الجزء الأول من لقاء أجريته مع الشاعر والمشرف على حفلات المغترة الأخ: عبد الله بن معيض المجيولي النفيعي، تحدث فيه عن معاصرته لشعراء الرعيل الأول وذكرياته معهم، كما أدلى بمعلومات عن الشعراء لأوّل مرّة يتم الكشف عنها، وكذلك استعرضت معه محفوظاته من الأشرطة الّتي لم يتم نشرها حتى الآن وعدد كبير من الرسائل الخطيّة بينه وبين الشعراء تعود لما قبل خمسين سنة. 1- الجزء الأول th-cam.com/video/VKGqw3yWeTM/w-d-xo.html 2- الجزء الثاني th-cam.com/video/owBw3oV6DsA/w-d-xo.html 3- الجزء الثالث th-cam.com/video/z6OWLH_CaIE/w-d-xo.html 4- الجزء الرابع th-cam.com/video/R89zYsv9VdI/w-d-xo.html 5- الجزء الخامس th-cam.com/video/Rt1ZdBbxjek/w-d-xo.html 6- الجزء السادس th-cam.com/video/IXdRldQHKuI/w-d-xo.html 7- الجزء السابع th-cam.com/video/cUeJOIYPuSE/w-d-xo.html 8- الجزء الثامن والأخير th-cam.com/video/1NfH116m5ts/w-d-xo.html
مذيع متميز ومحبوب عزالله انك ماقصرت يالدعجاني بيض الله وجهك انت وضيوفك جميع لكن الشيخ المجيولي غير كل الضيوف... وفقك الله يا استاذ محمد لما يحبه ويرضاه والى الامام يا طويل العمر 🌹
يعطيك العافيه يا ابو فهد على هذا اللقاء الناجح ومن اعجابي بهذا اللقاء اعيده واسمعها اكثر من مره لانه وضح كل شئ يقال حول المهرجان فقد جاب المجيولي الحقيقه كامله وواضحه ٠
السلآم عليكم و رحمة الله و بركآته اسعد الله أوقاتگم بگلّ خـير بالنسبه لمحاورة أحمد الناصر و صيآف الحربي رحمهما الله گان موضوعها حسب ما تناقله النآس أنّ أحد الأمرآء مـرّ على الشعّآر و قال بيدهـ اليسرى ((مسآ الخـير يـــــآ شبآب)) و استغلّهـآ احمد النآصر ولو تتبع الأبيآت تقتنع بصحة هذا الكلآم و العلم عند الله
الامير فيصل كان يجيب الشعراء المحترفين حقين الاعراس اللي كانوا يجون ٢٠٠٠ ريال مايبيهم مثل طقم الصين الموجود الان ولا جاء في المغتره الا محترف جابوا كم واحد حق اعراس وماطرل ليله ومشى
حييت أخ محمد أنا ممن حضر محاورة أحمد الناصر وابن جرشان بالمغترة، والتقيت ابن جرشان ومعي آخرون قرب المعاميل ووجار النار وكان جالسًا على طرف جدار قريب من المشب أو كرسي ولما قلت له وش هالمحاورة لك مع أحمد؟ قال احترمت أحمد لتاريخه ولخمني بأبياته!! لكن عسى الله يجيبه في محاورة قادمة،، أو كلام حول هالمعنى وشكرًا لجهودك في نقل التراث وتوثيقه، وعبدالله المجيولي زميل دراسة بالكلية وانا بالجغرافيا وهو بالتاريخ وفصولنا متجاورة ويعجبني أمانته في إجاباته بلغه بدون أمر سلامي عليه وسلام زميلي الدكتور حسن عايل عليه أيضا،،
مع كامل الاحترام لك يا دكتور ابراهيم كلامك ينقضه كلام المجيولي ان بن جرشان رحمه الله اساء فهم معني احمد الناصر وكيف احترم تاريخ احمد وهو يبي يقطع خصاه 😂
رده غير صحيح ان شعراء حرب لم يتجاوزو صياف وبكذا صياف يغنيهم عن البقيه وصياف شهد لشعراء حرب ان فيه منهو افضل منه لكن الحظ لم يساعدهم وانا اقول لو تم دعوة شاعر من حرب او شاعرين غير صياف لتجاوزو صياف وسلط عليهم الضوء وبلاشك ان صياف شاعر علم ويمثل القبيلة لكن من الاجحاف حكر القبيلة على شاعر واحد في ضل وجود شعراء اخرين مبدعين بالمقابل نشوف دعوة ثلاث واربع شعراء قبيلة واحده الدعوات فيها حسابات اخرى لانعلم عنها وشعراء القبايل الثانيه لم يتجاوزو شاعرهم الاول بالقبيله ومع ذلك تمت دعوتهم لكن تبقى المغترة من افضل الملاعب اللي مرت على الساحه الشعرية ونقلتها للقمه
