Mohoebi o Nyamela ka Thepa ea Oxygen ka Mora ho Bubura M10 milione

Bahlanka ba Lekala la Bophelo ba hlolehile ho fana ka likarabo tse kholisang litabeng tseo ho tsona ho hlahellang ha lekala le lefile khoebo e sebetsang ka thepa ea liofisi, limilione tse leshome tsa Maluti ho aha serapa sa moea. Serapa sena se ahiloe sepetleleng sa Teyateyaneng ka selemo sa likete tse peli, mashome a mabeli a motso o mong.
Ho hlahella ha khoebo ena, MS Brokers, e ile ea fuoa mosebetsi e sa qothisana lehlokoa le likhoebo tse ling. Separa sena se robehile likhoeli feela ka mora hore khaho ea sona e phetheloe, ‘me ke selemo sa bobeli joale serapa sena se sa sebetse.