《做生意，點計數?》 又出盡18年功力，同你分析各行各業做生意，點計數? 摘要: 飲食業，零售業，服務業成本分析。
ฝัง
- เผยแพร่เมื่อ 6 ก.พ. 2025
- 《做生意，點計數?》
又出盡18年功力，同你分析各行各業做生意，點計數?
錄影日期2020年4月7日(星期二)
摘要:
(1) 飲食業， 成本分析大致是4321。 4成食物成本(連雜項)，3成人工，兩成租金，1成利潤。
外賣店是 4，2，3，1
大型食肆是 4，3.5，1.5，1
肉/餐種多 4.5，2.5，2，1
菜/餐種少 2.5，2.5，3.5，1.5
主攻飲品是 2.5，2.5，3.5，1.5
(2) 零售業。成本分析大致是4231。 4成貨物成本，兩成人工(連雜項)，3成租金，1成利潤。
自家品牌/自己生產是 1，2，5，1-2
來貨轉售是 6，3，1，~0
便利店是 6.4，2，1，0.6
大小超市是 8，1，1，~0
(3) 服務業。成本分析大致是1432。 1成入貨成本(連雜項)，4成人工，3成租金，2成利潤。
自助洗衣店是 2，0，6，2
地產代理(美聯)是 3(回贈/廣告/經營成本)，5，1.5，0.5
夾公仔(台主制)是 1，2，5，2
夾公仔(自營店)是 3，3，3，1
總結，零售業通常生意額最大，飲食排第二， 服務業就最細。 雖然服務業的租金佔營業額最大，但由於營業額細，服務業的承租能力最弱。零售業可承受每月每呎幾百元租值，飲食可承受每月每呎過百元，但服務業一般只能承受每月每呎幾十元以內租值。
現在肺炎疫情會影響所有數字 ，但困難時間總會過去，大家加油!
聯絡李根興 Edwin whatsapp (+852) 90361143。租舖買舖最歡迎😉
。。。。。。。。。。。。
內容全文:
依家全世界都叫減租，但其實租金佔生意額應係幾多呢?
2001年起，我買賣過千單生意，乜數都睇過晒。舖頭做生意，最大支出離不開都係租金，人工，同埋貨物成本。 如果將所有街鋪拉勻，一般來講，成本就係4321。
香港嘅舖大約有10萬間，大致三分一係飲食業，三分一零售業，三分一係服務業。租金分析係點? 要做幾多先夠冚?
第(1) 先講飲食業， 成本分析大致就係4，3，2，1。 4成食物成本，3成人工，兩成租金，1成利潤。
做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。
但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。
外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。
大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。
賣肉多，例如漢堡包， 餐牌種類闊，自助餐，放題等，食材成本最貴，租金要少過兩成。
賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。
專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。
一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。
(2) 零售業。成本分析大致就係4，2，3，1。 4成貨物成本，兩成人工，3成租金，1成就梗係利潤啦。
零售業租金佔營業額拉勻約3成啦，就大致有錢賺，但可以偏差好大。當然睇你係賣咪乜嘢啦。
最賺錢係自家品牌，自己生產，利錢一般係一比十。 即係一蚊成本賣十蚊，例如自制豆腐花， 自設廠房再零售賣衫賣褲，自家生產酒精洗手液等。賣呢啲嘅舖，租金佔營業額去到盡高達5成都得。 貨物成本一份，租金五份，人工兩份，減埋死貨壞貨半份，仲有一兩份係利潤。
但如果係攞貨返嚟再轉售，一般係賣十蚊賺六蚊 (折扣前)。 有時仲要大減價，買一送一，你就當大約貨物成本佔六成啦。 仲要減埋人工，死貨/退貨，雜項約3成，租金最多佔營業額一成至1成半。
例如OK 便利店，每賣10蚊貨， 拉勻賺約3.6蚊。仲未計人工，雜項，總部成本。超市仲差，售貨利潤減一半。十蚊生意，分分鐘一蚊都賺唔到。 咁點解仲做? 賺咗數期 cashflow 囉。 先收錢，後找數，銀行借貸又可以多條line，生意唔賺，賺 cashflow，買物業長揸自用就賺錢啦。好多舖王都係咁誔生。
(3) 服務業。成本分析大致就係1，4，3，2。 1成入貨成本，4成人工，3成租金，2成就梗係利潤啦。 始終老闆都算係專業人士，落手落腳，都要出糧。
一般嚟講，因為服務業無乜貨物成本， 洗件衫洗衣粉值幾錢? 剪個頭，洗頭水都唔值錢。補習社，教材可以重用/複印，因此佢哋按營業額嘅承租能力係最高，尤其是係無人嘅商店，係如自助洗衣店咁，租金佔營業額高達五六成都仲有錢賺。
但唔好以為佢哋好交得起租喎，因為服務業一般營業額都係較低，佔地方又要大，依靠人手/手勢，請人又難，又無得外賣，整體嚟講喺舖市嘅承租能力係最弱。 做舖嘅業主，通常首選係租俾零售業，次選係飲食業，冇人租啦先租俾服務業。車房，五金回收，老人院就係呢啲。 人哋零售業分分鐘能夠交得起每月每呎幾百蚊租金，飲食都可以過百，但好多服務業，只能夠交到每月每呎幾十蚊或以下嘅租值。髮廊，美容院，補習社，洗衣店， 僱傭公司都係服務業。 呢啲行業，最旺最貴嘅街道通常都睇唔到。
Except 地產代理同依家時興嘅夾公仔機。地產代理因為單價高， 發展商又唔想成個商場係代理行， 影響人流同形象，代理焗住要係街舖霸位霸地頭。好似美聯咁，人工/拆佣已似去咗營業額一半，仲要扣回贈佣金俾客，廣告，總部人工開支一大堆，租金只能佔營業額1成半左右，再多? 就無錢賺啦。
夾公仔機，都算提供娛樂服務 。你要分佢係行台主制定自營店喎。如果佢係用台主分租嘅模式，間舖租金當十萬，擺五十台機，每部收租8千，當租出一半，即係收台主租金每月廿萬就開始有錢賺啦。 即係夾公仔機行台主制的話， 租金佔營業額(即係分租嘅收入)一半都仲頂得順。
但如果係自營店嘅， 因為佢哋公仔被人客夾到都係成本，咁就三成去咗公仔成本， 三成去咗其他燈油火蠟人工廣告洗費，1成要賺錢，只係剩返三成係頂住條租啦。所以台主店就5成，自營店就3成。
總結，舖頭做生意離不開都係貨物成本，人工，租金，同最緊要賺錢。飲食業嘅比例就係4321，零售業就係4231，服務業就係1432。 記住零售業通常生意額最大，有本事就賣鐘錶珠寶，好景時，賣一粒石，分分鐘就夠交成年租金。飲食排第二， 食極有個譜，服務業就最細， 洗個頭你唔會日日洗，或者放低個頭俾洗。 由於同等呎數轉數最慢， 承租能力都係最弱。
當然以上各行各業，肺炎疫情會改變曬所有數字。 連生意都冇得做，有啲門口都唔俾開，仲邊有錢交租吖。
困難嘅日子總會過，大家撐住，加油!
