Профессор Дустбоев Шодимурод аз ДДТТ дар Барномаи АНВОРИ ХИРАД.

профессор Дустбоев Шодимурод аз ДДТТ дар Барномаи АНВОРИ ХИРАД.
________________________________________________________________
Бознашр аз саҳифаи Хирад оид ба фаъолияти олими шинохтаи илмҳои иқтисодӣ д.и.и., профессор Дустбоев Шодимурод, ки сазовори номи бузурги устодӣ ва омӯзгорӣ ҳастанд. Омӯзгорӣ аз бошарафтарин касб дар ҳама давру замон ба шумор рафта, машаққати зиёдро дар тарбияи насли наврас, ки ояндасози миллатанд, талаб менамояд. Дустбоев Шодимурод яке аз олимони барҷаста ва арзандаи соҳаи иқтисод мебошанд. Дар тӯли фаъолияти илмӣ ва омӯзгории худ дар донишгоҳ шогирдони зиёдеро тарбият кардаанд, ки дар тамоми соҳаҳои иқтисодиёти кишвар ва берун аз он фаъолият менамоянд. Саҳми Дустбоев Шодимурод дар таълиму тарбияи насли наврас, таҳияи барномаҳои таълимӣ бо назардошти ворид шудан ба фазои ягонаи таҳсилоти ҷаҳонӣ ва дар ин замина гузариш ба низоми кредитии таҳсилот, истифодаи усулҳои самараноки таълим ва тайёр намудани омӯзгорони дараҷаи илмидошта хеле назаррас ва шоистаи таҳсин мебошад. Китоби таълифнамудаи Устод оид ба масъалаҳои иқтисодиёти ҷаҳон ва муносибатҳои иқтисодии байналмилалӣ возеҳу равшан мутобиқи стандартҳои давлатии таълим ва низоми кредитии таълим рӯи чоп омадааст.