လုလူလူး ကဗျာဆရာဖိုးသား

လု လူ လူး
~~~~~~
လူ့အခွင့်အရေးဆိုတာ
အာဝုတွေဝိုင်းလုကြတဲ့
အမဲရိုးတစ်ချောင်းလို ။
လူညွန့်ခူးစားခံရတာ ကြာလာတော့
လူလို မရှင်သန်တတ်ကြတော့ ။
လူဟာ လူလို မနေရတာကြာတော့
ပြာပုံတွေ့ရင် လူးချင်လာရော
ပွဲတွေ့ရင် ပလူးချင်လာရော ။
ပျော်စရာမြေမှာ လူဖြစ်ရတာ
ကံကောင်းလေစွ ... တဲ့
ပြာပုံထဲက ဖုန်ထ ။
လူ့အခွင့်အရေး မရှိတာထက်
လူဖြစ်ရှုံးလို့ရှုံးမှန်း မသိတာခက် ။
လူလို မသိတတ်သူတွေကို
လူမှုရေးပြစ်ဒဏ်ခတ်ပေးဖို့
လူစစ်စစ်တွေမှ ကျန်သေးရဲ့လား ။
အဝေးကြီးမှာ လိုက်မရှာနဲ့
တရားခံအစစ်က မှန်ထဲမှာ ... ။ ။
ဖိုးသား
၄/၇/၂၀၂၄