الثانية او لاخر فالسنة الثالثة فقط كي تكون روحك او تخدم روحك هذيك هيا الرسمي
انا تان جبت معدل مليح و حصلت بينها وبين دونتار بصح لازم نتي تبعي ميولاتك ايلا صح كنتي تحبي الطب go for it بسك رتح تبدعي فيه وتتميزي فيه ❤ good luck 💗 🥹@@abirbkr1031
@@MuhamedAchouak أنا لم أستعمل آية قرآنية و إنما هو إقتباس للمعنى فقط هات الدليل من فضلك مثل قولنا "إن المبذرين كانو إخوان الشياطين" من باب الإخبار و ذكر حكم من الأحكام.
اليك غزلان رسالة شكر وامتنان حرفياا: انا كنت من النوع لي يقرا و جيد نوعا ماا في مرحلة الثناوي لكن ماكنتش عارفة قدراتي الحقيقية، كنت حاطة في بالي الناس لي تجيب 18، و 17 و 19 هم ناس هاك خلقوا ممتازين اساسا جايين يقراو مكاش كيفاش تنافسهم، لكن بعدما شفت ملخصاتك المتقنة تاع لباك سيرتو سيونس و كنتي موثقة فيهم عدد الساعات 13h لي قريتيهم ولخصتي فيهم و ممكن يكونو اكثر من ذلك نظرا للمثالية و جودة انتقاء وترتيب المعلومات ولا ولا غلطة جهد صااارخ،، تبدلت منظوراتي الفكرية اتجاه الناس الممتازة و بفضلك نتي عرفت قدراتي الحقيقية و عرفت كيفاش نقرا و تحسن مستوايا بكثيير ادركت الشي متأخرة جداا لكن نوصل متأخرة احسن من ان لا اصل، ماعلاباليش اسك راح تقراي هاذ الجرنان😂 I love u❤❤❤❤ ربي ينجحك و يوفقك افضل حاجة صرات 2024 انني وجدتك ❤❤
هي كون نجو فصح جميع المجالات هي علوم و دراستها تكون ممتعة للناس لي تحبها سما ماشي الطب مليح و لا ذكاء اصطناعي و لا اي تخصص ماكاش تخصص مليح فحد ذاته انما الظروف و العوامل هي لي تخليه مليح مثلا هاذي التخصصات لي يقولو عليها مليحة لي يخليها مليحة فعلا هي وجود ناس ذكية فيها و تحب العلم و تتعب و تجد باش تحصل ذاك العلم في النقابل اغلب التخصصات لخرى يروحولها ناس ديجا جاب باكه بسيف و خلاص عنده العلم حبس فعام لباك كون جاو الناس الذكية تروح للتخصصات الاخرى حسب الميول تبانلي ثاني تولي تعتبر تخصصات مليحة و ثاني الخدمة تلعب دور لكن حرفيا فالجزائر ماكاش دومان ولا يضمن الخدمة ماعدا بعض المدارس العليا كالتعليم و الشبه الطبي لانها كونطرا بكري كان كاين نقص و فراغ في مجال الشغل في بعض الاخصصات هاذا لي يخلي الطلب عليها كبير لكن الان كاين فائض فجميع التخصصات و هنا تبقى فارق وحيد بينك و بين اقرانك باش تشد خدمة بقرايتك الا و هو المهارات و الشطارة و اكيد اكيد المعرفة سما نصيحة لصحاب لباك اختارو ميولاتكم وين تديكم و خلاص
Compared to ESI, i think that the school malgré programm isn't ''perfect'' and new and probably gonna change from time to time but at least it's not outdated! It keeps up with new tech and info, especially that things are changing day per day in this field ( NB : le programme d'ESI est le même depuis 2012!) another reason to go to ENSIA ❤
@@Nounou790 هي مليحة كمدرسة و من افضل المدارس في الجزائر بصح يبقى التخصص قناعة شخصية بالنسبة ليا نحب هذو لحوايج و الفيزيك و الرياضيات وعندي فكرة على النانو من بكري يسما انا مناسبتني
اختي النانو في الفيزياء هو انك تغييري في خواص المادة بطريقة تسمحلك باحداث ظواهر جديدة مثلا ظواهرر كهرومغناطيسية ولا بصرية وهذا كلو على مقياس جزء من المليون وهذي التقنية اكتشفها عالم الفيزياء ريتشرد في الخمسينيات و الستينيات بصح ماقدرش يثبتها لانو ماكانش كاين تقنية تسمحلك بدراسة المادة على هذا المجهر و الفيزياء هي علم يسمحلك بدراسة المفاهيم الاساسية و خواص الطبيعة اذا ماكانش علابالك يسما راني فاهمة مليح وش راني نهدر ماكان لاه تجي تلعبيها فاهمة هنا اما علاقة الرياضيات و الفيزياء اذا ماكانش كاين رياضيات ماراحش تكون كاين فيزياء بسك اساس الفيزياء هو المعادلات الرياضية نقدر نزيد نحشمك اكثر ونفهمك بلي راكي تهدري بدون اي اساس علمي 👍🏻
ماشاء الله تبارك الرحمن والله ملي عرفت قناتك و انا نتبع فيها و أصبحت إدمان ، لأول مرة ندمن قناة تاع نصائح و الدراسة و هاذي المواضيع لأني مش من ذا النوع 🌷🌷. شفت فديوهاتك القديمة و استفدت منها بزاف و ان شاء الله نطبقها و حبيت نشكرك صراحة بزاف بزاف لأنك ماتحطيش موسيقى و لا تبرج جزاك الله خيرا و ربي يرزقك من حيث لا تحتسبين 💗💗. تعجبني بزاف شخصيتك قوية، متميزة، مختلفة و جميلة ماشاء الله تبارك الرحمن ربي يوفقك في حياتك و في كل خطوة من حياتك كل الدعم و الحب لك 💗💗🌷🌷. مع إنتظار مقاطعك دائما 💗💗🌸.
