忍唔住又要留個言.真係can't agree more. 自己一個湊bb真係好辛苦,老公翻工忙到lunch都唔得閒食.而家BB兩個幾月大,坐月同埋幾個禮拜前成日都湊到崩潰喊住問老公我咁樣落去會唔會死 (未聽過湊b會死)....冇覺好訓,又易谷奶/乳腺塞,抱住tum訓腰又痛..成日都唸點解d人可以生幾個..
Thank you for sharing your experience! Taking care of baby is definitely not easy! Maybe join mommy's group or ask mommy friends to help with your baby care journey:)
Thanks for sharing. Brings back a lot of memories when we had our first son. We didn't have any help either and did everything ourselves. With second son I invited all help from my mum, my family and anyone available hahaha...
呢間月子餐我都幫襯左,現實係好一般,唔值呢個價錢,明星雨僑及倪晨曦嘅月子餐好明顯係色香味俱全好多,平民嘅我😅都係返回現實吧
我依家個仔5歲了, 感恩嘅係嗰陣時都有請陪月, 叫做冇咁辛苦, 睇返你嘅分享都有少少眼濕濕, 前面嘅路係美好的, 好好享受依家嘅過程,小朋友係大得好快, 祝福你們一家平安。
每位媽媽都會經歷過,如果唔係點會有句「世上只有媽媽好」?現在只是開始,慢慢去享受過程。人生會不一樣,工作得不到的滿足。加油
你的情況是和好多人一樣,好慶幸你沒有放棄和憂鬱情緒,這正是古代人所說吵百羅。真的到了100日便完結,不由你不信,在這段時間你都捱過了,你真的很了不起啊!加油💪俾心機奏大個女,我真是心同感受,因為我的女兒剛剛才生完,和你的版本一樣,我也在哭,因為就算我去到BB不要我抱,唯有我穿上女兒的衣服來扮演她,才可以讓我女兒休息,所以我們要加油💪啦!
過咗百日真係有好啲嘅
我好認同就算其他人話自己好有經驗,你又唔係湊過一百個。每個BB都唔一樣,係要靠媽媽去了解自己個BB需要啲咩。
Alva 你生完靚左好多!bb勁得意😍 多啲幫bb拍片吖!加油!
Motherhood is hard. Someone once said the days are long, but the years are short. Cherish your time with your baby!
每個BB都有自己的問題,只有媽媽才清楚明白,再辛苦,當BB對住你笑及叫你媽媽,健康成長,你就會覺得什麼辛苦都值得!
加油!喜歡你樂觀嘅性格,支持你!😄👍
如果佢叫爸爸先真係激死我😂
應同!🙈😂
@@yukiuava 叫爸爸先先好呀手,有咩都叫佢去做🤣🤣
自己九月生完第一胎 聽完最後個段個人感受真係聽到眼濕濕😢😢
我囡囡16m而家,回想返初生原來真係唔算辛苦,而家真係看牛仔咁,睇少一眼都唔掂
加油呀~ 而家係辛苦,但都係好好嘅回憶
為你們一家禱告,願BB乖乖平安長大,求主賜你們有能力,平安,喜樂,去湊大BB女!🙏🙏🙏
Amen
好叻呀💪🏼💪🏼揍得bb好好呀,無人天生識做爸爸媽媽,我都係新手媽媽,一樣無人幫得兩公婆自己揍,所以你講既都好有感受,而且會聽到好多人唔好抱咁多又點點點,但我都好認同岩岩出世頭幾月抱多啲,抱得幾耐得幾耐,bb到慢慢56個月又會唔同,78個月開始識多啲咁又會輕鬆啲❤️一齊加油❤️
