ไม่สามารถเล่นวิดีโอนี้
ขออภัยในความไม่สะดวก
【哲學係咁傾】ep. 34 進擊的巨人
ฝัง
- เผยแพร่เมื่อ 25 ก.ย. 2022
- 《進擊的巨人》是一部具有哲學深度的作品。在這個看似脫離現實的奇幻作品裡，我們可以深刻地探討有關自由與命定、意義與虛無、溝通與誤解、和平與衝突等課題。
究竟，《進擊的巨人》蘊含著怎樣的哲學思考呢？在巨人的世界裡，我們有多自由？又有幾多無何奈可呢？
主持：
鄺雋文（牛津大學博士生）
關灝泉（香港中文大學哲學系博士生）
鄭周鳳（香港中文大學哲學系哲學碩士）
劉灝軒（香港中文大學哲學系哲學碩士）
==========
特別鳴謝眾籌的贊助者與一直支持我們的會員。
日常動態 ➤ IG：bit.ly/2IljkYo
睇片自毒 ➤ TH-cam：bit.ly/3m19Foo
閱讀文章 ➤ Website：bit.ly/3GosY5d
支持荼毒室、同我哋哲學互動 ➤ Patreon：bit.ly/3m4dGIS
而家睇完動畫巨人,再返嚟睇呢集, 我知道自己就算當初係睇漫畫我都一樣會覺得呢套作品係神作
好感恩有生之年睇到呢套作品嘅結局
另外其實仲有好多嘢都未講不如開集live黎一晚巨人之夜
嚴格嚟講，其實mikasa 既血統（即係阿卡曼血統）並冇保護宿主呢個習性。艾倫喺張枱度話阿卡曼血統會視保護過佢哋既人為宿主，然後會出於生物性既本能守護「宿主」呢個theory喺漫畫後期已經比艾倫個阿哥吉克debunk左。吉克甚至同艾倫講話mikasa之所以會咁着緊艾倫，其實係因為純粹鍾意艾倫，係一種出於自由選擇嘅愛，並非宿主嘅關係。 其實縱觀成個漫畫，兵長、mikasa、kenny呢幾個阿卡曼都明顯係守護緊某啲人（團長、艾倫、城牆之王），但佢哋既守護唔係盲目既守護，而係單純地想保護自己重要嘅人，係一種自由嘅選擇。
至於艾倫嗰句「我不知道」 ，我同荼毒室一樣都覺得呢句係神來之筆，但係個理由有啲唔同。 對我嚟講， 艾倫既「我不知道」係講緊佢唔知自己點解對自由會咁執着。 因為艾倫既自由其實係想個城牆同埋牆外既所有野（包括城市、人、文明等等）全部消失，得番一個一望無際既大地等待佢同阿爾敏探索。呢度有少少劇透：
漫畫131集當地鳴去到馬萊嗰陣，艾倫突然變咗做佢細路仔嘅樣，喺始祖巨人嘅骨架上面騰雲駕霧，眼前得番一望無際嘅雲海，同埋空空如也既大地。呢個就係艾倫由細到大渴望住，嗰種本真嘅自由。當然，要達到佢渴望嘅自由，個犧牲實在太大。呢個犧牲係大到連佢自己都唔明點解佢為左自由可以做到咁盡。所以當阿爾敏問點解佢要咁做嗰陣，佢淨係答咗句「我不知道」，佢當然知道佢咁做係為左達到佢所渴望嘅自由，但係佢真係唔明點解佢可以對呢種自由咁執着，即使要犧牲八成嘅人口同埋要遠離最親近嘅同伴都在所不惜。 呢度有個位想補一補充：就算牆外啲人唔憎恨牆內嘅人都好，艾倫依然都會地鳴滅世。因為艾倫由細個嗰陣所憧憬既自由就係牆外乜人都冇，天空海闊任我行。如果牆外係有人有城市既話（唔理佢哋係咪憎恨牆內嘅人都好），對艾倫嚟講，佢就唔可以做到上述嘅嘢，故此唔自由。所以佢要將剝奪佢自由之物嘅野全部剷除。好多人話艾倫地嗚滅世係為左報仇，甚至話係比Ymir 擺佈，都係大錯特錯嘅講法。艾倫滅世同報仇完全冇任何關係，佢喺131集嗰陣跪低崩潰咁喊已經可以印證呢點 。 呢樣更加solidified艾倫對自由嘅執着已經係去到一種非常人嘅地步。