كطالب في ensia اتفق في معظم النقاط اللي دكرتها الا اشعر انها ليست بالصعوبة التي يتخيلها البعض بعد مشاهدة الفيديو semestre الاول كان صعب شوية بسبب تغيير في البرنامج اما semstre 2 كان عادي بالنسبة للشخص تميز من قبل فالباك 🙏🙏
الشيء لي لاحظتوا حاليا انو الناس او بالاحرى الطلبة المتحصلين على البكالوريا انبهروا بايجابيات المدرسة وليس التخصص و هذا شيء مرعب و خطير{انا لوهلة تأثرت و لكن اظن بلي esiاحسن بل و فيها تخصص الذكاء الاصطناعي}والله اعلم هذي موجة كبيرة وياناس تخلطت
يودي esi ولا غباء إصطناعي في زوج كارثة منهاج تاعهم تابع لسياسة الحشو بدون تطبيق مجرد الجانب النظري ولاو طوندونس في طيك طوك و أنسطا أنا جبت باك 2022 ب 18.34 و قريت عام في esi و و بعدها درت تحويل لتخصص طب و ضك راني سنة ثانية طب الحمد الله
@@niolmollcmollmc2810 انا هدرت مع ناس دايرين ايزي فهموني وش يقراو و الدعوة كيفاه دايرة و عجبتهم بزااف و نصحوني بيها لاشارج اه كاينا و ساعات يقروا دي موديل معندهم حتى معنى و التطبيق لازم هوما وحدهم مش ليكول
@@niolmollcmollmc2810المشكل مبعد في الخدمة يعني باينا بلي تقدر تتعلم من لانترنات بصج تقدر تخدم غير freelancing لوكان تحب تخدم في شركة ولا لازمك شهادة جامعية
افضل و اجمل يوتيوبر نعرفها ! بصح كاين سؤال يدور في راسي بزاف وخالعني بزاف , هو نتي كنتي مهتمة بهذا المجال من قبل ولا لالا ?? لانو منهم اللي يقول تدخل ليها تعجبك بزاف و انا مازلت مانيش عارفة اسكو تقراي على البرمجة ولا علا الحاسوب في حد ذاتو ولا رياضيات و معادلات و شكرا من قلبي على الفيديو انا في انتضار الرد💖🌸🎀
هو مع ان انا مزال عمري 14 بصح من كان عمري 9 او 10 بديت ننجذب لذكاء الاصطناعي كنت نشوف الروبوتات و هكا في اليوتيوب و نهدر عليهم فاتوقع ان الاهتمام له دور
Its okey ana 9bel ma ndkhl esi mknch 3ndi pc asln apr ki dkhlt l’école bdit nt3rf 3la bzf hwayj f s2 i started going to workshops t3 les clubs w t3rft ela bzf nas w kl wahd f domaine t3o (it’s very easy w mtkhl3kch )
@@ikhlefrayane7670 ohhh thanks girlyy ,that means a lot ive been confused between med and esi , ive seen a lot about med and how their practice classes looks interesting , but i think now about how AI is still new here and there is more to work on it SOOO yeah thank uuu UwU
Je vous remercie pour votre courage lors de ce débriefing. Actuellement, je travaille sur l'intelligence artificielle en biologie structurale, une discipline qui demande beaucoup de travail. Cependant, cela reste faisable. J'encourage les étudiants à ne pas baisser les bras. Bon courage à vous !
@@user-sr7jg8xh5i ايه وهمال أولوية التوظيف لمن لتع الجامعات ! تروحي لكاش شركة مثلا ولا منعرف وين وتحطي السيفي تاعك يشوفو وحدة متخرجة من المدرسة العليا للذكاء الصناعي ووحدة متخرجة من جامعة عادية باينة حيخيرو لي متخرجة من المدرسة العليا للذكاء الإصطناعي خاطر الخبرة والتكوين والكفاءة عندهم أحسن من الجامعات وماشي غير تع الذكاء الإصطناعي حتى المدارس العليا الآخرى رياضيات وإعلام ألي والأساتذة وغيرهم تبقى شهادتهم أفضل من شهادة الجامعة علابيها كامل الطلاب يحبو يدخلوهم وفي الأخير راهي حاجة باينة بالي الإعتماد على النفس أساسي
عمري 13 مي مهتمة بهاد المجال 💗😭😭 ++ غزلان هل المرحلة التحضيرية تكون اصعب من السنوات ال3 الباقية او تحس ان تولي احسن من ناحية التعود على النظام الدراسي والضغط وليمودول يولوا احسن من ناحية الخبرة في المجال نوعا ما ؟ غزلان ديريلنا روتينك في الجامعة ويومياتك فيها وكيفاه تنظمي وقتك ونصائحك لتنظيم الوقت سواء طلاب الجامعة او الثانوية او المقبلين على البيام والباك 🙏🌟 وشكرا 🌟✨ *ان شاء الله نعاود نرجع للفيديو كي ندخل للجامعة ونجيب الباك*
ان شاء الله لاخت ننصحك متحاوليش تكبري احلام حاولي ديري هدف قادم قبل مثلا قولي حلمي الان نجيب في بيام 18 علاش لا بعد حققتي ذاك حلم روحي للباك واسعاي لذاك معدل بعدها تخصص استخيري ربي وهو يوجهك للخير وربي يحققلك وش تمنيت منقلكش متحلميش ولكن احيانا نتحطمو كي نكبرو املانا واعتذر مسبقا
@@user-zh2fp4ii6l لا بلعكس بالنسبة ليا وحدة في عمر 13 و تتفرج في فيديو كيما هاك و عندها شغف للتخصص، حالة جد استثنائية انا في عمرها كنت نتفرج في ماشا والدب كنت ممتازة فلقراية نقرا وصاي مكاش حاجة نخمم فيها خلاف،، و صعيبة كي يكبر لواحد و ماهوش عارف ايكساكت واش حاب ولا واش المجال لي ممكن يوالمو ويوالم قدراتو، شفت بزاف ناس حايرين بين ميدسين و مدرسة عليا اعلام و ذكاء اصطناعي، لي عندو شغف لحاجة و حابها من قلبوا ميكونش عندو وقت يحير اصلا في واش يخير، يكون ديجا عارف ميولو و حبو و دارس الوضع قبل لا يوقع في دوامة الاختيار واتخاذ القرار الله يبارك ربي يحفظها لوالديها ويوفقها وينجحها شمعة ان شاء الله تبقى منورة و ميطفيها لا واقع لا مواقع ❤❤❤
حبيبتي انا ام لبنت انتقلت هذه السنة رابعة متوسط نتمنى تقدميلها نصيحة تحفزيها فيها بحكم انك متميزة وناجحة ماشاءلله. هي ذكية ما شاءلله لكنها متهاونة بزاف
التوكل على الله و المجهودات الشخصية و ما تتكلش علا الاساتذة بزاف لانو الذكاء وحدو ميديكش بعيد و الاساتذة مايمدوش كلش معاك متحصلة على بيام 2024بمعدل 19.23❤
في فترة المتوسط التهاون كامل جزنا عليه تقدري تقولي مرحلة لي ممكن تكون الطفولة تاع الانسان غير مكتملة يبغي يلعب و يعيش امور اصغر من عمرو او ممكن اكبر من عمرو و ميحصرش روحو بجو دراسي دايمن و كثرة الضغط عليه بشأن مستقبلو يخليه ينفر منو اكثر و اكثر ازرعو فيهم فكرة الأهداف حتى ولو صغيرة و فكرة الانجازات حتى لو صغيرة يعني تكونو لهم حافز تحددو لهم اهداف و تراقبوا استمرارهم وتكافؤوهم مثلا هدف حفظ القرآن في العطلة الصيفية.. هدف تعلم لغة.. و حتى نفس شي مع الدراسة يعني في اليوم الواحد لابد ان يخرج بفائدة و لو قليلة حتى تولي مع الوقت عادة جيدة مغروسة فيهم منها راح يدركو قيمة الوقت لي عندهم و قيمة التنظيم و الانضباط و يفهمو معنى النجاح
@@Al_wathi9aa في وقت الرسول كان لي عندو 14سنة يحكم جيشش و دوك ولاو اطفال؟؟؟ هادي فكرة خاطئة هدا هو السن لي يخرجو مطفولة و يتعلمو يتحملو مسؤولية ولو كانت صغيرة بصح فكرة الأهداف ممتازة بصح هدي كي يكونو فبريمار انا مثلا كنت صغيرة و كانوا يورولي كي طلعت السيام قاتلي ماما "راكي تقراي لعمرك ماشي ليا انا "بمعنى آخر قاتلي قرايا لمصلحتك و دبري راسك والحمد لله ملي طلعت وانا دايما الاولى و جامي تروحلي و والديا ميديروليش حتى ليكور .....
