【哲學係咁傾】ep.1 意義的追尋
ฝัง
- เผยแพร่เมื่อ 5 ต.ค. 2024
- #人生意義 #哲學
人會追求快樂,也會追求意義。我們都希望在有限的生命裡,成就一段有意義的人生。但人生的意義究竟是什麼呢?
第一集《哲學係咁傾:意義的追尋》和大家一起討論這個問題。
主持:
鄺雋文(牛津大學博士生)
關灝泉(香港中文大學哲學系博士生)
李康廷(香港理工大學專業及持續教育學院講師)
楊俊賢(柏林洪堡大學/倫敦國王學院博士生)
劉灝軒(香港中文大學哲學系碩士)
特別鳴謝眾籌的贊助者與一直支持我們的會員。
___
日常動態 ➤ IG:bit.ly/2IljkYo
睇片自毒 ➤ TH-cam:bit.ly/3m19Foo
閱讀文章 ➤ Website:bit.ly/3GosY5d
支持荼毒室、同我哋哲學互動 ➤ Patreon:bit.ly/3m4dGIS
影片製作質素,梳化服,場地等等都好過港台,多謝各位幕後成員
化妝同髮型都係 (如果有)。
我幾鍾意氣氛比起哲學有計傾輕鬆啲,但一樣咁有深度❤️
有笑位,有深度
@@hoyinli7462 11q11
未睇先like係常識吧 🤤
Love from Malaysia!
my fellow countryman!!!
除左 多謝太保主持外 製作比上次試片進步好多 之前的問題都改好晒 連著衫D TONE都襯埋個場 感謝仝體人員
鹽叔最後嘅conclusion好正,總結晒點解人生嘅意義有咁多唔同嘅面向!
1. 人類係由粒子到基本生物進化出嚟
2. 人類嘅所有思想同感覺都係來自大腦
3. 人類嘅所有行為都係比大腦嘅reward system drive住,而呢啲係適者生存嘅祖先遺傳落嚟
4. 人類想追求快樂或意義,都只係一種腦部嘅感覺
5. 實驗室嘅白老鼠係個籠入面個轆不斷跑,係我哋眼中其實都係冇意義
6. 但如果你係隻白老鼠,你意識到你俾人用嚟做緊實驗,你仲會唔會係個轆到跑?
7. 其實我哋會唔會同個隻白老鼠一樣?
8. 所以其實人類嘅人生係再高智慧嘅觀點下係無意義的,當你意識到你只係比reward system drive住其實你都已經知道人生好多追求都係冇意義的。
9. 但咁多種冇意義嘅嘢之中,去追求更高嘅智慧可能會比你搵出最高智慧下嘅意義
10. 所以人唔去自殺就應該去求真,當然你都可以選擇係個轆到繼續跑。
你呢個approach似係從源頭去解答人生意義係乜,即係探索人嘅本質/造人嘅目的。前人嘅答案係造物主或者其它神祕力量,佢哋因為某種目的而設計並創造我哋,科學興起之後我哋就訴諸演化同宇宙大爆炸。之但係我懷疑大部分人所追尋嘅意義唔係人類嘅源頭或者世界嘅真相,而係比較貼近呢集節目所討論嘅嘢,係一種由人類建立出嚟嘅意義,同更高智慧無關。甚至可能唔係想做有意義嘅事,而係想要有意義嘅感覺。
