سلايل عليان || كلمات الشاعر : محمد خالد ابن مصلح || اداء المنشد : فهد ال عكروم
ฝัง
- เผยแพร่เมื่อ 12 ต.ค. 2024
- طرف الليل وعيوني تسامر ضلامه
مبطي النوم ما مر العيون الشقيه
لا امطر الشعر وبله مثل وبل الغمامه
كني اونس على صدري رجيد برديه
ساعة الحزن في وجهي رسم له علامه
ما نصرني عليه الا العزوم القويه
اخفي الحزن فيني واسرق الابتسامه
واتشجع بعزمي عن عيون البريه
اتركوني ما دام الوقت معلن سلامه
وابشروبي لا جات الليله المفصليه
اتشجع مع الطيب واطش العمامه
وقفتي معه حقن من حقوقه عليه
ويوم تكريم ابن جروه وريث الزعامه
ما لنا عنه لا صده ولا معذريه
مرحبا فـ المقام اللي رفيعن مقامه
بسم ربعي هل الامجاد والنار حيه
وسط الاعلام جملنا عدو الرخامه
يستحق الشحم والعود والشاذليه
ان تكلم كلام الحق ثمَّن كلامه
وان وقف حاز من بين الوقوف اولويه
بصمة سناب ناصر مثل بصمة ابهامه
متيز بها في كل شان وقضيه
ولا غرابه ليا منه تميز ما دامه
ترثة اللي تميز فوق ظهر العبيه
يا سلايل عليان الوفاء والشهامه
طيِّب الراس ساس الشيخه الاوليه
سعد والله عين اللي ذخركم حزامه
ما يهمه ولو يارد حياض المنيه
ذخر ربعي ركون المجد ذروة سنامه
لاد صامل حزام سبيع في كل هيه
ايه حنا سبيع متيهين الجهامه
يعجز المدح دون حروفنا الابجديه
يوم سلمان سمانا سبيع الكرامه
عارف(ن) طيبنا فالسلم والجاهليه
عند فتح الحجاز وعند فتح اليمامه
جيش عبدالعزيز العزوه العامريه
عز يا صفنا اللي ما تجيه انقسامه
ياقف المجد قدامه ويضرب تحيه
كفو بن عمر
🔥🔥🔥ونعم بشيوخنا ال جروه سلايل عليان 🔥🔥🔥
صح لسانك يابو خالد.
مبدع يابو خالد وصح لسانك
مبدع ياابوخالد. وصح الله لسانك
ونعم صح السانكم ونعم في الشاعر
صح لسان الشاعر وناصر ابن جروه يستاهل
عز الله مايستاهل الي يتخطى ابن عمه ابوخالد راجح ولا يصوره ويقدمه في سنابه مااش ياناصر
@@zaidalsu325 ليه وش بينهم؟
@@zaidalsu325 ما يستاعل علشانه ما صور ابن عمه راجح!! أنت من عقلك وإلا تمزح؟؟ والله اللي ما عاد به رياجيل !
@@zaidalsu325 ابن عمه و بينهم مشاكل انت اطلع منها وما يدخل بين عيال العم الا الردي شرواك
ال جروه وسبعين نعم لكن هذا هروجه تذكرني بالمهرج ولا يوجد لديه ثقافه بتاتاً قرقر واجد بس