خيالة العشوا | كلمات : محمد بن فريج | اداء المنشد : فايز الدوسري

ابيات الشيله
ماعاد افكر فالفرزدق و الجرير
يوم القريحه حررت مسجونها
تاخذ بي الافكار للثلث الاخير
واخذ من الافكار كحل عيونها
‏بالي تجملني مع الجمع الغفير
لامرت العقال جن جنونها
الشاعر الي شاد بالبحر القصير
فعول ربع مشيدات حصونها
يامرحبا والله على قولي بصير
ترحيبةً تلقى الوفاء مضمونها
ضيوفنا تقلط على زل و حرير
في حلة يندى الشحم في صحونها
كان التحدي صار بشر يابشير
و اعدلي الجمره على غليونها
لامن نوينا الشوط صوت يا نذير
‏ماعاد باقي حيلة يبدونها
يوم المداحم قرب والشر الشرير
دن دن لها من صفنا دندونها
الهقوة الي بين طيب و بين خير
حنا وراها مانوقف دونها
مياقفنا حاضر ومرقانا عسير
والمفخره حنا لها وركونها
ابن فريج الي على القمه شهير
اسم يعز المرجله و يصونها
تشمخ بنا البل دايم على الاثير
و بين النشاما شامخين بدونها
ماهوب يرفع روسنا راس البعير
مرفوعةً بين العرب بمتونها
وانكانها وصلت لحلوات الدرير
الي يبون الفوز يفتكونها
بكراً تهبد الارض و تقب الهدير
متناسقه من خفها لعرنونها
الزين فيها بس منقطع النظير
الي تقول الليل يسرق لونها
سوداً لها في داخلي شيً كثيير
عن ودها مافيه من ينهونها
مجهم مايقدر شفها غير الامير
لجل كذا قليل من يقنونها
نرتع بها من وين ماتبغى تصير
و متيهه في ديرة يحمونها
نرعى المهالك جوس مانبغى قصير
يومً بقعى حاميً مسنونها
الي جنبها لاحتمى اليوم الكبير
تقدم الي دايمً يحمونها
اليوم مانرحم هل السودا النظير
بالهجمه الي كلهم يخشونها
تلاد ماهي بمشترا ولا فطير
ندحم بها الي بالذهب يشرونها
من حذفة البسام لحذف الجفير
الناس صاحيها كلا مجنونها
صكو عليها من كبير ومن صغير
اركد مواترها على طبلونها
نبغى الاوايل يوم حثينا المسير
ونرد عنها عالمً يبغونها
الاد علي اليا نوو شي يصير
تمشي وكن الكون هذا كونها
خيالة العشوا مروية الشطير
من دم شيخان العرب يروننها
سبيع مال سبيع فالعالم خشير
على الاوايل واردات ظعونها

[@Maddallah-Alsharari]

ياسلام وصح الله السانك يابو سعد وكفو

[@محمدالشراري-ز4ن]

صح لسانك ماشاءالله تبارك الله

[@mhamadyou4780]

يسلام صح لسانك يابو سعد وبن فريج يستاهل❤

[@مشعلالسبيعي-ق4ن]

صح لسانك👍🏻

[@abdullahkw4816]

حي عينك يابن علي

[@abusab3an198]

صح لسانك يابو سعد 🤍

[@عبدالعزيزالعلي-ب5خ]

ونعم

[@حسابفاضي-ب6ظ7ش]

الاد علي