يا ناس الشعراء القدماء اقوياء والدليل محاوراتهم باقيه للأن الشعراء الحاليين صلحوا لهم ملاعب في ترفيه الرياض ولا احد دراء عنها هذا دليل ان الشعراء هم اللي يخلدون المناسبه
فيه لقاء لمستور عندي في مجلة المختلف يقول فيه انا اعتذر لبن جرشان عن بدر مني والله يحلله ويبيحه على مابدر منه والله يرحمهم جميع واللحين بن مجيول يقول ان بن جرشان كلم عيال مستور وحلله هذي الاخلاق صحيح
@@عبدالعزيزالعبدلي-ج4ص مستور ما اعتذر عن ملعبه وحده بس اعتذر عن كل الملاعب اللي بينهم والملعبه اللي ذكرتها بعدها جاء شيل وحط بينهم في تربه وفي الطايف وفي عنيزه اللي يقول بن جرشان فيها اللي مضى بيني وبين العصيمي ماش توفيق مدري لو الليه حصل وفق في حفل العميمي وطاروق ثاني بينهم في القصيم اللي يقول مستور ليا منا لقينا الروس وش نبغاء بالاطياز وانا امي مارضعتني من حماره واسر ياساري ملاعبهم كثيره اللي فيها شل ابوك وحط ابوك ماتقول الا الله يرحمهم جميع
يارجل اطلب الرحمه لبن شايق الله يرحمه ويغفر له اطيب من كلام المجيولي عن ابن شايق المجيولي ماذكر بن شايق وهو حي تبيه يذكره وهو ميت انت الى الان مافهمتها
انا متأكد من يرتب الشعار من يلعب مع من متأكد انه الأمير بنفسه اما من طلب الشعار للمغتره متأكد انه مهب الأمير تم طرح اسامي شعار على الأمير وقال جيبوهم واكيد في توصية على بعض الشعار
ما اظن فيه حذف لأن المذيع قال ليش المشرف القحطاني ماجاب بن شايق ورد المجيولي وقال ماهي عنصرية وقال المذيع كنت اتمنى ان المشرف القحطاني يجيب بن شايق على شان مانرمي التهم على المجيولي ورد المجيولي وقال انا ما استدعي احد الا بإسم الامير
الله يعطيك العافيه اخوي الدعجاني ومشكور على كل هذا الاهتمام في احد الفنون للجزيره وتراث يعد قيم جداً لكن في خاطري ملاحظه وسوال للضيف حيث ان الضيف قامه كبيره وشاهد على عصر مهم يخص المحاوره قال في اثناء اللقاء ان الامير هو من يقوم الشعراء من بعضهم ولا احد يتدخل في ذلك وبعدها قال ان احمد الناصر قام وطلب الشلاحي واكتشف انه ماهو موجود وقام صياف ولعب هذا الكلام يعني ان هناك شعراء لهم الحق ان يختارو يلعبون مع من يريدون هل حق الاختيار هذا يخص بعض الشعراء والبعض الاخر ليس لديهم هذا الحق اتمنى ان تطرح عليه هذا التساؤل وان تاخذ الاجابه وان كانت شفهياً وتنزلها لنا في قناتك واسف على الاطاله واشكرك مره اخرى على ماتقدمه من عطا
شليويح : سلامِ اِبحفلةٍ من فوقها الانوارِ كشّافه علىٰ ابن سعود والجمهور اَضفّيها ومخصوصه انا ويّا العصيمي لِنْ دخلنا السّوقِ صرّافه وانا ماني بقابل وِزعِتي فـَ اللّعب منقوصه مستور : هلا يا مرحبا ترحيبةٍ ما هي بمنعافه تبىٰ تدخل مع الشّاعر كما ما تدخل الخُوصه ولا يا عارف الاهداف غيرك ناسِ عرّافه لِيَا سوّيتها خلّيتها في رفّ منصوصه شليويح : بغينا رفقة العِتبانِ واثرَ القوم نتّافه وانا بحطّها معكم بَعَد ذا اللّيلِ مخبوصه يجي فـَ القوم ناس اِشهود والثّانين حلاّفه لِيَانّ المصلحه في داخل المخباهِ مرصوصه مستور : ولا يا مِصحِب العِتبانِ ما هم ناس خوّافه ومنهم يا شليويح اِذنِكَ الثّنتينِ مقروصه ولو حطّيت لك دون المطر ظلّه ونسّافه تبىٰ لك خزنةٍ يا صاحبي بجنود محروصه شليويح : انا خابر عتيبه في ظلام اللّيل حوّافه ولِن كِلنّا حبوبك ناقصه خمسة عشر بوصه انا خابرك مِصعب مير حِنّا ناسِ عسّافه ومن ياطى الوعَر حافي تروح الرّجلِ مرهوصه مستور : مِجار اِمجارِ من حِمّاكِ لو حِمّاكِ رقّافه ولا يا مَسرعَ الهجمه ولا يا مَسرعَ الحَوصه اَدِفّك يـَ المطيري مع طرف طلعَه ومِهيافه تبات اللّيلِ وَالاّ تسهره والكبد مفروصه شليويح : انا لِن جاتني حِمّىٰ تجيكِ اِجنونِ خطّافه سوات الخبله اللّي في ظلام اللّيلِ مَقروصه بعد هذي نبىٰ نبدي بكم في راس مِشرافه وبعطيك البيوت اللّي علىٰ كيفي ومفحوصه مستور : ولا ياشِينِ بعض النّاس للاخبار لقّافه كِما سيارةٍ مِن شِينها بـَ الوِنشِ مقلوصه دموعك يا شليويح المطيري ليش نطّافه لقيتك يـَ المطيري صَيدةٍ في شِعب مقنوصه
وينه يوم انه شاعر ليه ماهو مثل ابوه وين اختفى من حق شليويح قامه شعريه وعلم من اعلام الشعر في الخليج تحطه مع ورع مبتدئ لا والله عرفها شليويح وكرم نفسه عنها هي على اسمها مغتره
السوال في قمة الذكاء يقول الامير يعني عارف انة يتكلم عن امير بعدين يسال من وين لة الفلوس اذا امير ولد ملك وحفيد ملك وموسس الدولة ماعندة فلوس مين بتكون عندة😂
صدقت ياجهني هذا المسعودي وهذا الجبرتي وهذ ميشع الجديعي وهذامبروك أبو ناب وشعاركم ياجهينه وشعار الحجاز كلهم غير اللي شاركو عرفناهم من غير مغتره اشهد انك راعي ذوق وتعد الصحيح صح منطوقك ياجهني
أحمد الناصر : شليويح ابن شلاح المطيري مثل الاشوام سلامه مرحبا بك من بعيد اليا بعيدي تغير واختلف طبعه على ربعه من العام رمى قلب قديم وشاري قلب جديدي صياف : شليويح المطيري ما تعدا دين الاسلام اقوله بالنيابه عنه والعايد يعيدي لعلك يا احمد الناصر تجي واتروح قدام وتصبح ف اوسط الديره شقي والا سعيدي
![SAFEPLANET - ดาวเคราะห์ [ THE PLANET ]](http://i.ytimg.com/vi/4X1XL3I_k3c/mqdefault.jpg)
الجزء الأول من لقاء أجريته مع الشاعر والمشرف على حفلات المغترة الأخ: عبد الله بن معيض المجيولي النفيعي، تحدث فيه عن معاصرته لشعراء الرعيل الأول وذكرياته معهم، كما أدلى بمعلومات عن الشعراء لأوّل مرّة يتم الكشف عنها، وكذلك استعرضت معه محفوظاته من الأشرطة الّتي لم يتم نشرها حتى الآن وعدد كبير من الرسائل الخطيّة بينه وبين الشعراء تعود لما قبل خمسين سنة.
1- الجزء الأول
th-cam.com/video/VKGqw3yWeTM/w-d-xo.html
2- الجزء الثاني
th-cam.com/video/owBw3oV6DsA/w-d-xo.html
3- الجزء الثالث
th-cam.com/video/z6OWLH_CaIE/w-d-xo.html
4- الجزء الرابع
th-cam.com/video/R89zYsv9VdI/w-d-xo.html
5- الجزء الخامس
th-cam.com/video/Rt1ZdBbxjek/w-d-xo.html
6- الجزء السادس
th-cam.com/video/IXdRldQHKuI/w-d-xo.html
7- الجزء السابع
th-cam.com/video/cUeJOIYPuSE/w-d-xo.html
8- الجزء الثامن والأخير
th-cam.com/video/1NfH116m5ts/w-d-xo.html
ظبطتم الاضاءة في هذا الجزء يا قناة الجزيره وجزيتم خيرا ولكن الصوت صار اضعف
مذيع متميز ومحبوب عزالله انك ماقصرت يالدعجاني بيض الله وجهك انت وضيوفك جميع لكن الشيخ المجيولي غير كل الضيوف... وفقك الله يا استاذ محمد لما يحبه ويرضاه والى الامام يا طويل العمر 🌹
الحقيقة ضيف من الوزن الثقيل ومحاور محترف وصاحب خلق يعطي الضيف كامل وقته لتكملة فكرته .
تسلم اخوي محمد الدعجاني على المقابلة الرائعة مع الاستاذ المجيولي متعه الله بالصحة والعافية ..
يا ناس.. الرجال يقول : الي يختار دعوة الشعراء الأمير ما هو انا.. مستحيل يكذب على الأمير.. والأمير مازال حيا يزرق يمكنه الان يسمع ويتابع هذه الحلقات
كلامه صحيح...
فعلا بعض الناس مدري من فين تفهم .
