SINGIDA YAWAHAKIKISHIA WANANCHI WAKE HALI YA USALAMA KATIKA UCHAGUZI WA SERIKALI ZA MITAA 2024

Mkuu wa Mmkoa wa Singida Mhe. Halima Dendego amesisitiza kuwa hali ya usalama katika mkoa ni nzuri, na mkoa umejiandaa kikamilifu kuhakikisha kuwa uchaguzi utafanyika kwa amani. Alisema kuwa Serikali imejipanga kutekeleza hatua mbalimbali za usalama, ikiwemo kuimarisha ushirikiano na vyombo vya ulinzi na usalama ili kuhakikisha kuwa uchaguzi unafanyika kwa utulivu.
RC Dendego, ameyasema hayo mapema leo (Novemba 12, 2024) wakati akizungumza na waandishi wa habari Ofisini kwake.
"Tunaendelea kutoa elimu kwa wananchi kuhusu umuhimu wa uchaguzi wa Serikali za Mitaa, na tunahakikisha kuwa kila hatua ya uchaguzi inafanyika kwa amani. Hali ya usalama ni ya kuridhisha, na tunataka kuwa na uchaguzi wa amani na haki," aliongeza Mhe. Dendengo.