FFPM 267 - He, ny andon’ny maraina

"He, ny andon’ny maraina" - Hira FFPM 267
Mazotoa mamerimberina sy mianatra ireto hira FFPM ireto any an-trano. Dia mba samy mahay be toa azy ireo daholo isika manerana ny isam-piangonana any rehefa mihira amin'ny fotoam-pivavahana
FFPM 267 - He, ny andon’ny maraina
1. He, ny andon’ny maraina
Latsaka ao an-tsaha re,
Ka mamelona ny maina
Izay maniry rano be !
Ravoravo e ny tany,
Fa he, ny andro maina efa lany,
Ka mitsahatra ny fahantrany ;
Manaroka ny hazo be !
2. Ny fanahy karankaina
Misy rano velona,
Fa Jesosy andon’aina
Manome fiainana !
Velona ny jentilisa,
Ny tany hay dia tonga Paradisa ;
Marobe no efa voaisa
Handray ny lova masina !
3. Misy lalana mizotra
Izay mankao Ziona re,
Any no mitanjozotra
Ny vahiny marobe ;
Ka Ziona dia mivoha
Hidiran’ny navotan’ny Tsitoha ;
Ao no ivorian’ny mifoha,
Fa an’ny Tompo lehibe !
4. He, mikambana ny mino
Amim-pifaliam-be,
Ka ny hobiny maneno
Tahaka ny rano be !
Ao mitovy avokoa
Tsy misy tompo sy mpanompo koa ;
Eny, razana iray tokoa
Ny mponina ao Ziona re !
Chœur Liturgique Ambatovinaky