Vestmannaeyjar 1627 - Vestman Islands 1627

Þann 17. júlí 1627 réðust svokallaðir Tyrkir, í raun múslimar frá ýmsum löndum til að refsa kristnum, en skipstjórinn var Hollendingur, á Vestmannaeyjar og drápu tugi manna og hnepptu fjöldann allan í ánauð - seldu sem þræla í Alsír. Einn þeirra sem myrtur var þennan dag var Jón Þorsteinsson prestur í Eyjum, 57 ára. Kona hans Margrét og tvö yngri börn þeirra voru seld sem þrælar og komu aldrei aftur til Íslands. Tyrkja-Gudda komst til landsins mörgum árum seinna, eins og frægt er, með miklu yngri manni sínum, Hallgrími Péturssyni.
Sr. Jón Þorsteinsson samdi marga hátrúarlega sálma og átti nokkra í sálmabókinni kringum 1700. Einn texti hans byrjar svona: Segið þið hvern með sínum / sé heiður guði mínum.
Þegar Helgi Jónsson gaf út í nafni Tinds bókina SAGNASEIÐ eftir Sally Magnusson (dóttir BBC Magnúsar) árið 2018 fékk hann Sally til landsins. Þau fóru út í Eyjar, enda hafði hann beðið konu, tónskáld ágætt, Arnþrúði Lilju Þorbjörnsdóttur, þá búsett í Eyjum, að semja lag við þennan texta sr. Jóns. Kirkjukórinn í Vestmannaeyjum flutti lagið í Landakirkju og hann filmaði ásamt Friðþjófi Helgasyni. Myndbandið var liður í því að kynna bókina fyrir Íslendingum. Vigdís Finnbogadóttir, vinkona Sallyar, var í útgáfuteitinu. Sally segir að ferðin til Eyja hafi verið ógleymanleg lífsreynsla.
Textinn í myndbandinu er á ensku, til að auðvelda útlendingum að skilja það sem er að gerast.