好多人話艾倫係唔自由，因為佢繼承嘅進擊的巨人係可以睇到未來，而進巨又好似反抗唔到命運咁，只可以跟着未來嘅記憶一路一路行（情況就好似艾倫老豆）。 但其實進巨睇到未來嘅能力係視乎下一任進巨願唔願意將未來嘅嘢傳俾上一任。但由於艾倫係最後嘅進巨，所以即使佢睇落好似係俾未來嘅記憶牽引住佢嘅行動，但個源頭都係出於自己，咁究竟自己牽引住自己，係自由定唔自由？呢到又要用番相容論既theory, 艾倫講過，佢所有嘅行動都係佢所希望，佢所想既。由始至終， 艾倫所做嘅所有選擇其實都幾明顯睇得出係佢當下既意志決定，並唔存在話咩「睇到未來嘅劇本，然後跟住行」呢種講法。艾倫成日講既“ I will keep moving forward” 就係指佢所做既行動、選擇係出於佢既自由意志，佢唔會比命定嘅未來拉住佢行，而係透過自己嘅自由意志作出選擇、行動，一步一步向前行，達到自己所期盼既未來。
睇來「對自由嘅執著」呢個點，都係一個好值得探索嘅主題呢
謝大大分享，你所講嘅自由意志重點在於意志，which is 積極 / 消極自由框架唔係太處理到的。就好似在極權國家下反抗，恰恰係體現緊人嘅自由意志，因為我反抗故我在呢。
@@aurandon 咁樣點為之真正嘅「反抗」呢？喺極權體制下連「反抗」都係佢哋維持統治嘅一部分
其實你想既就係自由 因為證實唔到宇宙既產生到底係整定定係有意識下既選擇 但我地自己可以腐乳自由既定義
@@COLLARNO1 腐乳😂😂😂😂
第三節講起團長同佢想去地下室／想知道真相嘅夢想
我諗起關於夢想嘅討論仲有 之後Levi要選擇復活團長定阿爾米 嘅情節
經過一連串嘅辯論，兩個嘅崗位相似，能力相若
兵長最後決定嘅因素係兩個人嘅夢想
轉個角度咁講，撇除兩人嘅能力同potential，
兩個都離夢想只差一步，兵長唯一亦係最終嘅選擇因素在於應該讓誰圓夢
團長嘅夢想係得知真相，有種「朝聞道，夕死足矣」嘅態度（唔知用得啱唔啱）
救咗佢可以令佢無遺憾
阿爾米嘅夢想就係去看海，都係一種好奇，但比起想知道世界嘅真相好似係一個trivial啲嘅夢想
好似一個小孩長大成人嘅夢想
兩者嘅夢想都係出於一種好奇，探索嘅精神
但團長搵緊嘅係「一個答案」，一個End point
而阿爾米搵緊嘅係「一個開始」，一個Check point
比較之下，呢度有個價值判斷出現，雖然都是出於求知
團長「朝聞道，夕死足矣」嘅態度反而比較消極
兵長可以放下同團長嘅關係，由兩人嘅夢想去衡量，
最後救阿爾米反而係最理性嘅決定
兵長最有型係講話「我唔會後悔救咗你（阿爾米），但係你唔可以另令你嘅夥伴後悔你被救」
因為佢相信知道自己嘅決定係理性嘅
（只有Levi知道團長嘅終極夢想係（去地下室）得知真相，佢係最well-informed嘅一個人
所以佢係在場最有資格做到理性判斷嘅人
Levi自己話係因為出於個人情感，唔想團長繼續受折磨先唔救佢，
但反過來，只有兵長知道團長嘅夢想，令佢圓夢先至係出於個人情感應該要做嘅選擇
唔係話唔想佢受折磨唔係一個考慮原因，
只不過兵長嘅決定嘅最根本嘅因素，關於兩人夢想嘅比較，都係比較係理性嘅）
對鞋啲膠紙痴得好有心機🥹
白水嘅肌肉都畫得好傳神🤭
我以為係真既肌肉🤯
其實最後果節講歷史死結有無出路果到，創哥係有鋪到其中一個potential嘅答案，就係Sasha 老豆知道Gabi殺死佢個女後，佢決定唔報仇，佢亦都勸想殺死Gabi嘅Niccolo 放低仇恨。
佢形容Sasha 就好似喺森林到迷失咗咁，以前佢為咗自保而做獵人，依家佢去咗人地國家到侵略人哋，佢正正就係陷入咗喺歷史嘅死結到，但Sasha 老豆提出嘅出路係：至少比下一代嘅人走出森林。我地呢代可能永遠都冇辦法原諒對方，但至少努力令下一代唔捲入呢個死結到，咁可能，我地全人類都會有個出路。