@@FatImaAb-pz2en بحكم الواقع لي رانا عايشينو سوا للذكر وللأنثى و الجيل تاع ذروك " المراهقين "راه في فترة حساااسة بزاااف لدرجة قادرة تلقاي لي فعمرهم 14 سنة بالغين وبلاك اكثر الصلاة وميصلوهاش و باغيين غير يزهاو و يلعبوا و ترجع للتنشئة تاعهم، ف انا قلت انو يسااعفوهم قدر المستطاع ويراقبوهم مراقبة مستمرة و الوالدين هم لي يكونو الراعي لحياتهم لي يرشدهم و يدلهم لما فيه خير ليهم و يحفزوهم وهم لي يحددولهم اهداف و يعلموهم كيفاش يحطو اهداف لأنفسهم، بسكو كاين لي تلقايهم في عمر 14 15... يقلك صاي كبرنا ونقررو لرواحتينا..،، حنا رانا كبار و ديفوا تكون تالفتنا في حياتنا شتان بين عهدنا و عهد الرسول عليه الصلاة والسلام لا مجال للمقارنة حرفياا حنا نهدرو على 14 سنة و بيزار تشوفيهم ضايعين وتكوني حابة تصلحي امور فيهم وفي عاداتهم فما بالك بفئة الشباب لي اوعى منهم ومضيعين حيااتهم في عهد النبي 14 سنة يحكم جيش اما في وقتنا 14 سنة تغفلي عليه يمشي للطريڨ العوجة ويتبع الناس العوج و لا يدير فروحو حاجة..
غزلان بلييز جوبيني المدة نتاع الدراسة خمس سنيين ولا كثر ويقدرو يزيدو فالمدة نتاع الدراسة ولا لالا 2/ وش هوما المهن لي نقدروا نخدموهم كي نكملو لقراية من هاذي المدرسة خاصة للبنات بليييز جاوبيني لانو فعليا تائهة فواش نختار وخايفة نختار تخصص ونندم ومن البطالة وكون ميكونش توظيف مستقبلا ومكاين قدامي غير ياطب ( وطبعا فيها بزاف سنين ولازم تزيد تقرا باه تتخصص ) ومدرسة عليا للاساتذة والصراحة منيش حابة بزاف هاذ الجو نتاع نقري بصح خدمة مضمونة بصح حاسة اني هكذا ممكن نحكم على روحي بمهنة منحبهاش ومكانش تخصص فراسي ولا حلم معين وعايشة فمرحلة تيه وتلخبط + الافكار السلبية من التخصصات ومدرسة الذكاء الاصطناعي نوعا ما مبهمة يعني واش حنخدم والمرتب يكون مليح سورتو يڨولو عليها بزااف متعبة ومنقدرلهاش مع اني راني طالعة ثانية ثانوي ونقرا علوم تجريبية بصح هذو الافكار قلقوني خاصة كي شفت روحي تايهة ☹️💔😭 لي عندو معلومات مؤكدة ولا تجربة خاصة يعاوني 😢
لا املك معلومات ولا تجربة ولكن ساخاطبك بالمنطق المدرسة العليا للذكاء الاصطناعي مدرسة جديدة ولا يتجاوز طلابها 1000تلميذ عند وصلوك اليها وهي مدرسة متعاقدة مع كثير من الشركات يعني انتي وشطارتك اذا اتعلمتي مليح وصرتي فيك فايدة تولي كي تتخرجي تتوضفي في هواوي ولا تتوضفي في سونطراط سونلغاز ولا ديري مشروع وحدك بصح ديري في بالك القراية تع انسيا ماتكفيش باش تتوضف لانو تعطيلك القاعدة فقط وانتي واجتهادك المختصر المفيد اذا كنتي متحبيش البرمجة وعلوم الحاسوب وحد ميكذب عليك الذكاء الاصطناعي معتمد عليهم المهم اذا كنتي تحبيهم ادخلي ليها اذا لا انصحك وبشدة الابتعاد عليها+نصيحة اخيرة لا تربطي الدراسة بالعمل والمال لانو شي سلبي من ناحيتي الشخصية ساتوجه اليها وساجتهد لانها شغفي وعندي نضرة اني ساجتهد فيها
@@user-fb4du1ml8i عندك لحق ذرك نشوف ميولي احسن نا شخصيا نميل الرياضيات ونحبها بزاااف لذلك نحاول نشوف حاجة تخرج عليا ومنهتمش بالمدرسة لانو قالو مليحة يعني نروحلها وفي بزاف حوايج ملاح من ناحية الوسائل .... ونا كون نروح ليها رايحة برك نضيع وقت ومنيش حنبدع
من فضلك غزلان جاوبيني أنا الحمد لله من الطالبات الممتازات جدا أردت أن أستشيرك من الآن في التخصص المناسب لي في الجامعة علما أنني جد مولعة بالتكنولوجيا على العموم و البرمجة خصوصا لذا ما الفرق بين تخصص م.ع الذكاء الإصطناعي و م.ع للإعلام الآلي و أيهما أفضل في رأيك الشخصي و هل لي أن أوظف في شركات عالمية معروفة وذلك عن طريق عملي بحاسوبي في المنزل عند تخرجي طبعا و آخر سؤال من فضلك أريد عناوين الدروس التي تدرسينها لكي أتعلمها في المنزل من الآن لأنني كما أشرت لك سابقا أنني أتحذ ذلك هواية لي إذا أردت أن تتواصلي معي في الخاص فسيشرفني ذلك حقا ❤❤❤😊😊😊 سامحيني إن أطلت عليك و فقك الله في حياتك و شكرا ❤
غزلان انا طلعت ثانوية ثانوي و قالولي كنتي دايرة فيديو فيه تجربتك مع السنة الثانية و لكن مصبتوش قالولي فيه pdf ملخصات ممكن ترجعيلنا الفيديو ولا تحطيلنا pdf لي حطيتيهم في صندوق الوصف من فضلك 😢💗
@@dellabaniabrar7231 ضغط كبير في لقراية و لكن السكن ااجامعي و الماكلة ملاح مام لابروس قيمتها مليون و لكن ليست واوا و ممتازة لتلك الدرجة كيما يقول الاعلام حالها حال اي تخصص عادي
من 2008 باسكو تبدل برنامج في ذاك العام+ كي تحلي لي باك خاصة في مات فيزيك وعلوم هادي تلقى صوالح قلعوهم من برنامج (ماشي بزاف بصح مثلا كيفية طح الاسئلة واجابات النموذجية/ مثال باك رياضي في مادة رياضيات القدم فيه احتمالات كاين واحد العفسة ماراهيش في برنامج) ونقدر نقولك ماشي شرط تحلي كلشي يعني ماشي شرط من 2008 الى 2024 نتي شوفيهم قاع واذا لقيتي وحدين متعاودين الاحسن متحليهمش او خليهم لنهاية السنة باه تراجعي بيهم وبالتوفيق
بحبكككك ممكن تثبيييت❤
للناس المحتارة صلوا صلاة استخارة ❤
جزاك الله خيرا
هذا المجال يثير اهتمامي .. ، صراحة كمية الشغف التي املكها تجاه هذا المجال كبيرة جداا .. ، أسأل الله ان يوصلني اليها .. ،
اللي قرا تعليقي يعاونني بدعاء .. ،شكرا 🤍
بالتوفيق
حتى انا حرفيا ان شاء الله يوصلك اليها يا رب
شكرا 🤍.. ، حتى انت اذا راكي حابتها ربي يوصلك ليها .. ، شكرا الاخت 🤍
@@aminebengreb6579 العفوا وآمين
ربي يوصلنا ليها
bac 2025
اللهم اسألك معدل 18 والتحاق بهذه مدرسة 💗🌿
اللهم امين
@@000_off امين يارب
آمين اجمعين bac2025❤
صدقني 18 لازمتك تقري من ذوركة وخاصتا لغات غير قوي فيها روحك بزاف بسكو هيا لطيحلك مورال بالتوفيق
جيتك من المستقبل بش تدخلينها لازمك 19.03
18 ماعندك ماتدري بيها
هاذي صايرلها كيما الميدسين طلعوها حتى وين خلاص حتى الاونة الاخيرة باش بداو يهدرو ويقولوو الحقيقة تع التعب والشقاء و السابوطاج .المهم احسنوا الاختيار ماشي تبعوا برك
صحيح الشعب جاي غير يركب فالموجة وبسباب هذي الظاهرة معدلات القبول راهم غير يزيدو يطلعوا بشكل رهيب