。。。。。。。。。。。
想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。
盛滙投資商舖基金/買舖/租舖/放舖熱線: 2830 1111 或 whatsapp +852 90361143
盛滙商舖基金 Bridgeway 網頁 www.bwfund.com
李根興創業之友 / edwinnetwork
李根興商舖之友 / edwinprimeshop
李根興 youtube 商舖創業及投資分享商舖創業及投資分享 / @edwinleekanhing
Thank you for your generosity in sharing such information ! Most useful !
謝謝分享。香港有你，掂呀。撐你。
含金量很高，支持您出同類影片！
做生意要成功须要很多因素，除了天时，地利，人和 ，性格和运气也不可缺，当然最重要的一点是努力再努力
各行各業真係講唔曬，2001-2103年間我買賣過千單生意，近年又同好多朋友傾偈了解，及做好多 research，以上是大約數字。 知道條數點計，對日後做生意幫助好大。
大地主講野你地都信? 香港從來係租金全球第一，人工只係世界中遊。巿民的人工就是去了租金那裡! 一般香港人時薪係30幾蚊，舖租就隨時幾十萬至幾百萬。我覺得真正比例應該係8:1:0.5:0.5。租金佔8成呀！
學到野的頻道
除了賺錢。 學到做人道理
thx sharing
李博士有料揸四条😊
有料之人 底你發👍
咁即係任何行業都好 想要有錢賺 都係用其他支出黎就個租金？即係因應租金金額去決定我應該要將件貨賣幾多錢？還是？？
謝謝你
你好Edwin，感謝你的分享。本人也是零售行業出身，請問怎麼樣能更好的利用供應商提供的數期？
謝謝分析，具參考價值..
billion thanks
經營好自己的店。
個題目好好,把聲好難聽,頂唔順到停左唔睇了
謝謝
主持有料到支持你😄😄😄
我是自家品牌廿多年，十年前最貴中环間鋪租16.5租了六年，管理費另加，當時是波叔，全幢才一億.精神壓力太大很支出太多，越搬越弱
學到嘢！
多謝你肯敎我
內地是一樣的嗎
營商之道要向李生多多學習
勁
請問現在有什麼生意有得做?
扯皮條都係唔錯既選擇😂😂
你說話談吐爽快！性格定命運！當然必成功犮達，不是唸多过做.水清则冇魚
收啦，康業信貸，古古怪怪
5:31 的摟宇廣告是十幾廿年前?
利潤得10％？唔係呀！？
👍
👍👍💪
Edwin, 不要接觸口罩表面
燈油火呢
就是雜項
係數咪扮緊曾志偉? 平時說話都係哮喘咁?
服務業應該係最穩得錢至真成睇下啲賭檔骨場財仔就知喇😃
好心講嘢自然啲啦, 仲作狀過呂奇
以前賣生意上過你當的人不計其數你唔講，依家換轉做商舖賊人又氹一批水魚上轎，放長雙眼睇你幾時爆煲。
呢d資訊除咗你都唔知可以係邊到搵
肯分享出黎既人少之又少，重要係一次過分享晒咁多行業既數據
我一直都好想知
把聲好撚討厭
把聲發生咩事？有病？
唔小心禁左入梨,佢把聲其實真係好難聽,真心想嘔
搞清晰
大地主講野你地都信? 香港從來係租金全球第一，人工只係世界中遊。巿民的人工就是去了租金那裡! 一般香港人時薪係30幾蚊，舖租就隨時幾十萬至幾百萬。真正比例應該係8:1:0.5:0.5
租金佔8成呀！
大地主講野你地都信? 香港從來係租金全球第一，人工只係世界中遊。巿民的人工就是去了租金那裡! 一般香港人時薪係30幾蚊，舖租就隨時幾十萬至幾百萬。真正比例應該係8:1:0.5:0.5
租金佔8成呀！
@@hklok0123 咁又係喎! 無理由香港的人工和租金完全唔成比例呢!
@@hklok0123 中肯,
騙徒手法層出不窮。
@@線經緯 感謝香港仲有清醒的人! #香港人加油
分析專家,係咪可以遲D死?
正一散毒自私精! 拍片都唔用口罩!