صدقت الرجال كلامه واضح
هو صادق الامير بمزاجه يختار الشعار المجيولي مراح يفرض عليه شاعر معين
اللي بيفهم يفهم واللي مايبي يفهم يموت مافهم
ناس عايشه نظرية المؤامره وموسوسه وتختلق اعذار
بيض الله وجهك يامحمد الدعجاني على هذا اللقاء مع هذا الكنز والشخصيه الفخمه
من أروع القنوات واستضافت رموز في الشعر والأدب والمعرفة والتاريخ
لقاء ناجح مع رجل ذاكره في تاريخ المحاوره
واقعي ويقول الحق ويظهر جماليه هذا الفن
اتمنى له التوفيق دايما
المجيولي رجل فاضل ومتعلم واخلاق وادب وبعد نظر
نطالب بجزء ثامن كنز معلومات استمتعت من اول ثانيه والله العظيم 🙏اسال الله ان يوفقكم ويطول اعماركم ويرحم من مااات🤲🏻
الله الله يوم ذكر مطلق هلت عبرته 😢هذي الخوه ومطلق توفى له ٢٨سنه كانه امس توفى
صحيح وتم قص لحظة البكاء دقيقة 23:59
اخنقتنــي العبرهــ يوم قال لـقـينا صياف يبـكــي في الحديـــقه 😭يــبكــي ع خــويه
الله يرحمهم ويسكنهم الجنه
صحيح دقيقة23:40
ما الومك والله
شكرا لك يا ابو خالد على هذا اللقاء من أجمل الحلقات
في الدقيقه ثلاث وعشرين يكد شهادة مطلق الثبيتي لشاعر عبد الله الميزاني ولشاعر حبيب العازمي اثبتو بما تنبأ به مطلق الله يرحمه
يعطيك العافيه يا ابو فهد على هذا اللقاء الناجح ومن اعجابي بهذا اللقاء اعيده واسمعها اكثر من مره لانه وضح كل شئ يقال حول المهرجان فقد جاب المجيولي الحقيقه كامله وواضحه ٠
هذاء وين لقيته ؟؟؟ هذا كنز من كنوز المحاورات
رحم الله الشاعر الكبير شليويح
عز الله عرف لهم وسرى وكبهم
المسعودي والجبرتي وشليوح
اكبر من المغترة وشعراءها جميعاً
ظهر الحق يوم اغلب الجماهير تتهم حبيب انه زور شهاده مطلق لسوار ولم يشبهه بالمسعودي الان المجيولي قال نفس كلا م حبيب
يستاهلون والله حبيب وسوار الذهب تكفيك شهاده من مطلق دكتور الشعر
هذالاء محمد الدعجاني ومحمد الخمسي اطلق وافضل اعلاميين على ساحة المحاورات
مشكور يبو فهد على مجهودك الوافي ❤️🫡
والله انك ونعم ياالمجيولى رجل صريح وتقول الحقيقه الله يمتعك بالصحه والعافيه
يعطيك العافيه ابوفهد مستمتعين باللقاء
حقيقه افضل القاء مع رجل بمعنى الكلمه
بصراحة لقاء ملفت وشخصية تمتلك من الأدب والرجولة الشيء الكثير
بصدق ابهرتني هذه القامة
نتمني تكملة لهذا الكنز المعرفي
اختيار الامير فيصل لهذا الرجل دليل على ذكاءه وفراسته ومعرفته بالرجال !
ضيف من الوزن الثقيل ومحاور مبدع الله يوفقه
الدقيقه ٢٤:٠٠ عندما تكلم عن مطلق وصياف وبكى 💔💔 بعدها عسى الله يبيح شعر المحاوره
اللقاء هذا يثبت ان فيه فرق كبير بين شعراء الامس واليوم
الشايب هذا مورخ وموثق المحاورات
الله يعطيه العافيه
صياف يبكي يامال الجنه
عبدالله المجيولي النفيعي كان مدير التفتيش الاداري بإدارة التعليم بالطايف
وللمعلوميه خلال محاورات المغتره كان هناك محاورات جميله ولكن اجمل واقوى طاروق كان بين شاعر البقوم بن جرشان الله يرحمه وخلف بن هذال الله يشافيه
السلآم عليكم و رحمة الله و بركآته
اسعد الله أوقاتگم بگلّ خـير
بالنسبه لمحاورة
أحمد الناصر و صيآف الحربي
رحمهما الله
گان موضوعها حسب ما تناقله النآس
أنّ أحد الأمرآء مـرّ على الشعّآر
و قال بيدهـ اليسرى
((مسآ الخـير يـــــآ شبآب))
و استغلّهـآ احمد النآصر
ولو تتبع الأبيآت تقتنع بصحة هذا الكلآم
و العلم عند الله
الله يجزاك خير الامير فيصل بن خالد ويجعلها في موازين حسناته
الصوت بالمقابلة غير واضح فيه صدى ياليت تتعاملون مع فني صوت متخصص
الله يبيض وجهك يا الدعجاني بياضاً لا يسود
هذي الجزء الصوت غير واضح رغم إن فيه كلام مهم للتاريخ !!!