@@Rosa.bg80 يا اختي على هاد السبة غلقت الانستا هنا تفهمي بلي الجانب المشرق راهو يوريوه معندوش علاقة بالواقع وللاسف عقل المراهق راهو يامن بهذا ومع الوقت يندم .ولا الطب حلم الجميع ولاو لي تسقسيه حلمي منذ الضغر لوكان غير يعرفو حقيقة الطب في الجزائر بلاك يتهدنو
@@Rosa.bg80المدرسة عليا للذكاء الاصطناعي و لا تع الإعلام الآلي برنامج مطابق لبرنامج الجامعة سواء مهندس دولة أو Lmd الفرق الوحيد تلڤاه فالمواد الثانوية مثل الكهرباء أو تلڨا واحد يقري مادة فالسنة الثانية او لاخر فالسنة الثالثة فقط كي تكون روحك او تخدم روحك هذيك هيا الرسمي
الميدسين ماشي مضخمينها من اللول قايلين بلي حفيظة و الخدمة ناقصة و لكن مكانتها عالية
@@Dontanswerme1980 الميدسين فالجزائر حفاظة فرات احكم لورق و احفظ بصح فلخارج هي أصعب تخصص أصعب من الجميع
لواحد يدير وش كان يحلم ولا اذا معدوش حلم استخارة واجبة ربي يوجهك ديمة للخير ومش شرط خدمة خدمة مجرد اسباب لرزق لانو رزق على ربي ومدام دخلتي تقراي لازم تتعبي ربي يوفقنا
كطالب فيها، عندها الحق فكلش واش قالت، وتبقى بالنسبة ليا افضل اختيار لواحد باغي يقرا انفورماتيك
انا حلمي ندخلها ان شاء الله ندخلها مع ان السنوات مزال قدامي
انا صراحة مهيش من ميولاتي ولكن بزاف ناس نصحوني بيها لانو جبت معدل مليح في الباك . ولكن انا حابة طب ملقيتش شكون ينصحني
انا تان جبت معدل مليح و حصلت بينها وبين دونتار بصح لازم نتي تبعي ميولاتك ايلا صح كنتي تحبي الطب go for it بسك رتح تبدعي فيه وتتميزي فيه ❤ good luck 💗 🥹@@abirbkr1031
@@abirbkr1031
صلي صلاة الاستخارة ❤
@@abirbkr1031 انا من وجهه نظري ان الميول و ارادتك الشخصيه هي الاهم و تلعب دور حتى باخلاصك و اتقانك لمجالك و تخصصك
السلام عليكم لا تنسوا اهلنا في غ ز. ة وفلس. طين عموما والسودان والكثير من المسلمين المظلومين من دعاءكم راهم في امس الحاجة لدعائنا
و شهد شاهد من أهلها 😅🔝🔝🔝🔝🔝
الواجب تعظيم الٱيات و عدم استعمالها في غير موضعها
@@MuhamedAchouak صدقت👌🏻
@@MuhamedAchouak أنا لم أستعمل آية قرآنية و إنما هو إقتباس للمعنى فقط
هات الدليل من فضلك
مثل قولنا "إن المبذرين كانو إخوان الشياطين"
من باب الإخبار و ذكر حكم من الأحكام.
اليك غزلان رسالة شكر وامتنان حرفياا:
انا كنت من النوع لي يقرا و جيد نوعا ماا في مرحلة الثناوي لكن ماكنتش عارفة قدراتي الحقيقية، كنت حاطة في بالي الناس لي تجيب 18، و 17 و 19 هم ناس هاك خلقوا ممتازين اساسا جايين يقراو مكاش كيفاش تنافسهم، لكن بعدما شفت ملخصاتك المتقنة تاع لباك سيرتو سيونس و كنتي موثقة فيهم عدد الساعات 13h لي قريتيهم ولخصتي فيهم و ممكن يكونو اكثر من ذلك نظرا للمثالية و جودة انتقاء وترتيب المعلومات ولا ولا غلطة جهد صااارخ،، تبدلت منظوراتي الفكرية اتجاه الناس الممتازة و بفضلك نتي عرفت قدراتي الحقيقية و عرفت كيفاش نقرا و تحسن مستوايا بكثيير ادركت الشي متأخرة جداا لكن نوصل متأخرة احسن من ان لا اصل، ماعلاباليش اسك راح تقراي هاذ الجرنان😂
I love u❤❤❤❤
ربي ينجحك و يوفقك افضل حاجة صرات 2024 انني وجدتك ❤❤
بالتوفيق غزلان وماديريش على تعليقات التَسَرُب المدرسي💗🧠
كيفاه مفهمتش واش معناها تسرب مدرسي
نصائح باك 2025 قبل الدخول المدرسي رافقينا في رحلتنا ❤ احب طريقتك واستفيد جدا من فيديوهاتك
شكراا غزلان كتاه تديريلنا فيديو يتحدث عن البكالوريا ❤
اخييراااا 😭😭😭😭 جزاك الله خيرا شكرا على جهودك بارك الله فيكي🫶💕🌸
هي كون نجو فصح جميع المجالات هي علوم و دراستها تكون ممتعة للناس لي تحبها سما ماشي الطب مليح و لا ذكاء اصطناعي و لا اي تخصص ماكاش تخصص مليح فحد ذاته انما الظروف و العوامل هي لي تخليه مليح مثلا هاذي التخصصات لي يقولو عليها مليحة لي يخليها مليحة فعلا هي وجود ناس ذكية فيها و تحب العلم و تتعب و تجد باش تحصل ذاك العلم في النقابل اغلب التخصصات لخرى يروحولها ناس ديجا جاب باكه بسيف و خلاص عنده العلم حبس فعام لباك كون جاو الناس الذكية تروح للتخصصات الاخرى حسب الميول تبانلي ثاني تولي تعتبر تخصصات مليحة و ثاني الخدمة تلعب دور لكن حرفيا فالجزائر ماكاش دومان ولا يضمن الخدمة ماعدا بعض المدارس العليا كالتعليم و الشبه الطبي لانها كونطرا بكري كان كاين نقص و فراغ في مجال الشغل في بعض الاخصصات هاذا لي يخلي الطلب عليها كبير لكن الان كاين فائض فجميع التخصصات و هنا تبقى فارق وحيد بينك و بين اقرانك باش تشد خدمة بقرايتك الا و هو المهارات و الشطارة و اكيد اكيد المعرفة سما نصيحة لصحاب لباك اختارو ميولاتكم وين تديكم و خلاص
أتفق...ثان في البلاد نستحقوا كفاءات من جميع التخصصات مشي غير من تخصص ولا زوج
Compared to ESI, i think that the school malgré programm isn't ''perfect'' and new and probably gonna change from time to time but at least it's not outdated! It keeps up with new tech and info, especially that things are changing day per day in this field ( NB : le programme d'ESI est le même depuis 2012!) another reason to go to ENSIA ❤
مازال شرقو يقري ؟ 😂
واخيرا الفيديو المنتظر شكرا بزااف ربي يحفظك شحال تحفزيني كي تحطيلنا فيديوهات على المدرسة وعلى الباك بارك الله فيك 💗🥹🥹
ماشاء الله اذا كان في هذي المدرسة لي خير فاكتبها لي و ان شاء الله اذا قدر لي ربي ندخل ليها ولا لأي مدرسة في هذاك القطب نتلاقاك 😭💗💗
حفزتيني اللهم ان كان لي الخير في هذه المدرسة فاكتبها لي
❤
ان شاء الله ندي معدل 18 باك 2025 و ندخل لها هي ولا تاع النانو لانهم تخصصات نحبهم مالقري انا سيونتيفيك💗💗💗
Mat5l3ich ro7k lbac sahl 🤏
مدرسة النانو تكنولوجيا مليحة؟
@@Nounou790 هي مليحة كمدرسة و من افضل المدارس في الجزائر بصح يبقى التخصص قناعة شخصية بالنسبة ليا نحب هذو لحوايج و الفيزيك و الرياضيات وعندي فكرة على النانو من بكري يسما انا مناسبتني
@@vampirea7هي لاعلاقة بالرياضيات والفيزياء وش راكي تخلطي ختي!