不過隨著艾倫開咗地鳴後，「走出森林」呢條路注定冇得行。
最初以為今集"炒冷飯"之前荼毒室Live話題，睇後先感覺到今集係"多次蒸製醇酒"。👍🏻👍🏻👏👏😁
0
關於戰爭同和平既問題，好多人都想係進巨入面得到一個答案。濃厚既歷史重擔驅使艾倫唔知道自己所作既決定正唔正確，但係係無選擇既情況下只有犧牲其中一邊既人。不論艾倫，阿爾敏、萊納、貝爾托特都面對呢個問題，只能夠做自己既價值觀下認為係正確嘅事。而唔可能有一個絕對正確選擇。
以下會有劇透請各位注意，當艾倫一行人去瑪雷調查既時候，遇見到一個土耳其細路小偷，當時艾倫透過同希斯特利亞接觸，知道自己將來會殺呢個細路，但當個細路遇到危險既時候，艾倫都選擇救佢，之後大喊流晒眼淚咁同個細路講對唔住，個細路唔知發生咩事就返去難民營。艾倫所做既係為左自己既同伴，但同時又會犧牲好多無辜既人，但係發動突襲又好地鳴又好，都係當下自己價值觀所決定既事，都無所謂正確同錯誤，所以到最後艾倫先會講話佢唔知，然後托負比阿爾敏。
而有人以為艾倫好似係萬能咁，控制到所有巨人就可以解決到問題，正正相反艾倫可以做到既事只係令同伴殺自己然後令巨人之力係世界到消失。作者所下既舖陳係第一集已經有描述就係阿爾敏因為講牆外既事而比人欺凌，而艾倫就算比打到傷晒都要保護阿爾敏，艾倫既動機係爭取自由之餘更係為左同伴。
咁係咪無答案呢，唔係。係突襲瑪雷返去島上途中，莎夏比強行上了飛機既賈碧槍殺，從監獄逃出後遇到莎夏一家人，莎夏父親知道賈碧殺自己個女都無嬲重要講話世界係連繫住既，莎夏出去殺牆外世界既人所以會牆外既人所殺，我地大人要做既事唔係仇恨，而係從仇恨既森林中走出去。但唔容易架！
阿爾敏一行人既責任就係將佢地既故事講出去，希望大家都可以從仇恨森林走出去。即使個世界仍然會有戰爭，唔代表佢地既人生係無意義同虛幻。因為正正進巨既故事係虛構既，先令我地去反思故事既意義。而唔係得出一個絕對正確既答案。
支持繼續由動漫講哲學🤘🏻動漫本身有世界觀，唔需要講好多野觀眾都會明白討論主題，做到由淺入深🤣唔同動漫都有唔同面向可以做題材，希望可以睇到更多😙
PS希望呢季唔係最後一季，希望呢季見到頌頌🤭
今集好正😀支持繼續分析動漫中的哲學，希望下一次可以講鋼之鍊金術師~~
係呀, 鋼鍊果個講等價交換, 個 theme 真係歷久彌新
希望可以講吓新世紀福音戰士❤❤好鐘意聽動漫神作❤❤
好多謝你哋！好多人都覺得巨人爛尾，但我從來都冇咁諗，但有時候又冇足夠既哲學知識去梳理最後嘅結局，你哋嘅討論比咗好多啟發我去再次思考。
想問你哋一條好casual嘅問題，你哋覺得你哋提到過嘅嗰啲哲學家，如果佢哋有機會一閱進擊的巨人呢套作品，你哋覺得佢哋會唔會enjoy呢套作品？
最後選擇世界命運仍然係尤美爾，唔係艾倫。尤美爾本身擁有進擊的巨人能力，佢預視日後艾倫同米卡莎佢地出現。
尤美爾當初非擋箭死，而係心死而選擇死亡，因為初代皇到最後仍然只當佢係奴隸。但因為尤係奴隸性格，繼續盲目地愛一個人，某程度上同米卡莎性格相似。
唯一不同，係米卡莎愛艾倫到一個地步可以親手殺死佢，為阻止心愛的人繼續犯錯，比愚昧地繼續愛下去係更難，尤需要力量令自己死結打開。(同時見到為什麼安排阿卡曼角色，因為阿卡曼不拖泥帶水，兵長就是例子)，亦一路上保護艾倫到最後。
所以，尤先需要艾倫喚醒自己，然後米卡莎用愛去結束一切。即尤美爾結束對初代皇的束縛。
