ฝัง
- เผยแพร่เมื่อ 12 เม.ย. 2023
- #MM #700萬種生活 // 25歲女設計師棄900呎屋企 獨居北角劏房2年 感嘆重拾自由
在香港這個人口密集的城市，很多人因為和家人住在同一屋簷下， 而慢慢有很多磨擦，很想逃離。 有人獨居多年變得喜歡獨處，一連兩集《700萬種生活》會和大家看看兩個獨居女生的故事。而今集的主角Wincy，放棄和父母同住900呎的家，寧願搬出來獨居劏房。
「700萬種生活，我的生活是即使自己住劏房，都找到我的快樂和舒適。」
25歲的Wincy是一個設計師，在2021年3月開始搬出來住，現在每個月用6,500元在北角租一間150呎的劏房。每個月200多元電費、水費70元，Wincy的日常開支是2,000元左右。自搬出來住，她除了要習慣很多事都一個人做，還因為薪金不多，獨居開支很大， 水電費，每樣開支都需要錢，就節省一點。Wincy表示基本上在獨居前，是一個被照顧周到的女兒，連廁所骯髒了，也是由媽媽清潔。這些日常家務，以至買菜、煮飯，也不需要她負責，算是飯來張口、衣來伸手。獨居後，很多事她要自己決定、選擇，不能將責任推給別人去做決定。
獨居最難適應是孤獨感，Wincy覺得她搬出來住後，其中一個她讓成長的，就是她今天遇到的難題，不能一回家，即時有個人跟她面對面分享。現在的改變就是要自己找出口解決煩惱和不開心， 還有今天遇到的事，未必可以即時跟別人面對面分享。一個人吃飯、一個人整理情緒，還要學會一個人回家時要更加留神。Wincy指始終自己一個人住都要學會保護自己，走回家的時候，會看有沒有人跟在後面，轉頭看一看才進家門，又或者是坐升降機時，會按上一層或下一層，即使有人跟著都未必知道她住哪一層。
雖然搬出來住，要學會自保、學自理，還要省錢，不過住劏房就帶給Wincy前所未有的自由和空間，可以享受真正的私人時間，現在居住的房間尺寸，雖然比以前的小，但這裡一應俱全，有一小廚房、廁所、有吃飯的地方、有床、有工作地方、有窗、有雪櫃。整體上，她個人使用的空間大了， 對於這個空間她還是滿意和滿足的。
獨居這個地方，是Wincy快樂的根本。
策劃/主持：黃允鍶 Natalie
攝影：張志孟、鄧欣、 林金展 、陸羽勝
剪接：陳港怡
監製：梁中勝
#租樓 #劏房 #劏房生活 #獨居
#黃允鍶 #MM_Natalie #MillMILK
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 TH-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
如果你同 Wincy 差唔多處境，你又會唔會由900呎搬去住150呎呢？留言討論下！
一定会，一个人住，唔需要顾忌其他人嘅需求同感受
我屋企950三房，就算有间空房多出嚟，都唔关我事，不如150
唔會 好欣賞Wincy可以咁獨立咁勇敢 即使afford到生活 個種孤獨感好難承受
唔會 租金負擔大大
@@jasonkidd666 咁你大概负担唔起物业水电差响，楼宇维修等各种费用
都系翻屋企做裙脚仔啦你
會呀,我都係岩岩搬出黎住,其實有限budget幫間屋佈置到自己諗咁,都好有滿足感,換轉係我家人,你想係屋企加件野都會話你無個樣整個樣,900呎都無用
好開心有幸參與其中🤍🤍🤍
多謝呢個時代有mm紀錄 #700萬生活 !!