اختي النانو في الفيزياء هو انك تغييري في خواص المادة بطريقة تسمحلك باحداث ظواهر جديدة مثلا ظواهرر كهرومغناطيسية ولا بصرية وهذا كلو على مقياس جزء من المليون وهذي التقنية اكتشفها عالم الفيزياء ريتشرد في الخمسينيات و الستينيات بصح ماقدرش يثبتها لانو ماكانش كاين تقنية تسمحلك بدراسة المادة على هذا المجهر و الفيزياء هي علم يسمحلك بدراسة المفاهيم الاساسية و خواص الطبيعة اذا ماكانش علابالك يسما راني فاهمة مليح وش راني نهدر ماكان لاه تجي تلعبيها فاهمة هنا اما علاقة الرياضيات و الفيزياء اذا ماكانش كاين رياضيات ماراحش تكون كاين فيزياء بسك اساس الفيزياء هو المعادلات الرياضية نقدر نزيد نحشمك اكثر ونفهمك بلي راكي تهدري بدون اي اساس علمي 👍🏻
فيديوهاااتك تبارك الرحمن 🦋💙
كمية الايجابية>>>>
حبيبتي شحال عجبتيني تهدري على الموضوع بطريقة حيادية w ana je vois beli bhadi l 3a9liya raha towssli lb3id❤
ماشاء الله تبارك الرحمن والله ملي عرفت قناتك و انا نتبع فيها و أصبحت إدمان ، لأول مرة ندمن قناة تاع نصائح و الدراسة و هاذي المواضيع لأني مش من ذا النوع 🌷🌷.
شفت فديوهاتك القديمة و استفدت منها بزاف و ان شاء الله نطبقها و حبيت نشكرك صراحة بزاف بزاف لأنك ماتحطيش موسيقى و لا تبرج جزاك الله خيرا و ربي يرزقك من حيث لا تحتسبين 💗💗.
تعجبني بزاف شخصيتك قوية، متميزة، مختلفة و جميلة ماشاء الله تبارك الرحمن ربي يوفقك في حياتك و في كل خطوة من حياتك كل الدعم و الحب لك 💗💗🌷🌷.
مع إنتظار مقاطعك دائما 💗💗🌸.
❤️🔥
زيي
@@itsghezlene6686
أختي غزلان بارك الله فيك ممكن تنصحينني بتخصصات خاصة بالنساء فقط
يعني لا أجد فيها إختلاط
كطالب في ensia اتفق في معظم النقاط اللي دكرتها الا اشعر انها ليست بالصعوبة التي يتخيلها البعض بعد مشاهدة الفيديو semestre الاول كان صعب شوية بسبب تغيير في البرنامج اما semstre 2 كان عادي بالنسبة للشخص تميز من قبل فالباك 🙏🙏
الله يبارك ما شاء الله مزيد من التوفيق والنجاحات ان شاء الله
الشيء لي لاحظتوا حاليا انو الناس او بالاحرى الطلبة المتحصلين على البكالوريا انبهروا بايجابيات المدرسة وليس التخصص و هذا شيء مرعب و خطير{انا لوهلة تأثرت و لكن اظن بلي esiاحسن بل و فيها تخصص الذكاء الاصطناعي}والله اعلم هذي موجة كبيرة وياناس تخلطت
يودي esi ولا غباء إصطناعي في زوج كارثة منهاج تاعهم تابع لسياسة الحشو بدون تطبيق مجرد الجانب النظري ولاو طوندونس في طيك طوك و أنسطا
أنا جبت باك 2022 ب 18.34 و قريت عام في esi و و بعدها درت تحويل لتخصص طب و ضك راني سنة ثانية طب الحمد الله
@@niolmollcmollmc2810 انا هدرت مع ناس دايرين ايزي فهموني وش يقراو و الدعوة كيفاه دايرة و عجبتهم بزااف و نصحوني بيها لاشارج اه كاينا و ساعات يقروا دي موديل معندهم حتى معنى و التطبيق لازم هوما وحدهم مش ليكول
@@niolmollcmollmc2810حالة جد نادرة...من الإعلام الآلي للطب ... نقدر نعرف الأسباب لي خلاتك تتخذ مثل هذا القرار ؟
@@user-bu3pw6jm4x
إعلام ألي راني دايرو هواية نتعلمو وحدي كاين كلش في اليوتيوب
@@niolmollcmollmc2810المشكل مبعد في الخدمة يعني باينا بلي تقدر تتعلم من لانترنات بصج تقدر تخدم غير freelancing لوكان تحب تخدم في شركة ولا لازمك شهادة جامعية
باك 2025 يارب وفقني أن اتحصل على معدل ممتاز ياب ووفق كل الذين سوف يجتازون معي باك ❤❤ شكرا غزلان ربي يفرحك ونجحنا يوفقنا يارب😢😢😢
حبيت انك تشوفي موضوع معين من عدة جوانب وليس من جانب واحد فقط . عندك عقل رياضي راح توصلي بعيد بإذن الله❤
إدمان على فيديوهاتك تبارك الرحمن 🦋💙
Thanks giiiirl for the hard work 😭+ the editing is just ↗️↗️↗️↗️❤
افضل و اجمل يوتيوبر نعرفها ! بصح كاين سؤال يدور في راسي بزاف وخالعني بزاف , هو نتي كنتي مهتمة بهذا المجال من قبل ولا لالا ?? لانو منهم اللي يقول تدخل ليها تعجبك بزاف و انا مازلت مانيش عارفة اسكو تقراي على البرمجة ولا علا الحاسوب في حد ذاتو ولا رياضيات و معادلات و شكرا من قلبي على الفيديو انا في انتضار الرد💖🌸🎀
هو مع ان انا مزال عمري 14 بصح من كان عمري 9 او 10 بديت ننجذب لذكاء الاصطناعي كنت نشوف الروبوتات و هكا في اليوتيوب و نهدر عليهم فاتوقع ان الاهتمام له دور
Its okey ana 9bel ma ndkhl esi mknch 3ndi pc asln apr ki dkhlt l’école bdit nt3rf 3la bzf hwayj f s2 i started going to workshops t3 les clubs w t3rft ela bzf nas w kl wahd f domaine t3o (it’s very easy w mtkhl3kch )
+ n9raw des modules mathématiques w des modules informatique
Les modules informatiques ghir introduction mch haja kbira w mch lzm tkoun 3ndk knowledge mn 9bel you can figure it out whdk
@@ikhlefrayane7670 ohhh thanks girlyy ,that means a lot ive been confused between med and esi , ive seen a lot about med and how their practice classes looks interesting , but i think now about how AI is still new here and there is more to work on it SOOO yeah thank uuu UwU
love iiit! the editing gets my hearttt 😭💗
فيديوهاتك ترجعلي تحفييز🤍 والطاقة الاجابية استمري 😉ممكن تثبييت
اهلين غزلان انا متابعتك هاد العام انا نجوز بكالوريا 2025 شاهدت كل فيديوهاتك ادعوا اني ننجح فبكالوريا 2025بمعدل ممتاز بإذن الله
انا مسلمة جزائرية قناتي دينية صدقة جارية لتعم الفائدة ويتربى المجتمع على أساس الدين الاسلامي ❤
أمين🤲
@@user-ur3go9xj5s ان شاء الله وباذن الله ربي يحفظك ويسترك
Wow ghezleeene!!! i'm in awe of the edetiiiing!!! HAYEL!