يعطيك العافية يا أبو فهد
لكن الصوت ما هو واضح
مستغرب عبدالله المطرفي ماحضرها مع انه شاعر كبير
استاذ محمد لو سمحت الصوت في هذا الجزء غير واضح رغم تميز الاسئله
الله يرحم مطلق الجازي ولا عمري سمعته سب قبيله ولا جرح قبيله او ذكر عيب فيهم الله يرحمه ويرحم اموات المسلمين
قصايد المسعودي الفصحى تكفى ياولد
مقابله رائعه لاكن فيه نقطه هنا ليش ماجاب طاري المسعودي
الأسئلة كلها عن المغترة المسعودي رحمه الله متوفي قبلها!
يابن الحلال ارجع للاجزاء السابقه ماخلاء عن المسعودي شي
@@aramiron4743 الكلام عن الجزء هذا فقط واللي كله عن المغترة!
موقفهم مع الشعار و مع الناس كلهم الامير فيصل بن خالد بن عبد العزيز اليسا مستغرب ولا يستغرب طيب من اهله وهذا موقف الصحيح
الصوت غير موزون صوت المذيع مرتفع القرب المكرفون وصوت الضيف ضعيف عجزنا ارفع ارخ
محمد الدعجاني مذيع محترف من الطراز الاول
22:57 يتكلم عن حبيب العازمي وعبدالله الميزاني
الامير طلب الرياحي والصيده فازع
لماذا لم نشاهد فازع الصيده
الامير فيصل فاهم ومحب للشعر وغير كذا متكفل بليالي المغترة .. من الطبيعي ان يكون الشعار باختياره
ليه اللقاء ماهو موجود بقناة فن القلطه !؟
الامير فيصل كان يجيب الشعراء المحترفين
حقين الاعراس اللي كانوا يجون ٢٠٠٠ ريال مايبيهم مثل طقم الصين الموجود الان
ولا جاء في المغتره الا محترف جابوا كم واحد حق اعراس وماطرل ليله ومشى
بيض الله وجهك يافيصل بن خالد
حييت أخ محمد
أنا ممن حضر محاورة أحمد الناصر وابن جرشان بالمغترة، والتقيت ابن جرشان ومعي آخرون قرب المعاميل ووجار النار وكان جالسًا على طرف جدار قريب من المشب أو كرسي ولما قلت له وش هالمحاورة لك مع أحمد؟ قال احترمت أحمد لتاريخه ولخمني بأبياته!! لكن عسى الله يجيبه في محاورة قادمة،، أو كلام حول هالمعنى
وشكرًا لجهودك في نقل التراث وتوثيقه، وعبدالله المجيولي زميل دراسة بالكلية وانا بالجغرافيا وهو بالتاريخ وفصولنا متجاورة ويعجبني أمانته في إجاباته بلغه بدون أمر سلامي عليه وسلام زميلي الدكتور حسن عايل عليه أيضا،،
اعتقد تقابلو بعد ذلك بعنيزة ولا سوى شي ... الواضح هو اساء الظن ولم يحترم الناصر كما قال.وحاول ان يسحبه للسب .. ولكن الناصر بخبرته تحاشى ذلك ولقنه درس.
مع كامل الاحترام لك يا دكتور ابراهيم كلامك ينقضه كلام المجيولي ان بن جرشان رحمه الله اساء فهم معني احمد الناصر وكيف احترم تاريخ احمد وهو يبي يقطع خصاه 😂
لازم احمد الناصر وضح لابن جرشان أن صاحبه من السميان رجل وليس امرأه
سوو مقابله مع خلف هذال
لا حظ النزاهه في تقييم مطلق للشاعر حبيب والشاعر عبدالله الميزاني . ونجاح تقييمه .
ليش ماخليته يكمل عن ابن شايق يابوفهد
ياسعد الامور اتضحت والمشرف العام منكم وفيكم والمجيولي انحرج ويبى يتعذر عنه لأنه وزير فيصل بن خالد
@@sakar-وضحت الله يوفقك
الغريب والعجيب كيف ابو ناب ومعيض العجي ورجا الله الحربي الله يرحمهم ماحضروا للمغتره ؟؟؟؟؟؟؟
رده غير صحيح ان شعراء حرب لم يتجاوزو صياف وبكذا صياف يغنيهم عن البقيه وصياف شهد لشعراء حرب ان فيه منهو افضل منه لكن الحظ لم يساعدهم وانا اقول لو تم دعوة شاعر من حرب او شاعرين غير صياف لتجاوزو صياف وسلط عليهم الضوء وبلاشك ان صياف شاعر علم ويمثل القبيلة لكن من الاجحاف حكر القبيلة على شاعر واحد في ضل وجود شعراء اخرين مبدعين بالمقابل نشوف دعوة ثلاث واربع شعراء قبيلة واحده الدعوات فيها حسابات اخرى لانعلم عنها وشعراء القبايل الثانيه لم يتجاوزو شاعرهم الاول بالقبيله ومع ذلك تمت دعوتهم لكن تبقى المغترة من افضل الملاعب اللي مرت على الساحه الشعرية ونقلتها للقمه
ماجاتهم دعوه للمشاركه وصياف حضوره يكفي ويسد.