多謝 Wincy 願意分享自己嘅故事！
好有共鳴~我可唔可以share 係IG stor?y
專登開acc 留言😂
好佩服你有900呎屋企唔住
揀自己搬出黎住
真係家家有本難念的經
另外你笑起上黎好甜😆加油
Wincy可以繼續用個人生活做題材開channel
好欣賞呢個女仔，自己親力親為，好獨立，睇到香港女仔好叻女❤❤加油
HYS😍
搬出來住雖然乜都要自己做，空間又唔多，但果種自由感同滿足感係難以形容👍欣賞佢地踏出左呢一步
一直都幾鐘意Natalie 的策劃和主持, 好開朗好有感染力, 原來背後經常要1個人要面對孤獨, 支持你!
今集係 Natalie 的刮白！👍
好多人都係對人歡笑背人愁。
Wiincy好可愛，又肯捱，幾吸引
這種年青人很好，覺得跟家人無法相處，便想辦法自己搬出來，滿足於自己生活沒有怨恨父母也沒有怨社會，懂得從生活中解決難題！
我24歲就搬出去一個人住，但從來冇覺得孤單同抑鬱，好享受一個人的空間和自由，瞓覺係要熄晒燈冇晒聲先瞓得着，29年前土瓜灣新樓$6000但有四百幾呎兩房一廳，今時今日要住劏房😢
當年香港只要肯做，唔撈偏，黃賭毒少掂，宜家個個都幾層樓揸手，學狗官話齋，佢地一早收成期。
1994年香港大專生收入中位數已經有9,000蚊
@@dark_stories. 以前讀大學難過而家啦, 而家學位多咁多, 人口又少左,點可以咁比.
😅
13年前美景街5千都有2房1廳
6年前同屋企人意見不合，搵到個4200蚊既單位都有250尺，個陣膽粗粗拎住2萬5就走。
執修完間屋買左基本傢私得返200蚊係身，食左一個月出前一丁同10蚊菜，後生夠膽大，過程既野冇話對與錯，最緊要係你學到d咩。
傷身
但還有亞健康?
真，好多野係一個人搬左出黎先會學識。
好鐘意你最尾果句，最緊要學到啲咩😊👍🏻
好明白Wincy同Nat 講既每一句說話
同Wincy一樣 同屋企人關係 唔係唔好 但由細到大 都冇自主權 幾點食飯食乜野都比屋企人照顧曬 唔餓都要食 有時想話自己煮下野食 屋企人都會望住曬
用咩沐浴露廁紙 都唔輪到自己話事
唯一可以自主既範圍就係大約60呎既房
2017搬左出黎第一間劏房 要行7層樓梯😂 但搞掂曬d野之後同Wincy 一樣 都係係床到叫左出黎
中間同Nat一樣試過唔知比咩人係甘敲門🙃個種不安感 到而家重記得
搬左出黎之後反而同屋企人既關係好左 番去食飯真係會傾下計 唔似以前一番去就入房 食飯都係一食完就死入房
到而家好感恩已經唔洗租劏房 其實一個人住 間屋大與細都真係唔重要的 最開心係終於唔洗比人濫收水電🎉
依幾年好多人都話 搬出黎租屋住 幫人供樓好曬錢 點解唔番屋企住儲錢買樓 我只係想講一句 我d錢點用 關你地撚事咩😂
所以Wincy,Nat,所有獨居女孩 我地一齊加油吧❤
真係有咁多強姦犯？
@@hg4cg955 就算唔係強姦 踩線爆格都唔好喇😅
對唔住Natalie, 你個句"都醒嫁嘛"我即刻笑左出嚟😂
看這期好有感，自己倒是蠻享受一個人住的自由，也未覺得孤獨過
畢竟和家裏或同儕未必都能相處的好，出入或買東西也不用顧慮太多眼光
自己處理伙食或居家清潔倒是駕輕就熟，讀書時就有租屋獨居的經驗了
不過年紀大時有些身體因素就不是自己能掌控，算是獨居的隱憂
特別像片中的女生更要注意出入安全，在外獨居個人都會在房裏裝個IP cam+智慧插座對房門，外出才開啟這樣隨時可透過手機觀看房裏任何狀況（有些房東會趁租客外出未經同意擅闖），回家時透過插座直接斷電，也不要讓外人輕易知道自己的住所
事實香港地唔容易一個人住哂嘅，好多人到死都未做到啊！
空間雖小，但可自由自在生活，真係好過住大屋，但事事被人管。Wincy加油❤
我大學畢業就搬出來住快廿年了, 最記得:
1. 一個人租千尺大宅(2004年左右只是三千多元)
2. 一個人在大宅內浸浴
3. 買第一部洗衣機和雪櫃
4. 為省錢搬去村屋, 踏足新界, 改變自己生活方式
自己生活久了, 就開始發現:
1. 必須用的就只備一份, 如平時食飯/麵的用具或衣著...