尤美爾對自由有願望，所以當初放走一隻豬而招至被殺。待艾倫成為了進擊的巨人後擁有了尤的記憶，所以他邊想自由，同時又重覆著毁滅人類。但艾倫並不知道自己繼承了尤的記憶。所以艾倫真係“唔知道‘’。
需要愛嘅人係尤美爾，唔係艾倫。
好開心，有亞鳳出埸
係牙鳳啊!!!!‼️
希望下次可以討論psycho pass
每次諗起2019年既事 再聽返團長個SPEECH都好感慨同眼濕濕
作2019年那件因為被煽動而被自身情緒控制的所作所為: 沒有理性所作的事, 如豬文所說就是消極的自由
如今懂得自省的眼淚, 值得鼓勵
第三節所講嘅人生意義，集體犧牲，傳承希望，喺《地》發揮得淋漓盡致，期望荼毒室有機會討論。
其實食左巨人之後會承載以前巨人既記憶，但艾倫個進擊的巨人係相反，係將記憶承傳呢part reverse 反轉頭eg艾倫老豆其實都係俾艾倫控制。而艾倫係進巨既最後一人，所以艾倫先係最自由個位🤔
朱文肚腩爆鈕🤣
先like為敬😊
敲碗EVA
PS豬文好似有畫兵長眼形，細節讚🤣
終於等到呢個topic
等動畫結局等咗咁耐...終於開得呢集！
期待荼毒室傾 地 關於地球的運動
呢套作品真係大推！
之前四哥有次LIVE講群體既價值，我個陣除左巨人之反外就係諗起呢一套作品。真心覺得鍾意巨人既人都會鍾意呢套漫畫，推介大家去睇。
有冇可能之後講一期炎拳，上網見好多人用存在主義來分析，講得都好精彩，想聽吓你地對套作品嘅見解，啱啱好同一個作者嘅電鋸人就嚟做動畫，依家講佢可能係一個唔錯嘅時機
炎拳真係正到唔識講
唔錯既討論，我都有從敍事角度去睇呢套劇。可能篇幅關係，我覺得賈碧同艾倫既對照，同萊納既比較，係一個好精彩既情節。s4e7 imdb 9.9分全集瘋狂敲打心靈的情節，去到賈碧大叫萊納救佢地，係好震撼，好黑暗。
我有個小小提議，雖然完全唔係你地風格會做既野，不過唔知點解我覺得會啱你地做🤣，就係不如鐘意巨人既荼毒室成員趁黎緊巨人動畫準備完，不過由第一集開始做reaction，可能有人會覺得都睇過哂啦，不過我覺得巨人係一套唔可以只係睇一次既作品黎，有啲真係每睇一次又有新既感受新既諗法，冇記錯出年一月就應該開始播Final Part 3，我覺得真係有得做，巨人啲reaction好多人睇，不過廣東話／香港人好少人做，覺得你地可以試下🤣，希望你地睇到啦😃
艾倫由細到大都追求自由
結果最唔自由果個係佢😭😭
佢睇到未來的碎片
條路再唔願意
都要自己一個人承擔走落去
為左保護班同伴
消極自由.... 好有既視感呢～
‘’牆內‘’人比政府剪咗對翼，就覺得自己係最自由最幸福嘅國民😙
問題係消極自由似乎喊係咁解
如果有朋友識日文的話 我覺得可以考慮加上日文字幕 向海外宣傳！
好認同豬文最後一part嘅講法，之前睇完結局，我就反思島上嘅人追求自由，最後如你所願，島上嘅人有左地位
但最終都喺因為人與人嘅衝突而滅島。文明同世界存活嘅時間好長，因此有D人以死為他人創造將來，追求自由嘅人某程度上自己都冇自由。又係咪確保到後代可以擺脫人類劣根性，衝突，去了解前人最求或者守護自由嘅價值呢？
進擊的巨人後半有個好大嘅倫理學討論，你睇Rumbling首歌就明：到底要犧牲我身邊嘅朋友、國家嘅人，定係要外邊大多數國家嘅人犧牲？如果係功利主義，一定係前者，或者跟吉克果套玩安樂死。如果東方儒家嘅話，我覺得道德有優先次序，可能我會保護左自己親人朋友先。
功利（效益）主義應該係支持前者？
@@ers_manners 功利主義要count每個人equally，所以唔應該地鳴犧牲大部分人救自己啲friends