@@احمدالحربي-ز9ه في محاوره لصياف الله يرحمه عام ١٣٩٣ ه تقريبا مع بن جدلان بام السلم القاها عند مين ؟ كتابه الغالب بس موجوده
@@عبدالهاديالجدعاني-ن3ع نعم صدقت قريت منها بيتين فقط..ولا ادري هل هي مسجله ولا لا
ابن جرشان ونعم بحر رجوله وشعر عنيف يعطي الملعبه حقها
الصوت ماهو كويس في الجزء هذا
بيض الله وجهك يا دعجاني انت و ضيفك لكن الصوت ماهو واضح..🌹
عرفته هههههههههههههههه
اللي يبغى يشوفه في المغترة يروح يكتب محاورة بن جرشان والزلامي المغتره ١٤٠٦
هوه اللي ينظم الصف وعليه ثوب ازرق
يا ناس الشعراء القدماء اقوياء والدليل محاوراتهم باقيه للأن
الشعراء الحاليين صلحوا لهم ملاعب في ترفيه الرياض ولا احد دراء عنها
هذا دليل ان الشعراء هم اللي يخلدون المناسبه
والله من الوفا ياصياف
انت تشوف
ماعين عنده الا صياف
يدل على وفاهم مع بعض
صياف محبوب الله يسكنه الجنة ومطلق واموات المسلمين
سو مقابله مع راشد الجعيثن
للاسف يالدعجانى اقوى لقاء لاكن الصوت ضعيف جدا
في هذا الجزء فقط الصوت لا يرقى للمطلوب علماً إن الكاميرات والمايكات مستأجرة بطاقمها الفني - لكن الجزء القادم الصوت صافي مثل الأجزاء الستة السابقة.
@@TURATH_ALJAZIRAH
اخوى للاسف هذا اهم الأجزاء كلها
ولاكن تشكر يالغالى
@@darue43 حط سماعات في اذنك وبتسمع زين و ان ماسمعت زين رح لدكتور انف و اذن وحنجرة
الصوت واضح
@@عمرالعتيبي-ر1ن
الصوت واضح ولكن ليس كجودة الفديوهات السابقة يا عزيزي
الأمير فيصل بن خالد ليته يعيد المغترة
شعراء حرب بس صياف تم دعوته وين معيض العجي ورجا الله المحمدي وراشد السحيمي ولهاب الوسيدي كل قبيله منها اربع شعار ولا ثلاثه
يااخواني الشاعر الكبير بكر الحضرمي مايطرونه رحمة الله عليه ليش مااعرف
شدني موضوع بكاء صياف الحربي على مطلق العتيبي
20:37 مصلح بن عياد جانبه الصواب وطلع مافيه مشكله بين البقوم والعتبان
ليلة من اليالي قبسها معهم الثبيتي
يوم يقول،
زرعتها برن يماني واصبحت معكم شعير
وابيوتكم مثل القبور ام العظام الباليه 😅 الله يرحمه ويرحمهم جميع
صياف معدنه ذهب وقلبه نظيف وما بكى الا على ذهب .
وعتيبه رجال معشر وزاد وملح .
ولا يهونون البقية
فيه لقاء لمستور عندي في مجلة المختلف يقول فيه انا اعتذر لبن جرشان عن بدر مني والله يحلله ويبيحه على مابدر منه والله يرحمهم جميع واللحين بن مجيول يقول ان بن جرشان كلم عيال مستور وحلله هذي الاخلاق صحيح
مستور اعتذر في نفس الملعبة
يوم يقول وان جا مني شي سامحوني
الملعبة اللي بدايتها يقول مستور لمحمد
اشوف ابن جرشان ضايق
@@عبدالعزيزالعبدلي-ج4ص مستور ما اعتذر عن ملعبه وحده بس اعتذر عن كل الملاعب اللي بينهم والملعبه اللي ذكرتها بعدها جاء شيل وحط بينهم في تربه وفي الطايف وفي عنيزه اللي يقول بن جرشان فيها
اللي مضى بيني وبين العصيمي ماش توفيق
مدري لو الليه حصل وفق في حفل العميمي
وطاروق ثاني بينهم في القصيم اللي يقول مستور
ليا منا لقينا الروس وش نبغاء بالاطياز
وانا امي مارضعتني من حماره واسر ياساري
ملاعبهم كثيره اللي فيها شل ابوك وحط ابوك ماتقول الا الله يرحمهم جميع
@@aramiron4743 بس محاورات متعه الصراحه
@@عبداللهالعتيبي-س4ن اشهد بالله انهاء متعه يابوعابد
صحيح انا قرأت مقابلة الشاعر مستور الله يرحمه
ياخوان مين يفيدنا
هل ابو مشعاب لعب مع احمد الناصر او ابن جرشان؟
وياليت تزودونا بالمحاورة اذا وجدت
اي ابن جرشان مع احمد الناصر يمكن 3 محاورات او 4 ، في المغتره وفي القصيم وفي تربه
ابو مشعاب لعب مع ابن جرشان محاورة واحدة فقط وقصيرة جدا ، اما احمد الناصر لم يلعب مع ابو مشعاب فيما أعلم ..
