【大埔家姐帶路之大埔名物尖叫系列】今集繼續對唔住大家睇片時煩請降低音量｜繼續創造慘痛回憶｜大埔名物14粒｜藥房名貓叮叮噹噹｜極度崩潰雀屎路｜「椰青」咁大個布甸包｜大埔人真係好好｜大埔一日遊齊來找共鳴
ฝัง
- เผยแพร่เมื่อ 8 มิ.ย. 2022
- 【大埔家姐帶路之大埔名物尖叫系列】今集繼續對唔住大家睇片時煩請降低音量｜繼續創造慘痛回憶｜大埔名物14粒｜藥房名貓叮叮噹噹｜極度崩潰雀屎路｜「椰青」咁大個布甸包｜大埔人真係好好｜大埔一日遊齊來找共鳴
繼上集長洲家姐之後，今集邀請到大埔家姐帶我遊足全日大埔～對於大埔嘅回憶仲停留係上年夏天，慘痛嘅玩水繩索尖叫經歷，一心諗住今集嚟大埔開開心心，點知都係忍唔住突發尖叫，對唔住大家，觀看影片時煩請降低音量，多謝合作。
未去玩，先去醫肚，大埔出名多嘢食，大埔家姐唔係帶我去熟口熟面嘅大埔墟熟食中心，而係去三不館車仔麵，呢間鋪頭好巴閉，如果晏少少到，免不了要排隊，大埔家姐話有時叫foodpanda要等超過一個鐘添呀！入到鋪頭，先唔講佢啲嘢食，單係姐姐嘅服務態度都俾足滿分！嘢食方面，記得要試佢哋嘅辣汁，香辣惹味，終於明白點解咁受歡迎。食嘅時候一定要落菜脯，甜甜辣辣，好食到自己買咗一樽返去做手信^^
第二間TakEateasy X FirsTeǎ，相信大家係IG都見過唔少佢哋嘅比利時玉桂蘋果餡格仔餅，Igable之餘，又係大埔人鍾意嘅嘢食！不過我自己對於蘋果餡格仔餅冇太大興趣，反而另一間麵包店仲吸引我@@
就係煒成麵飽，之前佢哋嘅焦糖布蕾法包曾經停售，依家終於有返，去到大埔一定要買返個食，勁好彩撞正出爐時間，輕輕鬆鬆就買到～見到實物估唔到佢成個「椰青」咁款！仲要$20咋，經濟實惠又美味，入面嘅蛋漿呈半融化狀態，家姐都忍唔住買多個返屋企食呀xd
最後一間，家姐推薦榕基滷水，轉咗新鋪，位置坐得更舒服～鵝肉鵝腸同滷豆腐必食，啲鵝肉又真係幾嫩，鵝腸又真係爽脆喎！可以試埋佢哋嘅辣汁，香而不辣，果然冇介紹錯。
唔知大家平時去大埔會食啲咩呢？
今次食嘅都係大埔人平時食嘅嘢為主，雖然唔係最出名嗰幾間，但呢幾間絕對唔差！同家姐行咗成日，先知原來大埔真係好大，你哋又行勻晒成個大埔未？
今集依然係資訊性滿滿＋大埔人共鳴系列。好似大埔名貓、雀屎路同14粒等等，一講完大家都明㗎啦～片入面大埔家姐講嘅3樣大埔名物，你哋又認唔認同呢？唔准諗即刻答：講底3樣大埔名物！
*特別鳴謝大埔家姐
三不館車仔麵
地址：大埔廣福道88號地下
兩餸一麵 $34 （秘制香醬鳳爪、滷水鮮豬大腸）
三餸一麵 $42 （醬燒豬頸肉、清甜蘿蔔、蠔油冬菇）
茶記奶茶 $22
金牌口水雞 $32
TakEateasy X FirsTeǎ
地址：大埔寶湖道3號寶湖商場2樓227F號鋪
比利時玉桂蘋果餡格仔餅 $29
百香火龍龍井茶 $29
黑糖珍珠奶茶 $32
煒成麵包食品店
地址：大埔同秀坊11號地鋪
西米布甸 $11
焦糖布蕾法包 $20
榕基滷水專門店 1992
地址：大埔廣福道97-99號地鋪
招牌滷水獅頭鵝（例） $80
爽脆滷鵝腸 （一兩） $19
滷豆腐 $12
撰文、主持：Yvonne Lam
攝影、剪接：Doris Wong
美術：Anita Lam
延伸閱讀：
【長洲家姐帶路之長洲2.0】
/ cdkzvpcnofv
【18區去玩-大埔林村訓練營】
• 【18區去玩-大埔林村訓練營】
【18區去玩-大埔林村訓練營2.0】
• 【18區去玩-大埔林村訓練營2.0】
【18區去玩-大埔小白鷺水上運動競技場】十米滑梯刺激到Y小編講粗口
• 【18區去玩-大埔小白鷺水上運動競技場】十米... - บันเทิง
![ตีสิบเดย์ [FULL] | ครอบครัวสะท้านทุ่ง "นางบี & อ้ายสติ๊ก"](http://i.ytimg.com/vi/A1rhYcxxNtA/mqdefault.jpg)
