Helbest, Aydın orak DİLOPEK HÊSTİR Xwendin, Dilbirîn Jêhat

Aydin Orak - Dilopek Hêstir
-
Ji bo te
Ez bûm ax û kevir di bin cotê beyar de
Bûm teyr û firiyam çûm çiyayê herî bilind.
Ez bûm pelekî hişk û ji çiqlê dara xwe ketim
Ku mizgîniya zivistanê didim.
Bûm qaqlîbaz ji welatekî koç dikim
Diçim welatekî din.
Ez bûm agir û dilan dişewitînim
Bûm bi hezaran stêrk
Êdî heyv jî hostayê min e.
Bûm derya û dinyayê di bin avê de dihêlim
Bûm pirpirînk û yek bi yek li ser kulîlkan digerim
Ker dibim
Kor dibim
Lal dibim
şev û roj ji min re dibin yek
Vê yekê bizanibe ji bo te, tenê ji bo te...
Dilopek hêstirim dikevim ji çavên te
Dibim baran û dibarim hûr hûr
Li ser deşt û newal û gulîstanan
Kulîlkên sor diçînim ji bo te.
Ji bo te bûm çîrok û ketim dilê dîrokê
#helbest #helbestvan #helbestenkurdi #dilbirinjehat

[@metinatlgan9155]

Her biji mamuste dılbırin jehat 👍🙏♥️

[@dilbirinjehat]

spasiya te dikim, tû her hebî çavê min. 🙏🍀🌹🌻

[@servangever]

Sihetxweş birayê min, Mamosteyê hêja Aydın Orak re jî silav û rêz.
Helbestek encax wiha xweş tê nîvîsandin, û dengek encax wiha di nava helbestekê de dilê mirov zîz dike..

[@dilbirinjehat]

spasiya te dikim hêja,tû her hebî çavê min .🍀🌹🌻

[@_rhea111]

🌸🌸🥺❤️

[@dilbirinjehat]

🌹♥️🍀🌼

[@dilbirinjehat]

🌹♥️🍀🌼