2. 有時覺得可以維修的就維修再用... 或廢物利用...
3. 冇買廁紙好多年, 去完就用花灑清潔...😆
4. 要有一點喜好, 如我喜愛黑膠碟, 聽CD, 錄音帶...
5. 定時要去參加活動如跆拳之類去見下人, 輔導下自己~
現在我住新界區鐵皮木屋, 其實都覺很好足夠...
經歷會改變一個人嘅睇法👍🏻
愈住愈差？
@@fafalio9844 樓價升幾倍,租金一樣加幾倍,但人工加唔到一倍,係全香港人都越住越差,20幾年前幾十萬買到樓,今時今日只係比到首期🥲
那區 ? 千尺大宅 2004年左右只是三千多元 ?
@@user-qe5fd4qs3q 但我看到通常是愈住愈富貴
好佩服嗰D自己搬出嚟住嘅人，又要應付日常開支，又要煮飯買傢俬呢樣嗰樣，真係要好有勇氣先做到~~~~~但捱過咗之後，個人會成長咗好多同享受到獨居嘅自由~~~~
如果只係擔心錢的問題 其實唔係大問題
要慳點都慳到，二手傢俬慳唔少，搬屋又易以買入價賣出，做人要能屈能伸
我係一個68歲嘅老婦人,以前後生嘅時候成日為家庭兒女丈夫付出晒自己所有嘅時間,勞心勞力把3個兒女捱大了！他們也成家了,老伴又走了.現在我已獨自生活了6年!感覺很開心和輕鬆了！不用整天籌劃家庭和兒女的鎖碎事,現在每天嘅時間都係屬於自己的,今天想唔煮飯就約老朋友出去食,明天想去旅行就參加旅行團,不用自己勞心,乾手淨腳,想做咩就做咩,真係太爽了！一年就一次去美國探望兒女和孫兒,住一頭半個月就又回香港嘆世界,享受美食和自由,真是太開心了。🎉🎉👏😊
她是追求自由，和家人住得不開心，分開也是好事!搬出來住真的可以學習獨立，也是很好的生活經歷!