我在錦山村長大，在60年代的林村河，好多人在林村河游水的，也常見婦女在河邊洗衫。70年代起，污染嚴重，林村河有了一個別名，叫做黑龍江，80年代後有河道工程展開，河水經過40 年，才漸有好轉🎉
呢集好睇又好笑，幾鍾意睇家姐系列，雖然家姐唔能夠代表哂嗰區嘅街坊口味，起碼都有新角度睇吖~
大埔有咁多鷺鳥就係因為你地最後介紹嗰個「景點」，運頭角呢個小山丘，其實有個名堂：「大埔鷺鳥林」，就如其名，係鷺科鳥類聚居點。喺大埔，人類有舊墟(風水廣場嗰頭)，新墟(大埔墟四里同舊街市)同埋大埔中心，仲有個工業邨(而家改稱為創新園)，鷺鳥們都唔輸蝕，自己喺個山頭度有個墟，仲帶挈埋吐露港長年一大群鷺鳥集結覓食，乃大埔區一大壯觀景點。據某考古研究(來源請求？🤣)，大埔早喺一千年前開始已經有呢班恐龍(當然包埋佢地嘅歴代祖先啦。p.s.鳥類都係恐龍嚟)聚居，分分鐘仲歴史悠久過我地人類，佢地先係真真正正嘅原居民🤣。呢個亦係香港其中一個「具特殊科學價值地點」，而且罕有有鷺鳥林如此接近人類聚居點。
記唔記得早幾年喺嗰度強行剪樹，整死唔少鷺鳥，引起社會極大回響，相關選區兩名時任區議員被指疑似乃強行剪樹始作俑者而被口誅筆伐。
丫小编咁驚嚇小昆蟲就米出黎拍大自然feel喇
好幽默，風趣，輕鬆開心謝謝推介！❤
這位女主持嗰把聲音好嘈！
嗰隻野响膊頭嗰吓叫聲，嚇死人，以為有乜怪獸
聽唔到講乜
好尖声，最怕
對嗰啲農家仔菜檔非常反感，張公共地方霸晒來擺貨又整到週圍非常污糟，而且對政府罰款唔放在眼內，極其霸道！咁嘅菜檔最好全部消失！
星期四見到y小編好開心
大埔好正
身為廣福人12年,竟然未見过大埔家姐
剪走大呼小叫的鏡頭比較好 🙉
又要拍又要尖叫，近屋企吧
咁我又唔係話唔畀佢尖叫，不過唔使公開畀大家受咁囉～
真係好唔專業 其實一個地方有花有草 空氣質素好 就一定要面對昆蟲問題 如果佢驚到叫晒 不如去大商場做貴價餐廳
睇完之後真係覺得感覺好差 嗰女主持好似好高貴 去大自然地方 但又怕又大叫 老實講唔係四處都只會有可愛貓貓 🐱如果真心驚 不如安排去食米之蓮餐廳
富善街，以前係布行，單車舖多，富善街車平到垃圾站左前有個街市，街市右手邊林村河有木屋街市，仁興街以前得3間棺材鋪，點叫棺材街，唔好亂來啦，查清楚先講，去睇返（女人四十）（雞同鴨講）啦，兩套戲都有睇到呢兩條街，圖書館有相片放大左富善街㗎，大埔藥房出名係廣福道間藥房貓（啊七）。
這一間的車仔麵， 我有食過， 水準一般， 但是價錢就貴一些🙄
哇！個包好想食呀😋😋
又見Y小編，多d出鏡呀！❤️❤️
丫小编個椰子樹紋身招蜂引蝶，好搞笑
沿林村河到放馬埔就是許願樹及天后廟的所在地,还有西餐廳
I lived in Tai Po for 25 years, and lived for over 30 years in the New Territories East, I never seen there have many Delicious food all over Tai Po District where of I live.
兩隻店長🐱🐱
公園仔都係景點, 好多大隻北姑坐個度等阿伯伯（你們避雨個度）
煒成贏嘉多利十條街
包夠脆，餡又無咁甜
好介紹，我響大埔返工都唔知道
都未咬落個包到就已話零缺點🤣
大埔大唔大？大！但係有幾大先？
跟據官方數據，大埔區總面積148平方公里，於全香港行政區排行第二😲夠大未？
順帶一題，大埔區係包埋西貢北(大埔咁大西貢北功不可沒)，你地條片開頭圈大埔範圍圈漏咗😆
車，仲以為介紹大埔好正嘅嘢，滿懷期望，點知不外如是，無甚驚喜，純粹個人喜好。
充其量講個大飽同車仔麵過得去，其他同類嘅大埔有更好啲就冇介紹。
所以請觀眾在睇同食類上，先抱著姑且一試，唔差就當有驚喜的心態而視之。
似情侶拍拖多D 飲食節目竟然影D屎出來 佩服! &我大埔人三樣野都未試過....(唔計個魯水 台灣食正很多) 下次就去立即試下! 不過果個布甸包 食完已經唔駛食其他野.....
