Сылаҥ. “Албан Аат” скверын, “Умнубаппыт, Махтанабыт, Киэн туттабыт!” бэлиэни арыйыы 2016 с 8 маай

Бу “Албан Аат” сквера Сылаҥ нэһилиэгэр баар буолуутун үгүс киһи кэтэстэ. Сылаҥ нэһилиэгин дьаһалтатын этиитинэн, салайыытынан оҥоһуллан бэлэм буолла. Сквер баар буолуутагр материальнай өттүн “Сылаҥ нэһилиэгэ” Муниципальнай тэриллии уонна биһиги нэһилиэккэ куруутун күүс-көмө буолар шефтээх тэрилтэлэрбит Дьиэ-уот Коммунальнай хаһаайыстыба ГУТ Чурапчытааҕы филиала, директор Александров Георгий Степанович, “Хатан” Хааччахтаммыт эппиэтинэстээх тэрилтэ, сал. Сивцев Владимир Дмитриевич улахан көмөнү оҥордулар. Сквер тутуллуутугар “Стройресурс” Хааччахтаммыт эппиэтинэстээх тэрилтэ, ген. Директор Олег Дмитриевич Платонов биригээдэтэ үлэлээтэ. Онтон бу сквер ис хоһоонугар, суругар-бичигэр үлэлэстилэр : биир дойдулаахпыт, Чурапчы улууһун Бочуоттаах олохтооҕо, РСФСР культуратын туйгуна, Хоту көһөрүллүү кыттыылааҕа Дьячковскай Василий Николаевич; кини уола Георгий Васильевич Дьячковскай; Г.П.Башарин аатынан Сылаҥ орто оскуолатын музейын директора, РСФСР норуотун үөрэхтээһинин туйгуна, Учууталлар учууталлар, СР үөрэҕин систиэмэтин бочуоттаах үлэһитэ, Сылаҥ нэһилиэгин бочуоттаах олохтооҕо Клара Гаврильевна Макарова; Сылаҥ нэһилиэгин ветераннарын сэбиэтин председателэ, СР тыатын хаһаайыстыбатын туйгуна, СР бочуоттаах ветерана, Сылаҥ нэһилиэгин бочуоттаах олохтооҕо Клара Васильевна Макарова. Бу ааттаммыт дьоҥҥо бар дьон аатыттан барҕа махталбытын тиэрдэбит!