Andries Bezuidenhout - Explorer of Nahoon (Afrikaanse weergawe)

Oor die voorstede van Oos-Londen. Van Andries Bezuidenhout se album "Trooskantates" (5 Julie 2024 vrygestel). Verwysings na Ballyhoo - 'n band van Oos-Londen - se hit "Man on the moon" uit die 1980s.
Woorde deur Andries Bezuidenhout, musiek deur Lukas van Garderen en Andries Bezuidenhout
Opgeneem en gemeng deur Andries Bezuidenhout
Klankmeester deur Willem Möller
EXPLORER OF NAHOON
Seewind in my hare, 'n uil hoe-hoe
Jou kamerlig brand nog by jou huis in Nahoon
Wat ek moet doen weet net Ballyhoo
Hulle het die nommer van die Man in the Moon
Want ek's Laika alleen in 'n wentelbaan
Laika wat huil vir jou en die maan
Ek's 'n outydse ontdekker van suburban strate
Die teerpad is soos die oseaan se water
Maar golwe trek hier rond net deur die lug
Ek stuur seine in die nag na jou toe terug
Want ek's Laika alleen in 'n wentelbaan
Laika wat huil vir jou en die maan
Soms verlang ek na 'n land sonder grense
Plekke sonder name, geboue of mense
Sou jy daar wees op 'n nuwe planeet
Of het jy reeds van my naam vergeet
Want ek's Laika alleen in 'n wentelbaan
Laika wat huil vir jou en die maan
Ek is buite in die straat onder die maan
Ek's 'n mot en die huisligte trek my aan
Ek is Vasco da Gama ek is Magellaan
Hoe't ek beland in 'n wentelbaan
Wat om jou draai om jou kom en jou gaan
Tussen waar jy slaap en waar ek staan
Uit hierdie sirkel kan ek nie tree nie
Uit die om en om swenk kan ek nie breek nie
En wat dit beteken kan ek nie weet nie
Maar oor Yuri Gagarin kan ek nie vergeet nie
Want ek's Laika alleen in 'n wentelbaan
Laika wat huil vir jou en die maan
© Andries Bezuidenhout

[@toscabrutus1781]

Andries ek hou van jou liedjie en Jou steil! Doe so voort. Groete uit LIma Peru!