條女把聲好煩，大驚小怪，佢個髮型好唔掂
阿婆豆腐花 成個大埔最好食㗎 冇一個做到 嫩滑 到咁樣㗎 如果你有話好食嘅 介紹下 成個大埔搵唔到第二間
食慣既野覺得麻麻地 係人性來… 大家姐「一般般唧…」既高人口吻… XD
介紹啲特別d啦！大埔洋Pizza 最出名 吾係吾知嗎⋯⋯
嚇到隻鷺池跳一跳
So far so good, Y 小編加油， 做多些真正好食嘅食店TH-cam資訊片。 ❤
大埔家姐講錯左，馬料水（大學站）係屬於沙田區～
噹噹會咬人架
我果3樣其中一樣絕對係海綿寶寶
睇得出介紹良心店👍不過麵包舖差d😆😆
大和三多炸雞脾。
廣福道熱狗店
👍👍👍👍👍👍👍👍👍👍👍
👍👍👍👋👋👋👋
其實叮叮同噹噹條頸帶有寫住請勿手多摸貓
Dylan🤩
香港人吃車仔麵一般都選什麼麵底？
叮叮又叫屎面叮😂
13:12 好嘈
富善街街市前身為太和市,即是大埔新墟
富善街有好多貓 大埔文武廟有文文啊
跟據廟方表示，文文最近耳朵受傷，現時WFH中。
講起文文，過聽街坊講佢啲威水市，話佢成日自己行街行到好遠(但係又識返屋企)，有記錄最遠畀人見到佢去到太和消防局😨冇人見到嗰啲就唔知喇🤣
@@aisawaloki1571 ，好可惜武武失蹤了。
多多車仔麵都正囉
大埔豆腐花阿婆豆腐花 真係冇一間及得佢㗎 在大埔搵唔到第二間
啲介紹好個人化⋯⋯即是佢自己喜歡吃，但一般街坊唔吃😅無生意，搵人做煤推介．．嗰種。
林村河d水質改善咗咋，以前咪又係出名臭，尤其是落完雨梗加🤷🏻♂️
夏天太陽勁猛個陣應該先係最臭...
係叫太唔似河
大埔家姐係男仔?
林村河去唔到林村？
做乜成日遮住家姐個樣啫 又唔係冇影過☹
最好笑係開頭唔遮之後先遮
因為係除左口罩先遮
这条廣福桥是第四代,亦是唯一不能通車的桥
Haha我撞到大埔家姐
Is it a China taste?
我覺得你地做得比米紙果3個好好多😄
嗰個女嘅 講說話， 可唔可以慢啲呢， 聽唔清楚你講乜， 太作狀， 自然一點， 會睇得我們舒服些🙏
女仔把聲尖D就話煩，咁咩聲先得呢？
😂
三不館咁難食，又普通，個個都係以訛傳訛話好食就去，都唔知有咩咁特別
海濱公園咁靚都唔介紹？
大埔有地鉄站？
沒有
大埔墟站。唔識大埔唔好亂點人話冇！
可否主持講嘢慢少少, 同少啲尖叫
唔計個包，其他店一睇就知新開，點解會介紹呢啲
間滷水30幾年, 之間蚊型舖換小舖
啱啱小舖換大舖
堅好食
而且好食係標準唔係開業年份
諗都諗到咩原因
個蘋果批又煙軔, 但係又脆,.............
女主持人好麻麻😢
介紹D點也不是大埔人常去的地點
剪得太太太長
點解啲家姐一食嘢就遮面🤦🏻♀️，搞到變左東張西望啲騙案受害人咁👤，感覺怪怪地🤷🏻♂️
睇完視頻覺得黃人好辛苦呀!食正黃店唔好食既野會係驚講唔講得!嚇到主持丫!放心做
啦!雙重標準之下未必有事的!說話小心D可以了👍
食幾間都係黃店
@@alicesprings634 不出奇!商業決定
居然唔係萬利，睇完介紹第一間失望到唔想睇😞
萬利嘅辣魚旦，大腸，豬紅，雞翼，河粉都好好食！😋
佢話住廣福 可能少落大中🤣
我睇完佢介紹既第一間
心諗：岩架喇 介紹依啲正野就岩架喇
真正正既唔好講太多人知 廢事排隊
dayolok4 你又岩🤣🤣 安慰左我。起碼有兩位街坊同意我🙏🏻🤣
居然有人鍾意萬利😂
勁垃圾 資料錯誤
條女真係好多懶音，唔掂又唔靚幾時先換人
我覺得算係咁啦 唔好對女仔咁多挑剔吧 at least我跟佢食野係幾有質素 評論幾中肯 利申 女仔 成日望到人對女仔咁挑剔真係😢對男又唔會
垃圾到笑 住咁多年真係唔識你喎 唔好話介紹大埔啦 阿婆豆腐花話唔好食 遊客先食真係笑左 你介紹另外某幾間新開 咩背景一睇就知 乜野叫大埔人會識 咪玩啦 叫你諗3個大埔野都有困難咁 單車🤣🤣講唔出海濱公園回歸塔 大尾篤 新街市呢啲？