الله يرحمهم جميعا
@@saadalbugami7735 ياليت تذكر لنا المحاورة ولو بيت منها
الحين ليش قطعت اجابته عن ابن شايق وضاعت هداك الله
في أية دقيقة تكلم عنه
يارجل اطلب الرحمه لبن شايق الله يرحمه ويغفر له اطيب من كلام المجيولي عن ابن شايق المجيولي ماذكر بن شايق وهو حي تبيه يذكره وهو ميت انت الى الان مافهمتها
@@DDd-n8g ماهو في حاجتك انت وياه الله يستر عليك ليتك ساكت
الحين ليش مافي امير يقوم لعبه مثل أول
الحين عرفنا من اللي شبها بين الشعار
انا متأكد من يرتب الشعار من يلعب مع من متأكد انه الأمير بنفسه اما من طلب الشعار للمغتره متأكد انه مهب الأمير تم طرح اسامي شعار على الأمير وقال جيبوهم واكيد في توصية على بعض الشعار
التوصيات اكيد هو قالها بلسانه مثل يوم الزلامي وصى على العيه و مثل مطلق و الهجله
الجزء السابع الصوت فيه ما هو جيد
الصوت ضعيف وإلا المشكلة عندي؟
الضيف اذكاء من المذيع
المغتره توهجها في شعر المحاوره في المغتره نفسها الرياض حصلت في ابها الطائف لكن الرياض غير
قال احمد
شليويح بن شلاح المطيري مثل الاشوام
سلامه مرحبابه من بعيد ليابعيدي
صاحب موقف شليويح
تحت هوى الأمير شليويح مع شاعر صغير والجبرتي مايشارك
الله يقلع المذيع فيه عجله قال المجيولي ابن شايق بعدين قاطعه المذيع ماخلاه يكمل 💔💔
وش تقول في محاورة مستور وابن جرشان جاءفسهل نزول
عنصرية مقيته.. لماذا حذفت إجابته فيما يخص ابن شايق
ما اظن فيه حذف لأن المذيع قال ليش المشرف القحطاني ماجاب بن شايق ورد المجيولي وقال ماهي عنصرية وقال المذيع كنت اتمنى ان المشرف القحطاني يجيب بن شايق على شان مانرمي التهم على المجيولي ورد المجيولي وقال انا ما استدعي احد الا بإسم الامير
مايبي يحرج وزير الامير القحطاني
عنصرية كيف و القحطاني ما جاب ابن عمه وهو شغال عند الامير ؟ 😂
الله يعطيك العافيه اخوي الدعجاني ومشكور على كل هذا الاهتمام في احد الفنون للجزيره وتراث يعد قيم جداً لكن في خاطري ملاحظه وسوال للضيف حيث ان الضيف قامه كبيره وشاهد على عصر مهم يخص المحاوره قال في اثناء اللقاء ان الامير هو من يقوم الشعراء من بعضهم ولا احد يتدخل في ذلك وبعدها قال ان احمد الناصر قام وطلب الشلاحي واكتشف انه ماهو موجود وقام صياف ولعب هذا الكلام يعني ان هناك شعراء لهم الحق ان يختارو يلعبون مع من يريدون هل حق الاختيار هذا يخص بعض الشعراء والبعض الاخر ليس لديهم هذا الحق اتمنى ان تطرح عليه هذا التساؤل وان تاخذ الاجابه وان كانت شفهياً وتنزلها لنا في قناتك واسف على الاطاله واشكرك مره اخرى على ماتقدمه من عطا
يا مرحبا والله يعافيك - الضيف يقول قال الامير ( قوّم شليويح المطيري واحمد الناصر ) 1:25
@@TURATH_ALJAZIRAH اشكرك على التوضيح يبدو ان الخلل بالصوت مشكور والله يعطيك العافيه واسأل الله لكم المزيد من التقدم والرفعة
المفروض المقدم الدعجاني يقوم بتقبيل راس المجيولي عند نهاية اللقاء لانه صاحب فضل عليه
شليويح :
سلامِ اِبحفلةٍ من فوقها الانوارِ كشّافه
علىٰ ابن سعود والجمهور اَضفّيها ومخصوصه
انا ويّا العصيمي لِنْ دخلنا السّوقِ صرّافه
وانا ماني بقابل وِزعِتي فـَ اللّعب منقوصه
مستور :
هلا يا مرحبا ترحيبةٍ ما هي بمنعافه
تبىٰ تدخل مع الشّاعر كما ما تدخل الخُوصه
ولا يا عارف الاهداف غيرك ناسِ عرّافه
لِيَا سوّيتها خلّيتها في رفّ منصوصه
شليويح :
بغينا رفقة العِتبانِ واثرَ القوم نتّافه