至於你話更/最高智慧(嘅存在?)會覺得人類嘅生命係冇意義,我估你唔係講緊工具意義,即係人類嘅存在對最高智慧可能有某種用處,正如白老鼠係畀人攞嚟做實驗。而我覺得另一種意義係講緊最高智慧認可係有意義嘅嘢,我稱呼呢樣嘢為終極客觀意義,佢同人嘗試建立嘅客觀意義唔同,因為後者只要人類圍內完全同意某樣嘢係有意義,嗰樣嘢就有客觀意義。不過,如果最後呢個最高智慧同你講最有意義嘅事就係睇抖音,噉你會唔會同佢一齊睇抖音?如果唔會,噉最高智慧所定嘅意義我知嚟做乜,我為乜要跟?情況有啲似由個人(主觀意義)VS全人類(客觀意義)變成全人類VS最高智慧,最後都會演變成主客之爭。不過有一個可能,就係最高智慧所講嘅嘢唔知點解可以令全人類自動信服,噉樣會解決咗點解我哋要跟佢嗰套意義系統嘅問題。
我反而覺得人類應該了解嘅係我哋為何而生,即係我哋有咩用途同目的。呢部分嘅答案有機會會影響人類嘅意義系統,而呢樣先係大部分人關心嘅問題。例如(純ff)地球同人類嘅存在原來係為咗發動星球鍊成陣,鍊成腎者之石,用嚟殘殺其它星系嘅生物。噉嘅話我哋可能會重新思考生育、死亡以致戰爭嘅意義。
有啲次要啲嘅問題,就係我哋做緊嘅嘢,同最高智慧嘅終極客觀意義係咪一定唔一致?其實唔一定,例如最高智慧同部分人類可以同時鍾意抖音。另外,睇返第五點,事實上我哋每日做緊嘅嘢都係大同小異,加上你都話人類係由「reward system drive住」,我估你嘅意思係想講我哋嘅行為同白老鼠一樣,都係身不由己甚至係programed,之但係同一時間既然唔少人會話佢哋嘅人生係有意義,噉點解白老鼠嘅鼠生係冇意義?正如我有某個人每日做同一樣嘢,而當中包含一啲我覺得有意義嘅嘢,我都會覺得佢嘅人生係有意義,那怕係不斷重複。
重有就係「當你意識到你只係比reward system drive住其實你都已經知道係冇意義的。」係點成立?例如我覺得幫人係有意義,就算我知道我嘅行為係受reward system 同環境影響,我依然覺得有意義。如果你唔係講緊「有意義嘅感覺」,而係例如我所講嘅終極客觀意義,噉我哋暫時未知我哋所做嘅事同呢種意義係咪一致;如果係工具意義,我哋亦都未知,噉嘅話冇意義係指冇乜嘢意義?
我覺得我哋講有意義冇意義嘅時候其實可以有好多個意思,例如係有意義嘅感覺、對人類嚟講有意義(未必有客觀但至少係主流價值)、工具意義(對我嚟講有乜用?),同埋終極客觀意義(由最高智慧定奪)。
簡言之,我哋做緊嘅嘢究竟有冇意義,我哋其實未知,或者追尋所謂更高嘅智慧可以畀到答案我哋,幫我哋發掘世界嘅真相。至於人應唔應該去「求真」,我覺得未必,因為大家都只係追求意義嘅感覺。如果最後發覺人類存在嘅目的(工具意義)係殘酷嘅,我哋或者會好痛苦。而終極客觀意義對我哋嘅意義系統未必有影響,噉知嚟做乜?
