70 -ге

Јетен јажым јажалды
Тулаан айла ойто ло
Туулган ӧйим айланат,
Энем, адам база ла
Эки кӧскӧ кӧрӱнет.
Кайа кӧрзӧм јӱрӱмим,
Кайнап, борлоп артыптыр.
Канатталган ӧйлӧрим
Космостодый ӧтлӧтир.
Јакшыны да мен кӧргӧм,
Јаманды да ӧт келгем…
Јарындуга туттырткам,
Јаактуга айтырткам…
Тӧҥӧзӧктий кӧгӧргӧм,
Албатыга мактаткам…
Тыҥзынганду јӱрбегем,
Ак-караны ылгагам.
Јамылулар јаантайын
Эткенимнеҥ јалтантан,
Јыдымарлар туйкаайын
Эргегимге кӱйӱӱнтен.
Јетен јашты јажайла,
Јайаанымды мактайдым.
Алганымды алала,
Алтай-Кудай алкайдым.
Ада-Тӧрӧл Алтайым
Ӱргӱлјиге ӧҥжиксин,
Алкуум, мӱргӱӱм, айтканым
Ӱзӱл калбай улалзын!