睇住你一直分享bb嘅野真係好感觸,一來我囡囡同你bb差唔多時間出世,二來阿囡又係喊到七彩咁,好痴身我真係欲哭無淚....依家4個月叫做過左百日哭但佢都係成日要抱住瞓....聽到你話bb可以瞓過夜我好替你開心呢,我個囡晚晚兩點幾先瞓到,第二朝七點起身已經算好好了!當初成日嘔奶果下真係有啲嬲嬲,都唔知嬲乜但就好忟又要換衫又要洗咁多巾...每次餵奶掃風都恐懼咁...人地話6個月又會好啲,我唯有又再等多兩個月啦😭,加油呀,天父賜嘅禮物真係好可愛呢
表示琴晚兩點瞓今朝又七點醒😂不過好快又打暈佢再瞓,係啦,其實其他嘢都還好,你唔瞓咪玩吓囉,但係你嘔就乜都做唔到,激死人
再睇返令我諗起自己生第一胎時,都係痛苦萬分,雖然有請陪月,但我一到晚上,都充滿了不安不能入睡… 仲成日喊。 每晚都希望快啲天光,陪月早啲來… 好不容易到了一百日,又有工人心情才好些。
啱啦!你好乖聽吓老人家話,坐月要好小心身體,最緊要吾好着涼!最辛苦初頭捱過三個月你會好啲,所以呀媽好偉大👍🏻
我係8月生,疫情都係非常嚴重,我都係冇請陪月冇請工人,有奶奶同老公幫手,好彩我囡囡冇話百日哭咁誇,真係食飽換片訓覺,睇完你嘅分享,我都覺得好感恩好順利咁就捱過初生階段,而家囡囡3個月大喇,希望大家都湊b順利開心💕💕
我都係八月生呀😆總算捱過地獄
祝BB快高長大聰明伶俐👍,湊BB雖然係辛苦啲,但當你睇住佢每一日成長你會好開心☺️,祝你們一家人生活愉快🌷
你講嘅經歷 我完全身同感受,初生時無數個日子係抱到天光,做左媽媽後先知咩叫養兒一百歲,長憂九十九,論論盡盡咁湊 今年我小朋友十歲了,每個階段都有吾同嘅煩惱,細細個湊佢要用勞力,大個左要用腦力,加油啊
可能我成世人都慣咗用努力,努力方面真係麻麻,我覺得堅辛苦😂
Ava唱歌叻、fashion叻、做主持叻,
連湊BB都好叻~😚
欣賞妳的樂觀、積極和堅忍
BB成為妳的女兒真有福氣~
加油,靚女,支持妳💪🏼👨👩👧
你地兩公婆加油呀💪🏻💪🏻要互相撐住
句句都好真實,令我回想阿女Bb時。我也記得阿媽講過,有得抱就抱多d, 細路大得好快,大了就唔比你抱。努力呀!媽媽👩!叻叻👍❤️❤️❤️❤️❤️
睇完喊左,但又好好笑好真實
生仔係唯一自己完全控制唔到的事
謝謝分享
完全明白,因為我都經歷左2次,只要捱過了,就慢慢見到光明,加油丫你哋💕💕
羽翹,加油ar💪
我個bb啱啱6星期大,我仲努力緊
如果bb 喊完100日之後會乖乖地,我唔介意宜家辛苦d... 但好似望唔到盡頭咁...
我宜家都係晚晚攬住bb訓,一放落床,佢就醒,張bb床完全冇訓過😢
D人話唔好抱,但佢一路喊一路喊,喊成個鐘,聲都冇,都係要喊..
希望見多d你照顧bb ge 分享
完全明白和經歷過,佢喊到我懷疑人生😞但會捱過的💪🏻💪🏻💪🏻但bb唔同階段又有唔同嘅煩😅
我朋友第一胎BB都係喊足100日.第二胎超級超級乖.所以無辦法.遇到BB咁.但係見到BB身體健康.辛苦值得嘅,加油💪🏻
講得非常好,年輕媽媽爸爸真是明白照顧BB好辛苦
好多人見到媽媽po d bb 相好可愛就想生,但人地背後幾多血淚史,幾多晚無好好訓過你地係唔知. 跟住加固又餐餐唔肯食,擔心佢落磅.... 的確係有d bb 食飽訓訓飽食,煮乜食乜,但唔係個個咁好...真係要做好心理準備
女人真係好奇妙,明知咁辛苦都會去做,仲有好多係做家再做😂同埋除非係有十萬人服侍,否則辛苦係基本,無得到你嬌生慣養
我就生完後悔。辛苦都訓5到
雨僑Ava Liu 女人真係有湊仔既天性, 湊起上黎易上手知道點令bb 舒服d,同埋結構上真係唔同,女人個腦對bb 喊聲係敏感d, 好多爸爸訓著左真係完全聽唔到bb 喊... 你先生肯面對自己有postpartum depression 已經好叻👍🏻,你知爸爸好多時都會被忽視同比較收埋自己情緒.
加油💪🏻💪🏻 希望有人幫手後大家都有得休息多d!