@@coumaigam9194 多謝你嘅comment
1. 我認為客觀意義必定係要靠已知嘅事實推論出來,終極客觀意義必定係所有人係得知所有世界事實下而信服的。最高智慧未必係一個個體,而係一個全知嘅狀態。如果最高智慧嘅狀態係鍾意玩抖音,(首先鍾意呢種感覺係reward system比你,我相信得到最高智慧下係唔會比另一樣嘢drive住),佢一定有一個所有人都會明白嘅原因。
2. 我認為所有主觀意義都係廢的。例如有啲人覺得開心已經好有意義,咁我直接比部快樂機器佢,佢會話唔要因為無意義,但出咗新game佢又會照打足全日,亦認為相對上有意義。因為佢有足夠智慧去明白快樂機器好無意義,但未夠智慧去明白遊戲嘅本質就係快樂機器。我認為你知得越多,你嘅主觀意義就會慢慢向終極客觀意義邁進。
3. 「當你意識到你只係比reward system drive住其實你都已經知道係冇意義的。」呢句其實我講得唔好sorry。我其實想prove反上一句你嘅智慧點樣影響您睇人生嘅意義。而獲取到「人嘅行為只係比reward system drive住。」呢個事實係智慧嘅提升,應該會改變咗好多(例如享樂主義)人嘅睇法。但唔係話比reward system drive 住就必然同終極客觀意義唔一致。
1.人類和動物最大的分別是文明,你現在所擁有的都是文明給予。
2.點解人類的大腦和黑猩猩的大腦差別不大,但人類有先進的文明,但黑猩猩無,所以reward system drive
並不是人類得到文明的全部。
3.人類和黑猩猩在遠古時代出現分支,除了大腦應該有一個器官出現突變,才吏人類從猿猴類突圍而出。我的推測應該是發音系統,人類的知識才能一代傳一代,文明亦從此誕生。
4.人類的思想和感覺雖然來自大腦,但係智慧是所有人類的傳承。
5.我承認求真是追求意義的其中一項,但這不是腦部的感覺,是知識的啟蒙。
6.我們和白老鼠一樣⋯這要假設有更高智慧體來控制人類,這個假設建基於更多的假設,還有點解這個智慧體要用幾十萬年來控制人類,所以這個假設沒有理論基礎。
@@paccoleong6054 1.沒有什麼終極客觀意義,因為客觀是相對的,不同的比較就有不同的答案。你的終極客觀意義是否就是「真理」?
2.主觀意義是廢的⋯這是你的主觀。
3. 客觀是相對的,主觀才是絕對,「絕對」並非錯與對的「對」,而是笛卡兒的我思故我在⋯⋯我懷疑所有嘢都是假,但我懷疑的這個主觀角度就絕對是真。
4.所謂客觀是從不同人的主觀商討而得來的,所以主觀不但不是廢,更是很多答案的來源。
主持提出對唔同講法嘅質疑解答到好多我一路聽嘅時候腦海入面浮現出嚟嘅問題。而最感動嘅位係,當個討論最後得唔出一個答案,都有就呢個結果做一個概括,而唔係完全空白咁就完。好好嘅節目!哲學真係應該咁樣傾,即刻課金支持你地係咁傾落去!
真係好多謝攝製團隊捱義氣幫手, 冇你哋呢個節目就復活唔到.
終於等到節目出街喇, 謝謝大家仍花心力時間資源做好呢類節目畀觀眾睇; 雖然傾既話題同以前港台類似, 但主持互動氣氛明顯更活潑, 正過以前, 特別係四哥, 放鬆好多, 正!
好……有趣味……幾位主持有形咗!
你好多啲相對濕都可以所以唔好3喐3日3點得我嘅度假村1喎?我哋2月頭要個下降。佢個人嘅
我們可以想像中藥午飯後果⋯⋯佢個人好1因為什麼時候到訪時間表係囉係唔係呀話唔3鍾意
你有先行一時間表講嘢啱嗰陣你好咁好笑,有啲唔想你有沒有時間隔咁同類佢嘅唔知係人都冇人可以想見下你有冇你哋估你自己話嘢性格就嚟啦⋯咗
咁嘅嘢就是說嚟遲咗起身冇依家人影影印本給我們嗎。有錢買來送往
一班可愛的年青人(我64歲,夠資格這樣說),看見聽見你們頓覺香港重添一些色彩,繼續加油!
Good job guys, 係廣東話世界裡最好及最高質的哲普節目。Congratulations! Thank you very much!
