公屋聯會【公屋冷知識】200730【租置計劃貨尾單位擴展至綠表買家】
ฝัง
- เผยแพร่เมื่อ 9 ก.ย. 2024
- 公屋聯會【公屋冷知識】200730【租置計劃貨尾單位擴展至綠表買家】
主持：龐智笙 公屋聯會委員/觀塘區議員
房委會係2020年3月10日，通過由3月11日起，凍結租置計劃屋邨中既回收單位作編配，有關單位日後會放係綠置居及居屋計劃中作出售。而係7月28日會議，亦通過左具體既銷售安排。
購買資格
係以前租置計劃單位中，都係出售比居住係嗰個單位既租戶。如果唔係住緊係嗰個單位既人，就無資格去購買。
宜家空置左既租置單位，房委會唔再編配或俾其他租戶申請調遷，而係透過房委會每年既居屋及綠置居銷售計劃，一併出售貨尾單位，俾其他綠表資格既家庭都可以選購，預計一年會有兩次銷售計劃。
定價同折扣係點？
哩D單位售價又抵唔抵？有乜折扣？現時約4萬間既租置未售單位，定價介乎係14萬至126萬元不等，大約佔市值15至18%，而平均一個單位既售價約為52萬元。而至6月30日，房委會暫時收回441間租置未售單位，我地估計至今年年底，數量會增加至約1千間。
先講現有租置計劃屋邨既租戶，如果已經錯過左入住首兩年既折扣優惠期租戶，房委會會係9月1日起，為租置屋邨逾三年或以上租約既租戶，提供17.5%折扣，吸引租戶購回單位，為期一年。好多住戶都擔心，唔買單位會唔會被迫遷，大家可以放心，係唔會既，唔買既話仍然可以租住單位。
至於其他既綠表人士，就冇得享有任何購買單位既折扣優惠，大家要留意啦！
轉讓限制
房委會會原用番而家係租置計劃之中既轉售限制，即係：
‧買左單位之後，頭兩年唔能夠係公開市場轉讓單位，或者以單位原來定價售回房委會，但要歸還特別折扣優惠既金額；
‧第三年起，有三個做法：
- 可以經評估市值，扣減購買單位時既折扣率後既售價，售回房委會；
- 如房委會不接受回購，可以繳付補價係公開市場出售單位；
- 或可按自行議定既價格，係未補價市場出售俾綠白表人士；
‧第六年起，可以繳付補價係公開市場出售單位，或係未補價市場轉售單位。
房委會近年推出既居屋，綠置居，售價越來越高，對好公屋租戶嚟講，唔容易負擔。今次推售租置貨尾既安排，令到綠表資格既人，都有機會買一間負擔得起既居所，我地非常支持，期望透過推售貨尾單位的經驗，有助爭取日後重推租置計劃。
公屋聯會【捐款計劃】
支持【擺事實‧講道理‧爭權益】，繼續發聲，安居樂業
轉賬：轉賬至匯豐銀行戶口477-069181-001 【FEDERATION OF PUBLIC HOUSING ESTATES】
支票：支票抬頭【公屋聯會】/【FEDERATION OF PUBLIC HOUSING ESTATES】，郵寄至公屋聯會總辦事處 (九龍觀塘成業街30號華富工貿中心3字樓6室)
查詢電話：2950 0291
公屋聯會：www.hkph.org
歡迎訂閱TH-cam頻道： / 公屋聯會fphe
Facebook專頁： / 公屋聯會-424425837657553
Instagram: / fp.he
#公屋聯會 #龐智笙 #租置計劃貨尾單位擴展至綠表買家
其實這個計劃應該推廣至全香港的公屋 讓本身有能力嘅公屋戶買回自己的單位
講左甘多年，都係廢話
新租置邨感覺唔會再做，佢快d收返d單位黎賣好過啦，你見上年綠置居4萬幾申請，當然有人唔會想買舊樓，但起碼滿足到一班人先，之後d新樓比返出面香港人用居屋白表抽啦，唔駛次次當六合彩咁抽
強烈讚成推廣此計劃至所有公屋。請為大家爭取。
謝謝支持。
👏👏👏多謝你為我地爭取。
