#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍
ฝัง
- เผยแพร่เมื่อ 9 ก.ย. 2024
- «ចូរនាំយការល្អៗឱ្យចេញមក» Bring Forth Good Things
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអង្គារ៍ ទី១១ ខែមិថុនា ឆ្នាំ២០២៤។
«ចូរនាំយកការល្អៗឱ្យចេញមក» Bring Forth Good Things
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ខ្ញុំសូមឲ្យសេចក្ដីប្រកបនៃសេចក្ដីជំនឿរបស់អ្នក បានកើតការឡើង ឲ្យបានយល់ព្រមតាមគ្រប់ទាំងការល្អ ដែលនៅក្នុងខ្លួនយើង សំរាប់ព្រះគ្រីស្ទយេស៊ូវ» ( ភីលេម៉ូន ១:៦) ។
កាលពីឆ្នាំមុន នៅក្នុងពួកជំនុំ យើងធ្លាប់ច្រៀងចម្រៀងមួយបទដែលនិយាយថា «ការល្អៗនឹងកើតឡើងចំពោះអ្នក» ។ ខ្ញុំពិតជាចូលចិត្តច្រៀងចម្រៀងនេះណាល់ រហូតដល់ថ្ងៃមួយ ព្រះអម្ចាស់មានព្រះបន្ទូលថា «ទេ ខ្ញុំមិនចង់ឱ្យមានការល្អៗកើតឡើងចំពោះអ្នកទេ ហើយខ្ញុំប្រាកដជាមិនចង់ឱ្យមានការអាក្រក់ៗកើតឡើងចំពោះអ្នកដែរ។ ផ្ទុយទៅវិញ ខ្ញុំចង់ឲ្យអ្នកកើតការឡើងមក»។ ហើយខ្ញុំបានយល់ការនោះ!
មិនយូរប៉ុន្មាន ខ្ញុំបានទៅព្រះវិហារ ហើយបានប្រកាសប្រាប់អ្នករាល់គ្នាថា ព្រះអម្ចាស់បានកែតម្រូវខ្ញុំ ហើយយើងនឹងមិនច្រៀងចម្រៀងនោះទៀតទេ។ ច្រើនឆ្នាំបានកន្លងផុតទៅ ហើយពួកយើងកំពុង «ធ្វើឱ្យការកើតឡើង» គ្រប់ទីកន្លែង! ថ្វាយសិរីល្អដល់ព្រះ!
សូមរក្សាពាក្យនេះឱ្យជ្រៅក្នុងដួងចិត្តអ្នកថា ការល្អនឹងមិនកើតឡើងចំពោះអ្នកឡើយ។ ព្រះគម្ពីរបានចែងនៅក្នុងម៉ាថាយ ១២:៣៥ ថា «ធម្មតាមនុស្សល្អ តែងបញ្ចេញសេចក្ដីល្អ អំពីកំណប់ដ៏ល្អដែលបានកប់ទុកក្នុងចិត្ត ឯមនុស្សអាក្រក់វិញ គេក៏បញ្ចេញសេចក្ដីអាក្រក់អំពីកំណប់អាក្រក់របស់គេដែរ»។ អ្នករាល់គ្នាឃើញហើយ រឿងល្អដែលអ្នករំពឹងថានឹងកើតឡើងគឺនៅក្នុងខ្លួនអ្នករាល់គ្នា។ ចូរនាំរឿងល្អៗនោះចេញមក។
វាគ្មានន័យអ្វីទេក្នុងការអធិស្ឋានថា «ឱព្រះជាម្ចាស់អើយ សូមប្រទានពរដល់អាជីវកម្មរបស់ខ្ញុំ។ សូមផ្តល់ការអនុគ្រោះដល់គ្រួសារខ្ញុំបន្ថែមទៀត»។ ទេ! ព្រះអង្គបានធ្វើអ្វីគ្រប់យ៉ាងដែលទ្រង់ត្រូវធ្វើរួចហើយ។ ព្រះគម្ពីរចែងថា «...ការទាំងប៉ុន្មានបានសំរេច តាំងពីកំណើតលោកីយមក» (ហេព្រើរ ៤:៣)។ គ្រាន់តែចូលទៅក្នុងអ្វីដែលត្រូវបានសរសេរអំពីអ្នកចុះ។
ព្រះគម្ពីរនិយាយអំពីការល្អៗ ដែលមាននៅក្នុងអ្នករាល់គ្នាក្នុងព្រះគ្រីស្ទយេស៊ូវ៖ «ញុំសូមឲ្យសេចក្ដីប្រកបនៃសេចក្ដីជំនឿរបស់អ្នក បានកើតការឡើង ឲ្យបានយល់ព្រមតាមគ្រប់ទាំងការល្អ ដែលនៅក្នុងខ្លួនយើង សំរាប់ព្រះគ្រីស្ទយេស៊ូវ» (ភីលេម៉ូន ១:៦)។
អ្វីដែលព្រះរំពឹងទុក គឺសម្រាប់អ្នករាល់គ្នា ចូលទៅក្នុងសេចក្ដី ដែលមានចែងទុកអំពីអ្នករាល់គ្នា ដោយប្រកាសថា «ខ្ញុំមានតែរបស់ល្អនៅក្នុងខ្លួនខ្ញុំ។ ពីខាងក្នុងខ្ញុំ ខ្ញុំបង្កើតរបស់ល្អ ដូច្នេះខ្ញុំជាកញ្ចប់នៃអ្វីដែលល្អ។ ពេលខ្ញុំមកដល់ ការល្អក៏ចាប់ផ្ដើមកើតឡើង។ ប្រសិនបើការល្អបានកើតឡើងរួចហើយ ខ្ញុំនឹងយកមកបន្ថែម»។ ចូរគិតបែបនេះ ហើយអនុវត្តវាព្រោះវាជាការពិត។ សូមថ្វាយសិរីល្អដល់ព្រះ!
#សេចក្ដីអធិស្ឋាន
ឱព្រះបិតាអើយ សូមអរព្រះគុណទ្រង់ ដែលទ្រង់ប្រទានដល់កូន នូវអ្វីទាំងអស់ដែលកូនទាមទារសម្រាប់ជីវិត និងការគោរពព្រះ។ នៅថ្ងៃនេះកូននាំរឿងល្អៗចេញពីក្នុងខ្លួនកូន ហើយក្នុងគ្រប់កិច្ចការដែលកូនធ្វើ កូនបង្ហាញឧត្តមភាព ភាពល្អឥតខ្ចោះ និងសេចក្តីសុចរិត។ កូនមានការយល់ដឹងអំពីអាថ៌កំបាំងទាំងឡាយ នៅពេលកូនបញ្ចេញគំនិតច្នៃប្រឌិត និងសេចក្ដីរុងរឿងនៃព្រះពីខាងក្នុងមក ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ ម៉ាថាយ ៧:១៧ ម៉ាថាយ ១២:៣៥ និង ២ធីម៉ូថេ ១:១៤ (ការកើតជាថ្មីកម្ពុជា)