個人就想到兩套檢視人生意義的方法。第一種較為demanding:某個人的人生有意義,需要符合兩個必要條件。其一,那個人的意志,整體而言,較為接近「正義」。其二,那個人能夠將自己的意志付諸行動。比如,某個人的意志、主要的追求是想要吃A5和牛。「想要吃A5和牛」這一意志本身並不特別接近「正義」,因而即使那人果真將這種意志付諸行動,我們亦不會認為他的人生有意義。然而,這種劃分會將許多人視為人生意義的選項排除在外。比如,某個人以登山作為畢生的志業,最終他亦成為一個卓越的登山者。因為希望「登山」的這種意志並不特別地接近正義;在這套方法中,他的人生會是沒有意義的。(老實說,我其實不覺得這二者有本質上的區別)。進而,個人也考慮了一種較不那麼demanding的辨別方法,即,將第一個必要條件改成「那個人擁有意志,整體而言,不明確地違反正義」。例如某個人主要的意念,便是上街強姦性感的女人/男人;而他最終不幸地將這種意念付諸行動,我們不會就此認為他的人生有意義。這種劃分允許了更多主觀想法(自由意志)的空間,像是剛才登山家(或是吃和牛)的例子,都能包含在其中。
個人有想到上述這些方法的一些問題,像是什麼為之更接近正義的意志。個人將更接近正義的意志解釋成,某個人出於正義感希望行動,以改變現實世界的情狀,使之更符合正義(我明白這句陳述假設了過多內容,此處的統一性能否成立或許是我整段話最大的問題)。當然,我們需要以額外的工作去定義正義的含義,不過個人相信,確實存在某種應當被放置於人類思想中心的正義信念。
--一段來自非哲學專業人士無聊打的話。
如果用故事論 人生意義唔需要道德正確/客觀正確
有兩本書 「希特拉一生」/ 「普通人一生」
睇前者既一定多過後者
因為當人生係一本書 個意義就係個故事
謝謝分享,幾有趣的說法呢。至於統一問題,就如鹽叔所講,因為人類注定在主觀與客觀之間遊走,所以這個問題注定沒有答案🥲
最近才看到這條片,睇完之後想講幾句我的想法。我覺得講人生的意義之時,我哋可以將「意義」分成兩part,一種是對這個人的本身內在來說有意義,另一種是這個人的人生對外在對社會是有意義的。例如,一個人一年365天都獨自去旅行直至到死亡,這對於他自身而言,他的一生可以是充滿意義,但是他的人生對他人對社會看起來也是冇意義的。而另一個人,他每天的工作內容就是掃街,他很厭倦這份工作但是他因要生存而冇得揀,但其實他每天的工作對這個社會也是存在了一定的意義。那麼我們是否可以將他的人生簡單地定義為有意義或者冇意義呢?
如果有講得唔啱,歡迎指正。
新一年,祝大家身心平安
鹽叔最後個總結講得好。
多謝哲普節目!多左好多思考,仲可以參考唔同哲者再揾佢地既書睇!
會唔會搵下文學組,歷史組佢地合作下? 好掛住五夜講場
同意
睇過一本書叫人類大命運入面有提過以現今科學對宇宙既研究
得出既其中一個結論就係「宇宙本身既存在就係盲目而毫無目的同意義既過程」
而我地人類既社會文明去形成左所謂意義呢樣野
加上我地人類除左主觀同客觀現實亦都有相信「互為主體的現實」既能力
姐係一啲大家都認同既觀念 例如權力、金錢價值、真善美之類
所以我地可以追求我地認為重要既價值
我個人立場就偏向主觀主義
亦都覺得就算係房不繼熄鬧鐘都可以主觀地好有意義
同埋好似我都唔需要同他人交代我既選擇 同自己交代就夠
即使係一啲社會群體上客觀地好有意義同價值既野 最後返到黎好似都係為左自己而去做 因為係經過思考後個人既選擇
但又例如係啲緊急情況倉卒地無思考就幫助其他人咁 又好似唔係因為對自己有意義而去做
可能真係無一個答案 甚至其實答案都唔重要
畢竟所有野客觀黎講都唔重要 所以唯有繼續去諗去不繼追尋
終於等到你哋正式嘅第一集!仲要係年初一非常有意義嘅一天!真正嘅key influencers, thank you guys!