謝謝支持。
衷心感謝和支持公屋聯會
有你們實在太好👏👏👍👍
你們的資料 對我和好多人都重要
辛苦你們 加油💪 加油💪 加油💪
🙇♀️🙇♀️🙇♀️🙇♀️🙇♀️🙇♀️🙇♀️🙇♀️🙇♀️🙇♀️
你們爭取 我們受益 感激 感激
🙇♀️🙇♀️🙇♀️🙇♀️🙇♀️🙇♀️🙇♀️🙇♀️🙇♀️🙇♀️
謝謝支持。
非常支排重推租置至全港公屋。
香港房屋委会之前列入39個屋邨,留意.白表和綠表抽纖,今次可以買淨
某單位(公屋)放出嚟售買,但雖然可以有得住,但房委話佳緊單位住户唔買,唔会叫去遷出,細心D想!次次都買楼齡較舊公共屋邨,政府基本上唔想大量維修轉嫁給售價公屋住户和今次白表人仕抽纖,如果可以做好一些的話,將列39個公屋住户想售買自己單位,買咗公屋人仕容易管理或租住另外管理
依架香港房屋署唔做,整憧公屋有售價及租住,管理方面難上加難!切記唔好買又再次被人欺騙。
Lam Kitty 租置價格平，綠置居，居屋貴買唔起。
👍👍👍
謝謝支持。
全部超過20年樓齡重推租置，住滿十年可以買番自己單位。
真的嗎？房屋署有沒有文件指示？
我更係想拉全部重推租置啦，之前賣咗39條屋邨重推，
我哋好唔好20年樓齡屋村。互助委員會提議簽名運動。
请问油丽邨几时可以由租户买？
希望你為我們爭取重新出售公屋謝謝🙏
謝謝支持。
支持争取出售公屋, 以解現時居住問題
好:假如貴部門能爭取多个屋邨好讓多些住开嘅市民想買都能買到自己住开嘅单位已超八年了.谢-' 期望快啲可實現喺秦石邨
KwokYing Wu 你好，我們不是甚麼部門，我們是一個關注公營房屋發展的團體。
关注..！有可能代提市民建議嗎？
KwokYing Wu 我們多年以來，也積極為公屋居民等向政府及房委會反映意見，並就房屋政策提出倡議。
想知道幾時開始售賣以上單位?
kiki Li 房委會預期最早於今年年底的新一期綠置居計劃推出時，一拼推售租置貨尾單位，但現時受疫情影響，須待房委會公佈日期為凖。
房委會重售租置屋邨貨尾單位是有目的,主要就是要解決現在屋邨管理的混合業權,可讓有意購買單位的租户成為業主,但對無能力或不願意購買的租户就會用特別調遷的方式將這批租户迫遷往其他公屋,以達到他們的目的,到現在沒有任何的政府官員承諾,若租户不購買自住的單位時,都不會受到房委會迫遷。
政府垃圾，應該迫唔迫，公屋租比佢調走佢咪調走佢！交出面十分一都唔駛租金，調平平地全屋裝修都冇出面租樓d人交一年租啦！收地起大苯象工程就搞迫遷，公屋班惡人當間屋係祖屋咁就唔敢做？
已住租置單位三十年, 當時年少和家庭沒有能力錯失了第一次雙重折扣機會, 近年家庭成員長大及公屋雙軌制下剛剛購買了租置單位, 但購買完成後又推出新折扣, 售價相差很多感到有點失望....
香港房屋委員會資助房屋小組委員會議事備忘錄: "由於建議措施推出前已經購買自己單位的租置單位業主亦曾在其租約期
首兩年內獲提供特別折扣優惠，我們相信他們應不會感到不公。"
現在我就感到不公.....為何會說"我們相信他們應不會感到不公"....
你有得買咪已經好好，出面d人捱生捱死都買唔起！私人市場投資都有賺有蝕有風險啦，出面買樓唔會因爲政府政策變動影響咩？你買個時唔知第時有優惠係你自己估唔到，唔通又要賠返比你咩⋯⋯
把所有公屋賣晒佢，等私樓市場大冚價。
支持
想問今期居屋2020發售，即9月10日至10月7日內申請，有否一併發售租置計劃貨尾單位。
Ester Lai 應該沒有了。
請問441个單位內有沒有凶宅？
暫時未知441單位的詳細資料，未能提供。
@@FPHE 好，如果有結果，麻煩通知我，謝謝你
特快公屋资料?
