Rois: Pleno ordinario 10 de maio 2024. Recoñecemento á sarxento da Garda Civil de Padrón

O Pleno da Corporación de Rois, co apoio do grupo popular, aprobou na sesión do 10 de maio de 2024 solicitarlle ao goberno central que lle conceda a Medalla de Bronce da Orde de Isabel La Católica á sarxento Almudena Fernández Alborés, comandante do posto da Garda Civil de Padrón. No sesión ordinaria deste mes de maio tamén se aprobou renovar o convenio coa Atriga para a recadación de impostos en vía executiva, eximir de pagar o IBI á Asociación de Veciños de Ribasar e reclamar que o rexistro de galiñeiros non sexa obrigatorio para as explotacións familiares de autoconsumo.