年輕人有自己嘅人生及命運，獨屋並不是錯！每個人都屬獨立個體。加油👍
做左幾十年人，都未試過一個人住，佩服佩服，欣賞2位女生
習慣左獨居真係好難番轉頭，我由大專住宿舍獨居到現在40＋
Super touching 🥲當年英國讀大學，第一次搬出黎自己住，要自己搞掂哂生活大小事，但果種脫離老豆老母，自由自在既感覺真係無價
一個人搬出黎住真係會加速成長，自問好好彩唔使住劏房，可以擁有足夠嘅獨處空間，成件事簡直正爆
我一個人搬左去元朗住，住左有3~4年，現時租金5千蚊，250呎獨立廚廁，有一張3呎床，一張高架床放雜物，3×2×5呎衣櫃，有洗衣機雪櫃，有一張6呎長梳化床，一張5呎長大飯枱，有陣時收工翻嚟會煮下飯煲下湯，鐘意種下花花草草，嚟緊諗住添置一個細細地嘅正方形浴缸，一個人的生活就是這麽自由自在
兩個女仔都真係好獨立，又識買餸又識對付老鼠甲由👍
呢個女仔家教非常好！
似係富裕家庭成長，不過父母係怪獸家長
富裕家庭出身，氣質修養都有別一般
@@rkkrkkrkk 佢話本身住何文田
家底都非常好 又靚女 life winner
老實講， 唔識佢也唔知佢家人同家庭性況。 唔能夠講佢來自富裕家庭或父母係怪獸家長。
我所講嘅家教， 係自立嘅能力， 對量入為出嘅認知， 同個人自我保安能力。 親和嘅對話都只係表面野可以扮。
好讚賞Wincy，希望慢慢越搬越大，有自己的小天地。
有時重要嘅唔係個居住環境嘅大細問題，而係喺間屋入面有幾多私人空間 時間，如果連一啲好小嘅事屋企人都經常有怨言 指責，甚至嘈交，咁都係搬出去住好啲。
我住過附近，片中去個間藥房比較舊式，原來係平啲嘅，不過唔算近我個時嘅位😂
條片出街會多咗人知道Wincy係咩地方附近獨居，出入應該要再小心啲，畢竟條片個個都有機會睇到
17歲去外國讀書 自己一個住咗差唔多3年 而家20歲 係外國第1年話就話識講英文 但人都唔識多個 洗多咗好多錢買教訓 啱啱搬出嚟住成日會突然喊孤獨感好強成日覺得死咗係屋企都無人知 無帶鎖匙屋企停電捱貴租殺蜘蛛老鼠呢啲都係小事 一個女仔住俾人跟蹤俾人爆格…好多好多 細個唔知屋企人對自己幾好 唔知原來水電食嘢咁貴 到自己而家一路返工一路讀書 18歲開始無問屋企人俾過$1 所有家務唔可以話做得完美但起碼比起以前細個好亂嘅房整齊得多 而家覺得自己比同年嘅人學多咗好多 獨立好多 更識得對自己好啲🥹雖然有時候都仲係會覺得好孤獨好寂寞🥹🥹
@@tsangken2639 又唔係考試作文 標點符號用唔用都係個人自由 又唔使特登標籤新一代嘅 理性討論ok?😂😂
離開屋企讀書真係成長得特別快
@@tsangken2639 真,仲有好多人成日錯別字🤣
@@rosacheung8925 個個都咁咪死囉,成日用錯字又用咁既借口
@@rosacheung8925 你個邏輯都幾奇怪！咁基本嘅嘢，原來要考試先會做！竟然仲有幾個腦殘畀like你, 你話而家新一代真係幾可悲吖！！！
睇得出 Wincy 真心 enjoy 有自己空間，由心笑出黎果種快樂係唔同D
有能力照顧到自己，就梗係唔想好似有兩個懲教署看住自己決定沖涼，食飯，訓覺......等等時間啦😂
獨居真係會令人成長好多嘅過程👍🏻👍🏻
真佩服 Wincy 同 Natalie 的勇氣,走出comfort zone, 學會成長的一課,堅持下去,会有不一樣的人生. 加油！！！
1:25 聽Natalie講，佢本來住緊嗰間屋應該唔可以繼續住落去,， 所以好似冇得揀一定要搬出嚟...