@@twogetherr 所以咪你講嘅前者囉⋯⋯你嗰後者係對應地鳴
島入面嘅人最無辜，一直比人困喺島而不知情，所以比我有能力嘅話，都係會揀殺晒其他人，我冇咁大愛
今集昇華到一個有"哈囉喂"派對氣氛去講哲學。
用主持們常說每樣"項目"都有好多面向、可能和本質，等你哋去討論及了解！
希望講多100集關於進擊的巨人嘅哲學 政治 人性
其實未睇晒進巨，仍追緊(動漫)，但聽完你地講，都好令人再三反思👍
說哲學，都或者可以討論下今敏系列。支持用動漫討論哲學：）
同意 可以分析今敏啲分鏡
推撚爆先
哲學No.1日漫，應該係Eva同攻殼機動隊
精彩，多謝豬首領與他的團隊
Chu man and team
支持講動漫作品既哲學！希望有機會講下Eva既哲學
希望有機會聽荼毒室講Westworld 🙏🏻🙏🏻🙏🏻🙏🏻🙏🏻
朱文對眼化得好靚wo❤
成套野睇完呢集升華左 有一個整合深度解說 正!
希望可以講下魯魯修/鋼練等哲學神作
I really enjoyed this episode... more episodes like this please
雖然，漫畫結局好多人插，不過我都同意節目入面咁講，唔係爛尾。
艾倫同米卡莎，感覺劇情安排上互相呼應，彼此都係受著宿命論捆綁，但又有著唔同結局同選擇。
艾倫承繼始祖之力，劇情中段作畫已經無乜眼神，發動地鳴好似只不過順著鋪排而去，最後回答阿爾敏個句，不知道，好似就已經解釋一切都是命定。身不由己。
米卡莎就唔同，雖然血統命定要保護艾倫，但最後意志好似戰勝命定，最終殺左艾倫，阻止地鳴。
米卡莎最後選擇算唔算係作者比左其中一個答案呢？
好感受到，黃藍自由ga選擇。
好開心咁享受你哋分享
自由都有分 積極/消極
期待下一次可以講鋼鍊~
荼毒室可唔可以講beastar 同達爾文事變 呢兩套個命題好吸引☺️
希望荼毒室講吓睇完巨人之後個心囉囉攣，有啲空虛寂寞，覺得人生好唏噓，究竟係一回咩事。討論哲學、人生、意義等，一開始好似好有趣好正，但越討論就越迷失、感覺越唏噓咁。點睇？
我睇完之後直頭成個月都係諗起就想喊，不過我覺得人人睇完內心感覺都有唔同，我喊係因為比艾倫同mikasa最終做嘅決定所感動
@@bonbon0920 我諗巨人同一般嘅故事唔同，就係冇大團圓結局。典型嘅故事有起承轉合，起碼最初嘅 conflict 到最尾點都會有個 resolution，但係巨人冇為呢啲人生重要嘅張力或死結提供 resolution。人生仍然係充滿矛盾、張力、複雜性、灰色地帶.... 我諗就係咁所以感覺有啲唏噓。可能哲學根本唔係幫助我哋簡化呢個世界，令呢個世界齊齊整整，簡單易明，而係幫我哋更明白呢個世界嘅 complexity，要改變都唔係咁容易...
@@enginekun 其實巨人佢其中來帶出一樣嘢就係個世界既殘酷又美麗，即係人食人係好恐怖，所有壓迫呀，弱者嘅無力，但另一方面，調查兵團入面唔單止係追尋自由，而且有d人係想追尋真相，亦有人因為朋友而去為人類服務，可以係好無私，為咗其他人冒住犧牲自己嘅險，因為個個都要安逸，自己唔去嘅話，就冇人去，唔通永遠活得咁卑微，又彰顯人性光輝，最後有d人亦放低成見去聯合一齊努力，為咗崇高嘅價值，背後就亦有代價，而呢d嘢撞埋一齊去展現，係好mind fuck嘅。
睇完漫畫唔怕劇透😆可以放心睇
正啊！好好的解讀
豬文最尾總結得好好 聽到眼濕濕
喜歡動漫哲學,希望你地可以做一期係講PSYCHO-PASS第一季
Support!