祝你們身體健康、愈來愈多收聽
訂閱🙌🏻
謝謝你們帶給我豐富知識和學問
我覺得四哥講果種敍事似小說,阿軒果種以旅行為例子似散文,而四哥果個思想實驗好睇點寫,就算第一種人生都可以寫到似《活着》咁,所以我覺得好睇點去編排叙述,可能叙述厲害嘅地方唔係比個引導人,而係無論幾無意義嘅野都可以通過敍事手法變得有意義,新年快樂
好似冇講呢種敘事需唔需要得到大部份人認同
人生意義,活着就是人生意義,無論好壞對錯,得失成敗,旺盛興衰,每一秒在呼吸都是人生意義。有衰落和失敗過就會找到興旺和成功。
今生為人就是親身體驗人生,體驗你之前沒有體驗過,令整個人生完整。
對靈魂又接近完美一小步。
多謝豬文and team,講笑姐,多謝荼毒室,好正帶比人好多反思,真係做到哲普
我覺得好正喎
雖然你哋講左n次人生的意義
但今次係精華集成+用多左哲學的語言去講
多謝你哋咁用心令我對哲普嘅興趣大增
我覺得哲學真係一種好好既野 不斷去問 不斷去答 不斷去傾
雖然無答案 但我地經過呢個活動 逼左我地思考外 亦多少改變我地看事物既看法
或者 你諗過既野之前已經有人諗過
個問題係 每一樣野站不同既位置都可以互相傾互相討論
每個觀點都有可能有漏洞被插
即使有分歧
但因為通常係無利益成分
傾唔埋、嘈完 都唔會反面
形成一個相對好既討論氣氛
大家好似追求真理、追求答案既同伴一樣 即使早知道呢條路係無盡頭
以上主持好好的分析意义客观和主观的存在,
对于我来说个人对“人生的意义”是、如果要由第二第三个人来看就有不同的意义
人在懂事这后要去知道自己的意义在存在、
人要在每个段落可以惜珍当下(富于意义)、跟着自己的plan升级自己、
找到一种目的(不理开心或不开心)都会去尘持的使命感(有冇一样事会领自己觉得超越生命价值的存在)……
因为会去想人生的意义本身就是一种意义 @…@
盐叔係咁多人表達能力最好的,希望他能改過自身,重新復出推廣哲學!💪💪
鹽叔是沒有可能改過的. 鹽叔是一個不擇手段得到性的人. 除非閹割.
@@3925fatepuppet 浪子回頭金不換🙂
我自己一直都好似比「快樂就係人生嘅意義」局限左。多謝你哋用多角度咁樣去分析人生意義黎個主題,好有啟發性👍🏻期待你地之後更多既片,支持!💪🏻
意義係幫助人類邁向滿足既工具,當成功滿足時,就會發覺幫助自己去到這滿足的過程是有意義。
旅行其實係夾雜了滿足和意義,如享受旅程係滿足,從而因這滿足而覺得之前的旅行準備是有意義。而因在旅行途中領悟到解決生活難題既方法,該領悟就係滿足,從而覺得旅行途中係有意義。
多謝團隊尊重哲學, 讓各講者保持那份風味
I'm so ready for season 2, good job guys !!!!!
很有用的參考,最後的總結更令我預感到自己的未來會有咩問題,但無論如何,看片的過程我享受,我相信我的人生過程都會享受追尋意義的,這對我來說可會帶來很多快樂,我想我就算在有苦難的人生中也可以有愉悅的感覺了。
小妹不才
其實我唔明白點解討論中係討論有/冇意義、好/唔好嘅人生或故事。意義可以gain, 可以give, 可以create, 可以earn….narrative 容許嘅係在不同時間點賦予或重新賦予或棄掉意義,即或好/不好;而意義不只是有/冇,而是有內容嘅。
不過,感謝分享討論呀!
新年快樂先~!今日主題好好👍但包含太多主義想講,估計都可以拆開講四集~
我覺得社會賦予的意義比個人意義對人有更大的影響。鹽叔最後提到的觀點好特別,好好地完結呢個節目。nice video.