@@irock8888 睇嚟Natalie 都係見步行步, 竟揾到新方向！
越早獨立，越早成功🙏
@@irock8888 以香港的租金，如果能夠有儲蓄的習慣，忍耐一下，一年半载：儲蓄就可以有些成績，生活更愉快。
wincy笑容好sweet , 好warm 😊
每個人總要獨立，不能一直依賴家人，和長輩或許你不用交租，但再相處得好都會有磨擦，自己搬出獨立住，自由好多，但洗費都比較多，要有適當壓力才有成長
好有共鳴！一直想自己一個住好耐，2020年24歲終於自己有能力搬出去，最中意自己一個嘅空間，本身都係被照顧者，但自己一個就自然會自己照顧番自己同打理好自己空間，享受孤獨、自由
任可人都響往獨立自主的生活，和家人生活學習相處隱藏個性，慢慢會失去自我
只係過來人嘅感受！
我女兒從大學開始就一個人住，我經常問她一個人住的感覺，她說感覺很自由，很開心😃就是沒人洗衣做飯和搞衛生😂但如果給她再一次選擇仍然選擇一個人住😂
我喜歡煮飯但討厭洗碗，搞衛生靠即興
兩位，係打掃，唔係「搞衞生」🙏🏻🙏🏻🙏🏻
@@kingmr.9854 無人鍾意洗碗架。😂
見到原來其他人同自己獨居嘅生活都好相似🥹 多謝MM分享～ 祝各位獨居嘅你地都會生活得愈黎愈好，亦喺獨處嘅時候學會平靜帶比自己嘅好處，可以靜落黎思考更多自己人生～ 獨居唔一定孤獨，因為真係有好多同路人呀😍 大家加油😙😙
原來係咁。
受訪者提到任職social designer是社區設計師（字幕好像未有specify），與平常認識的不同呢～社區設計對社區建立很重要❤❤❤感謝MM！
勁呀!! 我做嘅嘢主要同space hack有關😆
😮孤陋寡聞.... 我以為係social media嘅designer....
@@WincyLam 曝光率多左小心網上識錯人
@@yartarse2973豬仔好搶鏡😂
@@WincyLam 我都係豬仔迷😆😍
一個健康的成年人，應要自食其力，獨當一面，你可選擇自己喜歡的生活模式，無論是獨居或與家人共住，都是你的選擇，共住一定要互相遷就，獨居一定是經濟和自理壓力大一點，完全是你可以自由選擇，不須埋怨，不要諉過於別人。
今集睇到Natalie真實既其中一面，加油！！💪🏻💪🏻
😢😢看得見的成長 看得見的壓力
呢個故事講得好 👍🏻
多謝分亨獨居点滴，祝生活愉快!
我同屋企人住其實關係都唔錯，但都想選擇搬出黎自己住。
有少少特別，我搬左出黎住一年，最近先裝修所以暫時返返去同屋企人住，一開頭都好舒服（唔使自己做家務煮飯），但唔夠兩個月已經好想快啲搬返自己住。
已經冇乜同屋企人爭執磨擦情緒勒索戈啲，所以自己住戈種自由真係好有吸引力
幾年前我都係裝修番過屋企做廳長4個月(本身張床已經畀雜物....) 唔多用既放係迷你倉慳錢. 的確係頂唔順架. 果幾個月係好想快D裝修完番去, 因為自己慣左做D咩都冇人知. 但係"人地屋企"就冇晒安全感咁.仲有.就係你唔係度住佢地就想你成日番去, 但果幾個月你日日係度.佢就問你點解你仲唔走去番工(阻住個廳...)
@@raymanho925唔...
今集好好睇，期待下集
呢個系列好睇
好impressed 嘅系列 加油Natalie😢🤍
睇到有啲感動，好·share到嗰種young adult面對個人成長起跌嘅喜悅~
respect自己搬出泥嘅女仔
好題材，貼地寫實又感人！
一個人住雖然要應付好多開支同事情，但得到自由同獨立空間，最重要係自己覺得舒服同開心，欣賞wincy由屋企照顧到獨立生活都適應到
Very powerful series. Please keep this up!
獨居咗16年嘅40歲中年男人表示一個人生活其實好enjoy, 但係我好明白有嘢想同人分享但係唔知同邊個講嗰種孤獨感, 不過呢啲會慢慢習慣~ 獨居嗰種自由度係嬴晒!!!!!