Psycho pass 一二季都值得講
想重溫live了 。。。團長的場面好深刻
其實無論mikasa血統係咪認宿主 (其實後來故事已經拆解咗冇認宿主呢回事)，如果我細個時有人救咗我，仲喚醒咗我嘅Ackerman血統，重比咗個家我，我又咁好打，我都會誓死保護艾倫啦，呢個邏輯都講得通
有個channel 叫""井川一“,講進巨論講得超好，雖然係用敘事藝術既角度切入， 但主題探討得好深入
Keroro系列都好好睇😂😂
係分析巨人嘅片入面，最佩服lilin2白，有興趣可以去睇睇
好好睇！好感動
很精彩的讨論
白水好慘，2粒lin想休息下嘅機會都係無😂
講番，學子華神話齋，喺一個強弱懸殊嘅局面下，係唔會有真正嘅和平，現實只會由強者單獨決定。
所以恐怖平衡/地鳴hum求剷先係正路
@@plasticmans3036 我覺得艾倫呢個決定合理。
@@walterwu6336 真係超級合理，就算係玩大屠殺呢個決定真係好justified（加上佢係主角）
期待更多動漫作品嘅集數❤❤❤
期待荼毒室將來討論更多動漫/影視作品❤
依集好感動, thx!
好想聽鋼練😭😭😭
好多人睇完巨人憑一句「我不知道」就話爛尾的真係沒有看得懂巨人, 睇巨人真係需要智力門檻。
就算巨人既結局被世人唾罵，但都唔能夠改變呢部作品係神作既事實！
我都想佢上神台，只係結局太有爭議無法獲得大多數人嘅共識
我認為正因為結果夠爭議，所以先能成為神作。另外，今集的服裝加分🎉
@@plasticmans3036 個人覺得神作唔代表完美無瑕。巨人稱得上係劃時代既作品，即使結局備受批評，但從另一個角度出發，有討論價值都係佢成為神作既原因，正正證明左呢部作品既深度唔係單純bbq結局咁膚淺
@@kamahlho 我唔認同，因為如果結局太有爭議性，有一部分人（唔滿意結局嘅人）會否定《巨人》係神作，結局必須要能夠令大多數人信服，即使有缺陷都係瑕不掩瑜先坐得穩神位
@@TezuFuji1029 而家嘅結局真係好BBQ feel囉
斗胆claim: 自由 系 自由边界>能力. 自由的边界可以来自于自身和外部. 引申出来的phrase 可以有 ”自由世界“---外部自由边界=法定自由边界, ”不自由世界“---外部自由边界=法定边界+特权阶层或势力定义的自由边界,
积极自由在于能力是否在试探自由边界. 在自由世界, 积极自由的目标仅是突破自身自由边界, 因为外部自由边界就是触碰法律边界了. 在不自由世界, 积极自由的目标则是需要消灭特权阶层或势力定义的自由边界.
消极自由在于能力是否有意识无意识地将能力(或释出能力程度)限制在自由边界之内.
