أهل البيارق | عدٍ عليه مطير ورد ومصادير | كلمات مشاري العبدلي | اداء العذب خالد المري

الليل زلّ ولا بقى منه تقصير
اركى على اللي ينظر الضلع قده
وانا ظنوني سانداتٍ محادير
روابعٍ تخلف وريث الاشده
والله لو لدّت لـ قلب المعيثير
ل يموت من كثر العنا والمكده
لكن انا عزمي يفوق التصاوير
متني جويد و هقوتي مجرهده
الله على اللي في طرف حاضه سبير
شاصٍ مضرى للصلف كل مده
اليا لمست سليتره عده يطير
كنه يعرف اللي فوادي يعده
نصه على اللي ينطحون المقادير
ماني منصي به على من يرده
مزباني اللي تزبنه عزوة مطير
لا قالو المطران يامطير ردّه
في ساعةٍ فيها تساق المظاهير
وكلٍ هذب صفراه واظهر محدّه
عدٍ عليه مطير ورد و مصادير
وكل القبايل فاللقى ما تضدّه
من قو عزمه يقدر يشدد النير
و ينزّله بين المدينه و جدّه
راسه صليب ولا يحب المعاذير
يوم ان راس اللاش على المخدّه
كم قالةٍ قوّم لها حصان و بعير
وكم طاغيٍ ترّب على الارض خدّه
عادل شبيب من الرجال المشاهير
عونيٍ يقول البرى من يرده
اخطل يمينٍ ما يحسب المخاسير
يغني فقيرٍ جور بقعاء يحده
لا جوه عكفان الشوارب خطاطير
رحب و هلا واحتمى صيت جده
من اكرمه كم ناقةٍ تركب الضير
نحر ولدها للنشامى ما ردّه
واستاق من تطرب عليها الجماهير
ام الطفاح العالمي وام خده
وضحٍ حلاياها حلايا غنادير
والها على شوط المغاتير رده
من شانها يتعب عزوم و مناعير
ب الاحمرين من الغلا والموده
واليا ( انتوو شرابة الماء على البير )
كم واحدٍ عن مارد البير لدّه
باللي ثمنها ستة اصفار تقرير
ملكه ماهي ماخوذةٍ مسترده
صمخٍ عليها يتعبون المداوير
نوعيةٍ ماعاد توجد بشده
تشرب من قنوف السحاب المزابير
وفي لطمة الشوط القوي مستعده
ولا حط منهم يشترون الخوابير
على نظر عينه و نسقه و وده
وحبيب اللي حزة اللازم مشير
اخوه ولد ابوه ذخر الاشده
ياهل الصياهد زبدة العلم تحذير
كلٍ حزامه لا حضرنا يشده
صمخ البيارق فرديٍ جاكم مغير
يوده لها عادل ولا احدٍ يضده
يفداه من هو يحسب البخل توفير
خبلٍ مشاهير النشامى تكده
مشاري العبدلي

[@5e33fi44]

إبداع من الجميع مشاري مبدع والعذب كذالك والممدوحين كفو

[@user-hv7nh7br4y]

والله لحن

[@user-js7si7ux8d]

من قو عزمه يقدر يشدد النير
وينزله بين المدينة وجدة
-
المعاني كنها مسباح في يده صح لسانك يالعبدلي👏

[@user-yl7jd1vl7t]

صح لسانك

[@majeedalmutairi5401]

صح لسانك ي الجعفري ومنومسنا

[@user-ur5xw1fx2d]

صح بدنك بالنيابه عن ولد عمي

[@Al_mutairi_kwt]

🔥

[@511oll]

والله مايشدد النير الا ربي اللس خلقه فش فيها شوي

[@T777e]

القصيده قويه انظلمت باللحن للاسف مع ان المتشد قوي