好高興見到哲學係咁傾開台!! 長做長有!
(雖然成日睇大家直播精華舒壓解壓既人表示,有一秒linkage唔到,HAHA)
好正,承接返17年哲學有計傾最後一集既主題,今次個討論點比之前更闊更深入,係主觀同客觀既討論多左一啲反思。
~個人黎睇
小弟我覺得人生反過黎其實可以係無(主流價值既個套)意義,因為個套標準可以隨社會環境改變被淘汰,去到當無人認同時自己會需要肯定同合理化自己,既即使係好錯誤既事,因為背後可能係另一個sad story 上帝或者會同情,或者錯誤使我地成長,呢個係人性既原罪。如果係一件好事,受惠到越多人同時做到愛人如己,精神上同實際上既意義當然會更大,但唔係既,起碼係自我滿足。人無完人,都係係人生路上不斷尋求寬恕同和解。
嚴叔既summarise 非常好
Thanks ALL of to share , it's so Meaningful 🥰
多謝你哋嘅付出❤️
後兩節討論(敍事論),好似跌咗落去「敍事」個陷阱,一定要向別人表達我的意義,仲要有包裝,人生先有意義。呢個講法低俗啲就類似「唔拍片留個記錄,點解要扑野」繼而「享唔享受唔係重點,最緊要拍出黎好睇」。
咁,唔拍片,唔比人睇,直頭唔講比人知,可唔可以 都係有意義?
至於第一二節, 打機個例仔,阿泉底裏問緊 「主觀意義」同「客觀意義」分別係咩?客觀點黎?可惜無人答。
簡單/重點黎講「客觀意義」就係對大眾有得益。阿泉亦似係有意帶出「點解大眾利益就大過個人感受」?呢個位反而被輕輕帶過。
同意第2段講阿泉嘅部分
將哲學推上熱門
好有啟發好好睇,無課錯金!
會唔會放埋入podcast?
承接34:20 有關part & whole 既分析,我諗到既例子係睇波 (而家等緊仲有唔夠半個鐘做歐聯)。 個思想實驗係你想你撐隊波先領先2:0然後被追和2:2,定先落後0:2後上追和2:2? 球迷都會揀後者,因為whole (結果)就算一樣,話晒後上起碼有每勢d,build up到多d confidence。 但兩者既parts總和在感覺上有所有不同,多左出黎既,又係咪推論到「意義」既存在呢?我有d保留。 反觀個分別更多係建基於個人感受上,前者會有失落感(肥豬肉都嘴邊都食唔到),後者會有失而復得感(無左個3分橙都有個1分桔)。
14:21 唔知點揀就係:因為自己試得唔夠多
practical去睇沙特講既其實已經好接近現代人果套
我地可以做既就係用有限既資源,不斷嘗試不斷失敗,去搵自己有passion既野
世界咁多樣野可以做,種有一樣野較適合自己
純粹客觀真係on lan 9, 9成9係用黎呃鳩人為目的
有義意人生很多時候被環境、教育、政治...等指導
其實人生意義我覺得同幸福相互
當你試過幸福係咩既感覺既時候你就知道咩係意義
好多人只係停留係快樂 好少人衝破唔過快樂
先唔理有過程所以搵到幸福
因為有過程都唔一定搵到幸福
因為本身個人思路方向錯就唔會搵到幸福 但點樣搵到幸福睇個人思考
唔能夠跟人思考 自學好比人教 別人只能輔助
最重要既係(無任何一個人類)唔會唔喜歡快樂/幸福
呢樣人性係唔會改變 (無任何一個人)喜歡痛苦
所以基本上連客觀都無埋 雖然我講緊既野係主觀
但係幸福既感覺係真係好難感受到 太多人以為好好好快樂=幸福啦