呢個經歷須然辛苦(我老婆都係自己一個湊B,我當然有幫手),但呢段記憶相信會令妳兩位新手父母㗎人生更充實,張来更回味
加油啊!慢慢時間就證明你對BB付出佢會完完全全感受到!好媽媽永遠都是最偉大💖
我同你同一日生,又係嘔奶多、瘋狂喊、抱住瞓,真係由天光喊到天黑/半夜喊到朝早,明明瞓着一放低又喊,不過我順產復完得快戰鬥力可能高DD,又獲得神隊友幫下手俾我抖幾個鐘瞓覺好,羅肥肥遇到的問題更多,辛苦媽媽了 😂 抱得多有安全感+1,BB大大下識得笑、笑多咗覺得辛苦都值得,一齊加油呀
同一日生好有緣呀♥️♥️
頭100日我就算有陪月+姐姐都覺得好辛苦........傷口又痛老公又幫唔到手(雖然個口話想幫手)
其實都幾影響夫妻感情,你冇人幫手真係好犀利!我頭100日,每日起碼都有幾粒鐘抱住bb喺梳化上渡過, 以為BB慢慢學識一教訓天光跟住又會慢慢喊醒又要你抱,加油💪🏻捱多三個月,BB嘅狀態就會穩定好多,試吓喺張床放一件自己嘅衫俾佢聞到你的味佢會瞓得好啲,每個BB哭鬧的程度不一樣,有啲真係大喊十,有啲真係豬仔咁食飽就瞓🥲媽媽要努力,你已經好叻㗎啦 !
加油呀,我bb1歲1個月,其實頭3個月你可以搵毛巾包巾包住佢,佢就會食完就訓訓完就食。我餵人奶既,依家仲未戎到夜奶呀...不過佢除左夜奶其他時候都加固唔洗飲奶了。
我人在美國,兩胎都冇請陪月,冇訂月子餐,冇老人家幫手,得我同老公,完全搞得掂,坐月坐得好好,基本上老公做咗好多陪月做嘅嘢。 BB健康成長。只要有規律,其實唔難。
我都係美國人妻,岩岩有了,下年出世,吾知婆婆飛吾飛到黎⋯但我老公就好期待照顧佢 ❤️ 希望一齊順利
我都係係美國 兩胎都係自己一個人搞掂 頭胎老公只得2日產假🤣🤣😂
@@jinglelulu7634其實的確係搞得掂,睇下有無能力。
@@manchileung9689 搞掂啦 依家一個5歲一個3歲 不過有少少後悔完全無坐到月🤣🤣😂
Like你個分享!
你生完呢個樣好靚,溫柔又平易近人!加油💪🏻
雖然好慘痛,但你講得好好笑
我估你research過程出現問題,好多媽媽分享都 係歷盡 艱辛 地 迎接新生命回家。
加油呀
雨僑生完仲係好靚😍 仲多咗一份女人味
父愛母愛既偉大,令我好眼濕濕感動
希望你一家開心健康
佩服以前d人湊甘多個 宜家d人矜貴佐 真系 陪月同工人姐姐唔系必然
我都唔識講,其實以前好多人都鍾意話天生天養都係咁,但係我又發覺其實好多人大個都有好多童年陰影啊、性格障礙啊、情緒問題啊,呢啲都係我哋見到而家我哋呢代人有但係又唔想我哋下一代會有嘅嘢囉,所以盡量想俾多啲愛同關懷佢
@@yukiuava 絕對認同。一個生命係自己手上,之前又冇經驗,係會不斷質疑自己喺咪俾緊最好嘅選擇俾BB,會不會有"plan B"。如果多個人幫手,個人冇咁攰,思維清晰d,係會諗到更多,更好嘅方法,心平氣和去解決問題,舒解BB情緖。加油,雨僑!BB好快識同你笑,同你玩,同你講: 我愛你❤️
@@yukiuava正確
