ฝัง
- เผยแพร่เมื่อ 16 ก.ย. 2024
- «ធម្មជាតិដ៏អស់កល្បនៃការបម្រើរបស់ទ្រង់» The Eternal Nature Of His Ministry
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី០៩ ខែមិថុនា ឆ្នាំ២០២៤។
«ធម្មជាតិដ៏អស់កល្បនៃការបម្រើរបស់ទ្រង់» The Eternal Nature Of His Ministry
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«អញនឹងបង្ហាត់បង្រៀនឲ្យឯងស្គាល់ផ្លូវ ដែលឯងត្រូវដើរ អញនឹងទូន្មានឯង ដោយភ្នែកអញមើលឯងជាប់» (ទំនុកដំកើង ៣២:៨)។
ប្រសិនបើ ម៉ូសេ ដាវីឌ អេសាយ យ៉ូប ស្តេចសាឡូម៉ូន មីកា ឬហោរាណាម្នាក់ពីសម័យបុរាណ បង្ហាញខ្លួននៅលើឆាកថ្ងៃនេះ តើពួកគេនឹងនិយាយអ្វីមកកាន់យើង? ប្រសិនបើសាវកពេត្រុស សាវកប៉ូល សាវកយ៉ាកុប ឬ សាវកយ៉ូហាន បង្ហាញមុខនៅចំពោះអ្នករាល់គ្នានៅថ្ងៃនេះ ដើម្បីបម្រើអ្នករាល់គ្នា តើពួកគាត់នឹងនិយាយអ្វី?
ខ្ញុំអាចប្រាប់អ្នករាល់គ្នាពីអ្វី ដែលពួកគេនឹងនិយាយទៅកាន់អ្នករាល់គ្នា។ ពួកគាត់នឹងនិយាយទៅកាន់អ្នករាល់គ្នា នូវអ្វីដែលមាននៅក្នុងការសរសេររបស់ពួកគាត់។ ពួកគាត់នឹងមិននិយាយអ្វីបន្ថែមទៀតទេ ដោយសារតែការបម្រើរបស់ពួកគាត់ ត្រូវបានផ្សាភ្ជាប់ជាមួយនឹងសំណេរទាំងនោះ។ ពួកគាត់មិនអាចបន្ថែមវាបានទេ។ ប៉ុន្តែជាមួយនឹងព្រះអម្ចាស់យេស៊ូវ វាខុសគ្នា។
ភាពខុសគ្នាជាមួយនឹងព្រះយេស៊ូវគឺថា ការសុគតរបស់ទ្រង់មិនបានបញ្ចប់ ឬបិទការបម្រើរបស់ទ្រង់នោះទេ។ ទ្រង់បានរស់ឡើងវិញ ហើយបន្តកិច្ចបម្រើរបស់ទ្រង់រហូតដល់សព្វថ្ងៃនេះ។ ដូច្នេះ ប្រសិនបើព្រះអម្ចាស់យេស៊ូវ ទ្រង់យាងមកជួបអ្នករាល់គ្នានៅថ្ងៃនេះ ទ្រង់អាចនិយាយអ្វីដែលថ្មី ប៉ុន្តែការទាំងនោះនឹងស្របនឹងអ្វី ដែលទ្រង់មានបន្ទូលរួចហើយ។ យ៉ូហាន ១៦:១២ និយាយថា «ខ្ញុំនៅមានសេចក្ដីជាច្រើនទៀត នឹងប្រាប់ដល់អ្នករាល់គ្នា តែឥឡូវនេះ អ្នករាល់គ្នាពុំអាចនឹងទទួលបានទេ។ កាលណាព្រះអង្គនោះ គឺជាព្រះវិញ្ញាណនៃសេចក្ដីពិតបានមកដល់ នោះទ្រង់នឹងនាំអ្នករាល់គ្នាចូលក្នុងគ្រប់ទាំងសេចក្ដីពិត ដ្បិតទ្រង់នឹងមានបន្ទូល មិនមែនដោយអាងព្រះអង្គទ្រង់ទេ គឺនឹងមានបន្ទូល ចំពោះតែសេចក្ដីណាដែលទ្រង់ឮ ហើយនឹងសំដែង ឲ្យអ្នករាល់គ្នាដឹងការដែលត្រូវមក។ ទ្រង់នឹងដំកើងខ្ញុំ ដ្បិតទ្រង់នឹងយកសេចក្ដីដែលដំរូវពីខ្ញុំ មកប្រាប់ដល់អ្នករាល់គ្នា»។
ភាពខុសគ្នារវាងព្រះអម្ចាស់យេស៊ូវ និងហោរា និងសាវកពីបុរាណ គឺជាលក្ខណៈដ៏អស់កល្បនៃកិច្ចបម្រើរបស់ទ្រង់។ ទ្រង់បានចាត់ព្រះវិញ្ញាណបរិសុទ្ធឲ្យបន្តកិច្ចបម្រើរបស់ទ្រង់ក្នុងចំណោមយើង។ ព្រះបន្ទូលរបស់ទ្រង់មានភាពពាក់ព័ន្ធដ៏អស់កល្ប ដែលឆ្លងផុតពេលវេលា និងកាលៈទេសៈ។ ទ្រង់បានមានបន្ទូលអំពីព្រះវិញ្ញាណបរិសុទ្ធថា «ទ្រង់នឹងយកសេចក្ដីដែលដំរូវពីខ្ញុំ មកប្រាប់ដល់អ្នករាល់គ្នា» ។
ព្រះវិញ្ញាណបរិសុទ្ធ ចែកចាយខ្លឹមសារនៃកិច្ចបម្រើរបស់ព្រះយេស៊ូវដល់យើង បង្រៀនយើង មានបន្ទូលមកកាន់យើង និងដឹកនាំយើង ទៅក្នុងសេចក្តីពិតទាំងអស់។ ភាពជាដៃគូនៃព្រះនេះធានាថា កិច្ចបម្រើដ៏វិសេសវិសាល នៃព្រះអម្ចាស់យេស៊ូវ ស៊ូទ្រាំនៅក្នុងយើង តាមរយៈយើង និងក្នុងចំណោមពួកយើង សូម្បីតែនៅក្នុងសម័យកាសបច្ចុប្បន្ននេះដែរ។ ហាលេលូយ៉ា!
#សេចក្ដីអធិស្ឋាន
ឱព្រះវរបិតាអើយ សូមអរព្រះគុណ ចំពោះធម្មជាតិដ៏អស់កល្ប នៃកិច្ចបម្រើរបស់ព្រះអង្គ។ កូនស្គាល់សំឡេងរបស់ទ្រង់ នៅកណ្ដាលនៃសម្រែកឡូឡារបស់ពិភពលោក ហើយកូនថ្វាយខ្លួនកូនចំពោះព្រះវិញ្ញាណបរិសុទ្ធ ដែលដឹកនាំកូនទៅក្នុងការបើកសំដែង កាន់តែជ្រៅនៃសេចក្ដីពិតរបស់ទ្រង់។ កូនពិតជាផ្លូវនៃសេចក្តីស្រឡាញ់ និងព្រះគុណរបស់ទ្រង់ នៅពេលទ្រង់បន្តផ្លាស់ប្តូរ និងប៉ះពាល់ដល់ជីវិតជាច្រើនតាមរយៈកូន ក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ យ៉ូហាន ១៦:១៣ AMPC និង យ៉ូហាន ១៤:២៦ AMPC (ការកើតជាថ្មីកម្ពុជា)