呢集睇完有種莫名既感動
我都係獨居 睇到好有共鳴 雖然有時好孤獨 但可以自由自在 享受自己既空間 係無價❤️
真係好想親身讚你哋，真係好勵志，俾心機
發現同wincy都經歷緊相似既事~自己都係21年尾搬左出嚟，都係壓抑左自己好耐，出到黎自己住真係好多問題都要自己解決，但就冇以前個人咁緊張咁大壓力咁~係開心返d~~
p.s🪳真的很可怕😂一見到就要打死😂
我都係自己一個住，一個人住有佢好處，又要面對好多困難，有好多事情都需要自己去處理，希望呢一個新嘅系列，可以睇多啲同路人嘅睇法同生活🎉
especially living in a single house in Canada!
一个人住真系自由，开心最重要！加油！
好欣賞呢個女仔，自立有自己諗法。我都自己一個住過劏房，搬出黎自己住咩都要靠自己，先發覺原來在家真係千日好。所以好想同wincy講，你真係好犀利吖！
喺香港呢個寸土寸金嘅地方，即使係細小嘅空間都可以搵到快樂同埋滿足。
wincy係正正子🙂
respect❤ Natalie 同Wincy 2個女仔有種溫馨感
🙌我以前都係一個女仔獨居、去旅行。好自由自在，空間好開心❤
呢個主題好好睇，我都經歷緊，好有感觸，為左住無晒物質慾望，香港生存真係唔容易，由其你仲要一個女仔，堅強👍👍👍
Natalie好厲害! 一個人仲會煮3餸一湯，我成日都覺得一個人買餸好難(好難預份量，買得多食唔哂，買得少喺街市又會唔好意思)，再加上覺得唔值得為自己花咁多功夫，所以長期求其煮個麵就算...
Well done 😃 Keep up with the motivating, inspiriting good lifes story. Good luck
以一敵百「小強」，呢種勇敢，好多男子漢都不及，實在佩服！佩服！
我上年都自己搬左出嚟，一直都有懷疑自己呢個決定，因為屋企人都比較傳統，而家都係覺得我好地地做乜搬出去。聽到有同路人有相似經驗，覺得好感觸。喺香港有自己空間真係好難，呢種感覺，我覺得我十年後嘅自己不會後悔。雖然洗費係大左，但被迫接受現實係好事，共勉之！
我己經一個人住了差不多10年，獨處唔會悶，其實好多野做，同埋習慣靜了，有時可以好好自己享受獨處，而家還喜歡斷捨離，唔要既野送走
內容唔錯。多謝MM❤
好慼觸😭我都係差唔多歲數自己住,1個人起初一有病痛真係好唔開心,錢少咗,日常生活又多嘢,再返工加讀書真係好忙.但搬出黎多咗自己空間,可以唱歌講電話,著衫沒包袱,仲可以有遲黎嘅拍拖,其實係輕鬆咗,開心咗.😁
Nice topic
問題其實唔完全係間屋既大細到, 而係有幾多既空間係比你覺得舒服，安心。
有D地方都好大, 但都好多人選擇離開。一言以蔽之, 吾心安處是吾家。
好好睇
非常好睇❤
好感動，在被照顧中成長的人，竟然可以選擇走人艱難，並且能克服一個個難關， 漸漸褪變成一個堅強的人， 有這樣的年青人，實在是我們這個城市的福氣，加油呀！多謝妳也教了我一些生命榜樣。 想起一首歌詞送給妳和影片主拷持人: 生存即使得一次， 也願意繼續試 不管風雨 ，是成敗也好 誰能預知際遇 ，只知用心活一次。 一位人生走過五十多年的長輩:永高
十幾年前， 屋企阿媽開咗我部私人電腦 電腦睇我有咩片， 經歷過一段家庭公審 ( 女版黃霑嘅聲調, 魚蝦蟹滿天飛 。)後， 要善後家庭糾紛直頭要寫一啲類似長篇論文先至解決到佢哋嘅疑惑 ！！！
所以 一個人出嚟住非常緊要。😢
呢十年都已經慣咗一個人住。
知足常樂🎉
好叻! 有勇氣!👍💪💪💪💪💪🍎🍎
香港的青年人加油！盼望你們可以有出色的一天！
題材好好👍
多謝支持！
加油啊，Wincy
好正能量Wincy， 加油！
其實人去到老時候都是一個生活，仔女大了有自己生活，早啲學習一個人生活及學習那份孤獨感覺，到老時候就唔會怕孤獨了😅
今集做得非常之好
個女仔幾靚 !~
MM should made a season series for visit many small house, i'm interest to see how to handle Small house problems.