@@yukiuava 以前果個年代父母邊度有話好似現在咁“陪伴子女親子時間”咁的思想湊仔架。現在我個女四歲半,又話從18個月開始建立親子閱讀時間,我想講以前的父母鬼會做依D嘢咩。以前父母把子女塞去隔離鄰舍和其他孩子玩,差不多才回家食飯,講到底咪想偷雞唔想湊仔囉。但現在你敢嗎,現在湊仔要人盯人來湊,走開半步都不行。以前父母打罵孩子是常事,現在就算你怒火沖天都要壓下和孩子講道理怕傷害了弱小心靈,但換個角度想是否孩子在心靈折磨父母呢。如果我們這代人做父母都是抱著天生天養的話,咁樣生3,4個都得啦,喂飽穿暖就行,多麼容易。
@@yukiuava 講得好啱,多咗知識,壓力責任都會大咗。加油💪🏾
我四月份疫情高峰生的第一胎,没人帮我们,有一只猫🐱,只订了一个月的月子餐,没什么姜水,就喝自己做的炒米茶,很辛苦但最重要的是sleep train,和先breastfeeding establish milk supply 兼方便。 达到 Weight criteria, 就可以下狠心让Bb哭。唉,的确很辛苦很心酸。😥
我無呀,我無狠心到,好彩佢肯戒夜奶,如果唔係都好難捱
True! 完全講中心聲🤧幻想同現實係好大分別,不過到佢6、7個月開始有互動,呢一切都值得🥰加油💪🏻💪🏻
同埋會買左一大堆所謂「好用」嘅野😆真係每個bb都有自己特性,無一定好或者唔好,只有適合同唔適合
係呀😩
慢慢識認和學, 這段是最好時間给新手父母去另一個階段,忍耐和愛,加油呀!💪💪完全看到你努力💕💕
值得!加油💪🏻
BB圓碌碌好得意😊
慢慢來吧!養兒1OO歲多憂99。祝你一家健康愉快、BB快高長大聰明伶俐!
多謝你♥️
我記得我生完個細仔之後都做得好辛苦! 老公雖然請咗一個月大假, 但係晚晚都同個大仔瞓到好似隻豬咁。我半夜要自己起身餵奶。美國呢度唔興坐月, 亦都唔興請陪月。我媽咪, 奶奶住得遠, 完全冇人幫我手! 我唯有叫月子餐。我記得生完個細仔嗰陣個護士即刻叫我去冲凉, 由頭洗到落腳! 我有照做!佢話因為醫院好多菌, 唔好帶啲菌返屋企! 如果我話畀佢聽Chinese興一個月唔可以洗頭, 一定嚇死佢! 時間過得好快, take care! You're doing great 😊.
係呀,朋友喺澳洲都係咁,我覺得如果係我應該搞唔掂
@@yukiuava 你咁叻女, 一定得! 加油呀!祝你永遠幸福快樂, baby 快高長大, 身體健康💕
自己湊真係好寫實,同其他有人幫手仲要呻個啲女人真心唔一樣❤️
忍唔住又要留個言.真係can't agree more. 自己一個湊bb真係好辛苦,老公翻工忙到lunch都唔得閒食.而家BB兩個幾月大,坐月同埋幾個禮拜前成日都湊到崩潰喊住問老公我咁樣落去會唔會死 (未聽過湊b會死)....冇覺好訓,又易谷奶/乳腺塞,抱住tum訓腰又痛..成日都唸點解d人可以生幾個..
hi,我琴晚兩點一轉四點一車,打完針呢個禮拜啲生理時鐘亂晒呀佢,搞到我哋都勁辛苦🤦🏻♀️不過我諗我嘅結論係應該唔會死嘅,有時捱到佢一覺瞓得長啲,俾我哋回一回氣,又再作戰,唯有係咁堅持落去💪🏻
看到你的分享完全是我近日心情寫照😵💪🏻
啱啱出世嘅bb,你會為咗佢瞓得嗰少少時間,成日都會起身喊而煩!大少少嘅bb,你會為咗佢,自己學行跌跌碰碰而驚!再大啲,你會為咗佢返學嘅功課問題而煩!再大啲,你就會驚佢學壞,係咁㗎啦! 遲啲就會慣!