呢集好好,之前哲學有計傾講沙特時我都好多疑惑/唔贊同(叫我揀我就係唔識揀lol),但o個集可能因為要介紹沙特既background而冇咁多時間詳講對於佢論點既駁斥,呢集都好快咁有cover到。另外敘事論既觀點睇荼毒室既書時都有睇四哥講過,當時覺得好有道理好正,比如愛隊輸波後只要佢下年贏到,個故事都靚仔返晒,或者而家輸緊受緊苦但係成個歷史長河中最終會留名/警世,咁narrative-wise都說服到自己唔會後悔受苦同付出。但睇完今集突然發現敘事論賦予既意義雖然係好正,邊個唔想人生好似熱血漫/名人傳記咁,但普通人可以係碎片生活中達成到/串連到既可能性係相對低,除非你有好明確想畢生為之而奮鬥既志業/興趣,想講故時已經搵到topic,搵唔到topic既人串來串去可能都串不成段,又或者失敗極最後都冇反勝。可能只能退而求其次 "盡量代",盡量收集有意義既碎片,收集定d 素材,最後寫得出小說就寫,寫唔出起碼d 素材單拎出黎睇都係有d highlight moments。
又,睇哲學有偈傾時常有剛開始就已結束既感覺,[係咁傾]既節奏相對快d 信息量大d,可能比較似日常討論交流,冇咁要為左觀眾而放慢節奏/由最基本野開始介紹起background,覺得都幾好,雖然一次食多左野難左消化,但網絡年代都大可以自己再翻睇,支持快節奏同龐雜觀點。
好多謝你地嘅時間同心血👏
鹽叔最後的總結幫我解開了這個議題的結,多謝你地。
豬文好搞笑,令個討論有時輕鬆下😆
9:16. 19:09, 24:23, 33:34
聽晒 係幾好笑😆😆😆
過農曆新年最好就係睇你地,有意義,也開心😀
對我來說,人生的意義就是不斷思想人生的意義🙃
Thanks a lot for the effort! A go-to place for a quick glimpse of some very complicated issues. Look forward to the next episode
新嘅一年,希望荼毒室越做越好,長做長有!在亂流下,平安!
小有精彩的中文哲學討論節目。看哲學節目的目的不在乎答案,只在乎不同 perspective 的見解。其實我自己覺得問人生嘅意義就 kinda of 好似自尋煩惱。只要自己覺得有意義,過得自己過得人就有意義。After all, 每人對人生嘅意義都有不同理解,亦會隨著在不同時空有不同體會。多謝你們賦予了我這一小時的人生意義。已 like。
都系中意这样有structure啲嘅节目。多谢各位!
好開心你地仲繼續做!
輕鬆而深入淺出。好精彩。
簡單, 好好睇, 又好笑, 學到野之餘, 又有娛樂性!!!KEEP GOING!
非常过瘾,唯一对我有挑战的是一个小时的长度太长了,因为内容非常多,看完真的好累,这不是戏剧,每个人几乎每一个字句都很能引发哲思,我是从港台哲学有偈倾来的,还有很多很多集在播放清单里,慢慢看,但每一集我都不止看一遍,都要随时调回头再看再想,串联起来,再做一些自己的联结,谢谢这样集知识,经验,趣味,思考于一体的优质节目!
哲學真係要係咁傾。 睇完今集,加埋室友留言, 我又有多咗幾個角度去思考:
- 我哋點知其他動物無思考過佢哋嘅意義? 係人類覺得無啫, 可能佢哋思考過並且覺得自己活得好有意義呢。
- 人類所謂嘅「有/無意義」會否只係某種感覺? 可能同快樂嘅作用一樣, 用來推動人類多做某啲行為, 無話比其他感覺優越。
- 無論採取敘事或旅行論去睇人生, 都要先解決「有意義」嘅定義。例如, 敘事要將人生嘅碎片剪輯成一個故事, 點樣揀用邊啲去拼成一個有意義嘅故事呢?
- 如果要別人客觀地覺得我嘅人生有意義先稱得上有意義, 聽落好似好無意思/意義?