第一次睇完個結局，就覺得哩個結局係一個承受得住神作名聲嘅結局，我想像唔到有其他嘅結局可以比原作更好。 唔明點解咁多人話爛尾，可能好多人真係想睇大團圓bbq，結婚生bb
其實 interstellar 既世界觀都好值得傾
多謝服裝師
好出色🙌🙌🙏
睇完動畫結局返黎聽呢集✋
想睇傾鋼之鍊金術師
到時又cosplay
我頂 睇左好耐先見到你地對鞋原來係牛皮膠紙黎XD
非常高质噶讨论，感谢
若果係FF結局又會變成約定的夢幻島咁，好牽強地達成一個BBQ結局，呢啲嘢交畀同人做就夠
睇完動畫結局返嚟再睇多次～
节目中的女主持是我见过最好看的莎夏！！私以为比原著还好看😂
🍣OMG, Amazing looks! I like it. Love
可唔可以開多集講瑪雷篇🥲
肥佬你有冇睇過巨人架？唔係被人逼住去嗰個島，係個皇帝自願將初始巨人之力封印係個島上面，再改曬島上啲人記憶！
有隻遊戲叫NieR Automata都好哲學, 好想你地講下
真係好正
Haha 好正 Kevin果段。（新觀眾）
會唔會拍一集講《晚安布布》？
白水好正 估唔到咁大隻
朱文 我以為你 cos 分隊長 米可😂
支持！好想再多講一集巨人😭😭
艾倫對於命定論就是艾倫這個角色對於諫山創所寫下的劇本，他的創作方法是擺角色下去讓他們自己產生衝突，但最終都要走上滅世。為什麼要滅世，為什麼媽媽與莎夏得死，這一切真的能如我所願嗎，這一切到底能換來什麼，讀者不知道，艾倫不知道，可能就連諫山創也未必能說清一個故事到底有什麼意義，只能跟你我說：不知道
跟巨人類似的另一部作品就是海貓鳴泣之時，這個也是很有實驗性的作品，同樣具有相當的思哲與文學含量，希望青年荼毒室有空也去了解一下
好正呀！！！
約定的夢幻島有無得傾下？
🙉35:40 - 37:00，1:02:09-1:05:20 劇透注意🙉😆
下次可以講86-不存在的戰區 or Made in abyss?
講到自由與自由嘅衝突，《巨人》最後都凸顯左一個衝突：自由嘅代價係乜嘢？就算人應該生而自由，但為左自由可以去到幾盡？如果自由嘅代價就係奪取他人嘅自由，呢種自由係咪仲值得追求？
對於調查兵團嘅定位，初期佢哋嘅目標就係「為左解放（牆內）人類嘅自由」，但係到左後面發現所謂嘅「人類」唔止係牆內人，仲包括絕大多數嘅牆外人（而且莫名其妙咁憎恨牆內人）嗰陣，調查兵團仲有無義務為左呢啲人類而戰呢？一方面調查兵團明顯想搵出真相讓佢哋認知嘅人類自由，另一方面佢哋要解決歷史死結呢啲不可調和嘅矛盾，成件事根本唔會有令大部分人滿意嘅結果，最尾調查兵團淪為傳統式「打大佬拯救世界嘅英雄」反而令好多讀者失望，作者對艾倫變「魯魯修」嘅鋪墊根本不足無法說服葉卡派讀者接受呢個決定
最後各位太保指出《巨人》的確將「歷史感」渲染成作品世界嘅主要氛圍，後期嘅主題都係喺充滿歷史重擔嘅前提下進行，所以無論係幾咁美好嘅理想似乎最後都係絕望落幕，成個歷史再一次循環，《巨人》結局俾我嘅感受係咁樣。諫山創既然選擇呢樣嘢作為作品嘅終極矛盾，而呢個位連作者根本無法解決，夾硬話乜嘢「要繼續奮鬥」「將希望延續落去」云云根本就係蒼白無力。佢拋得出呢啲問題但係俾唔到自己嘅答案（就算答案唔係完美），然後推個波俾讀者結局重演現實一次，咁「虎頭蛇尾」嘅結局梗係令好多讀者無法接受啦，唔係啲粉絲不斷幫呢個結局死兜，跟住鬧嗰啲自己畫fan-made結局嘅讀者唔尊重作者就說服到㗎
創哥打左康德一巴😆😆😆😆😆😆
巧crazy
與其說爛尾，不如說作者的思維限於漫畫的框框。戰爭的複雜始終簡單化了，自由的探討只能說誠意可嘉。這是有份量的作品，但非神作。影片的討論好像只糾纏在牆內與牆外。當中還講到深刻的主題，如戰爭與和平、人與人的連結、愛的意義等。米卡沙的討論是錯。艾倫罵米卡莎是故意疏遠他們，因為他已見將來的景象。他預見的能力使自由的探討更進一步。可惜講者們不見。
Shinzou wo sasageyo!!
豬文今集好型 有D似 johnny depp (肥左果陣)
正呀
未睇結局，睇完再返嚟睇
有無機會可以講下jojo第5代嘅命定論
聽到「延續意義」一段想喊
一開始以為豬文扮Mikasa
獻出你的心臟吧🔥🔥🔥
既然係講動漫作品，之後TDS會唔會講《海賊王》《全職獵人》《新世紀福音戰士》《烙印戰士》等等動漫作品？