長憂99系列😂
我無工人無陪月無長老,係爸爸收工返來幫下手,我全人奶埋身14個月,仲要個女1歲前都唔可以一覺訓天光,但都湊到就快5歲了☺️☺️
能有這種經歷是天睗, gift from God,好多人想都無,日子好快過,努力💪💪💪。
同款BB,頭三個月真係好想快啲返工,乜嘢都唔理淨係返工,但係當過咗三個月之後就唔同晒,嗰時就好唔捨得佢好唔想返工
其實我真係唔係一定要番工😂有得俾我出去透吓氣都OK
完全明白
聽到你咁講,已經覺得你好叻女,係一個好媽媽,努力呀💪💪
我經歷同你一樣,冇人幫,自己湊百日哭囡囡😂我都挨過來了~囡囡已經就3歲喇!你都要加油呀~時間好快過
聽到你既分享我都真係身同感受,我兩胎都係甘難湊,第一胎都係百日哭,一到黃昏5點幾我就開始驚,一喊就喊到10點幾,呢幾個鐘真係人都癲,我都係冇人幫一個人湊,跟住直到三個幾四個月終於好返啲冇咁爆喊,聽你女喊聲佢算喊得斯文對比我兩個女,第二個又係喊到癲,係抱住都喊,所以你講的感受我好明白。同埋你個女而家好好喎,幾個月大可以瞓到八九個鐘,我全人奶埋身,個女而家就嚟九個月都係最耐只係可以瞓到三個鐘咋,跟住又要起身餵奶,不過都好過之前喂完奶半夜又唔瞓喺度爆喊,所以真係苦盡甘來。努力湊b呀雨僑💪🏻欣賞你既耐力你係得既!
我做唔到全埋身啦,一開始因為我哋無返健康院,其實佢有少少黃,我好驚啊,係咁餵奶粉質飽佢啊,果然真係好快退黃,但係咁樣亦都真係會少奶囉,所以三個月後我只係好古怪咁樣等佢食完奶粉之後,再埋身咁佢就去瞓覺
@@yukiuava 其實都可以試試先埋身,後補奶粉,因為我之前坐完月生蛇,有一段時間老公要我同bb隔離,我只靠泵奶keep奶量,好返再俾bb 埋身,到小朋友而家13m,都仲可以全埋身到㗎
我個女喊到震晒音。
我9年前都試過好似你咁,有請朋友做半日陪月,怎知,這位朋友完全唔照足我之前詳細教佢怎煮我的陪月餐方法,做野好慢,抺唔到地、洗唔到衫😫。佢之前講明唔懂幫BB沖涼,我就自己沖。
但基本傾好的工作都慢到做唔到。所以我好明白你種辛苦。
我果個係仔,佢對聲音和四周環境都好敏銳,少少聲都會醒,輕力撳粒燈掣都會醒🤦🏻♀️🤦🏻♀️🤦🏻♀️🤦🏻♀️⋯⋯
所以我極明白你辛苦。
加油!你已經好叻女,個女咁快可以平靜下。
我個仔要成10個月大先叫做無咁醒瞓😅😅
但這些經歷會令我學到更多,
會對其他有這經歷的父母更體恤,
感恩有我的兒子讓我更成長和能承擔更多。
雨橋,你都要加油呀😃💪🏻💪🏻💪🏻❤️❤️❤️
其實叫朋友或者屋企人就係有呢個尷尬囉!唔通我老點亞伯娘去做家務咩😫所以根本好多嘢係人哋照顧好我,等我可以去做,而唔係叫人返嚟做,好在佢哋都算照顧得我好好
@@yukiuava 如果佢哋照顧得你好,咁你真係好幸福啊!加油😃👍🏻👍🏻
@@yukiuava 咁又真係冇理由點你伯娘做呢樣做個樣😅,始終係親戚,仲係長輩添😆😅
@@yukiuava 我老公話:真係生過、親手湊個小朋友先至知人間疾苦😅😅😂😂
I agree no one really prepared you for after delivery. That's when the hard part really begins! You're daughter is so cute though!!
最後講得好岩 你個bb 唔等於 我個bb
大家比啲意見 互相鼓勵就好 自己對個bb負責就得😉
我個bb上星期先滿月 仲要捱多一排😅
不過聽完你講 我覺得我唔應該成日限制自己唔好咁快抱佢 應該要珍惜下依段手抱既日子🥰
講係容易嘅😆
睇完你條片我覺得自己好幸運!我女兩歲了!加油
其實睇幾多書, 做幾多preparation, 最後請一個陪月已經解決到好多問題。大壓力可能源于你最初太多preparation 同幻想. 漫漫長路, 輕鬆啲啦. 另外一提,換片冲涼搽cream, 吃奶放最後不是正常程序嗎?反而想知邊套theory 和書教另一套... bb皮膚可以搽California baby, 好有效,今日搽明日散。加油,開拓另一世界!