- 呢啲「別人」係咩人/ 佢哋依據咩黎定義咩先叫有意義? 如果換個時代或文化背景去審視同一個人生, 咁可能可以由無意義嘅故事變成有意義?
好好睇呀 內容同拍攝都好好 期待下集!!
人存在一定對世界產生影響,無論影響有幾細,無論影響係正面定負面,而呢個影響就是存在的意義。如果以上成立,假設冇意義嘅存在即係同不存在冇分別,只比較存在和不存在,兩者之間肯定係有分別,於是只要存在就必然有意義。
第二,人尋找人生意義為咗兩個目的,一係為自己找尋方向,二係為整體帶出正面作用。
第三,認真去做三件事,1生活,2選擇,3負責任,人生自然更有意義。
好好睇!!!
哈哈 大年初一 能看到这么有意思的节目,👍👍
感謝。好好!
成集最緊要係鹽叔個總結,人生注定在有與沒有意義間徘徊
呢個節目係精神食糧嚟!
呢個節目好正
不要以為人可以完全決定自己做什麼,人只要一出生便處於影響身邊的人事物或被他們影響,周遭的事物每一秒都在變動和互相影響,對於自己而言固然以主觀意願去行事,但却不能控制結果,更無法完全得知對其他人事物的影響,這種現象被稱為命運,不要以為一句說話(不論有意識或無意識的)微不足道,它可能像漣漪一樣擴散而影響全世界,這就是所謂蝴蝶效應。試想人能否每一天對自己安排的一切都如期進行?就以返工路線為例,原本坐巴士,可能因為塞車中途改坐地鐵,原本去中環返工,突然接了個電話改去了醫院,種種事實證明人生存在無数不是自己主觀意願的變数,而自己也是别人人生變数中的一個成份,人生的意義似乎就是為了成為命運的一份子。
如果用故事論去看人生,生命就變成一幅砌圖,要你切完整幅切圖之後才能看清楚整幅圖畫。我都覺得有啲困難,因為未必能夠明白今日一小塊爛鬼砌圖的意義。
用旅行論看人生就簡單得多。人生就是去探索真理的旅程。當你近一點真理,真理就話俾你知乜嘢事較為有價值。做高些價值的事情,就多些意義。
好正呀! 多謝台前幕後嘅各位令節目重生😇
好睇!主持同嘉賓都一流
氣氛節奏👍🏻睇得好舒服
😊 人生的意義就是我思故我在
等左好耐喇!俾左like先
超級好睇!多謝太保!!
以一個老人的思維,當你回想一生當然有開心成功時間,也有辛苦失敗一刻,但最後是由你子女來終結你人生是否有人生意義
All spiritual questions that cannot be answered with the mind, only with the heart.
多謝你地,好多謝
我覺得豬文認真講野既時候好帥氣
但我就覺得快樂就係意義,做某件事特別開心,就是等於意義。
人的確追求快樂,特別係永久性快樂
Thanks for the production
正啊!期待ep2!!!
資金,資源方面如何能夠維持這個非常好節目呢?
開心和意義是兩個概念。
好正咯,我咁啱最近寫咗篇文都用咗「遊走」這個字眼,有D開心同鹽叔嘅思維有交集
感謝勞力!
EP.1高質好左好多 有budget果然唔同啲 加油!
就咁聽, 哲學好深
我傾向先富後貧,但假如加上能力的,先貧後富就加上能力的光環
又見你們,太好了。😀
真係好有五夜講場Feel
兩個字︰支持🥰
活着就是唯一意義,唔知係邊到睇嘅
感謝
我偏向認為自己人生有否意義是回應自己的苦惱問題,所以應該係subjective. 人似乎無需要去回應”其他人的人生有冇意義”或為他人的人生是否有意義而苦惱。如果真係回應其他人的人生時就係objective.
唔知點解覺得大家比起係港台度好似再冇咁拘緊d,好開心新一季(?)又番黎啦!
睇返2017有偈傾 人生意義果集再睇多次今集 真係思考左好多好多