Je vous remercie pour votre courage lors de ce débriefing. Actuellement, je travaille sur l'intelligence artificielle en biologie structurale, une discipline qui demande beaucoup de travail. Cependant, cela reste faisable. J'encourage les étudiants à ne pas baisser les bras. Bon courage à vous !
How did you do this , I mean what did you study exactly ?
ختي غزلان كثرلينا على نصائح وهاذ المدرسة بلييز❤
غزلان انا عندي باك في 2025 و راني نحوس على برنامج للدراسة يعني برنامج شانقرا في اسبوع كليوم و كي (برنامج اوت) و شكرا ليك
أولوية في التوظيف ؟!!!
المدرسة بنفسها متظمنش عمل اساسا الاعتماد على النفس بشكل اساسي هو الحل فقط وجهة نظر مكان له طيروا عليا😂
هي مقالتش بلي المدرسة تضمن عمل افهمي قبل
راني على "أولوية في التوظيف " فهمي
أولوية في التوظيف و تضمن عمل مش كيف كيف@@user-sr7jg8xh5i
@@user-sr7jg8xh5i
ايه وهمال أولوية التوظيف لمن لتع الجامعات ! تروحي لكاش شركة مثلا ولا منعرف وين وتحطي السيفي تاعك يشوفو وحدة متخرجة من المدرسة العليا للذكاء الصناعي ووحدة متخرجة من جامعة عادية باينة حيخيرو لي متخرجة من المدرسة العليا للذكاء الإصطناعي خاطر الخبرة والتكوين والكفاءة عندهم أحسن من الجامعات وماشي غير تع الذكاء الإصطناعي حتى المدارس العليا الآخرى رياضيات وإعلام ألي والأساتذة وغيرهم تبقى شهادتهم أفضل من شهادة الجامعة علابيها كامل الطلاب يحبو يدخلوهم وفي الأخير راهي حاجة باينة بالي الإعتماد على النفس أساسي
عمري 13 مي مهتمة بهاد المجال 💗😭😭 ++ غزلان هل المرحلة التحضيرية تكون اصعب من السنوات ال3 الباقية او تحس ان تولي احسن من ناحية التعود على النظام الدراسي والضغط وليمودول يولوا احسن من ناحية الخبرة في المجال نوعا ما ؟ غزلان ديريلنا روتينك في الجامعة ويومياتك فيها وكيفاه تنظمي وقتك ونصائحك لتنظيم الوقت سواء طلاب الجامعة او الثانوية او المقبلين على البيام والباك 🙏🌟
وشكرا 🌟✨
*ان شاء الله نعاود نرجع للفيديو كي ندخل للجامعة ونجيب الباك*
ان شاء الله
لاخت ننصحك متحاوليش تكبري احلام حاولي ديري هدف قادم قبل مثلا قولي حلمي الان نجيب في بيام 18 علاش لا بعد حققتي ذاك حلم روحي للباك واسعاي لذاك معدل بعدها تخصص استخيري ربي وهو يوجهك للخير وربي يحققلك وش تمنيت منقلكش متحلميش ولكن احيانا نتحطمو كي نكبرو املانا واعتذر مسبقا
ياالله صغيرونة و عندها تطلع في مجال كيما هكا 🥺 ربي يحفظك لوالديك ان شاء الله
@@user-zh2fp4ii6l
لا بلعكس بالنسبة ليا وحدة في عمر 13 و تتفرج في فيديو كيما هاك و عندها شغف للتخصص، حالة جد استثنائية انا في عمرها كنت نتفرج في ماشا والدب كنت ممتازة فلقراية نقرا وصاي مكاش حاجة نخمم فيها خلاف،، و صعيبة كي يكبر لواحد و ماهوش عارف ايكساكت واش حاب ولا واش المجال لي ممكن يوالمو ويوالم قدراتو، شفت بزاف ناس حايرين بين ميدسين و مدرسة عليا اعلام و ذكاء اصطناعي، لي عندو شغف لحاجة و حابها من قلبوا ميكونش عندو وقت يحير اصلا في واش يخير، يكون ديجا عارف ميولو و حبو و دارس الوضع قبل لا يوقع في دوامة الاختيار واتخاذ القرار
الله يبارك ربي يحفظها لوالديها ويوفقها وينجحها شمعة ان شاء الله تبقى منورة و ميطفيها لا واقع لا مواقع ❤❤❤
ممكن ديريلنا فيديو عن مصادر الدراسة
+ نصائح لكيفية التعامل مع كل موديل
اول تعليق 🥺♥
معليش تقوليلنا كيفاش نستغلو العطلة في مراجعة اللغات بليييز
بكالوريا2025
احست اتخاذ هذا القرار احسن استثمار تنجم ديره فنفسك للباك
يعني حاجة مليحة؟ @@user-sr7jg8xh5i
صح يعطوا التوثيق بأه تروح تقرأ فالخارج
حبيبتي انا ام لبنت انتقلت هذه السنة رابعة متوسط نتمنى تقدميلها نصيحة تحفزيها فيها بحكم انك متميزة وناجحة ماشاءلله. هي ذكية ما شاءلله لكنها متهاونة بزاف
التوكل على الله و المجهودات الشخصية و ما تتكلش علا الاساتذة بزاف لانو الذكاء وحدو ميديكش بعيد و الاساتذة مايمدوش كلش
معاك متحصلة على بيام 2024بمعدل 19.23❤
في فترة المتوسط التهاون كامل جزنا عليه تقدري تقولي مرحلة لي ممكن تكون الطفولة تاع الانسان غير مكتملة يبغي يلعب و يعيش امور اصغر من عمرو او ممكن اكبر من عمرو و ميحصرش روحو بجو دراسي دايمن و كثرة الضغط عليه بشأن مستقبلو يخليه ينفر منو اكثر و اكثر
ازرعو فيهم فكرة الأهداف حتى ولو صغيرة و فكرة الانجازات حتى لو صغيرة يعني تكونو لهم حافز تحددو لهم اهداف و تراقبوا استمرارهم وتكافؤوهم مثلا هدف حفظ القرآن في العطلة الصيفية.. هدف تعلم لغة.. و حتى نفس شي مع الدراسة
يعني في اليوم الواحد لابد ان يخرج بفائدة و لو قليلة حتى تولي مع الوقت عادة جيدة مغروسة فيهم منها راح يدركو قيمة الوقت لي عندهم و قيمة التنظيم و الانضباط و يفهمو معنى النجاح
@@Al_wathi9aa في وقت الرسول كان لي عندو 14سنة يحكم جيشش و دوك ولاو اطفال؟؟؟
هادي فكرة خاطئة هدا هو السن لي يخرجو مطفولة و يتعلمو يتحملو مسؤولية ولو كانت صغيرة بصح فكرة الأهداف ممتازة بصح هدي كي يكونو فبريمار
انا مثلا كنت صغيرة و كانوا يورولي كي طلعت السيام قاتلي ماما "راكي تقراي لعمرك ماشي ليا انا "بمعنى آخر قاتلي قرايا لمصلحتك و دبري راسك
والحمد لله ملي طلعت وانا دايما الاولى و جامي تروحلي و والديا ميديروليش حتى ليكور .....