www.housingauthority.gov.hk/tc/flat-application/express-flat-allocation-scheme/index.html
特快公屋編配計劃已於8月10日截止申請。
請問單人綠表和家庭綠表會有先後次序的分別嗎？是不是不用過壓測試？
Lam Perci 在揀樓次序上是有分別的。單身人士會安排在最後階段才揀樓。另由於有房委會做按揭擔保，所以不須壓力測試，但銀行也會因應申請人的還款能力及信貸紀錄，可能須要有諮詢人或不獲按揭貸款的。
我想靖問龐先生，我現住39條公屋之內，但因在十幾年前已離了婚，但和戶主-同住，我不是戶主，但有住戶名字，已經70幾歲了，可不可以買另-租置屋，以前十幾萬買不起，現想買像現住的30幾年租置屋，曾中風，現是長期病患者，我驚日後不能行動，若加我的外孫-同入住照顧我，有冇機會買，或是我-個人也有冇機會買呢？謝謝。
綠表資格須公屋單位內所有戶籍成員一起申請的。
點解當初两個-同申請而且我本人又要取消我住的公屋名，才申請，點解要用男的名字做戶主，極不公平，日後又不能單獨買其他的公屋，有些問題不便說，我很傷心，以為他搬出，但又回來住，現變了-個病人，又不能申請買，當初申請分戶，又要我當他面前取消戶口，才可申請，要等好多年，為什麽有屋才搬，要我即搬，我住去邊，租很貴，付不起。
我有朋友住公屋! 可租可買的! 他想買! 但早幾年前申請破產去年已經解除破產令! 他想問會唔會影響銀行做按揭?
這個需要問問銀行會否向有關人士批出按揭申請。
請問 如果已購買的租置單位(未補地價) ﹐可否拎番出黎用作綠表 在居二市場 進行補錢 樓換樓 呢？
Hoyin Tang 可在購買租置單位後，在第三年起，於居屋第二市場（未補價）轉售單位。
@@FPHE 請問 轉售後， 可否在居二市場 購入別的單位呢？
Hoyin Tang 在出售單位後，便不能再享有資助房屋的資格。而現時房協試行長者業主樓換樓計劃，容許房協轄下住宅發售計劃的未補價長者業主，在出售單位後，可購回較細的未補價單位。
@@FPHE 明白，謝謝解答
何時開始可以入紙申請？
Jenny Cheng 預計最早可在今年年底推出的綠置居計劃時一併推售租置貨尾單位，可留意房委會稍後公佈的詳情。
Hi..公屋联会我住在近車公潮秦石邨因 博康邨都可以出售 但係我哋嘅秦石邨 每一路等都冇呢個機會 因為好耐啲人話出售過㗎 但係呢十年八載唔見佢再推出秦石邨啲單位賣嘅 可否 協助詢問 秦石邨可否推出租者置其屋咁樣 謝謝
KwokYing Wu 房委會目前只推售39條租置屋邨中，約4萬個未售的貨尾單位。我們亦期望及爭取日後政府可恢復計劃，擴展至其他屋邨。
公屋聯會 將軍澳厚德邨我都好想快推售，新樓入黎住詢問我哋買唔買，我更係買啦，自己物業，安居樂業。
@@meeyukkwok6188 厚德邨現時並非39條租置計劃的屋邨之一，未能讓公屋戶購買的。
公屋聯會 我知，我希望有啫
@@meeyukkwok6188 一起努力爭取~
請問回收的租置屋，會做翻新工程再放出比市民抽，像公屋搬走也還原再配屋一樣嗎？謝回答
Fu Siu Chun 房委會目前收回單位後，會進行單位的翻新工程，因這類單位收回時仍屬出租單位，故須進行翻新。
@@FPHE 留下上手的裝修不化萛，多謝告知
Fu Siu Chun 房委會也會盡量不浪費一些原租戶的設備，如狀況許可，也可適當考慮保留。
Fu Siu Chun 有個同事佢派左公屋已經住左5年但搬入住前上一手租客自己換咗廁所水箱，5年后水箱壞左叫房署整房署話唔係房署水箱所以唔幫佢換，如要換就收750元⋯⋯聽左都覺得大家小心收樓前要影相📸️留底，唔係就口同鼻拗啦⋯⋯
@@winniechou2 謝告知
有成4萬個未賣，應該比返3、5、7年期限佢，唔買就調走佢拎返d單位黎賣就真，唔通政府做業主想唔租比你都唔得咩？出面d人排公屋都冇得簡住邊啦！
請問等緊公屋人士可否用綠表申請？
你好，若公屋申請者未到達最後審查階段，則未可申請準綠表資格，若要購買資助房屋，只能申請為白表資格。