وانا بحطّها معكم بَعَد ذا اللّيلِ مخبوصه
يجي فـَ القوم ناس اِشهود والثّانين حلاّفه
لِيَانّ المصلحه في داخل المخباهِ مرصوصه
مستور :
ولا يا مِصحِب العِتبانِ ما هم ناس خوّافه
ومنهم يا شليويح اِذنِكَ الثّنتينِ مقروصه
ولو حطّيت لك دون المطر ظلّه ونسّافه
تبىٰ لك خزنةٍ يا صاحبي بجنود محروصه
شليويح :
انا خابر عتيبه في ظلام اللّيل حوّافه
ولِن كِلنّا حبوبك ناقصه خمسة عشر بوصه
انا خابرك مِصعب مير حِنّا ناسِ عسّافه
ومن ياطى الوعَر حافي تروح الرّجلِ مرهوصه
مستور :
مِجار اِمجارِ من حِمّاكِ لو حِمّاكِ رقّافه
ولا يا مَسرعَ الهجمه ولا يا مَسرعَ الحَوصه
اَدِفّك يـَ المطيري مع طرف طلعَه ومِهيافه
تبات اللّيلِ وَالاّ تسهره والكبد مفروصه
شليويح :
انا لِن جاتني حِمّىٰ تجيكِ اِجنونِ خطّافه
سوات الخبله اللّي في ظلام اللّيلِ مَقروصه
بعد هذي نبىٰ نبدي بكم في راس مِشرافه
وبعطيك البيوت اللّي علىٰ كيفي ومفحوصه
مستور :
ولا ياشِينِ بعض النّاس للاخبار لقّافه
كِما سيارةٍ مِن شِينها بـَ الوِنشِ مقلوصه
دموعك يا شليويح المطيري ليش نطّافه
لقيتك يـَ المطيري صَيدةٍ في شِعب مقنوصه
مازعل شليوح من شي هين الله يرحمه
اللي يزعل بسلامته ولد أحمد الناصر شاعر لايقل عن والده رحمهم الله جميعا
وينه يوم انه شاعر ليه ماهو مثل ابوه وين اختفى من حق شليويح قامه شعريه وعلم من اعلام الشعر في الخليج تحطه مع ورع مبتدئ لا والله عرفها شليويح وكرم نفسه عنها هي على اسمها مغتره
7:12 اثر المشرف على المغترة قحطاني 😂 وانا اقول ليش ما جابوا سوار الذهب 😂
ترا ماله دخل بس للامانه سوار على شاعريته المدهشة
الا انك ماتضمنه فالحفل العادي انه يجيب العيد
تبغاه يجيبه قدام الامير انا لو مكانه مااجيبه والله 😇
@@user-gi3pz7fi1qولاتنسى عمر الخالدي الله يغفر له شاعر كبير بس الاعلام ماخدمه
منهو المشرف
القحطاني
سوار الذهب فضحيه ما تعزمه لو عند كلاب😂😂
@@meshalalqahtani2031 سعد بن مشرف ال سعد
شعار المغتره مختصره لشعار العتبان ومن يواليهم عن طريق هذا الرجل لاجل الماده لذالك غيبو عنها كبار الشعراء من جميع القبايل
والمطرفي يابوفهد اساله عنه
هذه الحلقة صوتها ضعيف
علشان كذا شعراء كبار ولهم وزنهم ما هم ف اليسته من غير قصور في الشعرا الأربعه الكبار الموجدين
الامير هذا من وين له الفلوس كل شاعر 40 الف!!
الخير واجد
كل الامراء عندهم بس كل واحد و ين يحب يصرفها
هذا الامير حطها لخدمة التراث الله يعطيه العافية
السوال في قمة الذكاء يقول الامير يعني عارف انة يتكلم عن امير بعدين يسال من وين لة الفلوس اذا امير ولد ملك وحفيد ملك وموسس الدولة ماعندة فلوس مين بتكون عندة😂
الي شاعر مايثر فيه جاء المغتره ولا غير المغتره
كلامك صحيح والشاعر يعرف شعرة شارك في مفترة والا ما شارك ....
صدقت ياجهني هذا المسعودي وهذا الجبرتي وهذ ميشع الجديعي وهذامبروك أبو ناب وشعاركم ياجهينه وشعار الحجاز كلهم غير اللي شاركو عرفناهم من غير مغتره اشهد انك راعي ذوق وتعد الصحيح صح منطوقك ياجهني
١١:٥٢ كل هالمعاني اجل كذب ..وهذا مربط الفرس !!
أحمد الناصر :
شليويح ابن شلاح المطيري مثل الاشوام
سلامه مرحبا بك من بعيد اليا بعيدي
تغير واختلف طبعه على ربعه من العام
رمى قلب قديم وشاري قلب جديدي
صياف :
شليويح المطيري ما تعدا دين الاسلام
اقوله بالنيابه عنه والعايد يعيدي
لعلك يا احمد الناصر تجي واتروح قدام
وتصبح ف اوسط الديره شقي والا سعيدي