@@FatImaAb-pz2en
بحكم الواقع لي رانا عايشينو سوا للذكر وللأنثى و الجيل تاع ذروك " المراهقين "راه في فترة حساااسة بزاااف لدرجة قادرة تلقاي لي فعمرهم 14 سنة بالغين وبلاك اكثر الصلاة وميصلوهاش و باغيين غير يزهاو و يلعبوا و ترجع للتنشئة تاعهم، ف انا قلت انو يسااعفوهم قدر المستطاع ويراقبوهم مراقبة مستمرة و الوالدين هم لي يكونو الراعي لحياتهم لي يرشدهم و يدلهم لما فيه خير ليهم و يحفزوهم وهم لي يحددولهم اهداف و يعلموهم كيفاش يحطو اهداف لأنفسهم، بسكو كاين لي تلقايهم في عمر 14 15... يقلك صاي كبرنا ونقررو لرواحتينا..،، حنا رانا كبار و ديفوا تكون تالفتنا في حياتنا
شتان بين عهدنا و عهد الرسول عليه الصلاة والسلام لا مجال للمقارنة حرفياا حنا نهدرو على 14 سنة و بيزار تشوفيهم ضايعين وتكوني حابة تصلحي امور فيهم وفي عاداتهم فما بالك بفئة الشباب لي اوعى منهم ومضيعين حيااتهم
في عهد النبي 14 سنة يحكم جيش اما في وقتنا 14 سنة تغفلي عليه يمشي للطريڨ العوجة ويتبع الناس العوج و لا يدير فروحو حاجة..
رجعوني درت دونتار(طب اسنان) و ان شاء الله يقبلوني ❤
مقبرة العباقرة
bac 2025 ربي يوفقنا
غزلان بلييز جوبيني
المدة نتاع الدراسة خمس سنيين ولا كثر ويقدرو يزيدو فالمدة نتاع الدراسة ولا لالا
2/ وش هوما المهن لي نقدروا نخدموهم كي نكملو لقراية من هاذي المدرسة خاصة للبنات بليييز جاوبيني لانو فعليا تائهة فواش نختار وخايفة نختار تخصص ونندم ومن البطالة وكون ميكونش توظيف مستقبلا ومكاين قدامي غير ياطب ( وطبعا فيها بزاف سنين ولازم تزيد تقرا باه تتخصص ) ومدرسة عليا للاساتذة والصراحة منيش حابة بزاف هاذ الجو نتاع نقري بصح خدمة مضمونة بصح حاسة اني هكذا ممكن نحكم على روحي بمهنة منحبهاش ومكانش تخصص فراسي ولا حلم معين وعايشة فمرحلة تيه وتلخبط + الافكار السلبية من التخصصات ومدرسة الذكاء الاصطناعي نوعا ما مبهمة يعني واش حنخدم والمرتب يكون مليح سورتو يڨولو عليها بزااف متعبة ومنقدرلهاش مع اني راني طالعة ثانية ثانوي ونقرا علوم تجريبية بصح هذو الافكار قلقوني خاصة كي شفت روحي تايهة ☹️💔😭 لي عندو معلومات مؤكدة ولا تجربة خاصة يعاوني 😢
لا املك معلومات ولا تجربة ولكن ساخاطبك بالمنطق المدرسة العليا للذكاء الاصطناعي مدرسة جديدة ولا يتجاوز طلابها 1000تلميذ عند وصلوك اليها وهي مدرسة متعاقدة مع كثير من الشركات يعني انتي وشطارتك اذا اتعلمتي مليح وصرتي فيك فايدة تولي كي تتخرجي تتوضفي في هواوي ولا تتوضفي في سونطراط سونلغاز ولا ديري مشروع وحدك بصح ديري في بالك القراية تع انسيا ماتكفيش باش تتوضف لانو تعطيلك القاعدة فقط وانتي واجتهادك المختصر المفيد اذا كنتي متحبيش البرمجة وعلوم الحاسوب وحد ميكذب عليك الذكاء الاصطناعي معتمد عليهم المهم اذا كنتي تحبيهم ادخلي ليها اذا لا انصحك وبشدة الابتعاد عليها+نصيحة اخيرة لا تربطي الدراسة بالعمل والمال لانو شي سلبي من ناحيتي الشخصية ساتوجه اليها وساجتهد لانها شغفي وعندي نضرة اني ساجتهد فيها
@@user-fb4du1ml8i شكرا جزيلا + معنديش شغف نحو الاعلام الي والحواسيب وهذو لحوايج + نصيحتك فادتني وعاونتني مارسييي بزاف عنصيحتك 🥺🥀💙
@@user-fb4du1ml8i عندك لحق ذرك نشوف ميولي احسن نا شخصيا نميل الرياضيات ونحبها بزاااف لذلك نحاول نشوف حاجة تخرج عليا ومنهتمش بالمدرسة لانو قالو مليحة يعني نروحلها وفي بزاف حوايج ملاح من ناحية الوسائل .... ونا كون نروح ليها رايحة برك نضيع وقت ومنيش حنبدع
@@Yarayara-h1s عفوا هذا واجبي +عاونتني.مشي عاونتيني ربي يوفقك وكي تختاري الشي لي رح ديريه بشرينا
@@Yarayara-h1s مثل المدرسة العليا للرياضيات
خايف تصارلكم كيما جماعة الميدسين يمنعولكم توثيق شهادة الجامعة و وتروحلكم فرص العمل وتعشيو تخدمو في كوندور 😂😂
نحاوهالهم صح
@@2f732 ايه
كيفاش منع توثيق الشهادة ؟
@@vanidodoo تاعك الديبلوم معترف بيه غير فالجزائر اما خارجها ماعندش توثيق يعني مثلها مثل العدم وعدم الاعتراف بها
شكرا حبيبتي أحب قناتك وفيديوهاتك ادمان❤❤❤
اللهم وفقني في طلب العلم وارزقني المعدل الذي اريده واتمناه
اللهم آمين اجمعين
غزلان ممكن ملخص الوحدة الثانية إنجليزية وإذا مالڨيتيه ابرز عناوين دروس القواعد من فضلك وشكرا ❤❤❤
نطالب بوضع فيديوهات لباك 2025
نصائح وهكا + ششكرا
ما شاء الله 🤍
و عليكم السلام ورحمة الله وبركاته
ممكن البي دي اف الذي نشرتيه بالنسبة لتمارين الثانية ثانوي
انا متابعتك وانت اجمل يوتبرز ماشيا وتولي قمر
انا في حيرة هل الطب افضل او مدرسة العليا للذكاء الاصطناعي
طبعا الذكاء الإصطناعي لو وصلت إلى معدل القبول لدخلته دون تفكير
بارك لله فيك
من فضلك غزلان جاوبيني
أنا الحمد لله من الطالبات الممتازات جدا
أردت أن أستشيرك من الآن في التخصص المناسب لي في الجامعة علما أنني جد مولعة بالتكنولوجيا على العموم و البرمجة خصوصا