natalie 啲片好好睇 人又順眼 會睇晒
唔鍾意就係唔鍾意，幾多千尺根本唔重要，亦唔需要提原本住幾大，同家人斷聯絡，睇黎佢無需要留錢供養父母，自己一個搵萬幾蚊自己一個住點會辛苦。一個人大左出嚟住好合理，唔係一d奇怪事，事實上好多人都係咁。
Natalie & Wincy 兩個都好叻女呀😎👍👍
每個人追求嚮往嘅野都唔同，如果我自己搬出嚟住，我期待嘅係一間大村屋，唔會考慮住100～150劏房(可能本身我住緊一間好細嘅公屋啦～😅)....
無可奈何村屋租金太貴啦，睇番個人工，計番現有開支、加埋預算雜費、仲有比錢屋企人，已經唔諗繼續儲蓄添啦……所以根本撐唔起....💔
不過我覺得你哋兩個搬出嚟獨立生活嘅經驗，反而係更加提升將來係群體嘅生活/工作 同人相處嘅能力~👍👍👍❤❤❤
又乖叻女！
好睇🤘🏻
我覺得我同Wincy 既情況都幾似..例如同屋企人既關係...屋企人點樣"照顧"我同去幫我決定去行咩路...
所以我真係好明白Wincy點解願意由900呎搬去150呎...換係我...就算要我由1500呎搬去150呎 我都肯
但唔同既係...Wincy有勇氣去克服困難 搬出黎住...
而我就無呢份勇氣
所以我真係好佩服Wincy!
加油呀...
自由係需要付出代價...
呢份代價...對於Wincy...或者將來既我黎講...其實真係好值得...
所以...我都希望將來有一日..我會有能力自己一個搬出去住...
多謝！
多謝Ringo!
我自己由細到大從未想過搬出來自己住，這個topic幾好，好寫實，入黎睇下年青人的想法及生活，可以了解下。好叻呀！年輕人加油！💪💪
證明你好幸福❤🎉
劏房嚟講，有獨立厨房（唔係開放式）又有乾濕分隔嘅厠所，放得落一張梗床，$6500其實算唔錯。我而家都係一個中女住劏房，但要瞓梳化床，個厠所冇乾濕分，要整乾都好麻煩。而我張飯枱冇佢咁大添⋯
我呢d細細就同屋企人住唐樓劏房,一路住到等到公屋上樓,跟住後來買到樓做業主,先叫一步步改善居住環境，唔會再走回頭路去住劏房虐待自己
我愛Natalie 講完
兩位都係叻叻女!
有啲擔心條片會透露左Wincy所居住的地點，可能要考慮剪走部分片段，以保障受訪對象安全🙏🏻
私人空間真係好重要
大細係其次！
謝謝你的講述.
我自己一個住個陣間房都係買啲自己砌嘅workbench, 上面再放厚床褥，起身就揭起張床褥就有枱用，workbench下面通常都有好大嘅儲物空間，我會影相有器材，做衫有布料衣車都係放workbench下面，無咁多範嘅人應該可以放衫褲雜物個啲，
可以買個啲伸縮棍撐著天花同地下做大衣櫃，同隔簾，咁就可以擋到大部分油煙味
首先想讚揚WINCY 同 NATALIE 既行動力~ 香港好多人有拖延症 , 能夠有行動力去做到自己想做既事 , 從而又能否獲得唔同經驗已經算係一年好好既事~ , 希望每一位獨居既男男女女都活得開心~ 祝福同欣賞你地~ 感受過先可以有能力講出真正既不同 , 你地已經為自己上左好好既一課~