好多㗎!真係好多教人食完奶先活動㗎!可能有時佢一醒嗰吓好肚餓喊到爆,咁人哋就會覺得係食咗奶先囉,但係佢真係冇考慮過嘔奶呢個因素囉
我依家就生第二胎更加一定要請陪月加媽媽過黎幫手😭因為仲要湊埋大女,無人幫手真係唔知點捱過.
世上只有媽媽好,你一定可以,支持你
加油啊💪🏻 開頭會辛苦啲,但見到bb一個甜笑,每日健康成長就會咩辛苦都抵返曬❤️
我同你一樣都剛剛捱過頭三個月啦,非常有同感。
我有請陪月,但我坐月都坐得唔好...無請工人,坐月坐到產後抑鬱。我仔都抱訓覺抱到成一歲...三個月戒左夜奶之後到四個半月又開始食返,食到一歲先戒...但我都無悔生左仔仔,係辛苦,但見到佢健康快樂又覺得值得~加油呀~慢慢長大又會有另一種辛苦
我明,其實真係選擇咗咁樣,亦都無後悔,但係有時真係想呻下,同埋想喺自己頂唔順嗰時有人可以幫到
So adorable 🥰 加油 Ava & Harper 💪🏻❤️🌷
加油💪見到佢健康乜都值得
BB好靚呀!祝福她快高長大身體健康平平安安!
聽到都辛苦,養子方知父母心。
辛苦曬~媽媽真偉大~
肥肥好得意😍
我都覺得自己玩命㗎!我女細肥肥幾日,我係自己坐月,由1月請姐姐到我女100日都未嚟到...我仲有個trouble two嘅大女,我初頭諗得好美好架,生完2星期家姐開始返N班,朝早有得抖,點知不斷停面授課,停面授課又要陪上zoom,又要幫家姐報K1,又要拍片加面試。細個個又黃,又照燈又成日返健康院😟,頭兩個月攰到癲咗!我日日同兩個女困喺屋企困獸鬥咁,以為終於可以落樓下買下屋企嘢抖下氣,個老公又係咁催你返屋企😤
我姐姐係我女100日終於到咗,終於可以鬆一口氣啦😌
我睇你條片好有共鳴,我好明白你有幾辛苦😢加油呀媽媽!一齊努力啦!
一月😱😱😱係2020年一月?😱😱😱我想喊
@@yukiuava 係..原本4月中到,不斷lockdown, 變咗11月先入屋😅可能我請海外先咁耐掛🥲
@@yukiuava 由本身諗住:呀!大肚後期有姐姐幫下手都好,去到...嗯!佢係我生之前嚟到都好呀!再去到....佢一嚟到就幫手坐月啦!再之後....坐完月仲有個幾月返工,我可以教下佢都好呀!再到..硬住頭皮同老細講姐姐未到想再放多一個月產假,最後係我臨返工前一星期終於到咗🥲
繼續分享多啲育嬰心得喔!
Thank you for sharing your experience! Taking care of baby is definitely not easy! Maybe join mommy's group or ask mommy friends to help with your baby care journey:)
多謝分享, 我自己反而覺得頭百日唔算好辛苦, 之後再大少少開始厭奶, 到加固期先至嚟料....>< 每個階段都有唔同嘢煩🤮
嘩,見到都替你辛苦苦,但bb好靚女呀,你加油呀
做媽媽一點也不容易
你也做得很好 通常爸爸 還未接受到 自己身份 也要改變 像一個小朋友要讓 因為 他的聯想 人到到我也做到 你是有一個仔架一個女
辛苦媽媽喇 加油💪💪❤️
身同感受,我bb都有濕疹呀,健康院醫生又係話大d會好..但見佢係咁拗,訓得唔好真係好心痛。想問你片到用咩中藥幫佢敷面?睇邊個醫生?