لذا
ما الفرق بين تخصص م.ع الذكاء الإصطناعي و م.ع للإعلام الآلي
و أيهما أفضل في رأيك الشخصي
و هل لي أن أوظف في شركات عالمية معروفة وذلك عن طريق عملي بحاسوبي في المنزل عند تخرجي طبعا و آخر سؤال من فضلك أريد عناوين الدروس التي تدرسينها لكي أتعلمها في المنزل من الآن لأنني كما أشرت لك سابقا أنني أتحذ ذلك هواية لي
إذا أردت أن تتواصلي معي في الخاص فسيشرفني ذلك حقا ❤❤❤😊😊😊
سامحيني إن أطلت عليك و فقك الله في حياتك و شكرا ❤
مشاء الله كم معدلك في الباكالوريا
غزلان انا طلعت ثانوية ثانوي و قالولي كنتي دايرة فيديو فيه تجربتك مع السنة الثانية و لكن مصبتوش قالولي فيه pdf ملخصات ممكن ترجعيلنا الفيديو ولا تحطيلنا pdf لي حطيتيهم في صندوق الوصف من فضلك 😢💗
حقيقة فيديوهاتك يعجبوني كيفاه منظمة ❤❤❤❤
ادعولي ندخللها اللهم ان كان لي الخير في هذه المدرسة فاكتبها لي ❤
شحال ديتي ختيتو
@@imaginemimi3861 انا مترشحة حرة لباك2025
آمين
ديرينا على مدرسة علم نانو من فضلك
من فضلك شكون خير esi ولا الدكاء الاصطناعي
Esi مدرسة قديمة ومعروفة ومعترف بيها في الخارج
فرق بين السما والارض
حبيبتي حبيييييييييييييت
نصائح قيمة
هل يمكن أن تصور لنا الدروس الجامعة😊😊
Useful info , thank you ❤
بنسبة لطلاب المتحصلين على شهادة البكالوريا وباغيين يدخلو لهذي مدرسة واش يبداو يوجدو فصيف ❤
The best 🫶🏻
Ma3liche tahedrilna 3la madrasat el andima l mousta9ila
اسكو فيها منح خارج البلاد ؟
هل يقدمون منح دراسية للاوائل في الدقعة كما يفعلون في الجامعات .
Ohhh sis i like the first idea 💡 i totaly relate 🌸🍡🍢
منين تعلمتي مونتاج
السلام عليكم شكرا على المحتوى اتمنى الاستمرار انصحك بتطوير المايك الخاص بك فالصوت منخفض شكرا
وفقك الله وبارك فيك 🤭🎀🌸
لي غوب تاوعك كامل شابين من فضلك منين تشريهم
محتارة بين الطب و الذكاء الاصطناعي
صلي استخارة
Me tooo
++ وخايفة من البطالة لانو قالو مكاش توظيف 💔 والطب فيها بزاف السنين والذكاء الاصطناعي معلاباليش شني التخصصات حرفيا خايفة وتايهة
تبعي ميولك 🌸
+ استخارة⭐
مام انا حرفيااا راني حايرة
و خايفة يضيع مستقبلي بسبة اني ما عرفتش نخير
والله صح مضخمنها
فيديو يهبلل ما شاء الله🥹🫶🏻
اللهم سهل لي لكي التحق بهذه المدرسة ❤
باختصار : ما تقراوش فالدزاير نصيحة من اختكم الجامعية 🙂
بصح لي ميقراش فدزاير لازم يكون عندو دراهم باش يطلع للخارج مش كي حالتنا اصلا رانا نفراو باه نجيبو دراهم ❤
واش الافضل من ناحية المستقبل أنظمة مستقلة او علم نانو ؟
قداه ديت
@@__hole_darkness معدل موزون 18.19
@@Bac2024-ls7th علاه مديرش ذكاء صناعي طول ، تبانلي معدلك يلحق
@@Bac2024-ls7th وشمن شعبة قبل
@@__hole_darkness لا مايلحقش بيسك راني سيونتفيك
ما هي النقطة الاقصائية
اسكو اقامة جامعية مليحة باسك سمعت في فيس بلي كاين اختلاط و...
سو ترددت
لي قرا فيه يمدلي نصيحة❤
الدخلة تاع الإقامة يدخلو فيها بنات و ولاد مبصح الأجنحة لي يرقدوا فيها ولا البناية مشي مختلطة وحدة ولاد و لخرى ولاد
نقرا فيها و صراحة مضخمة اعلاميا لاكن الحمدلله على كل حال
احكيلي عليها واش فيها
@@dellabaniabrar7231 ضغط كبير في لقراية و لكن السكن ااجامعي و الماكلة ملاح مام لابروس قيمتها مليون و لكن ليست واوا و ممتازة لتلك الدرجة كيما يقول الاعلام حالها حال اي تخصص عادي
@@ssssliak5917 هل الاقامة الجامعية ف الغرف فردي؟هل الدخول لهذه المدرسة العليا مجاني
اختي تقراو دائما ساعات كيما ليسي؟
غزلان من فضلك اي برنامج تستعملي للمونتاج
yesss Ghezleennne💕
يارب يتحقق حلمي وانجح قولو امين
حبيتك❤
Thankss you helped sm✋🏻🤭🤭🌹
مين نبداو نطلعو على البكالوريات يعني من أي سنة ؟ اسكو من 2007الى 2024؟
من 2008 يبداو شفت ياسر اساتذة يبداو من 2008
من 2008 باسكو تبدل برنامج في ذاك العام+ كي تحلي لي باك خاصة في مات فيزيك وعلوم هادي تلقى صوالح قلعوهم من برنامج (ماشي بزاف بصح مثلا كيفية طح الاسئلة واجابات النموذجية/ مثال باك رياضي في مادة رياضيات القدم فيه احتمالات كاين واحد العفسة ماراهيش في برنامج) ونقدر نقولك ماشي شرط تحلي كلشي يعني ماشي شرط من 2008 الى 2024 نتي شوفيهم قاع واذا لقيتي وحدين متعاودين الاحسن متحليهمش او خليهم لنهاية السنة باه تراجعي بيهم وبالتوفيق
@@user-zh2fp4ii6l شكرا
@@feely2376 شكرا🤍
@@MalakMalak-iu5ol علوم ابداي من 2018
الانسة لو سمحتي
في مادة ادارة اعمال هل توجد مادة المحاسبة او التدقيق او منامجمنت
انا دكتور و اريد التدريس
الله يسعدك
بورِكتِ غاليتي 🫶
Fiiirst ❤❤❤
2😂
صح في الاقامة كاين الاختلاط؟؟
كاين مع الاسف
غرف الذكور والبنات مفصولة
المطعم مفصول
الساحة الخارجية برك مشتركة
جذبني العنوان
You're the best 💗💗