الرادود باسم الكربلائي | آنه أم البنين وعهدي وفيته
ฝัง
- เผยแพร่เมื่อ 23 ก.ย. 2024
- الرادود: باسم الكربلائي
الشاعر: الأديب جابر الكاظمي
السنة: 1416هـ 1995م
..................................
آنـة أم الـبـنين و عهدي وفيته
و بـالاربعة لقلب الزهرة واسيته
******
آنـة ام الـبنين الما خطيت الراي
أنـة الما قِطَعْت من الأمل رجواي
ربـيت اربعة و ماضاع تعب رباي
كـل واحـد سَند للشِدد خليته
******
شُـبّان أربعة و بيهم رفعت الراس
صِـرِت أفتخر بيهم بين كل الناس
طـلـيعة هاشم و شمعتهم العباس
مـابـيـن الـجفن و العين ربيته
******
شلون أربعة و بيهم كل وِلَم ينزال
أبوهم حيدر الينضرب بيه الأمثال
أسد و الأسد لو خَلَّف يريد أشبال
واحدهم علي باوصافه و بوصيته
******
شلون أربعة و الهُم شاعت الأخبار
رفـعـوا للمعالي و للفخر شنيار
واحدهم تشوفه تقول حامي الجار
هـيـبة علي هذي و هذي تربيته
******
شبيبة و لو مشوا بيهم تروط القاع
و بـديوان غالب خُبَر الهُم شاع
تعبت سنين الهُم و التعب ماضاع
و يـاهو لعمر لحظة بلحظةعديته
ياأم البنين
❤