我用白菊花金銀花,但係其實都係幫到少少,真係要好勤力搽嘢,同埋差啲咩都要是,個個都唔同,兒科醫生我睇陳欣永醫生,佢好好㗎
I understand, the hardest part is that recovery time. I will never forget that. Hang in there, it will get easier😁
媽媽好叻🥰會越黎越好架啦,我bb都11個月了
但你依然十分精神,冇黑眼圈,把聲依然溫柔精靈👍👍
加油,一切只會成為過去
PS: @8:46 羅力威可能認為有其他人睇住BB,佢個秒可以去做其他嘢,爸爸媽媽都新手,佢唔會突然理解 & 做到個standard = 任何時候睇住BB,令佢唔喊 + 唔扭計 + 食飽 + 哈哈笑 + 老婆都一齊哈哈笑 + 食飽 + 幸福快樂 + 可以up上IG比全人類都登你開心
羅力威加油啊
我幫你話俾佢知😂
好真實!頭3幾個月真係好辛苦
皮膚呢個真係冇辦法,只能靠你陀佢時食多點清熱解毒去濕野,甚至煲白蓮鬚(我2胎都發哂我身),肚風如果你有用奶樽盡量整暖點40-45度,特別依家天氣凍,奶太凍都易有肚風,同埋飲完奶記得要掃風,醫生話否則有胃氣佢訓低一段時間就會落腸,容易有肚風,掃好耐都冇都唔好放低。我奶奶教我,有肚風或平時沖完涼搽一滴保心安油係肚臍周圍都會好點架,網上仲有嬰兒排氣操,手腳並用可以同bb做,好靈!同埋醫生教,你得閒敲下肚仔,有肚風既話你會聽得出,bombom聲。唔好再喊啦,你應該諗,bb唔舒服先用喊去表達,佢見到心愛既你喊佢會更加無助更唔舒服喊得仲慘!如果可以盡量餵人奶餵耐點,聽過好多媽媽講,餵耐點以後病左都會比較快好返!加油啦!我知你好努力,比最好既比bb,所以依家bb乖返,女人唔洗好叻先可以做媽媽,係因為做左媽媽先知自己好叻。
好真實,多鼓勵少批評👍
第一次生BB冇請陪月&工人姐姐,真係好需要勇氣!好有自信😹因為屋企多個BB多左好多嘢要洗呢!你BB有嘅問題我都有遇到,原來我不是一個人。希望你請嘅姐姐快D到,BB越來越乖~
真係洗到我人都癲,我自己啲衫都唔摺嘅,但係唔知點解佢啲衫永遠都會摺完先擺入櫃桶
你好,我bb有油溢性皮膚炎, 見你同羅肥肥敷臉, 想問金盞花起邊度買? 仲有搽咩乳液🙇🏻♀️
唔請工人陪月,完全係玩命😂😂😂
一直在玩命
雨僑Ava Liu 我有工人有陪月 但夜晚自己湊 頭一個月都以淚洗面😂
睇呢條片嘅時候我正正喺半夜3點抱住個一離開我心口就大喊嘅個半月bb😅
完全明白你所講嘅點點滴滴,祝福我🙈 Things will get better, right?
Thanks for sharing. Brings back a lot of memories when we had our first son. We didn't have any help either and did everything ourselves. With second son I invited all help from my mum, my family and anyone available hahaha...
完全明白,我仔8個月先戒夜奶,真係超級辛苦。
You have done an amazing job😊😊
BB好得意
雖然咁辛苦 但做媽媽仲靚左😍
唉,我都好想靚啲,但係我真係冇心機搞,我帶BB去打針同埋睇中醫嗰個醫務中心睇我唔過眼,最近有幫我打下啲微絲血管,等我搽少少有色防曬都好啲
恭喜你過了最辛苦的100日,你好厲害吖照顧得bb咁好!加油啊💪想請問一下你片中的bb椅連床好用嗎?想緊買唔買好。同你開刀係飲邊間的月子28方?可以介紹下嗎?感謝
我係鍾意嗰張床嘅,但係其實佢永遠都坐唔耐都係會喊嘅,月子28方:
avaliu.com/tw/主頁/826-282-.html
好,感謝你!:)
加油啊,会慢慢越来越好
湊初生真係人都癲架😂😂但過左就會舒服啲!
我都係無工人無陪月,除咗湊仔仲要幫大女溫書默書睇功課,煮飯,照顧我阿爸……豬隊友係夜晚11,12點放工返嚟抱吓就當幫咗手……直到佢開始覺得我有啲抑鬱先學吓點換片,沖奶😅 諗起都頭痛
兩個其實真係好甘👏🏻👏🏻👏🏻👏🏻
期待你其他既分享,加油!
恭喜!恭喜!
我以前又係要開刀,個傷口6吋半長好痛,返到屋企得我自己一個人湊,老公有時幫吓咋,我仲要冇薑醋食,之後就發熱冇端端狂流汗,身体虚弱見頭暈,後尾食咗炖品先好番哂丫。
六吋半😱😱阿b好大粒呀?
You just started baby, long way to go