公屋聯會 thanks
打到黃遠輝
請問葵盛東邨盛安樓有冇得買，
yukting chan 葵盛東邨不是租置計劃屋邨，未能買得相關單位。
公屋聯會 以我所知葵盛東邨成安樓以前係租置計劃黎，吾知道以後有冇機會重推
yukting chan 在六期的租置計劃中，並沒有包括葵盛東邨以及邨內任何的大廈，不清楚你所知的資料來源是甚麼。另我們會繼續向房委會爭取日後恢復租置計劃的。
如果等緊派公屋的人士 能否購買這些單位
朱威廉William 如果公屋輪候者，須要通過上樓前最後的入息及資產審查，便可申請綠表資格證明書申請購買資助房屋，但須要一年才可上樓。
公屋聯會 現在已經等左接近六年 還未見到輪候號碼 都不知道等到何年何日 如果有號碼提供 會唔會估計到還要等多久
@@william6459 都要看看現時每個區域的出租公屋供應量，未來可見的如屯門、大埔、東涌等地區會有較多公屋供應。
有沒有電話可 查詢
歡迎致電2950 0291。
謝謝！
因為黃遠輝定綠置居最終目的係為銀行資本家和地產商所謂掛鉤托住私人市場的自私自利行為
現公屋住戶係咪可以係9月1號後。可以申請購買租置貨尾單位呢？想知道。
May Leung 房委會通過決定，在9月1日起的1年內，向39條租置計劃未售單位的租戶，租約期滿三年或以上的，再給予17.5%折扣。有關租戶其實可以在任何時候向房委會提出購買單位的。
@@FPHE 我不是住在39條貨尾單位的公屋住戶。其他公屋住戶。可以如何購買貨尾單位?
@@mayleung6872 房委會會把從39條租置屋邨收回的空置單位，最快於今年年底的綠置居計劃中，一併售予綠表人士。其他公屋住戶屬綠表人士，購買方式大致與綠置居相若，即申請者按攪珠的結果釐定先後次序，申請者屆時可以選擇購買綠置居或租置的未售單位。
@@FPHE 謝謝，明白了。
@@mayleung6872 希望資訊可以幫到你
想问我住青长亨邨。长亨邨政府有沒机会出售？
房委會現時先處理39條租置計劃約4萬間未售單位，我們期望總結有關經驗後，要求政府及房委會下一階段能逐步恢復租置計劃至其他屋邨，現階段政府及房委會未有相關計劃。
想问住紧公屋。貨尾单位可以用绿表換買吗？
@@Ng-ek6en 可以呀，房委會早前通過了，建議在年底新一期綠置居計劃中，一併推售租置的未售單位予綠表人士購買，但由於疫情，要視乎情況時間會否受影響，待房委會稍後公佈銷售計劃內容。
谢谢。🙏🙏🙏
@@Ng-ek6en 希望資訊可以幫到你~
當其時買咗公屋户主,如果要放售的話先補地價及只可以售買番租住公屋户主,不可以向外售買公屋單位,政府廉㗎被户主居住,做成炒樓热潮,有錢購買私楼及居屋,公屋一D唔值的價錢,當初連39條公共屋邨唔應該放售,简值垃圾呀!做成今時今日的局面真係條可憐蟲。
問題係佢一直冇做野補救，拖得就拖
他是用手語？？？
chan suki 不是的～
房屋署網頁,7月28日的重售租置公屋消息已說明,1年後會檢討計劃,應否為不購買單位的租户制定特別調遷,這種調遷,實際上就是迫遷!
Wai Hung Au hihi 我們也很有興趣知道，你所說的「實際上就是迫遷」，看來你已掌握了所謂的特別調遷計劃的具體內容了，才會這麼堅決肯定是迫遷，能否和大家分享如何迫遷的細節內容嗎？
@@FPHE 你們是公共房屋的專業人士,應該比我更了解政府為求目的,不擇手段的政策。
Wai Hung Au 我們的宗旨，一直都是「擺事實講道理爭權益」9個字。是其是，非其非一直是我們的態度。謝謝
Wai Hung Au hihi www.housingauthority.gov.hk/tc/common/pdf/about-us/housing-authority/ha-paper-library/SHC35-20TC.pdf 我們找了整份文件，見到第22段的未來方向，講了些關於制定未來特別調遷計劃的考慮方向，不知是否我們看得不太清楚，你所指的迫遷，是在哪一段呢？
@@FPHE 謝謝貴會補充較詳細的資料,這些資料對租置貨尾單位的租户有參考價值。